Tech Xtream

وظيفة المبرمجين البشر هتنتهي خلال 5 سنوات 👀 عماد مستاك المدير التنفيذي لشركة Stability AI (الشركة المسئولة عن Stable Diffusion أكبر نموذج ذكاء اصطناعي مفتوح المصدر لإنشاء المحتوى المرئي) قال في مقابلة إنه بيتوقع انتهاء عصر المبرمجين البشر خلال 5 سنوات. عماد استشهد بموقع بمستودع البرمجيات الشير Github وقال إن نسبة 41% من الأكواد الموجودة عليه حاليا هي من إنتاج أدوات الذكاء الاصطناعي. ➖➖➖➖➖➖➖➖➖➖➖➖ رأي شخصي: تصريح مبالغ فيه.

الحكم على شخص بالسجن 6 سنوات بعد ما سرق 23 مليون دولار من يوتيوب. الشخص استغل ضعف الرقابة في نظام حقوق الملكية على الموقع، وقدم مطالبات مزيفة بإنه صاحب حقوق ملكية أغاني وألحان على اليوتيوب، بالرغم من إنها بتكون متاحة على المشاع أو لم يتم تفعيل الربح عليها. في حالة الفوز بحقوق ملكية فيديو بيتم بشكل تلقائي إرسال أرباح جميع نسخ الفيديو الموجودة على اليوتيوب للشخص اللي فاز في المنازعة. على مدار 5 سنوات نجح الشخص ده في تأسيس شركة MediaMuv وتوظيف 8 أشخاص لمساعدته على الفوز بحقوق ملكية 50 ألف أغنية بالتحايل على يوتيوب، وربح 23 مليون دولار. في النهاية تم اكتشاف احتياله من دائرة الإيرادات الداخلية IRS وتوجيه تهم ليه منها التآمر والاحتيال الإلكتروني وغسيل الأموال، وتم الحكم عليه بالسجن 6 سنوات.

هسمحلك تشوف 300 بوست في اليوم 400 500 هو بينقط في فرح ولا إيه؟

امبارح شركة تويتر بدأت تخفي محتوى الموقع عن أي شخص مش مسجل دخول.. بمعنى إنك مش هتقدر تشوف محتوى الموقع إلا لو عندك حساب.. النهاردة ظهرت مشاكل جديدة في الموقع والمحتوى مش بيظهر للمستخدمين وبيتم عرض رسالة إن تم الوصول "للحد اليومي".. إيلون ماسك بعدها نشر عن قيود جديدة لمشاهدة المحتوى على الموقع: الحسابات الجديدة الغير موثقة 300 منشور في اليوم الحسابات الغير موثقة 600 منشور في اليوم الحسابات الموثقة 6000 منشور في اليوم بعد كدة قال إن الحدود دي هيتم زيادتها لـ 400 - 800 - 8000 على الترتيب. ماسك بيلوم على شركات الذكاء الاصطناعي اللي بتعمل زحف برمجي على الموقع لاستخراج محتوى منه "Data Scraping" لتدريب النماذج بتاعتهم. ➖➖➖➖➖➖➖➖➖➖➖➖➖➖ مواقع التواصل بتستخدم ميزة التمرير اللا نهائي، وبتصرف ملايين لتحسين خوارزميات المحتوى بتاعتهم عشان المستخدم يفضل في الموقع لأطول فترة ممكنة.. والمعتوه ده عايز يطفش المستخدمين منه 🙂

آبل أصبحت أول شركة عامة تصل لقيمة سوقية 3 تريليون دولار 💰💰 الشركة كانت وصلت لنفس الرقم في يناير 2022 لكن فشلت في الإغلاق على نفس المستوى. السهم تجاوز بالأمس السعر المطلوب للوصول لقيمة سوقية 3 ترليون دولار بعد ما تجاوز 190.73$ ونجح في الإغلاق على سعر أعلى. سهم آبل حقق ربح +49% منذ بداية العام.

شركة مايكروسوفت رفعت حجم باقة الـVPN المجاني لمتصفح Edge من 1 جيجابايت إلى 5 جيجابايت شهريا. المتصفح موجود فيه أداة VPN افتراضية من شركة Cloudflare بدون حاجة لإضافات خارجية. الخدمة حاليا ما زالت غير متاحة في النسخة الأساسية، ولكن تقدر تستخدمها من نسخة Edge Canary.

يوتيوب بيختبر حاليا حظر مشغل الفيديو بعد مشاهدة المستخدم 3 فيديوهات مع وجود أداة لحظر الإعلانات 🚫 النافذة المنبثقة اللي بتظهر للمستخدم بتعرضله خيارين بين إيقاف أداة منع الإعلانات أو تجربة يوتيوب بريميوم 💲

شركة مايكروسوفت بتخطط لتحويل نظام ويندوز بالكامل إلى السحابة ☁️ الشركة عندها بالفعل نظام Windows 365 وده عبارة عن نسخة سحابية من ويندوز موجهة للشركات.. لكن يبدو إن الشركة هتستهدف الأفراد قريبا. مايكروسوفت حاليا بتخطط لتحويل الويندوز كخدمة سحابية بتوصلها من خلال الاتصال بالخدمة مباشرة إلى جهازك/أجهزتك. الخبر ده بيأكد الأخبار اللي انتشرت الفترة اللي فاتت عن تخطيط مايكروسوفت لإنتاج شرائح خاصة بمنتجاتها زي آبل.

رسميا: الستوريز قادمة إلى تليجرام الشهر القادم 😢

انتهت شركات الاتصالات منذ أشهر من تجربة خدمة الشرائح الإلكترونية eSIM لتصبح الخدمة متاحة في مصر في انتظار الضوء الأخضر من الجهاز القومي لتنظيم الاتصالات. إليك كل ما تحتاج معرفته عن: ما هي الشرائح الإلكترونية؟ كيف تعمل وما هي مميزاتها؟ كيف تعرف إذا كان هاتفك يدعمها؟ 👇👇👇👇👇👇👇👇👇👇👇👇 https://bit.ly/3poFHlz

الشخص اللي قاد فريق في مايكروسوفت لإنشاء أداة البرمجة الشهيرة المعتمدة على الذكاء الاصطناعي GitHub Copilot قال إنه مكافئته كانت 20 ألف دولار وتعديل على لقبه الوظيفي 😂 الناس اللي عارفة فائدة وأهمية الأداة هيعرفوا مدى حقارة المكافأة.. شركة مايكروسوفت بتبيع اشتراك Copilot حاليا مقابل 10$ شهريا للأفراد و20$ للشركات..

القاعدة الأولى في نادي خدمة العملاء: الشهر 15 يوم

لو الويندوز عندك بطيء، أو جهازك ضعيف وعايز تخلي الويندوز يكون أسرع تقدر تستخدم Atlas OS 🚀 أطلس عبارة عن طبقة معدلة بيتم إضافتها على ويندوز عشان تحذف أجزاء من النظام غير هامة أو أهميتها محدودة وبيكون استهلاكها للهاردوير كبير. العملية دي بتحسن جدا من أداء النظام وبتخليه أسرع بكتير من نظام ويندوز الخام. الكود البرمجي لأطلس مفتوح المصدر، وتقدر تستخدمه بشكل مجاني تماما.. ودي أهم الأمور اللي بيعملها: ▪️ بيقلل من عدد العمليات في الخلفية ▪️ إزالة المكونات غير الضرورية في النظام ▪️ التخلص من تطبيقات مايكروسوفت المثبتة مسبقا ▪️ بيتم حذف أداة Telemetry اللي بجمع بيانات المستخدم من النظام ▪️ تعطيل بعض الخدمات زي توفير الطاقة - تحديثات الويندوز - ويندوز ديفيندر - RDP التعديلات دي بتخلي النظام خفيف جدا وبيكون فيه فرق كبير في الأداء.. مع تحسن على مستوى الخصوصية. أبرز عيوب Atlas OS إنه بيقلل مستوى الحماية على النظام بسبب وقف بعض الخدمات.. لكن المشروع أعلن إن بعض خدمات الحماية هتكون متاحة بشكل اختياري في التحديث القادم. عشان تستخدم أطلس بتنزل نسخة ويندوز عادية وستطبها، وبعد كدة تحمل حزمة Atlas OS مجانا وتثبتها على النظام.

واحد نايم في أمان الله والواتساب عمال يشغل الميكروفون ويسمع مع نفسه كدة.. وبعدين تلاقي إعلانات ظهرتلك عن حاجة كنت بتتكلم عنها وتسأل هما عرفوا منين؟

في عام 2012 وعلى منتدى 4Chan ظهرت هذه الصورة مع الرسالة التالية: "مرحبًا، نحن نبحث عن أفراد ذو ذكاء مرتفع، ولكي نجدهم فقد ابتكرنا اختبارًا.. هناك رسالة مخبأة في هذه الصورة، ابحث عنها وسوف تقودك على الطريق كي تجدنا، نحن نتطلع إلى مقابلة القلة الذين سوف يتمكنون من إكمال الطريق. حظًا طيبًا". بدأ المتابعون البحث في الصورة ليكتشفوا وجود رسالة مشفرة بشفرة قيصر، لتبدأ بعد ذلك سلسلة من الألغاز نجح في حلها 20 شخصًا من حول العالم ليصلوا إلى النهاية !؟ هذه الصورة صنفتها جريدة الواشنطن بوست ضمن أكثر أسرار الإنترنت غموضًا والتي لم يُعرف من خلفها حتى الآن. في المقال التالي قمتُ بتتبع ألغاز هذه الأحجية مع شرح لكل لغز حتى الوصول إلى النهاية 🕵️‍♂️ https://bit.ly/38aghuf

الصين تتفوق لأول مرة على الولايات المتحدة في مساهمتها في البحث العلمي وفقا لمؤشر مجلة Nature 👀 على صعيد المؤسسات احتلت الأكاديمية الصينية للعلوم CAS المركز الأول متفوقة على جامعة هارفارد الأمريكية (2) وجمعية ماكس بلانك الألمانية (3) والمركز الوطني للبحث العلمي الفرنسي (4). احتلت المؤسسات البحثية الصينية 6 مراكز من المراكز العشر الأولى 🤔

قبل ما تشتري هارد ديسك فيه مواصفات لازم تبحث عنها هتساعدك في حالة المقارنة بين منتجين عشان تعرف إيه الأفضل من ناحية سرعة القراءة والكتابة ومتوسط العمر الافتراضي زي: ▪️ معدل الدورات في الدقيقة RPM ▪️ حجم ذاكرة الكاش Cache Memory ▪️ متوسط دورات التحميل والتفريغ Load/Unload Cycles اعرف أكتر عن المصطلحات دي وأهميتها وازاي تقدر تستخدمها لتحديد جودة الهارد ديسك من المقال ده 👇 https://bit.ly/3wwrPp2

شركة أمازون أعلنت عن يوم البرايم لعام 2023 واللي هيكون 11 & 12 يوليو القادم ⏳ الـ Prime Day بيكون أفضل وقت في السنة للحصول على عروض وخصومات على منتجات كتير على أمازون.. وطبعا بيكون متاح للمشتركين في خدمة Amazon Prime (سعرها 29ج في مصر) وبيكون متاح على جميع متاجر أمازون حول العالم. فلو عايز تشتري حاجة وتوفر وتحصل على أفضل سعر انتظر يوم البرايم 👌

دلوقتي تقدر تعمل كتم للمكالمات الواردة من جهات الاتصال المجهولة على الواتساب 🔇

شركة آبل مقدمة على طلب في سويسرا عشان تخلي الصور اللي فيها تفاح علامة تجارية حصرية ليها 🍎 ده معناه إن أي استخدام للتفاح بشكل تجاري ممكن الشركة ترفع قضية لانتهاك علامتها التجارية. الخبر ده بجد والله..