Tech Xtream

شركة مايكروسوفت النهاردة أعلنت عن أول خطوة لدمج خدمة ChatGPT في محرك البحث الخاص بيها Bing. الخدمة حاليا متاحة على شكل نماذج بحث معدة مسبقا، يعني مش متاح البحث بشكل مباشر، لكن متاح التسجيل في قائمة انتظار لتجربة الخدمة البحث لما يتم طرحها. مايكروسوفت كمان عندها خطط لإضافة الخدمة داخل متصفح Edge، منها على سبيل المثال ميزة Chat واللي هتقدر من خلالها تسأل البوت أسئلة عن المقال أو المستند المفتوح في المتصفح. طبعا كل ده غير إن الخدمة هيتم إضافته لمنصة السحابة Azure وحزمة برامج الأوفيس وليلة كبيرة.. مايكروسوفت ناوية تحلب ChatGPT لآخر نقطة..

▪️ قسم الواقع الافتراضي في شركة ميتا حقق خسائر بقيمة 13.7 مليار دولار في 2022. ▪️ شركة ميتا تعلن عن خطة لإعادة شراء أسهمها بتكلفة 40 مليار دولار. ▪️ شركة ميتا تقرر طرد 11 ألف موظف لتوفير حوالي 2 مليار دولار نفقات. 3 أخبار مختلفة تعرفك قيمة الموظف في النظام الرأسمالي.

جوجل من ساعات أعلنت عن إطلاق أداة Bard وهي شات بوت منافس لأداة ChatGPT. الحقيقة يمكن ده أسوأ إطلاق لأداة من جوجل خلال السنوات الأخيرة بالرغم من أهميتها. مفيش معلومات كافية عن قدرات وخصائص الأداة، ولا هي متاحة للعامة أو في دول محددة، ولكن متاحة فقط لأشخاص معينين للتجربة، وده يوضح إن الاستعجال في إطلاق الأداة! إطلاق ضعيف أعطيه -1 من 10.

كشفت شركة آبل عن وصول عدد أجهزتها النشطة إلى 2 مليار جهاز، بزيادة 200 مليون جهاز في العام السابق. عدد أجهزة الأندرويد النشطة وصل إلى 2 مليار جهاز في عام 2017، وآخر رقم معلن من جوجل هو 3 مليار جهاز في 2021.

كورس مهارات من Google 👨‍💼 واحد من أفضل الدورات التدريبية اللي ممكن تدرسها على الإطلاق. الكورس في مجال التسويق الرقمي.. بيبدأ معاك من الصفر وطريقة بناء بيزنس أونلاين.. بعد كدة بتدرس مجموعة مهمة جدا من الموضوعات أبرزها: ▪️مفهوم التجارة الإلكترونية ▪️كيف تعمل محركات البحث ▪️كيفية تهيئة المواقع لمحركات البحث ▪️كيفية استخدام إعلانات جوجل Google Ads ▪️كيفية استخدام الإنترنت لتعزيز مبيعات نشاط تجاري محلي ▪️كيفية بناء متجر إلكتروني والاستفادة من التسويق بالمحتوى وبالفيديو ▪️كيفية عمل حملات إعلانية على الموبايل وباستخدام البريد الإلكتروني ▪️طرق استخدام مواقع التواصل الاجتماعي في جذب عملاء وجمهور للبيزنس الكورس بالعربي مكون من 26 وحدة ومدته بالكامل 40 ساعة، بيكون في اختبار بسيط بعد كل وحدة عبارة عن أسئلة اختيار من المتعدد، وفي نهاية الكورس بيكون في اختبار نهائي بعد اجتيازه بتحصل على شهادة باسمك من جوجل معترف بيها دوليا 🌍 ده مقال عن الكورس والمحتوى الخاص بيها وطريقة دراسته والحصول على الشهادة 👇 https://bit.ly/3hWJQDL

صورة لن يفهمها الكثيرون..

قناة WE على اليوتيوب اتهكرت 😂😂😂

🎈💥

سلاح الجو الأمريكي أسقط المنطاد الصيني 🎈 💥

تطبيق ChatGPT يصبح أسرع تطبيق يصل إلى 100 مليون مستخدم 🔥 ▪️ تويتر: 5 سنوات ▪️ فيسبوك: 4.5 سنة ▪️ واتساب 😠: 3.5 سنة ▪️ انستجرام: 2.5 سنة ▪️ تيك توك: 9 شهور ▪️ شات جي بي تي: شهران

امبارح مواطن في ولاية مونتانا الأمريكية شاف نجم في السما وطلع موبايله يصوره.. لكن اتضح إن النجم ده عبارة عن منطاد صيني عملاق، بيستخدم في التجسس وجمع المعلومات، وبقاله أيام بيطوف من ولاية لولاية. فور اكتشافه انطلقت مجموعة مقاتلات F-22 لاستطلاع المنطاد اللي كان هيتم ضربه لكن تم إلغاء القرار. المنطاد طوله يوازي طول 3 أتوبيسات، وكان بيحلق على ارتفاع 80-120 ألف قدم، وده أعلى من الارتفاع اللي بتحلق بيه الطائرات التجارية ومعظم الطائرات والمقاتلات الحربية. المناطيد دي كانت من أفضل وسائل التجسس وجمع المعلومات اللي كانت بتستخدم من عقود، خصوصا أيام الحرب الباردة بسبب رخص تكاليفها وإمكانية عدم رصدها. الموقع اللي تم رصد المنطاد فيه كان موقع قريب من واحد من صوامع الصواريخ النووية الموجودين في أمريكا 🙂

التليجرام تطبيق متكامل وفيه كل المميزات اللي أي حد محتاجها.. البنات:

تطبيقات فيسبوك بتستنزف بطارية موبايلك بشكل متعمد ⛔️ في قضية رفعها عالم بيانات وموظف سابق في شركة ميتا اسمه George Hayward بسبب رفضه المشاركة في تجارب تسمى "Negative Testing". تجارب الاختبار السلبي هي عملية بتقوم فيها الشركات باختبار بعض المميزات أو التعديلات الجديدة لتطبيقاتها بشكل سري على أجهزة المستخدمين بدون موافقتهم. التجارب دي ممكن تؤدي لمشاكل على أجهزة المستخدمين زي استنزاف البطارية لغاية 0%. جورج لما اعترض على المشاركة في عمليات الاختبار السلبي لأنها ممكن مؤذية، المدير قاله إن احنا بنؤذي قلة لصالح العدد الأكبر من المستخدمين !! القصة دي منتشرة بقالها 5 أيام، وكنت مستني الشركة تصدر نفي ولا حاجة قبل ما اكتب عنها، لكن يبدو إن الكلام صحيح. أنا نصحت الناس كتير تمسح تطبيقات فيسبوك من موبايلها بسبب التجسس وسرقة البيانات اللي بيعملوها. لو الموضوع ده مش فارق معاك دلوقتي التطبيقات دي هتجيب أجل بطارية الموبايل.

من أكتر البرامج المزعجة اللي كتير بيستخدمها برنامج التحميل المشهور إنترنت داونلود مانجر IDM واللي ناس كتير بتعتمد عليها في التحميل من الإنترنت 👨‍💻 طبعا مشكلة البرنامج إنه مش مجاني وبالتالي الناس بتفضل تدور على كراك عشان تفعل البرنامج وجهازها يتملى فيروسات ☠️ تقدر تستغنى تماما عن البرنامج ده وتستخدم برنامج مجاني بسيط جدا لكن بنفس إمكانيات IDM وأفضل كمان تقدر من خلاله تحمل أي ملف من الإنترنت، كمان تقدر تحمل تورنت بنفس البرنامج، ده غير إن البرنامج بيدعم اللغة العربية وليه إضافة تقدر تركبها على أي متصفح عشان تحمل منه زي IDM + إن البرنامج بيدعم تعدد مسارات التحميل وده بيساعده على توفير أعلى سرعة تحميل ممكنة ومميزات تانية كتير. ده مقال بسيط عن البرنامج فيه شرح عملي لطريقة تنزيله واستخدامه في التحميل من النت بسهولة 👇 http://bit.ly/3YkGhwF

شركة OpenAI عملت أداة اسمها AI Classifier بتقدر تحدد إذا كان النص مكتوب بواسطة إنسان أو أداة ذكاء اصطناعي. الأداة مش بتقدر تحدد الفرق بدقة إذا كان النص أقل من 1000 حرف، أو إذا تم التعديل على نص مكتوب باستخدام أداة AI لكن تم التعديل عليه بواسطة بشر. اللي بيعمل التاسكات والأبحاث بـ ChatGPT يخلي باله بقى 😅

اليومين اللي فاتوا انتشرت مقاطع صوتية لعدد كبير من المشاهير بيتكلموا فيها بشكل عنصري وبيوجهوا إساءات وتشجيع على العنف. المقاطع الصوتية دي انتشرت بفضل أداة الذكاء الاصطناعي الخاصة بشركة ElevenLab واللي بتسمح بنسخ أي صوت واستخدام محتوى مكتوب لإنشاء تسجيل بنفس الصوت بدقة لا يمكن للبشر تمييزها. الشركة حاليا بتفكر تطلب توثيق الهوية KYC من أي شخص عايز يستخدم الميزة بعد ما تم إساءة استخدامها. كدة الحمد لله بقى عندنا أدوات مجانية متاحة لتزييف الصور والصوت والفيديو. أي حاجة تشوفها على الإنترنت بعد كدة اوعى تصدقها 😂

الأسبوع ده قوة أمنية مشتركة من عدة دول أعلنت عن اختراقها لجروب الهاكرز المعروف باسم Hive ومصادرة الموقع الخاص بيهم على الدارك ويب. فريق Hive كان واحد من أكتر مجموعات الهاكرز النشطة في مجال استهداف الشركات والمؤسسات بفيروسات الفدية، وخلال سنتين من ظهورهم نجحوا في جمع أكتر من 130 مليون دولار من 1500 ضحية في 80 دولة ما بين شركات تجارية وبنوك ومستشفيات ومؤسسات تعليمية. القوة الأمنية المشتركة نجحت في اختراق موقع Hive والحصول على مفتاح فك التشفير، لكنها لم تنجح في القبض على أي عضو من أعضاء الفريق.

ما هو الباد سيكتور Bad Sector؟ الباد سيكتور أو القطاع التالف هي مشكلة تحدث في وسائط التخزين بجميع أنواعها، وهي أكثر شيوعا في الأقراص الصلبة.. وينتج عنها التوقف استخدام هذا القطاع في قراءة أو كتابة البيانات. القطاع هو أصغر وحدة للتخزين، وغالبا ما يكون حجم القطاع الواحد 4 كيلوبايت. قد يتعرض القطاع للتلف لعدة أسباب منها: ▪️ تعرض الهارد للصدمات ▪️ الانقطاع المفاجئ للتيار الكهربائي ▪️ زيادة شدة التيار بشكل غير طبيعي ▪️ ارتفاع كبير في درجة حرارة الهارد ▪️ يكون القطاع تالفا بسبب مشكلة في التصنيع ▪️ مشكلة على مستوى السوفتوير مثل وجود فيروسات ▪️ انتهاء العمر الافتراضي للقطاع وغيرها من الأسباب ➖➖➖➖➖➖➖➖➖➖➖➖➖➖➖ في حالة تلف مجموعة كبيرة من القطاعات؛ قد يفشل الكمبيوتر في الوصول إلى الملفات المخزنة عليها وقراءة البيانات منها.. وفي حالة انتشار هذه المشكلة قد يتوقف الهارد عن العمل بشكل كامل. فقدان البيانات تعتبر من أسوء المشاكل التي قد يؤدي إليها تلف قطاعات الهارد، خصوصا في حالة تلف عدد ضخم منها. القطاع التالف على مستوى الهاردوير (يعني تضرر مساحة القطاع على الهارد بسبب صدمة أو مشاكل في التيار أو عيب صناعة) لا يمكن إصلاحها. على العكس؛ يمكن إصلاح القطاعات التالفة على مستوى السوفتوير، والتي قد تحدث بسبب انقطاع مفاجئ في التيار أو وجود فيروسات أو حدوث مشكلة في الفيرموير أدت إلى تحديد القطاع على أنه قطاع تالف. ➖➖➖➖➖➖➖➖➖➖➖➖➖➖➖ يمكنكم مراجعة هذا المقال لمزيد من المعلومات عن مشكلة الباد سيكتورز وأسباب حدوثها وأنواعها، وكيفية فحص الهارد الخاص بك للتأكد من عدم وجود قطاعات تالفة به، وكيف تقوم بإصلاح الباد سيكتورز في حالة وجودها 👇 https://bit.ly/3DgqIyO

الشهر ده شركة Bitdefender نشرت أداة لفك تشفير فيروس الفدية MegaCortex واستعادة الملفات المشفرة. لو سبق واتعرضت لفيروس فدية وملفاتك اتشفرت بفيروس غير موجود أدوات لفك تشفيره وكان عندك ملفات مهمة.. احتفظ بيها على هارد خارجي لأن الشركات باستمرار بينشروا أدوات لفك تشفير بعض أنواع فيروسات الفدية. طريقة فك التشفير إما بتكون من خلال القبض على المسئولين عن الفيروس وإيجاد مفاتيح التشفير الخاصة بالفيروس، أو من خلال إيجاد ثغرة في طريقة التشفير المستخدمة.