Tech Xtream

إيران من شوية اتعرضت لعملية اختراق إلكتروني ضخمة لمنظومة توزيع البنزين المدعوم اتسببت في توقف الإمدادات وإغلاق لمحطات الوقود وظهور طوابير انتظار طويلة أمام المحطات.. الاختراق أيضا شمل مجموعة من اللوحات الإعلانية اللي عرضت رسائل مسيئة للنظام. من حجم الاختراق ونوع الهدف نقدر نشوف بصمة الكيان الصهيوني.

مئات الآلاف من المصريين تعرضوا للنصب من خلال حملة احتيال تمت عبر متجر جوجل بلاي 😮 شركة الحماية الشهيرة Avast نشرت تقرير عن عملية احتيال تمت من خلال أكتر من 150 تطبيق موجود على متجر جوجل بلاي بهدف سرقة المستخدمين. التطبيقات اللي حصلت على أكتر من 10 مليون تحميل كانت بتتخفى على شكل تطبيقات ألعاب، كوبونات تخفيض، تطبيقات لتعديل الصور، تطبيقات لمنع المكالمات المزعجة وغيرها.. وكانت التطبيقات دي بتعتمد على الوصول لبعض الصلاحيات على الهاتف عشان تقدر تشترك في خدمات من خلال خط الموبايل مقابل عمولة كانت بتحصل عليها عن كل مشترك.. وطبعا بدون علم المستخدم. ➖➖➖➖➖➖➖➖➖➖➖➖➖➖ حسب موقع Sensor Tower فأكتر الدول في عدد تحميلات التطبيقات دي كالتالي: 1- مصر في الصدارة كالعادة 💪 (2 مليون و600 ألف تحميل) 2- السعودية (2 مليون و400 ألف تحميل) 3- باكستان (2 مليون عملية تحميل) 4- الإمارات (1 مليون عملية تحميل) 5- تركيا (790 ألف عملية تحميل) ➖➖➖➖➖➖➖➖➖➖➖➖➖➖ الرابط ده فيه كل قائمة بكل التطبيقات دي.. هي اتحذفت من المتجر فلازم يتم مراجعة القائمة والتأكد من عدم وجود أي تطبيق منهم على موبايلك 👇 https://bit.ly/3memJdd

النهاردة الذكرى العشرين لإطلاق واحد من أفضل إصدارات نظام ويندوز وهو إصدر Windows XP اللي ظهر لأول مرة يوم 25 أكتوبر 2001م. ويندوز إكس بي خرج من الخدمة في عام 2014م، وشركة مايكروسوفت من وقتها وقفت الدعم عن النظام. بالرغم من رفع الدعم عن النظام ما زال ويندوز إكس بي بيتم استخدامه على عدد ضخم من الأجهزة حول العالم خصوصا في بعض المؤسسات الحكومية. ➖➖➖➖➖➖➖➖➖➖➖➖➖ الصورة من مكتب الرئيس الروسي فلاديمير بوتين عام 2019 وبيظهر فيها إنه ما زال بيستخدم ويندوز XP !

مرصد NetBlocks يؤكد استمرار انقطاع خدمات الإنترنت عن السودان منذ الساعة السادسة والنصف صباحا بتوقيت القاهرة، بعد أخبار عن انقلاب عسكري واعتقال رئيس وزراء الحكومة الانتقالية "عبد الله حمدوك". ما زالت خدمة الإنترنت متوفرة في بعض المناطق في السودان، ولكن نسبة الاتصال بشبكة الإنترنت تراجعت إلى 24% فقط.

الروبوت المقاتل الآلي SPUR من تصميم شركةS.W.O.R.D. Defense Systems 🤖 ▪️ يمتلك مدفع رشاش قادر على إطلاق رصاص عيار 6.5 ملم بدقة حتى مسافة 1200 متر ▪️ يستطيع الركض بسرعة 7.2 كم في الساعة ▪️ يعمل بالليل والنهار ومزود بجهاز تصوير حراري ▪️ يمتلك مستشعرات كهروبصرية ومستشعرات ضوئية ▪️ بطاريات كافية لقطع مسافة 12.5 كلم في كل شحنة ▪️ مطلي بمادة خاصة تساعده على التخفي عن أجهزة الرؤية الليلية والحرارية في تخيل حاليا لسيناريو بيتحكم فيه الجنود في الروبوت من خلال تقنيات الواقع المعزز للقتال عن بعد.

طيب ليه النظام مش بيجي بالصلاحية الكاملة (الروت) 🤷‍♂️ في عدة أسباب لعدم وجود صلاحية الوصول الكاملة لنظام الأندرويد بشكل افتراضي، منها ما هو أسباب تجارية خاصة بشركة جوجل.. لأن وجود روت بيخليك تقدر تعمل حاجات بتضر الشركة زي مثلا حجب إعلاناتها من التطبيقات.. لكن في أسباب تانية. أهم سبب من وجهة نظري هو حماية المستخدم.. انت لما بتنزل تطبيق من المتجر على موبايلك يعتبر بتعطي التطبيق ده معظم صلاحياتك كمستخدم عادي.. فتخيل بقى لو انت معاك صلاحية الروت والي تقدر من خلالها تعدل على نظام التشغيل زي ما انت عايز.. ممكن التطبيقات اللي انت بتستخدمها تعمل إيه بصلاحيات زي كدة ؟ ➖➖➖➖➖➖➖➖➖➖➖➖➖➖➖ إيه مميزات الروت؟ ▪️ استخدام التطبيقات اللي بتحتاج روت زي تطبيقات استعادة الملفات المحذوفة من ذاكرة الموبايل ▪️ تقدر تتحكم في واجهة المستخدم وتغيرها بسهولة ▪️ بتوفر أدوات كويسة لتحسين سرعة الموبايل والبطارية ▪️ الميزة الأهم إنك تقدر تنزل أنظم تشغيل أو إصدارات مختلفة من نظام التشغيل، أو حتى أحدث نسخة من الأندرويد لو موبايلك تم إيقاف التحديثات عنه. ➖➖➖➖➖➖➖➖➖➖➖➖➖➖➖ إيه عيوب الروت؟ ▪️ مش مناسب للمستخدم العادي ▪️ عمل روت للموبايل بيكون صعب شوية في أول مرة وبيحتاج معرفة تقنية كويسة ▪️ بتفقد الضمان الخاص بالموبايل ▪️ ممكن في أثناء عملية الروتينج تحصل مشكلة زي "البوت لوب" اللي ممكن تتسبب في تعطل الموبايل نهائيا ▪️ أخطر عيب للأندرويد هو نزع وسائل الحماية من الموبايل وجعله أكثر عرضة للاختراق والإصابة ببرمجيات خبيثة. ➖➖➖➖➖➖➖➖➖➖➖➖➖➖➖ اعمل روت ولا لا 🤔 الإجابة قطعا لا. الروت مش حاجة مناسبة للمستخدم العادي، ومفيش ميزة هتوفرهالك صلاحية الروت تساوي المخاطرة الأمنية اللي موبايلك هيتعرض ليها لما تسمح لنفسك بالوصول للصلاحية الكاملة لاستخدام نظام التشغيل والتعديل عليه بدون امتلاك معرفة كويسة عن كيفية الاستفادة من الصلاحية دي وحماية الموبايل أثناء الاستفادة منها. ده كان بوست مختصر 😃 عن الروت. لو عايزين تعرفوا معلومات أكتر عن تقنية الروت وازاي بتشتغل وبعض المصطلحات زي البوت لودر تقدروا تتباعوا المقال ده 👇 https://bit.ly/2UsKBug

ما هو الروت 🤔 ببساطة كلمة روت Root يعني "جذر" والمصطلح ده تقنيا عبارة عن امتلاك الصلاحية الكاملة والوصول المفتوح للتعديل على نظام التشغيل (الأندرويد).. وهو مصطلح معروف لمستخدمي نظام "لينكس" لأن نظام الأندرويد مبني على نواة لينكس.. والمصطلح ده هو المكافئ لمصطلح جيلبريك على الآيفون. يعني إيه بردو؟ تخيلوا إن في موظف في شركة ما، الموظف ده مسموح له الوصول لبعض الطوابق أو الأدوار داخل الشركة؛ لكن في طوابق محظور عليه يدخلها لأنها بتحتاج موظف في منصب أعلى. نفس الأمر ينطبق على الأندرويد.. لما جهازك بيوصلك لأول مرة بيكون المستخدم فيه عبارة عن الموظف الغلبان اللي عنده صلاحية محدودة؛ لكن في نفس الوقت انت كمستخدم للنظام العادي بدون روت تقدر تعمل حاجات كتير جدا على الموبايل.

مثال 👇

لو مهتم بالعملات الرقمية وبتواجه مشكلة في الشراء بسبب الحظر اللي على البطاقات البنكية تقدر تعتمد على منصة بينانس P2P 👌 منصة P2P عبارة عن سوق للبائعين والمشترين في كل دول، بحيث تقدر تستخدم وسائل دفع محلية وتشتري زي ما انت عايز. في مصر على سبيل المثال تقدر تستخدم وسائل دفع زي فودافون كاش، أورانج موني، تحويل بنكي وغيرها من الطرق. منصة بينانس طبعا هي أكبر منصة تداول في الوقت الحالي، وهي اللي بتضمن عملية البيع والشراء. ➖➖➖➖➖➖➖➖➖➖➖➖➖➖➖ لو مثلا عايز تشتري 100$ بتكوين مقابل فودافون كاش.. قبل ما بتدفع المنصة بتحجز على القيمة دي من رصيد البائع وتحتفظ بيها، وبعد ما تحول المبلغ وتأكد الدفع المنصة بتعمل إيداع للرصيد في حسابك على الموقع.. وبالتالي النصب فيها بيكون مستحيل لو اتبعت خطوات الشراء بشكل صحيح. من مميزات المنصة دي بردو إنك تقدر تبيع عليها.. يعني لو اشتريت عملة وسعرها زاد وحابب تسحب الفلوس تاني تقدر تبيع الرصيد على P2P وتسحبه على حسابك البنكي أو فودافون كاش أو الطريقة اللي تحبها. ➖➖➖➖➖➖➖➖➖➖➖➖➖➖➖ ده فيديو شرحت فيه طريقة الشراء الصحيحة من الموقع، وازاي تشتري أي عملات أخرى من المنصة 👇 https://youtu.be/iYepB3XJYSY

متصفح Brave أصبح الآن يمتلك محرك بحث وتم تعيينه كمحرك بحث افتراضي على المتصفح بدلا من محرك جوجل 🔍 محرك بحث Brave بيوفر واجهة شبه مطابقة لواجهة محرك جوجل وفيه كل الأدوات اللي جوجل بيوفرها من حيث أنواع التبويبات الخاصة بنتائج البحث زي الصور والأخبار والفيديو. أنا جربت المحرك واستخدمته في البحث عن كلمات عربية والحقيقة اندهشت من دقة النتائج مقارنة بإن المحرك لسه في مرحلة البيتا.. ولقيت النتايج اللي بيعرضها باللغة العربية أفضل من نتائج محركات تانية بقالها سنين زي محرك Bing وDuckDuckGo. أهم ميزة بيوفرها محرك Brave هي الخصوصية وعدم تتبع بيانات المستخدمين زي جوجل اللي لما تبحث عن كلمة بعدها بكام ثانية هتلاقي ظاهرك لك إعلانات ليها.. تقدروا تجربوا المحرك من هنا 👇 https://bit.ly/3ptUZDh

في أخبار حاليا إن شركة فيسبوك بتفكر تغير اسمها كنوع من الهروب من السمعة السيئة اللي بقت مرتبطة بالاسم، وفي نفس الوقت يكون الاسم الجديد بيعبر عن اتجاه الشركة للتوسع في فكرة الميتافيرس Metaverse أو العالم الافتراضي اللي بتحاول الشركة إنها تبنيه.. دي حاجة شائعة شوفنها في أكتر من شركة زي سناب شات بعد دخولها لعالم النظارات الذكية وغيرت اسمها لـ Snap Inc.. وجوجل كذلك لما عملت إعادة هيكلة لنفسها وغيرت اسم العلامة التجارية الأم ليصبح ألفابت Alphabet Inc اللي بيندرج تحتها شركات Google / DeepMind / Waymo وغيرها. من المفترض الإعلان عن الاسم الجديد في مؤتمر فيسبوك القادم يوم 28 أكتوبر.

هيئة المنافسة والأسواق البريطانية CMA قررت تغريم شركة فيسبوك 70 مليون دولار على خلفية صفقة الاستحواذ على مستودع الصور المتحركة Giphy مقابل 400 مليون دولار. الهئية أصدرت أمر لفيسبوك بمنع دمج المستودع مع منتجات فيسبوك لحماية المنافسة، ولكن يبدو إن فيسبوك تجاهل الأمر وتعمد إخفاء معلومات عن الهيئة حول دمج Giphy مع خدماته خصوصا انستجرام.

البتكوين يقترب من كسر رقمه السابق وتحقيق قمة تاريخية جديدة بعد تجاوز سعر العملة 64 ألف دولار. سعر العملة ارتفع بنسبة 50% منذ قرار الصين بحظر عمليات التعدين. التوقعات المستقبلية للعملة تشير بإمكانية وصولها إلى قمة جديدة بين 80 ألف و120 ألف دولار قبل نهاية عام 2021.

البتكوين يكسر قمة تاريخية جديدة بعدما تجاوز سعر العملة 66 ألف دولار 🔥 البتكوين: في طريقي الآن إلى كسر قمة الـ100 ألف دولار 🏍

البتكوين يقترب من كسر رقمه السابق وتحقيق قمة تاريخية جديدة بعد تجاوز سعر العملة 64 ألف دولار. سعر العملة ارتفع بنسبة 50% منذ قرار الصين بحظر عمليات التعدين. التوقعات المستقبلية للعملة تشير بإمكانية وصولها إلى قمة جديدة بين 80 ألف و120 ألف دولار قبل نهاية عام 2021.

مسابقة Tianfu Cup اللي بيتنافس فيها الهاكرز على اختراق أشهر الأنظمة والأجهزة شهدت اختراق آيفون 13 برو مرتين 😏 الاختراق الأول كان لآيفون 13 برو بأحدث إصدار من نظام التشغيل iOS 15.0.2 من خلال ثغرة Remote Code Execution في متصفح سفاري.. والاختراق تم خلال 15 ثانية. الاختراق الثاني كان كذلك لآيفون 13 برو إصدار iOS 15.. لكن الاختراق المرة دي كان أقوى لأن فريق الهاكرز نجح إنه يعمل جيلبريك Jailbreak بشكل كامل للآيفون وربح جائزة قيمتها 300 ألف دولار. (جيلبريك حاجة زي الروت في الأندرويد).

بداية مؤتمر آبل للإعلان عن الإصدار الجديد من سماعات الأذن AirPods وأجهزة ماك برو 👇 https://bit.ly/3ASHpLC

واحد أمريكي رفع قضية على شركة Canon بعد ما اكتشف إن الطابعة بتاعته مش بتعمل Scan إلا لو كان فيها حبر ! صناعة الطابعات دي واحدة من أكبر الصناعات اللي بيحصل فيها نصب على المستهلكين.. تلاقي الطابعة من دول سعرها رخيص جدا ولما تشتريها هتكتشف إن الشركة بتكسب مش من بيع الطابعات ولكن من بيع الـCartridge أو خراطيش الحبر. طابعات كانون All-in-One كلها في العيب ده.. مش هتقدر تعمل سكان لورقة مثلا عشان تاخد منها صورة ديجتال على فلاشة لو الحبر قليل في الطابعة أو مفيش فيها حبر خالص.. ومفيش حد فاهم إيه العلاقة بين إن الطابعة تعمل سكان وإن يكون فيها حبر! الشخص اللي رفع القضية بيطالب بتعويض 5 مليون دولار وفي الغالب هياخدهم.

حاولت الاستخبارات الأمريكية آنذاك كتمان هذا الأمر بالرغم من تعرض أكثر من 26 فردًا من بعثتها في كوبا إلى هذه الأعراض، لكن لاحقًا أٌصيب موظفون ورجال مخابرات أمريكيين وجواسيس في الصين وروسيا وبولندا والنمسا وحتى في العاصمة واشنطن.. وقبل أيام قليلة اشتكى مسئولون في السفارة الأمريكية في ألمانيا من نفس الأعراض، ليصبح الأمر أكثر من مجرد مصادفة وأقرب إلى عمل حربي من جهة معادية. ➖➖➖➖➖➖➖➖➖➖➖➖➖➖ حتى الآن ذهبت الصحافة إلى عدة احتمالات بدأت باتهام كوبا بتدبير اعتداء عبر استخدام ترددات الصوت كسلاح للتأثير على وظائف المخ، ولكن بعد ظهور حالات في دول أخرى تحولت الصحافة الأمريكية لاتهام روسيا بهذا الاعتداء؛ خصوصًا مع تاريخ الاتحاد السوفيتي المعلوم -خصوصًا في فترة الحرب الباردة- بولعه بتطوير أسلحة تعتمد على توجيه الموجات الصوتية الدقيقة لإتلاف وظائف المخ. حاليًا لم تسجل إصابات لأشخاص غير أمريكيين باستثناء بعض المسئوليين الكنديين في كوبا عام 2016. وحاليًا ما زالت "متلازمة هافانا" لغز لم يتم كشفه.. لدرجة وصفه من قبل أحد رجال الاستخبارات الأمريكية بأنه "أصعب تحدٍ استخباراتي واجههم على الإطلاق".

متلازمة هافانا.. مرض غامض أم سلاح فتاك يستهدف أمريكا؟ في عام 2016 وبعد استعادة الولايات المتحدة للعلاقات الدبلوماسية مع دولة كوبا ظهرت أعراض مرضية غريبة على بعض ضباط وكالة المخابرات المركزية الأمريكية CIA لدرجة اعتبارها أعراض لأمراض نفسية ! بدأ تشخيص هذه الأعراض التي أطلق عليها اسم "متلازمة هافانا Havana Syndrome" نسبةً إلى مدينا "هافانا" عاصمة كوبا والتي ظهرت فيها الأعراض لأول مرة. ➖➖➖➖➖➖➖➖➖➖➖➖➖ اشتكى مسئولون في السفارة الأمريكية وبعض ضباط المخابرات من أعراض تراوحت من الشعور بالدوار والصداع والأرق إلى فقدان السمع والدوار ومشاكل عصبية. يصف المصابون بمتلازمة هافانا بأنهم يعانون من سماع ضوضاء عالية داخل الرأس حتى لو قاموا بسد الأذن، بالإضافة إلى الشعور بضغط شديد أو اهتزاز في رؤوسهم، وألم في الأذن أو الرأس لدرجة دفعتهم إلى الاستقالة من وظائفهم.