Tech Xtream

لو فتحت حسابك ولقيت الرسالة دي فغالبا مفيش حد اخترق حسابك ولا حاجة.. هي مشكلة كالعادة من الموقع المتخلف ده..

أحب أوجه رسالة بعد قلة الأدب والمسخرة اللي الواحد شافها امبارح..

محكمة عسكرية روسية حكمت على مراهق روسي بالسجن 5 سنوات بسبب مشاركته في أنشطة مناهضة للحكومة مثل نشر الملصقات، بالإضافة إلى اكتشاف خطط لتفجير مبنى جهاز الأمن الفيدرالي الروسي من خلال إنشاء المبنى داخل لعبة ماين كرافت والتدرب على تفجيره..

اللوحة اللي في الصورة دي اسمها Onement VI للرسام الأمريكي "بارنيت نيومان" اتباعت سنة 2013 مقابل 44 مليون دولار. ودي رسالة أحب أوجهها للهبيدة اللي كل ما انشر حاجة عن الـNFT يطلعوا البدع فيها وإنها غسيل أموال وتشطيف براقع..

الصورة دي اتباعت النهاردة بتقنية NFT مقابل 8,000 عملة إيثريوم (23.5 مليون دولار) 😂

تطبيق تليجرام بيحتفظ بالميديا زي الصور والفيديو على الجهاز بتاعك.. عشان كدة ممكن تلاحظ إنه واخد مساحة كبيرة من الذاكرة. تقدر تعدل على مدة الاحتفاظ بالملفات أو تحذفها بالطريقة دي ☝️

في سنة 2010 بعد انتهاء شركة مايكروسوفت من تطوير نظام تشغيلها الجديد للموبايل "ويندوز فون 7" موظفين الشركة عملوا حفلة ظريفة كدة للاحتفال بإطلاق النظام الجديد.. وفي احتفالهم جابوا عربية حانوتي ونعش فيه الآيفون.. ويكأن نظامهم الجديد قتل الآيفون خلاص.. وطبعا كلنا عارفين إيه اللي حصل بعدها..

لو بتستخدم تليجرام اتأكد من تحديد من يقدر يضيفك في جروبات عشان في بوتس بتعمل الموضوع ده بشكل آلي وممكن يضيفوك في مئات المجموعات مرة واحدة بدون موافقتك. ادخل لإعدادات التطبيق وبعدين إعدادات الخصوصية والأمان هتلاقي خيار "المجموعات" اتأكد إنه متحدد "جهات اتصالي".

وصلت عوائد النصب الرومانسي في أمريكا 547 مليون دولار في عام 2021 فقط. النصب الرومانسي هو قيام شخص محتال بالتواصل مع شخص على النت وإنشاء علاقة رومانسية معاه وبعد كدة الاحتيال عليه من خلال إقناعه بتحويل أموال أو إعطاء بيانات الفيزا أو حسابه البنكي. أعتقد إن الموضوع ده موجود بردو في الوطن العربي وكروت الشحن تشهد.. بس احنا مفيش عندنا حد بيعمل إحصائيات.. المهم الناس تخلي بالها من التعرض للنصب بالطريقة دي.. مفيش حد هيكلمك على النت عشان سواد عيونك 🥺

موقع تويتر كان فيه مشكلة من شوية.. روحت أشوف لو كانت مشكلة في منطقة معينة ولا على مستوى العالم لقيت الموقع بيقولي تويتر شغال زي الفل عند كل الناس ما عدا دونالد ترامب 😂

زي دلوقتي من 11 سنة سعر عملة البتكوين تجاوز 1 دولار لأول مرة ↗️ سعر البتكوين حاليا تخطى 43 ألف دولار.

زي النهاردة 10 فبراير سنة 1996 حصلت مفاجأة من العيار الثقيل لما حاسوب Deep Blue اللي طورته شركة IBM قدر يهزم بطل العالم في الشطرنج الروسي "جاري كاسبروف" في جولة أثناء مبارتهم الشهيرة في فيلادلفيا. في الوقت ده كان كمبيوتر Deep Blue يقدر يحسب 200 مليون احتمال في الثانية الواحدة. بالرغم إن كاسبروف فاز في المبارة بالمجمل.. لكن دي كانت أول مرة يقدر كمبيوتر يهزم لاعب شطرنج من فئة (جراند ماستر).

لما تبقى عبيط بس امك دعيالك 😂😂

بعد ما هويتهم اتعرفت قدرت السلطات الأمنية في أمريكا تستخرج مذكرات تفتيش عشان تقدر توصل لمحتوى حساباتهم على بعض المواقع بغرض الحصول على مزيد من الأدلة وإكمال بناء القضية. وهما بيدورا في حسابتهم لقوا في أحد حسابات الزوجة على موقع تخزين سحابي ملف مكتوب فيه الـPrivate Keys أو مفاتيح المحفظة اللي موجود عليها 94 ألف عملة بتكوين تمنهم حاليا 4.2 مليار دولار. طبعا بمنتهى السهولة استخدموا المفاتيح دي عشان يسحبوا الرصيد من المحفظة بتاعت الزوجين وبعد كدة قبضوا عليهم.. وحاليا الاتنين بيواجهوا تهم ممكن تدخلهم السجن 25 سنة. وبكدة تكون دي أول مرة في حياتي اشوف واحدة تحول جوزها من ملياردير لشحات مفلس مسجون.

من زمان وانا بسمع نكتة بايخة كدة إن ازاي ممكن الست تخلي جوزها مليونير؟ لو كان ملياردير.. النهاردة شوفت النكتة دي بتحصل حقيقي لأول مرة في حياتي.. كنت نشرت الصبح عن خبر عن استعادة 94 ألف عملة بتكوين كانوا اتسرقوا من منصة Bitfinex في 2016.. لكن متكلمتش عن ازاي الحرامية اتقفشوا. في البداية اللي اتمسكوا بالأرصدة المسروقة كانوا رجل ومراته وكانت مهمتهم غسيل العملات لإخفاء أثرها وعدم إمكانية تتبعها، لكن مش هما اللي عملوا الاختراق. طول فترة دي كان بيتم تتبع التحويلات اللي تمت من المحفظة اللي اتبعت عليها البتكوين المسروق، السلطات الأمنية كانت قادرة تشوف التحويلات بين المحافظ لكن أصحاب المحافظ نفسهم مجهولين. بعد عمليات تحويل كتير واستخدام تقنيات تعمية لمحاول إخفاء آثار التحويلات الزوجين ظنوا إنهم أصبحوا في مأمن من التتبع، لكن ده كان مش صحيح. واحدة حسابات التحويلات اللي كانوا بيستخدموها كانت مرتبطة بخدمة بريد إلكتروني في الهند.. دي كانت الثغرة اللي من خلالها تم التعرف على هوية الزوجين.

شركة ميتا أصدرت بيان بتنكر فيها تهديدها بإيقاف فيسبوك وانستجرام في أوروبا في حالة عدم السماح ليها بتخزين ومعالجة بيانات المستخدمين الأوروبيين في أمريكا. مع إن التقارير الصحفية اعتمدت على تقرير من الشركة نفسها قالت فيه الكلام اللي الصحف نشرته بالحرف "The company will likely be unable to offer a number of our most significant products and services, including Facebook and Instagram, in Europe" حنفي؟

استعادة 94 ألف عملة بتكوين مسروقة 😯 في سنة 2016 منصة Bitfinex اتسرق منها 120 ألف عملة بتكوين في واحدة من أكبر عمليات السرقة اللي تمت في المجال. من 2016 لغاية الأسبوع الماضي فضل جزء كبير من العملات المسروقة موجودة في محفظة الهاكرز، لغاية ما حصلت عملية تحويل لجميع العملات المتبقية وعددها 94 ألف عملة إلى محفظة تانية. النهاردة عرفنا إن التحويل ده اللي عمله كان مكتب التحقيقات الفيدرالي FBI اللي قدر يوصل لأصحاب المحفظة ويحصل على المفتاح الخاص بالمحفظة، واسترد العملات مرة تانية، وقبض على الأشخاص اللي كان بحوزتهم المحفظة وهما رجل وامرأة من نيويورك كانت مهمتهم غسيل العملات المسروقة، وتقريبا مش هما المسئولين عن عملية الاختراق. قيمة العملات دي وقت المصادرة كانت 3.6 مليار دولار.

في الوقت اللي انت عمال تلاقي صفحات غريبة على حسابك متابعها وبتضيع وقتك عشان تحذفها من الحساب.. في ناس بتضيفك بالعافية في الصفحات دي وبتكسب فلوس.. مع تحيات موقع فيسبوك 🤡

جوجل فعلت خاصية المصادقة الثنائية بشكل تلقائي على حسابات 150 مليون مستخدم حتى الآن. الشركة كانت أعلنت عن الإجراء السنة اللي فاتت، وإنها هتفعل المصادقة الثنائية على جميع الحسابات لرفع درجة أمان الحساب. جوجل أعلنت بردو إن من بداية تفعيل خطوة الحماية الإضافية قلت نسبة اختراق الحسابات بنسبة 50%.

في بريطانيا عاملين حزمة قوانين جديدة لسلامة المستخدمين على الإنترنت.. من ضمنها قانون بيجبر المواقع الإباحية على التحقق من عمر المشاهد بطريقة حقيقية بعيدا عن السؤال العبيط بتاع العمر اللي بيظهر قبل عرض محتوى الموقع. في حالة فشل الموقع في الالتزام بالقانون هيتعرض لغرامة 10% من إجمالي أرباحه. حسب الإحصائيات في بريطانيا فأكتر من 50% من الفئة العمرية سن 11-13 سنة شاهدوا محتوى إباحي عبر الإنترنت.. والتعرض للنوع ده من المحتوى في السن دي بيكون ليه أثار سلبية جدا على الصحة النفسية، وممكن يؤدي إلى الاستغلال الجنسي من قبل البالغين. ➖➖➖➖➖➖➖➖➖➖➖➖➖ العجيب في الموضوع ده إن الحكومة البريطانية عارفة مدى ضرر المحتوى ده على البالغين والغير بالغين تحديدا.. وعارفة إنها مش هتقدر تجبر ملايين المواقع على الالتزام بالقانون، ولو قدرت فمش هتقدر تجبر ملايين مواقع التحميل والتورنتنج.. وهما عمالين يلفوا حوالين نفسهم كدة عشان ميقربوش من "صناعة الإباحية" اللي بتدخلهم أموال ضخمة وبتوفر عدد كبير من الوظائف وبتساهم في تحريك "عجلة" الاقتصاد. وهو ده جوهر الرأسمالية يا محما يا علي..