Tech Xtream

عبة Warhammer: Vermintide 2 متاحة مجانا على ستيم. اللعبة ممتازة وتقدر تضيفها دلوقتي وهتفضل في حسابك للأبد.

لعبة Warhammer: Vermintide 2 متاحة مجانا على ستيم. اللعبة ممتازة وتقدر تضيفها دلوقتي وهتفضل في حسابك للأبد.

إدارة تويتر بعد ما فصلت 50% من الموظفين بتوعها اكتشفت إنهم محتاجين موظفين كتير من اللي اتفصلوا.. ودلوقتي عايزينهم يرجعوا تاني 🤡

تاريخ ثعباني شوية..

👀

خلال آخر 12 شهر وصل حجم الإنفاق على شراء الأراضي الافتراضية في مشاريع الميتافيرس إلى 2 مليار دولار 😯 احتلت مشاريع Voxels | Sandbox | Decentraland صدارة قائمة أكثر الأراضي المباعة. قامت الكثير من كبرى العلامات التجارية حول العالم مثل Samsung - Ubisoft - Adidas - Atari - Gucci بشراء أراضي على هذه المشاريع لإنشاء متاجر افتراضية. اشتريت أراضي في الميتافيرس ولا ناوي تعمل زي جدك؟

بداية من الشهر الجاي هيتم تحديد استهلاك الإنترنت الفضائي لشركة ستارلينك بحجم ثابت 1 تيرابايت في الشهر. مع زيادة عدد مستخدمي الخدمة بشكل مستمر؛ بدأ يحصل في بطء في الاتصال عند بعض العملاء خصوصا في أوقات الذروة، عشان كدة الشركة قررت تحديد الاستهلاك الشهري بـ1 تيرابايت للمستخدم، والترافيك ده هيكون ليه الأولوية. بعد انتهاء الباقة دي هيفضل العميل مستمر في الاتصال بالإنترنت لكن بسرعة أقل. في خيار تاني ممكن استخدامه وهو شراء باقة إضافية بسعر 25 سنت لكل جيجابايت. تقريبا شركة Starlink عينت حد من WE يظبطلهم نظام الباقات المفتوحة، وبالمرة إيلون ماسك يلم شوية فلوس عشان الديون اللي عليه..

سمعت قبل كدة عن لعبة صب واي Subway Surfers قبل كدة ويمكن بتلعبها على موبايلك 🤔 تعرف إن أصحاب اللعبة دي أرباحهم حسب موقع Sensor Tower وصلت إلى 400 ألف دولار شهريا من مستخدمي الآيفون فقط. مجال صناعة تطبيقات الموبايلات بقى من أهم الصناعات المربحة لكن الميزة فيها إنك ممكن تبدأ من الصفر من غير ما يكون عندك رأس مال أو خلفية في البرمجة. ده مسار شامل تقدر من خلاله تعرف أهم مسارات تعلم برمجة تطبيقات الأندرويد من الصفر إلى الاحتراف وإيه أفضلهم وازاي تبدأ 👇 https://bit.ly/2B8weCp

موظفين تويتر رفعوا قضية على الشركة بعد محاولة الشركة لتسريح 50% من الموظفين بدون إشعار مسبق قبل 60 يوم حسب القانون الفيدرالي. الحج ماسك اتورط في صفقة تويتر واتعلم عليه.. لأنه اتسرع في دفع 44 مليار في حين إنه كان يقدر يصبر شوية وياخد الموقع بمبلغ أقل من كدة. دلوقتي مطلوب منه يقلل نفقات الشركة ويزود أرباحاها لسداد الديون، وبيحاول يحقق ده من خلال: ▪️ تسريح 50% من الموظفين ▪️ تقليل نفقات البنية التحتية بمقدار مليار دولار سنويا ▪️ بيع علامة التوثيق ومميزات تانية باشتراك شهري 8 دولار ▪️ غالبا هيتم طرح مميزات تانية في تويتر باشتراكات جديدة بالمناسبة شركة تويتر (باحتساب العوائد) بتخسر 3 مليون دولار يوميا.

لما شركة جوجل تعمل مسابقة تحدي لاختراقها فالناس تروح تبحث في جوجل عن طريقة اختراق جوجل..

شركة مايكروسوفت عندها أداة لطيفة كدة اسمها Copilot، بتوفر للمبرمجين اقتراحات تلقائية للكود اللي بيكتبوه.. حاجة كدة زي لما تكتب حرف والكيبورد تقترح عليك باقي الكلمة.. لكن الأداة دي مش مجرد بتكمل كلمة وخلاص.. دي ممكن تكتب فانكشنز كاملة من خلال فهم سياق الكومنت اللي كتبه المبرمج. مايكروسوفت حسب تصريحاتها طورت الأداة دي من خلال تدريبها بالذكاء الاصطناعي على مليارات الأسطر من الأكواد. جابت الأكواد دي منين؟ من المشاريع مفتوحة المصدر الموجودة على منصتها GitHub. طبعا الموضوع ده سبب غضب عند عدد كبير من المبرمجين، لأن الشركة استخدمت تطبيقاتهم مجانا في تدريب الأداة بتاعتها، وبعد كدة تربحت من الأداة لأنها باشتراك شهري، وفوق كل ده الأداة بتقترح أكواد منقولة بالحرف من مستودعات مبرمجين على الموقع. يعني الأداة مش في كل الحالات بتألف الكود بنفسها زي ما مايكروسوفت بتقول. ده غير إن الشركة انتهكت حقوق الملكية للمبرمجين، لأن أيوة الكود مفتوح المصدر لكن في رخصة أو شروط لازم تلتزم بيها عشان تستخدم الكود، منها حفظ حقوق المبرمج الأصلي، وده طبعا مش بيحصل في حالة أداة Copilot. المهم في دعوى قضائية جماعية بيتم تجهيزها دلوقتي ضد شركة مايكروسوفت من عدد من المبرمجين، واحتمال نشوف خناقة لطيفة شبيه بخناقة جوجل وأوراكل.

شركة إنفينكس وهي بتسوق موبايلاتها..

إيلون ماسك مش عاجبه نظام اللوردات والفلاحين بخصوص علامة توثيق الحسابات.. فهيخلي الفلاحين يدفعوا 8 دولار في الشهر..

واحد عامل لعبة صراع للبقاء اسمها The Store is Closed.. قصتها بتدور في متجر أثاث.. شركة إيكيا بعتت تهديد لمطور اللعبة عشان يغير تصميمها لأنه شبه تصميم المتاجر بتاعتها 😂

في مثل هذا اليوم قبل أربعة عشر عامًا نشر شخص تحت اسم مستعار الورقة البيضاء لنظام مالي إلكتروني لا مركزي اسمه بتكوين. في يوم 31 أكتوبر 2008، وعلى أعقاب الأزمة التي ضربت الاقتصاد العالمي وتسببت في واحدة من أسوء فترات الركود في التاريخ، نشر ساتوشي ناكاموتو الورقة البيضاء للبتكوين المكونة من تسع صفحات فقط يستعرض فيهم المؤلف / المؤلفين فكرة إنشاء نظام مالي لا مركزي موثوق بدون حاجة إلى وسيط (البنوك). الأفكار التي ناقشتها الورقة البيضاء وتوقيت نشرها يدل على أن البتكوين لم يكن مجرد فكرة لنظام نقدي إلكتروني، ولكن على الأرجح ثورة على نظام نقدي مركزي فاسد تتحكم فيه قلة معينة من الأشخاص / الجهات المعروفة وغير المعروفة، والتي سببت سياساتها الاقتصادية الغبية واقعًا أليمًا للطبقات المتوسطة والفقيرة آنذاك، وما زالنا نرى أثرها حتى اليوم. انطلقت العملة بسعر أقل من سنت واحد لتصل خلال أعوام قليلة إلى مستوى أعلى من 69 ألف دولار للعملة، كأسرع الأصول على الإطلاق وصولًا إلى قيمة سوقية تتجاوز التريليون دولار. قسّم البتكوين العالم إلى فريقين؛ بين من يرى أن الفكرة كلها نصب وخداع للمستخدمين، وبين من يرى أن البتكوين سيكون المعيار والنظام النقدي الأول في المستقبل، وأنه أفضل اختراع على الإطلاق منذ ابتكار الإنترنت. إلى أي الفريقين تنتمي؟

رابطة الناس اللي مش مهتمة بالخناقة اللي في تويتر حاليا عشان مفيش عندها حساب ومش بتعرف تستخدمه أصلا..

واتساب بيختبر ميزة جديدة هتخليك تبعت رسايل لنفسك 🤔

السنة اللي فاتت شركة ميتا صرفت 45 مليار دولار لإعادة شراء 136 مليون سهم من أسهمها من السوق بمتوسط 330 دولار للسهم.. النهاردة سعر سهم ميتا 99 دولار.. بخسارة 32 مليار دولار