Tech Xtream

شركة Surfshark وExpressVPN قرروا الخروج من السوق الهندي بعد ما الحكومة أقرت قانون عجيب بيجبر شركات الـVPN إنها تحفظ سجلات تصفح المستخدمين لمدة 180 يوم. السجلات دي بتكون عبارة عن الآي بي الخاص بالمستخدم وتوقيت الاستخدام والمواقع اللي دخلها وغيرها من المعلومات اللي الفي بي إن معمول عشان يخفيها أصلا ! الشركتين فضلوا إيقاف سيرفراتهم والخروج من السوق بالكامل بدلا من الاستجابة لعبط الهنود..

النسخة المدفوعة من تطبيق تليجرام قادمة قريبا ⏳ التطبيق من تاريخ تأسيسه 2013 وهو بيعتمد على التمويل الذاتي من المؤسس وبيع السندات.. ومديونيته كانت تخطت مليار دولار العام الماضي.. ومش هيكون في وسيلة لاستكمال التطبيق إلا من خلال تحقيق أرباح من حاجات زي الاشتراكات المدفوعة، وممكن إعلانات نصية على القنوات فقط. النسخة البيتا من التطبيق ظهرت فيه مجموعة مميزات جديدة هتكون متاحة باشتراك شهري يبدأ من 5$ أبرزها: ▪️ إرسال ملفات بحجم 4 جيجابايت ▪️ ميزة تحويل الفويس إلى نص ▪️ سرعة أفضل في تحميل الملفات ▪️ تطبيق خالي من الإعلانات ▪️ ريأكتس وستيكرز حصرية ▪️ مميزات أكتر لإدارة الشات ▪️ بادج مع صورة البروفايل ✔️ ▪️ مضاعفة حدود استخدام التطبيق زي عدد القنوات والمجموعات اللي تقدر تنضم ليها، والرسائل المثبتة. مميزات التطبيق الحالية هتفضل مجانية تماما مع محافظة التطبيق على حماية خصوصية المستخدمين.

اعتمد الاتحاد الأوروبي رسميا منفذ USB-C كمنفذ موحد لجميع الأجهزة الإلكترونية وتبقت فقط موافقة البرلمان.. وعليه جميع الشركات هتكون مطالبة بتوفير شاحن بنفس المنفذ بحلول عام 2024. القرار هيساعد على تقليل نفايات إلكترونية تصل إلى 12 ألف طن، بالإضافة لتكلفة 2.8 مليار دولار بيتم إنفاقها على الشواحن. بنسبة كبيرة آيفون 15 هيكون بمنفذ USB-C.

الإصدار الجديد من نظام الآيفون iOS 16 هينزل للموبايلات بداية من آيفون 8 وأي إصدار سابق مش هيدعمها النظام الجديد.

9 علامات لو موجودة في موبايلك اعرف إنه مخترق 👇 https://bit.ly/37PfhMs

بداية مؤتمر آبل للإعلان عن أحدث منتجاتها. اللينك لو حد مش عايز يتفرج عليه 👇 https://youtu.be/q5D55G7Ejs8

مدينة باليرمو الإيطالية اتعرضت لهجوم إلكتروني وقع السيستم بتاعهم بالكامل.. ورجعوا يستخدموا الفاكس تاني ! الهجوم يبدو إنه هجوم فدية اتعمل من فريق Killnet الروسي، وطبعا لما هجوم فدية بيتعملوا على مستوى شبكة بالحجم ده بيكون لازم إغلاق النظام بالكامل لمنع انتشار الفيروس وتشفير الملفات. جميع المواقع والخدمات الحكومية معطلة تماما من 3 أيام وما زالت، والوسيلة الوحيدة للتواصل مع أي جهة منهم هي الفاكس. بتخيل لو حصلت حاجة زي كدة عندنا.. السيستم مش هتقومله قومة تاني..

المدير التنفيذي ومؤسس شركة Yandex أركادي فولوز استقال من منصبه بعد ما أدرجه الاتحاد الأوروبي ضمن قائمة الشخصيات الروسية المعاقبة. شركة Yandex أكبر شركة للتقنيات في روسيا والمطورة لمحرك ياندكس واحد من أشهر محركات البحث عالميا وأكثرهم استخداما في روسيا. الشركة نفسها لم يصدر بحقها عقوبات، ولكن مؤسسها قرر يستقيل من منصبه كمدير للشركة وأيضا كعضو في مجلس الإدارة. الاتحاد الأوروبي عاقب أكادي بتهمة تقديم المساعدة لروسيا (اللي هي بلده بالمناسبة).

الواحد مش عارف كان هيعمل إيه من غير الإضافة الغالية دي ❤️

شركة آبل فشلت في صرف دعوى قضائية من چاي فريمان مؤسس متجر سيديا Cydia. متجر سيديا هو متجر بديل للآب ستور بيسمح للمستخدمين اللي معاهم آيفون بجيلبريك (حاجة شبيه بالروت في الأندرويد) إنهم يحملوا تطبيقات من خارج المتجر الرسمي، بالإضافة لبعض الإعدادات والثيمز والخصائص اللي مش موجودة في النظام الرسمي. فريمان رفع قضية ضد شركة آبل في 2020 بيتهمها بالاحتكار وإنها كانت بتعدل على نظامها بشكل متعمد لمنع المستخدمين من استعمال متاجر التطبيقات البديلة. بعد رفض الدعوى الأولى تم قبول دعوى معدلة منها، والقاضي أمهل شركة آبل لمنتصف يونيو للرد على الدعوى. الواحد مش متخيل إن مستخدم الآيفون بيحتاج يعمل جيلبريك لموبايله وهي عملية أصعب من الروت في الأندرويد ومش متوفرة إلا في بعض إصدارات iOS بسبب إغلاق الشركة المستمر لأي ثغرات بيتم استغلالها في العملية.. وكل وجع القلب ده عشان يحمل تطبيق مش موجود على المتجر ولا عشان يستخدم ثيمز مختلفة !؟ الحمد لله على نعمة الأندرويد 😌

وزارة العدل الأمريكية اتهمت "ناثانيال شاستين" أحد مديري الموقع الشهير لبيع الرموز الغير قابلة للاستبدال OpenSea بالاحتيال وغسيل الأموال. شاستين استغل منصبه اللي كان من ضمن مهامه تحديد أي كولكشن من الرموز هيتم عرضه على الصفحة الرئيسية للموقع (كنوع من الترويج). لما كولكشن NFTs يتم الترويج ليه على الصفحة الرئيسية للموقع بيحصل عليه عمليات تداول كتيرة وده بيرفع بشكل كبير من قيمة كل رمز. الأخ شاستين بقى كان بيشتري رموز من الكولكشن اللي هو اختاره قبل وقت بسيط من عرضه على الصفحة الرئيسية، وبعد كدة يبيعه بربح يصل إلى 5 أضعاف. الموضوع ده اتكرر في 55 رمز تم شرائهم في 11 مناسبة مختلفة قبل ما يتم اكتشافه. في حال تم إدانته في التهمتين هيتم مصادرة أي أموال حصل عليها من العمليات دي، بالإضافة لحكم بالسجن ممكن يصل إلى 20 سنة. وادي آخرة الطمع.

الموضوع بقى مريب.. إيه اللي يخلي الحكومة الصينية تبذل مجهود وإعلانات وتمويل وتعمل صفحات ناطقة بالعربية وتحاول تجذب أكبر قدر من المتابعين من خلال اللعب على العواطف؟ على فكرة في دول كتير عاملين صفحات بالعربي عادي لكن طريقتهم في النشر موضوعية إلى حدٍ ما.. يعني بينشروا أخبارهم وثقافتهم بلغتنا.. وده شيء ممكن قبوله.. على عكس اللي بتعمله الصفحات الصينية. الناس دي مش بتهزر ولا عاملين الصفحات دي عشان يلموا لايكات مثلا.. وفي الغالب دي وسيلة "قوى ناعمة" من وسائلهم القذرة للتلاعب بشكل ممنهج، وزرع رسائل وأفكار في عقول العرب بطريقة غير مباشرة من خلال التأثير الاجتماعي. هتفضل الحكومة الصينية حكومة إرhابية مجرمة مهما حاولوا يظهروا تعاطفهم معانا.. في الوقت اللي المسلمين في الإيجور بيتم إبادتهم بشكل ممنهج. احذروا الصفحات دي.

تعقب المستخدمين على مستوى مزود الخدمة.. أحدث بدع شركة فودافون !! شركة فودافون بتطور نظام حاليا يسمحلها -كمزود خدمة- بتعقب نشاط المستخدمين على الإنترنت لاستهدافهم بالإعلانات! النظام اللي أطلقت عليه الشركة اسم TrustPid هيعين معرّف مميز لكل مستخدم بحيث تبني بروفايل ليه حسب نشاطه وبياناته وبعد كدة تبيعها للمعلنين. النظام حتى الآن غير معروف تفاصيل تقنية كتير عنه، لكنه بيعتمد على دمج رقم الموبايل والآي بي الخاص بالمستخدم ومجموعة عناصر أخرى لتحسين دقة التتبع وجمع البيانات، وهيكون مستحيل حجب النوع ده من التتبع من المتصفح (زي الكوكيز) وحتى الـVPN ما زال مشكوك في فاعليته ضد النظام ده! الشركة بدأت تجارب أولية لنظام التتبع في ألمانيا. شركة حلال فيها الحرق جوة وبرة.

لو بتدور على تطبيق يوفرلك أرقام وهمية تستخدمها لاستقبال رسائل تفعيل فلازم تجرب تطبيق نوميرو. التطبيق يعتبر منصة متكاملة لخدمات الاتصالات.. نقدر من خلاله نحصل على أرقام افتراضية أمريكية وبريطانية وأرقام في 80 دولة أخرى ونستخدم الأرقام دي في عمل المكالمات واستقبالها، وإرسال الرسائل واستقبالها، ونقدر نستخدم الأرقام دي لعمل حسابات في المواقع والتطبيقات اللي بتحتاج رقم موبايل. التطبيق كذلك بيوفر إمكانية عمل بريد صوتي لرقمك الافتراضي، وتحويل المكالمات اللي بتوصل عليه لرقمك المحلي. تقدر تشتري رقم أمريكي بسعر 1 يورو فقط للشهر في الخطة السنوية، وكمان تقدر تحصل على أرقام بشكل مجاني من تجميع النقاط من خلال بعض المهام زي استطلاعات الرأي ومشاهدة الفيديوهات. ده فيديو شرح للتطبيق وازاي تحصل على رقم أمريكي وهمي من خلاله 👇 https://youtu.be/Jerip5MVnt0

منطق شركات النت 😒

فرنسا تحظر بعض المصطلحات الإنجليزية من الحفاظ على نقاء اللغة الفرنسية ! وزارة الثقافة الفرنسية قررت حظر استخدام مصطلحات إنجليزية شائعة في عالم ألعاب الفيديو واستبدالها بمصطلحات فرنسية زي: pro-gamer 👉 joueur professionne eSports 👉 jeu video de competition cloud gaming 👉 jeu video en nuage streamer 👉 joueur-animateur en direct الوزارة بررت قرارها بإنها للحفاظ على اللغة والتسهيل على أي شخص من خارج مجال الألعاب على فهم المصطلحات الأجنبية، وهي بتكون ملزمة للموظفين والمؤسسات الحكومية. يا ريت نتعلم منهم حاجة ونتعصب للغتنا زيهم.

الباحثين بردو حذروا من أهمية شبكة ستارلينك وقدرتها على زيادة سرعة اتصال الطائرات المقاتلة والطائرات بدون طيار بأكتر من 100 ضعف. كان اقتراح الباحثين هو تطوير سلاحين Soft Weapon & Hard Weapon.. سلاح عملي للتجسس على الشبكة وتوفير إمكانية التحكم فيها أو التلاعب بها.. وسلاح فعلي يتم استخدام لضرب الأقمار الاصطناعية الخاصة بالشبكة وتدميرها. إن شاء الله.. وألف ألف مبروك.

الصين تعمل على تطوير أسلحة قادرة على تدمير أقمار ستارلينك ! ورقة بحثية كتبها مجموعة باحثين عسكريين في الجيش الصيني نشرتها المجلة الصينية الحديثة لتكنولوجيا الدفاع؛ عرض فيها الباحثين مدى خطورة أقمار ستارلينك والإنترنت الفضائي على الأمن القومي الصيني. الباحثين اتكلموا على الخلفية العسكرية للمشروع وإنه غير مدنى بشكل كامل، لأن الصواريخ الحاملة للأقمار بتنطلق من قاعدة عسكرية، ده غير حصول شركة سبيس إكس على دعم مالي من القوات الجوية الأمريكة، بالإضافة للتعاون بين الجهتين لدراسة مدى إمكانية الاستفادة من تغطية الإنترنت المتوفرة لتحسين قدرات سلاح الجو الأمريكي. أكمل الباحثين كلامهم بتوقع ازاي ممكن الإنترنت الفضائي يضر بالأمن القومي الصيني من خلال افتراض إن عند اكتمال تغطية الكوكب بالكامل هتبدأ عملية دمج الشبكة مع أجهزة الاستطلاع والملاحة والأرصاد الجوية، وده هيساهم في تعزيز القدرة القتالية للجيش الأمريكي في مجالات زي الاستشعار عن بعد للاستطلاع، الملاحة، تحديد المواقع والهجوم والاصطدام، والإيواء الفضائي.

تعاني من البطء في الكتابة والحاجة إلى النظر إلى الكيبورد أثناء الكتابة 🤔 إليك أفضل مواقع مجانية لتعلم الكتابة السريعة على الكيبورد والتدرب عليها ومعرفة مدى سرعتك وعدد الكلمات التي تستطيع كتابتها في الدقيقة 👇 https://bit.ly/3PPyOSK