Tech Xtream

لعبة Metro: Last Light Redux متاحة دلوقتي مجانا على متجر Epic 🔥 "إنه عام 2034. تحت أنقاض موسكو ما بعد نهاية العالم، في أنفاق المترو، بقايا البشرية مُحاصرة بتهديدات قاتلة من الخارج.. وبالداخل". اللعبة تقييمها على ستيم 10/9 ومناسبة للأجهزة الضعيفة 👴 ▪️ ويندوز 7 ▪️ رام 2 جيجا ▪️ معالج ثنائي النواة https://bit.ly/2Z0tnY9

تعتبر وظيفة مطور ألعاب الفيديو واحدة من أكتر الوظائف طلبًا في سوق العمل، بالإضافة لكونها مربحة جدًا إذا تخصصت في صنع تطبيقات الألعاب على الهواتف 📲 واحدة من الطرق المميزة لبناء الألعاب هي استخدام برامج جاهزة تسمى "محركات الألعاب" والتي يمكنك الاعتماد عليها في صنع الألعاب بشكل كامل دون حاجة إلى تعلم البرمجة. في هذا المقال سنتعرف على ما هي محركات الألعاب؟ وكيف تعمل؟ وما هي أفضل محركات يمكنك استخدامها 👇 https://bit.ly/2lR7ppQ

شركة أمازون وافقت على دفع تعويض حوالي 62 مليون دولار للسواقين في خدمة Amazon Flex بسبب إنها كانت بتسرق البقشيش بتاعهم 😃 خدمة Amazon Flex بتسمح للأشخاص العاديين بتوصيل طلبات أمازون باستخدام سيارتهم الخاصة مقابل الحصول على أجر حوالي 25 دولار في الساعة.. لكن الشركة كانت بتسرق التبس بتاعهم عشان تدفع مبلغ أقل 😈

النت من امبارح مقلوب على خبر إعلان "جيف بيزوس" مؤسس شركة أمازون عن "تنحيه" عن منصب المدير التنفيذي للشركة خلال العام الحالي لصالح "آندي جاسي" الرئيس التنفيذي لشركة أمازون لخدمات الويب. الحقيقة دي حاجة عادية من رواد الأعمال في المستوى ده.. قبل جيف بيزوس تنحى بيل جيتس عن إدارة مايكروسوفت لصالح ساتيا نادالا ومؤسسي جوجل سيرجي برين ولاري بايج تنحوا من مناصبهم لصالح ساندر بيتشاي وغيرهم. السبب ورا الموضوع ده زي ما مؤسسي جوجل وضحوا إنهم بيكونوا وصلوا لمرحلة بيشعروا فيها إنهم مش هيقدروا يقدموا جديد للشركة وإن الشركة بتكون محتاجة أشخاص بأفكار جديدة.. وفي نفس الوقت هما بينقلوا نشاطهم لحاجة جديدة يقدروا يبدعوا فيها.

شرح لأفضل برنامج مجاني لتسجيل شاشة الكمبيوتر وعمل بث مباشر 🖥 https://bit.ly/3aHS29l

شرح لأفضل برنامج مجاني لتسجيل شاشة الكمبيوتر وعمل بث مباشر 🖥 https://bit.ly/3aHS29l

كورس عربي 4 ساعات لتعلم التصميم باستخدام برنامج فوتوشوب 🖌 الكورس مجاني لفترة محدودة 👇 https://bit.ly/3oKPR9M

من الحاجات المهمة اللي لازم تعملها قبل ما تنزل لعبة إنك تتأكد إن جهازك يقدر يشغلها.. لو ليك في الهاردوير تقدر تشوف مواصفات اللعبة الرسمية وتعرف هتشغلها ولا لا.. لكن الطريقة الأسهل إنك تستخدم أداة بتعملك الكلام ده بسهولة 🤠 طبعا أداة Can You RUN It من أشهر الأدوات في المجال ده لكنها مملة لأن كل لعبة محتاجة تجربة لواحدها، ده غير إنك بتنزل برنامج وتشغله على جهازك ودي برده من الحاجات اللي لازم تحذر منها 🤚 الطريقة الأسهل إنك تستخدم مواقع أون لاين بتكتب فيهم مواصفات جهازك وتعرف لو تقدر تشغل اللعبة ولا لا.. وإيه الهاردوير اللي محتاج تحديث -لو في- عشان تشغيل اللعبة.. كمان تقدر تعرف عدد الفريمات لكل دقة من أقل واحدة لغاية 4K. المواقع دي ميزتها كمان إنها بتعرفك جميع الألعاب اللي تقدر تشغلها بالمواصفات بتاعتك.. مش هتجرب لعبة بلعبة 🙄 ده رابط شرح لفيديو بسيط اتكلمت فيه عن أفضل المواقع دي وازاي تقدر تستخدمهم بسهولة 👇 https://bit.ly/2YA0j9w

جهاز Apple-1 أول جهاز كمبيوتر صنعته شركة آبل من تصميم ستيف وزنياك وستيف جوبز معروض في مزاد للبيع على إيباي بسعر يبدأ من 1.5 مليون دولار 🔥

كورس عربي 8 ساعات لتعلم الاختراق الأخلاقي من الصفر 🔥 الكورس مجاني لفترة محدودة 👇 https://bit.ly/3azgycH

أغنى اتنين في العالم بينهم خناقة حاليا ومقدمين شكاوى في بعض عشان كل واحد فيهم عايز يحجز الفضاء باسمه 👽 إيلون ماسك صاحب فكرة مشروع Starlink واللي بيهدف لتغطية الكوكب بالأقمار الاصطناعية عشان يوفر إنترنت فضائي لكل شبر في الكوكب.. في الناحية التانية الحج جيف بيزوس مؤسس أمازون لما شاف الموضوع فيه لقمة حلوة عمل هو كمان مشروع إنترنت فضائي اسمه Kuiper. الخناقة دلوقتي على المدارات.. بما إن مشروع ستارلينك كان الأول فهو حجز أماكن محددة في المدار حول الأرض هيكون فيها الأقمار بتاعته.. فالجماعة بتوع مشروع Kuiper ظبطوا أماكن الأقمار بتاعتهم بعيدا عن أماكن أقمار مشروع ستارلينك عشان ميحصلش تداخل.. دلوقتي عمو إيلون ماسك غيران من جيف بيزوس القلود وحالف ليغير أماكن الأقمار بتاعت مشروعه عشان يبوظ خطط مشروع Kuiper.. والاتنين دلوقتي شاكيين بعض في هيئة الاتصالات الفيدرالية عند مدام عفاف الدور الرابع وانت داخل على يمينك.

شركة فيسبوك وآبل بينهم مشاكل من زمان.. لكن المشاكل دي دلوقتي وصلت للمحاكم بعد ما فيسبوك قررت ترفع قضية احتكار ضد شركة آبل والسبب الرئيسي هو تحديث شركة آبل لنظام iOS اللي هيكون فيه خاصية يقدر من خلالها المستخدم إنه يمنع أي مواقع أو تطبيقات من عمل تتبع لنشاطه على الإنترنت من أجل عرض إعلانات مناسبة لنشاطه، وطبعا فيسبوك على رأس القائمة دي. عشان أي موقع أو تطبيق يحصل على الصلاحية دي تاني لازم الزائر يوافق بنفسه إن الموقع يتتبع نشاطه ويعرف المواقع اللي بيزورها وطبعا دي حاجة مستحيل حد يوافق عليها. طبعا الموضوع ده عامل أزمة كبيرة لفيسبوك.. لدرجة إن لما عملوا تجربة لقوا إن الميزة دي هتخسرهم على الأقل 50% من عوائد جمهور الآيفون.. بل وممكن يتم إزالة جمهور الآيفون من الفئات المستهدفة على منصة فيسبوك الإعلانية بسبب صعوبة الوصول إليهم وجمع معلومات عنهم. في كمان أسباب تانية لكن التحديث ده هو السبب الرئيسي اللي خلى فيسبوك يرفع قضية ضد آبل لأنه بيضرب مصالح فيسبوك في مقتل 💔

كدة الحيتان اللي كانوا بيراهنوا على إفلاس الشركة وتحقيق مكاسب ضخمة هيضطروا يشتروا الأسهم بأسعار أعلى ويخسروا فلوس ده إذا مأعلنوش إفلاسهم لأن الخازوق ده محصلش في التاريخ قبل كدة.. شوية الهواة على Reddit ضاعفوا أسعار سهم الشركة من خلال نشر ميمز عن الخطة بتاعتهم والتفاعل بتاعهم نجح إن يكسبهم ملايين بسبب الفرق بين سعر السهم اللي اشتروا بيه وبين سعر البيع اللي اتضاعف بعدها.. بينما صناديق الاستثمار والمؤسسات المالية كانوا بيلطموا.. المستثمرين الهواة كان بيعتمدوا على تطبيق اسمه Robinhood وده تطبيق بسيط بيستخدم في البيع على المكشوف بدون وسيط مالي ولكن مقابل اشتراك بسيط.. ولكن بعد اللي حصل إدارة تطبيق Robinhood يوقفوا عمليات البيع على المكشوف لأسهم شركة GameStop للمستثمرين العاديين وطبعا ده لصالح المؤسسات وحيتان السوق في تلاعب واضح جدا بالسوق اللي المفروض إنه سوق مفتوح للعرض والطلب.. ده غير إن المنتدى بتاعهم على Reddit تم حظره. بعد موجة غضب تجاه اللي حصل والعنصرية لصالح المؤسسات على حساب الأفراد شارك فيها حتى سياسيين وأعضاء في الكونجرس يفتح التطبيق إمكانية تداول الأسهم تاني ويرجع المنتدى بتاعهم على موقع ريددت. يقف الموضوع عند كدة ؟ لا.. الظاهر إن اخواننا الهواة حبوا الموضوع وبدأ يكرروه مع شركات تانية أسهمها كانت في النازل زي نوكيا وبلاك بيري وحتى عملة رقمية كانت معمولة كنوع من الهزار اسمها Doge عشان أسعارهم تضرب بنفس طريقة Gamestop. حتى الآن خسائر المضاربين في البيع على المكشوف تخطت حاجز 20 مليار دولار. اللي بيحصل حاليا ده بسبب شوية ميمز حدث تاريخي هيتعمل عنه دراسات في علوم الاقتصاد وهيتشرح في الجامعات دور الميمز في تحريك ثورة الجياع ضد حيتان البورصة في أمريكا 🐋🐋🐋

النت حرفيا بقاله كام يوم مقلوب وجنون بيحصل في البورصة الأمريكة بسبب شوية ميمز 🤡 الموضوع بيبدأ مع حاجة اسمها Short Selling أو البيع على المكشوف.. وده باختصار عبارة عن إنك بتستلف سهم خاص بشركة معينة وتبيعه على أمل إن سعر السهم ده يقل بعدها فتشتريه تاني وترجعه لصاحبه وتاخد الفرق ليك، وطبعا لو سعر السهم زاد هتشتريه برضه ويبقى انت كدة خسرت. اللي حصل اليومين اللي فاتوا إن شركة اسمها GameStop متخصصة في بيع الألعاب وهي من الحاجات اللي اتأثرت بفيروس كورونا وكانت على وشك الإفلاس.. وطبعا حاجة زي كدة بتكون فريسة لـShort Selling لأن سهم الشركة بيكون معروف إنه هيفضل ينزل لغاية الإفلاس وبالتالي عتاولة المضاربين وصناديق الاستثمارات اشتروا أسهم بالعبيط عشان يحققوا مكسب في الفرق بين سعر البيع والشراء زي ما عرفنا.. قوم إيه بقى يا سيدي اللي يحصل ؟ شوية مستثمرين هواة على موقع Reddit يقرروا يتحدوا السوق وحيتان الوول ستريت ويبدأوا يشتروا أسهم الشركة بجنون عشان سعر السهم في خلال أيام يتضاعف أكتر من 8 مرات ويتنقل من 43 دولار إلى 347 دولار !

النت حرفيا بقاله كام يوم مقلوب وجنون بيحصل في البورصة الأمريكة بسبب شوية ميمز 🤡 الموضوع بيبدأ مع حاجة اسمها Short Selling أو البيع على المكشوف.. وده باختصار عبارة عن إنك بتستلف سهم خاص بشركة معينة وتبيعه على أمل إن سعر السهم ده يقل بعدها فتشتريه تاني وترجعه لصاحبه وتاخد الفرق ليك، وطبعا لو سعر السهم زاد هتشتريه برضه ويبقى انت كدة خسرت. اللي حصل اليومين اللي فاتوا إن شركة اسمها GameStop متخصصة في بيع الألعاب وهي من الحاجات اللي اتأثرت بفيروس كورونا وكانت على وشك الإفلاس.. وطبعا حاجة زي كدة بتكون فريسة لـShort Selling لأن سهم الشركة بيكون معروف إنه هيفضل ينزل لغاية الإفلاس وبالتالي عتاولة المضاربين وصناديق الاستثمارات اشتروا أسهم بالعبيط عشان يحققوا مكسب في الفرق بين سعر البيع والشراء زي ما عرفنا.. قوم إيه بقى يا سيدي اللي يحصل ؟ شوية مستثمرين هواة على موقع Reddit يقرروا يتحدوا السوق وحيتان الوول ستريت ويبدأوا يشتروا أسهم الشركة بجنون عشان سعر السهم في خلال أيام يتضاعف أكتر من 8 مرات ويتنقل من 43 دولار إلى 347 دولار !

بمناسبة انضمام أكتر من 100 مليون مهاجر جديد لتطبيق تيليجرام في شهر يناير فقط.. التطبيق نزل مجموعة تحديثات جديدة أهمها إمكانية نقل الشات من التطبيقات التانية زي الواتساب إلى تطبيق تيليجرام 🔄 كل اللي بتحتاج تعمله إنك تفتح الدردشة ومن الإعدادات هتختار المزيد > نقل الدردشة > تيليجرام وبعد كدة بتختار جهة الاتصال الخاصة بالشات. طريقة النقل بتكون بشكل فردي شات بشات.. ولازم يكون رقمك ورقمك صديقك على واتساب هما نفس رقمك ورقم صديقك على تيليجرام. التحديث الجديد برده بيأكد إن أي بيانات بتحذفها بتتحذف من جميع الخوادم بشكل نهائي.

شركة المصرية للاتصالات تفوز بجائزة أسرع إنترنت أرضي في شمال أفريقيا في 2020 من قبل شركة Ookla بمتوسط سرعة 32.6 ميجابت في الثانية

لو بتستخدم جهاز آبل بنظام iOS وتحديدا إصدار 14.4 حدث نظامك حالا لأن الشركة أطلقت تحديث لسد 3 ثغرات من نوع Zero-Days وواضح إن الثغرات دي كان في هاكرز بيستغلوها من فترة. آبل لسه لم تعلن عن تفاصيل الثغرات ولكن يبدو إنها بيتم استخدامها لمنح الهاكرز صلاحيات أعلى على الجهاز لتنفيذ هجوم Remote Code Execution والسيطرة على الجهاز ☠️

طريقة تغيير دي إن إس الراوتر لتحسين سرعة الإنترنت وزيادة الحفاظ على خصوصية تصفحك للإنترنت 👇 https://youtu.be/sVak_wJElQw