Tech Xtream

محكمة إسبانية حكمت على امرأة استخدمت نسخة مقرصنة من نظام ويندوز وبرنامج مايكروسوفت أوفيس بالسجن 6 سنوات ودفع غرامة 3600 يورو 😯

إليكم قائمة بأكثر 🔟 لغات برمجة مطلوبة في سوق العمل يمكن تعلمهم ذاتيا من الإنترنت 👨‍💻 https://bit.ly/2SOUl4O

معلومة لو فتحت موقع بيبدأ بـ http فمزود خدمة الإنترنت بتاعك يقدر يعرف أي صفحة بتزورها على الموقع ده. نسبة قليلة جدا من المواقع لسه بتستخدم البروتوكول ده. لو فتحت موقع بيبدأ بـ https (حرف S الزيادة اختصار Secure) مزود الخدمة يقدر يعرف الموقع اللي بتزوره لكن بنسبة 99.99% مش هيقدر يعرف الصفحات اللي زرتها على الموقع ده. مثال: موقع يوتيوب بيستخدم بروتوكول https لو فتحت فيديو مزود الخدمة ممكن يعرف إنك فاتح يوتيوب لكن مش هيعرف انت بتشوف أي فيديو. لو استخدمت VPN مزود الخدمة مش هيعرف لا المواقع ولا الصفحات اللي فتحتها.

منتدى Hydra الروسي على الدارك ويب حقق مبيعات خلال عام 2020 وصلت 1.3 مليار دولار 😯 المنتدى الروسي حاليا متربع على عرش أسواق الدارك ويب ومحتكر ما يقرب من 75% من الأرباح اللي بتحققها المتاجر على الدارك ويب. المنتدى عبارة عن سوق لعرض أي نوع من أنواع السلع الغير قانونية زي المخدرات، البطاقات الائتمانية المسروقة، وثائق الهوية، الأموال المزورة.. وكمان الموقع بيوفر خدمة تحويل الرصيد من العملات المشفرة إلى فلوس حقيقية وبيتم تسليمها لأصاحبها في أماكن سرية. خدمات مش متوفرة ولا في البنك الأهلي

لو حابب مجال الـIT ومحتاج تعرف أهم الوظائف الموجودة فيه أو عندك فضول تعرف أهم وظائف هيزيد الطلب عليها في المستقبل هتلاقي كل حاجة في المقال ده 👇 أهم 🔟 وظائف تقنية سيزداد عليها الطلب في المستقبل 🔥 https://bit.ly/3wJc10v

الكشف عن أول عملية قتل لطائرة آلية بدون موافقة بشرية ❌ تقرير صدر عن الأمم المتحدة كشف عن عملية قتل حصلت في مارس عام 2020 قامت بها طائرة آلية مسيّرة Drone بدون الحصول على موافقة من القائد أو مسيّر الطائرة ! الطائرة من نوع Kargu-2 تركية الصنع قتلت أحد الجنود في ليبيا وتحديدا من جيش خليفة حفتر أثناء قيامهم بعملية انسحاب. الطائرة دي مصممة لعدة أغراض منها التعقب، التفجير الذاتي، الاشتباك مع العدو، تكوين سرب من عشرات الطائرات لعمل هجمات منظمة.. والطائرة بتشتغل في وضع القيادة اليدوية من خلال شخص واحد فقط، أو وضع القيادة الآلية. أثناء عملية القتل كانت الطائرة بتعمل في وضع القيادة الآلية بدون تدخل بشري.. ومن وقت عملية القتل حتى الآن لم يتم تفسير سبب قيام الطائرة بعملية الاغتيال.

الشرطة البريطانية وصلها معلومات عن نشاط مشبوه في مبنى مهجور على أطراف مدينة برمنجهام.. لما الشرطة بدأت تراقب المكان شافوا ناس مختلفة بيترددوا على المبنى، وجود فتحات تهوية كتيرة، ولما طيروا درون عشان تجمع معلومات أكتر الدرون اكتشفت كمية حرارة غير طبيعية خارجة من المكان. كل المعلومات كانت بتشير إلى وجود مزرعة حشيش في المبنى ده ولما الشرطة هجمت على المكان اكتشفوا إنه عبارة عن مزرعة لتعدين البتكوين. الشرطة صادرت كل معدات التعدين بالرغم من إن التعدين قانوني في بريطانيا ولكن لأن اللي عملوا مزرعة التعدين كانوا سارقين كهربا 😂

ازاي تفعل خاصية Profile Lock على حسابك 🤔 خاصية قفل الملف الشخصي هي خاصية متاحة لحسابات فيسبوك في بعض الدول، بتسمح للمستخدم إنه يمنع أي حساب آخر على فيسبوك مش في قائمة أصدقائه من رؤية معلوماته الشخصية أو المحتوى اللي بينشره على حسابه.. ولو شخص مش صديق دخل للحساب هيظهر له الحساب ابيض يا ورد زي الصورة اللي في البوست. الميزة دي زي ما قولت مش متاحة إلا في دول معينة، لكن ممكن يتم تفعيلها على أي حساب بطريقة سهلة جدا شرحها في الفيديو البسيط ده من الكمبيوتر أو من الموبايل 👇 https://youtu.be/jzY8gfnleko

مشكلة الدارك مود في تطبيق الفيسبوك مشكلة عالمية وحسب تصريح الشركة إن المشكلة اتحلت في موبايلات الأندرويد

سوق العملات الرقمية بدأ يتعافى بشكل جيد بعد موجة الهبوط الحادّة التي حدثت هذا الأسبوع ↗️↗️↗️↗️

مجموعة من متداولي العملات الرقمية جابوا آخرهم من عته إيلون ماسك وتلاعبه بسوق العملات الرقمية بتويتاته وآخرها كان الكلام بشكل سلبي عن آثار البتكوين على البيئة وتوقف شركة تيسلا عن قبول المدفوعات بالبتكوين وعن تفكير الشركة في بيع رصيدها من البتكوين.. ده غير وصفة لعملة DOGE بالاحتيال. الكلام ده اتسبب في انخفاض حاد للبتكوين واللي اتسبب بدوره في موجة انخفاض حادّة في سوق العملات الرقمية بالكامل. اخواننا دول أطلقوا عملة اسمها STOPELON$ هدفها الصعود على 4 مراحل واكتساب قيمة حقيقية عشان يقدر ملاكها يتحكموا في أسهم شركة تيسلا وقيمتها السوقية من خلال التلاعب بعمليات بيع وشراء أسهم الشركة. العملة سعرها زاد أكتر من 5000% من بداية إطلاقها وحاليا سعرها 0.000105841$ وإجمالي قيمتها السوقية يقترب من 55 مليون دولار.

كورس كامل 30 ساعة لتعلم الاختراق الأخلاقي بدون حاجة لخبرة مسبقة 🔥 الكورس مجاني لفترة محدودة 👇 https://bit.ly/3vgbFOI

كورس كامل 30 ساعة لتعلم الاختراق الأخلاقي بدون حاجة لخبرة مسبقة 🔥 الكورس مجاني لفترة محدودة 👇 https://bit.ly/3vgbFOI

شركة آبل رفضت طلب إدارة فيسبوك بإزالة التقييمات السلبية الأخيرة للتطبيق على متجرها 🤣 التطبيق تقييمه حاليا 5/2.3 على الآب ستور وده أدنى تقييم في تاريخه ⬇️⬇️

عملات رقمية لها مستقبل 🔥🔥 عملة Holo | السعر الحالي 0.007 💲 بداية العملات الرقمية كانت من خلال ابتكار نظام لا مركزي يوفر السيطرة الكاملة للمستخدمين على العملة، بدون وجود مؤسسة بتتحكم في النظام زي ما بيعمل البنك على سبيل المثال. ابتكار نظام البلوك تشين وفر للمستخدمين بديل قوي عن وجود نظام مركزي متمثل في مؤسسة بتتحكم في العملات وكان البديل ده هو "الإجماع". في حالة أجمع أغلبية مستخدمي شبكة بتعتمد على البلوك تشين على شيء معين بيتم توثيق الشيء ده وبيصبح جزء من سجل الشبكة. نظام الإجماع ده هو اللي بتستخدمه عملات زي البتكوين عشان توثّق المعاملات المالية وتسجلها داخل الـLedger أو دفتر الأستاذ الخاص بيها، واللي من خلالها بيقدر المستخدمين يرسلوا ويستقبلوا العملة بدون حدوث عمليات نصب أو أي مشاكل مشابهة داخل النظام منذ بداية ابتكاره إلى الآن. بالرغم من عبقرية فكرة البلوك تشين لكنها لم تخلُ من عيوب ممكن يتم اعتبارها عيوب مؤثرة على أي نظام بيستخدمها مثل إن عملية الإجماع بتحتاج وقت طويل للإتمام، استهلاك مفرط للطاقة، تأثيرات ضارة على البيئة، محدودية عدد المعاملات داخل شبكة البلوك تشين نظرًا لاعتمادها على إجماع المستخدمين. النظام ده ظهرت منه نسخ متطورة أو شبيه مثل Etheruem | Tezos وغيرها بتحاول تتلافى عيوبه وتوفر مميزات أكتر.. لكن النظام اللي هتكلم عليه اسمه نظام Holochain، وده عبارة عن Framework أو إطار برمجي بيقدر من خلاله المطورين يبنوا تطبيقات بتعتمد على اللا مركزية بشكل كامل وأسرع أضعاف سرعة تطبيقات البلوك تشين وبدون حاجة إلى الإجماع. النظام ده حاليا بيقدم حاجة العالم كله محتاجها بمميزات مش موجودة في نظام تاني، وده اللي دفعني للاستثمار في العملة اللي أطلقها وهي عملة الهولو Holo واختصارها HOT. ده فيديو مختصر عن مشروع الـHolochain والمميزات الكتير اللي بيوفرها واللي هتكون خطوة إضافية نحو إنترنت لا مركزي، واتكلمت في الفيديو بردو عن عملة المشروع وتوقعات حول مستقبلها وكيفية شرائها من الإنترنت 💲 https://youtu.be/Dms6AibGSEY

استمرار تأثر سوق العملات الرقمية بعد قيود فرضتها الصين على استخدام الشركات والمؤسسات المالية للعملات الرقمية ⬇️⬇️ فرصة مناسبة للشراء 👌

بداية من الساعة 12 صباحا إن شاء الله هنعمل تسجيل خروج من حسابنا على فيسبوك ولمدة يوم كامل اعتراضا على عنصرية الشركة الممنهجة ضد المحتوى المناصر لفلسطين وحذفه وتعليق أو حظر المستخدمين اللي بينشروه. الخطوة دي أهم من التقييمات.. لأن عدم وجودك على المنصة معناه إن الشركة مش هتقدر تعرض لك إعلانات وده يساوي خسارة للشركة حرفيا. فيسبوك لما بيعطل ساعة واحدة بيخسر الشركة ملايين الدولارات.. اشتراك كل شخص معانا هيفرق. يا ريت لو في نفس الوقت منستخدمش منصات الفيسبوك التانية زي ماسنجر | انستجرام | واتساب عشان تأثير المقاطعة يكون أكبر. في منصات تواصل تانية ممكن نقضي اليوم عليها بكرة زي ريدت | كورا | تويتر | تيليجرام وغيرها. ساعدنا على توجيه رسالة معينة لخنزير معين 🐷

إطلاق نسخة البيتا للنسخة الجديدة من نظام الأندرويد Android 12 مطوري جوجل قالوا إن النسخة دي فيها أكبر كم من التغييرات في شكل وتصميم النظام في تاريخ النظام بالكامل 😋

مؤسس تيليجرام يفتح النار على شركة آبل 🔫 باڤل دوروف مؤسس تيليجرام نشر بوست حاد على قناته على تيليجرام ووصف مستخدمي الآيفون بإنهم عبيد لشركة آبل. البوست كان تعليق على تقرير نشرته مجلة نيويورك تايمز عن موقف شركة آبل من الحكومة الصينية وطلبها تخزين بيانات المستخدمين الصينين في مراكز بيانات داخل الصين ومملوكة وبتدار من قبل شركة تابعة للحكومة. البيانات دي بتتخزن بدون تشفير بقرار من الحكومة.. ويقدر أي حد من الشركة بسهولة يوصل لبيانات المستخدمين. شركة آبل اختارت الموافقة بشكل أعمى على كل طلبات الحكومة الصينية والسماح ليها بالوصول والتجسس عل مستخدميها مقابل الاستمرار في بيع منتجاتها داخل السوق الصيني بدون مضايقات. باڤل اتكلم بردو عن معاناته لما بيستخدم الآيفون لتجربة التطبيق وإنه بيحس بإنه رجع للعصور الوسطى.. خصوصا إن معدل تحديث شاشات الآيفون لسه 60Hz في الوقت اللي شاشات الأندرويد وصلت 120Hz وده طبعا بيأثر بالسلب على جودة العرض وسلاسة الأنيميشن. بردو من ضمن كلامه عن مستخدمي الآيفون إنه وصف بالعبيد الرقمي لآبل لأن أجهزتهم مقيدة لاستخدام حاجات معينة زي مثلا عدم القدرة على تحميل تطبيقات إلا من متجر الشركة، وعدم القدرة على النسخ الاحتياطي افتراضيا لبيانات الآيفون إلا على خدمة آي كلاود المملوكة للشركة.. وغيرها من القيود اللي بتجعل سيطرة آبل على الآيفون أكبر من سيطرة مالك الآيفون نفسه !