Tech Xtream

مطورين تطبيق LetMeSpy للتجسس على الهواتف أعلنوا عن وقف التطبيق بشكل نهائي بعد ما تم اختراقهم في شهر يونيو الماضي ☠️ التطبيق كان بيتم استخدامه من شخص للتجسس على شخص آخر من خلال تثبيت التطبيق على الموبايل.. وبعدها التطبيق بيختفي تماما من الموبايل لكن بيكون نشط في الخلفية وبيقدر يجمع كل معلومات الضحية زي الصور وسجل المكالمات والرسائل والموقع الجغرافي وغيرها من البيانات. التطبيق مش بس كان بيشارك البيانات دي مع مستخدم التطبيق، ولكن كان بياخد نسخة لنفسه للربح من بيعها. في شهر يونيو اللي فات تم اختراق الشركة ومسح كل البيانات الموجودة على خوادمها.. والنهاردة تم الإعلان عن إيقاف التطبيق نهائيا.

تطبيق Threads خسر أكتر من 80% من عدد المستخدمين النشطين يوميا بعد شهر واحد من إطلاقه 📉 متوسط مدة جلسات المستخدمين على التطبيق انخفضت من 14 دقيقة إلى 2.3 دقيقة فقط.

شركة مايكروسوفت حدثت أداة Cortana على ويندوز 11 بعد سنتين بدون تحديث.. لكن التحديث ده مش لإضافة مميزات ولكن لوقف الأداة بشكل نهائي 🪦 الأداة متوقع إيقافها كذلك على ويندوز 10 بتحديث مشابه خلال الأسابيع القادمة. وداعا لواحدة من أكتر الخدمات اللي ملهاش لازمة في التاريخ 👋

الحكومة الهندية فرضت حظر على استيراد أجهزة الكمبيوتر واللاب توب والأجهزة اللوحية والخوادم، وقبلهم تم حظر استيراد الشاشة الذكية ❌ الحظر باختصار هدفه تعزيز الاعتماد على الصناعة المحلية.. خصوصا في أكبر بلد في العالم من حيث السكان.. مع توفير الحكومة لدعم بقيمة 2 مليار دولار للمصانع والشركات المحلية. عمليات الحظر دي كمان بتجبر الشركات إنها تبني مصانع محلية زي ما عملت Dell - HP - Apple.. وده معناه مليارات من الاستثمارات الأجنبية، توفير فرص عمل، وزيادة الناتج القومي وحجم الصادرات.. وتحسين الاقتصاد بشكل عام. على جانب آخر... ولا بلاش

حصريا: طريقة الحصول على بكالوريوس حاسبات ومعلومات بمجموع 60% أدبي بدون روت

شركة Meta نشرت الكود الخاص بأداة AudioCraft بشكل مفتوح المصدر.. واللي بيقدر ينتج موسيقى وصوت من خلال محتوى نصي 🎶 الكود خاص بـ3 نماذج AI: MusicGen: وده بيستقبل مدخلات نصية وبينتج موسيقى. AudioGen: وده بيستقبل مدخلات نصية وبيحولها لصوت. EnCodec: أداة فك ترميز بتسمح للمستخدمين بإنتاج صوت بتأثيرات معينة.

شركة أوبر حققت أرباح تشغيلية لأول مرة من سنة 2014 💰 الشركة أبلغت عن تحقيق 326 مليون دولار أرباح تشغيلية للربع الثاني من 2023. الشركة من 2014 بتحقق خسائر تشغيلية بلغت حتى الآن 31.5 مليار دولار.

لما تشتري هارد 1 تيرا وتلاقي المساحة بتاعته 931 جيجا بس..

متصفح OperaX أعلن عن تقديم ميزة جديدة لتزييف سجل التصفح الخاص بالمستخدم 🙂📋 ميزة Fake My History هيتم تفعيلها على المتصفح بعد مرور 14 يوم من عدم الاستخدام.. وهتقوم بمسح سجل التصفح الموجود واستبداله بسجل مختلف من مواقع عادية. الميزة كمان ممكن تجربتها بشكل فوري على المتصفح من خلال الدخول للإعدادات والضغط على Pretend I’m Already Dead 🙂

سلسلة مقالات عن مجال تطوير الألعاب وازاي أي شخص يقدر يبدأ بتعلمه من الصفر وبدون أي خبرة مسبقة. السلسة مناسبة لأي شخص بيفكر يتعلم مجال جديد أو يعمل لعبة في أي مجال وعلى أي جهاز.. كمبيوتر، موبايل، بلايستيشن، إكس بوكس، متصفح وغيرها. السلسة مقسمة إلى 6 مقالات كالتالي: 1️⃣ صناعة ألعاب الفيديو تحت المجهر المقال ده هو الأساس اللي لازم أي حد يبدأ بيه لو مفيش عنده خلفية قوية عن مجال الألعاب. اتكلمت في المقال عن بداية عصر الألعاب من السبعينات وحتى انفجار الصناعة في السنوات الأخيرة. المقال مسلي وفيه معلومات مفيدة وتمهيد للدرس التالي. رابط المقال 👇 https://bit.ly/30jeHmN 2️⃣ مدخل إلى برمجة وتصميم ألعاب الفيديو ده أحد أهم دروس السلسلة لأني بدأت أمهد المعلومات الضرورية اللي لازم تكون عارفها زي الفرق بين التصميم والبرمجة في ألعاب الفيديو، وجاوبت على سؤال هل ممكن تصنع لعبة بدون ما تتعلم برمجة؟ وبعد كدة شرحت ازاي تبدأ تجهز أفكار اللعبة وإيه العناصر اللي انت محتاجها وابتكار قصة اللعبة واتكلمت باختصار عن محركات الألعاب كتمهيد للدرس التالي. رابط المقال 👇 https://bit.ly/2mrkirc 3️⃣ ما هي محركات الألعاب؟ في الدرس ده اتكلمت عن محركات الألعاب Game Engines ودي باختصار البرامج اللي بيتصنع بيها الألعاب واللي ممكن تعتمد عليها في صناعة لعبة بدون برمجة. شرحت بعد كدة عناصر المحركات بالتفصيل زي الواجهة والمؤثرات والحركة وغيرها، وبعد كدة شرحت بالتفصيل ازاي تختار محرك الألعاب المناسب. رابط المقال 👇 https://bit.ly/2lR7ppQ 4️⃣ أقوى محركات ألعاب الفيديو في المقال ده اتكلمت عن أقوى 5 محركات موجودة تقدر تعتمد عليها في تصميم الألعاب، طبعا محركات الألعاب مجانية وتقدر تستخدمها زي ما تحب، وشرحت مميزات وعيوب كل محرك بشكل منظم جدا زي ما هتشوف في المقال إن شاء الله. رابط المقال 👇 https://bit.ly/35CbOOF 5️⃣ أفضل لغات برمجة ألعاب الفيديو في المقال ده اتكلمت عن لغات البرمجة المستخدمة في مجال صناعة الألعاب، طبعا دي خطوة مهمة للناس اللي عايزة تحترف المجال. ذكرت في المقال 5 لغات برمجة ومميزاتهم ومحركات الألعاب اللي بتستخدمهم. رابط المقال 👇 https://bit.ly/2TaS2at 6️⃣ أقوى دورات تصميم الألعاب مقال ختام السلسة اتكلمت فيه عن أفضل دورات عربية مجانية متوفرة لتعلم محركات الألعاب، وهتلاقوا في المقال الكورسات المتوفرة لكل محرك من المحركات اللي اتكلمت عنها في السلسلة. رابط المقال 👇 https://bit.ly/2TicM0h

شركة ستارلينك أصبحت حاليا بتمتلك 4,500 قمر صناعي بيدور حول الأرض لتوفير خدمة الإنترنت 🛰 الرقم ده بيمثل أكتر من 50% من إجمالي الأقمار الموجودة في مدار الأرض. الشركة بتخطط لإرسال 42 ألف قمر صناعي لإمكانية تغطية الكوكب بالكامل بخدمة الإنترنت.

الحكومة الأمريكية بدأت حملة مكثفة للبحث عن أكواد خبيثة نجح هاكرز صينيين في زرعها داخل مؤسسات أمريكية حساسة ☠️ في تقرير مهم نشرته The New York Times قبل ساعات ذكرت فيه إن عن وجود برمجية خبيثة تم استخدامها لاستهداف شبكات الطاقة والمياه والاتصالات في أمريكا ممكن استغلالها لشل أي تحركات للجيش لتأخير ردة فعله في حالة أقدمت الصين على غزو تايوان. الأجهزة المخابراتية الأمريكية بتعتقد إن الهجوم بدأ من 2021، وكان أول اكتشاف ليه في شهر مايو الماضي لما شركة مايكرسوفت اكتشفت برمجية غريبة في أنظمة الاتصالات السلكية واللاسلكية في جزيرة جوام (واحدة من أكبر القواعد العسكرية الأمريكية). البرمجية الخبيثة يعتقد إنها أصابت دول أخرى حليفة لأمريكا زي كندا واستراليا، وإنها من تطوير جيش التحرير الشعبي الصيني. بالرغم من إن الفيروس ده تم تطويره لهدف معين وهو منع تحركات عسكرية في وقت حدوث هجوم، لكن المهاجمين حاليا عندهم سيطرة على شبكات الطاقة والماء والاتصالات في أمريكا بشكل شبه كامل ويقدروا يوقفوها عن الشركات التجارية والمواطنين.

شركة جوجل النهاردة أعلنت عن دخول سياسة حذف الحسابات الغير نشطة حيز التنفيذ 🚨 أي حساب غير نشط لم يتم تسجيل الدخول ليها خلال عامين هيكون عرضة للحذف بكل البيانات الموجودة فيه. عشان الحساب يكون نشط لازم يكون سجل دخول مرة على الأقل خلال سنتين، أو استخدم أي خدمة من خدمات جوجل زي يوتيوب أو متجر التطبيقات أو محرك البحث. هيكون فيه استثناءات من السياسة دي للحسابات الغير نشطة لكنها بتمتلك منتجات نشطة على منصات جوجل، زي الحسابات المرتبطة بقنوات يوتيوب أو بتمتلك تطبيق نشط على المتجر. الحذف الفعلي للحسابات هيبدأ من 1 ديسمبر 2023.

واتساب دلوقتي أصبح بيدعم رسائل الفيديو الفورية في الشات بحد أقصى 60 ثانية للفيديو ⏱

قطاع الواقع الافتراضي في شركة META حقق خسائر إضافية في الربع الثاني من 2023 بقيمة 3.7 مليار دولار 🥽 خسائر الشركة من بداية تحولها للتركيز على تقنيات الواقع الافتراضي للميتافيرس وصلت 40 مليار دولار!

بعد تغيير العلامة التجارية من Twitter لـ X صاحب حساب تويتر اللي معاه اسم المستخدم X كان متوقع إنه يبيعه للشركة أو يحصل على تعويض مادي وقدره في المقابل.. لكن اللي حصل إنه صحى من النوم لقى الاسم اتسحب منه وادوله الاسم ده x12345678998765 بدون ما ياخد أي مقابل 🙂

طابور أمام أحد مراكز مشروع Worldcoin لناس واقفة عشان يبيعوا بصمة قزحية العين مقابل حوالي 50$ ☹️

شركة T-Mobile بدأت طرح تقنية 5G جديدة في أمريكا لتوفير سرعة إنترنت تصل إلى 3.3 جيجابت في الثانية 🚀 التقنية بتعتمد على دمج 4 قنوات 5G في قناة واحدة لتوفير السرعة دي.. وحاليا مش بيدعمها إلا موبايل سامسونج Galaxy S23. شركة Verizon هي كمان بتشتغل على تقنية مشابهة حققت في الاختبار سرعة 1 جيجابت للرفع، 4.3 جيجابت في التحميل. مش عارف الناس دي عايشة ازاي من غير كروت فكة 🙂

بينا يا رجالة

جوجل أعلنت رسميا عن إنهاء دعم متجر التطبيقات Google Play عن أندرويد كيت كات 4.4 في أغسطس 2023 🪦 النظام اللي صدر من 10 سنوات تقريبا ما زال مستخدم على 15 مليون جهاز.