Tech Xtream

زوي روث المعروفة باسم The Disaster Girl وهي صغيرة كان في حريقة في بيت الجيران وراحت تتفرج مع أهلها اللي صوروها الصورة الشريرة دي واللي بيتعمل منها ميمز من سنة 2005 لغاية النهاردة. زوي دلوقتي في الجامعة وقررت تبيع صورتها دي بتقنية NFT مقابل 180 عملة إيثريوم أو ما يعادل نصف مليون دولار 🙂

موقع اختراق تم اختراقه 🤨 في منتدى على النت اسمه OGUsers.. المنتدى ده بيستخدمه الهاكرز لبيع المسروقات عليه خصوصا حسابات المواقع الاجتماعية المسروقة زي فيسبوك وانستجرام وغيرهم.. المهم الموقع ده من كام يوم تم اختراقه وعرض بيانات مستخدمي الموقع اللي عددهم 350 ألف للبيع. البيانات المعروضة للبيع بتضم حاجات خطيرة زي الرسائل، وده ممكن يساعد الجهات الأمنية في القبض على عدد كبير من الهاكرز على الموقع. بالرغم من إن الموقع ده موقع هاكينج لكن دي رابع مرة يتم اختراقه 🤦‍♂️

في شهر فبراير اللي فات شركة تيسلا أعلنت عن شراء بتكوين بقيمة 1.5 مليار دولار.. امبارح الشركة باعت 10% من الكمية دي مقابل 273 مليون دولار، بصافي ربح 101 مليون دولار 😯

تحديث نظام iOS الجديد أصبح متاح الآن.. وده التحديث اللي هيضم لأول مرة ميزة حقيقية بتحمي خصوصية المستخدم من خلال التحكم في التطبيقات والمواقع اللي تجمع بيانات عنه. الميزة دي تحديدا كان ضربة تحت الحزام لشركة فيسبوك لدرجة إنها رفعت قضية احتكار ضد آبل لأنهم لما عملوا تجربة لقوا إن الميزة دي هتخسرهم على الأقل 50% من عوائد جمهور الآيفون.. بل وممكن يتم إزالة جمهور الآيفون من الفئات المستهدفة على منصة فيسبوك الإعلانية بسبب صعوبة الوصول إليهم وجمع معلومات عنهم.

تسريب بيانات معلومات دخول فقط بحجم 100 جيجابايت 😯 من كام يوم حصل تسريب تحت اسم COMB21 يعتبر من أكبر التسريبات اللي حصلت حتى الآن وهو بيحتوي على معلومات دخول فقط (إيميل & باسورد). التسريب ضم: ▪️ 3.2 مليار باسورد ▪️ 2.18 مليار إيميل ▪️ 26 مليون إيميل رسمي (مرتبط بدومين) ▪️ 1.5 مليون إيميل حكومي ! ▪️ 625 مليون باسورد لحساب حكومي التسريب ده مش اختراق لجهة معينة ولكن يبدو إنه سلسلة من الاختراقات وعمليات فك تشفير لقواعد بيانات مخترقة سابقا. خطورة التسريب ده إن فيه معلومات دخول لحسابات في جهات حكومية.. من أبرز الدول اللي شوفت تسريبات ليها كانت تركيا، السعودية، الإمارات، الأردن، المغرب.

السنة اللي فاتت واحد في أمريكا اسمه Josh عمل جروب على الفيسبوك وضاف ليه ناس كتير اسمهم Josh ونشر إحداثيات لمكان هينظم فيه معركة بين كل اللي اسمهم Josh.. واللي هيكسب في الآخر يقدر يحتفظ بالاسم والباقي يغيروا اسمهم.. المعركة انتهت بفوز جوش صغنون

عملة رقمية بتتعدن بالهارد ديسك 😯 عمليات تعدين العملات الرقمية حاليا بتعتمد على أشخاص عندهم قوة حوسبية (كروت الشاشة كمثال) بتستخدم لحل معادلات رياضية معقدة لتوثيق المعاملات اللي بتتم باستخدام العملة، وفي المقابل بيحصلوا على مكافأة تعدين عبرة عن مجموعة أو جزء من العملة. الموضوع ده ليه أضرار خطيرة جدا بسبب استهلاك الكهرباء الضخم والتأثيرات السلبية على البيئة. في ناس فكروا في حل بديل لطريقة التعدين دي وهي التعدين بالتخزين البارد؟ قالك يا سيدي احنا مش هنحتاج لاستهلاك الطاقة الضخم ده.. احنا كل اللي هنحتاجه لتوثيق المعاملات هو أشخاص بيمتلكوا مساحة تخزين موجود عليها كمية من العملة بتاعتنا اللي اسمها Chia بشكل مجمد.. بعد كدة الأشخاص دول يقدروا إنهم يوثقوا المعاملات المالية بنفسهم لأنهم يعتبروا مستثمرين في العملة وأي محاولة للغش هتضرهم، ده غير إن المعدن مش هيقدر يوثق معاملة قيمتها أكبر من قيمة العملات اللي مخزنها، وفي حالة اكتشاف محاولة احتيال المعدن هيخسر رصيده المجمد من العملات.. وبكدة في الاحتيال في كلا الحالتين هيكون نتيجته خسارة.

فيديو عشان الناس اللي طلبت وشرحت طريقة التقديم على دعم مالي على كورسيرا عشان تشوف الكورسات بشكل مجاني 💯 ده شرح طريقة الحصول على دعم مالي من الموقع 👇 https://youtu.be/vrFfiBn6MZM

تطبيق واتساب يبدأ في اختبار ميزة الاستماع للرسائل الصوتية بسرعات مختلفة 😅

القبض على رجل إيطالي حاول التعاقد مع قاتل محترف عشان يشوه الـEx بتاعته من خلال إلقاء حمض الأسيد على وشها 🌚 الشخص الإيطالي دفع 10 آلاف يورو للقاتل من خلال عملة البتكوين.. وقدر جهاز الإنتربول الدولي إنه يتعقب التحويل وصولا للشخص اللي عمل الدفعة. من الغريب بردو إن ازاي الإنتربول أصلا عرف بالمحادثة والتحويل وهي تمت على الدارك ويب.. وده في الغالب لأن الموقع كان وهمي بيديره أجهزة أمنية لاصطياد الناس اللي متعرفش حاجة عن الدنيا دي.. وأنا يمكن شرحت النقطة دي لما اتكلمت عن فكرة الدارك ويب. https://youtu.be/hu5sgHdsz_M

مؤسس تطبيق سيجنال "ماثيو روزنفيلد" المعروف باسم Moxie Marlinspike نشر مقال إنه أثناء ما كان بيشتري سوبيا وقطايف امبارح لقى شنطة واقعة على الأرض عليها شعار Cellebrite.. ودي واحدة من الأدوات اللي طورتها شركة صهيونية لاستخراج البيانات من الموبايلات المحمية بكلمة مرور.. والبرنامج معروف بسمعته السيئة خصوصا لاستخدامه من قبل الجهات الأمنية في الدول الديكتاتورية. أداة Cellebrite بتتكون من جزئين.. جزء هاردوير وجزء سوفتوير وكان في الشنطة أحدث إصدار من البرنامج ومجموعة من الكابلات والدونجلز المصممة لحماية السوفتوير من القرصنة. الحج ماثيو بدأ يعمل اختبار اختراق للأداة واكتشف إنها بتحتوي على عدد ثغرات يقاس بالكيلو.. منها ثغرات عبيطة زي إمكانية تنفيذ Arbitrary Code أو أوامر داخل برنامج Cellebrite نفسه من خلال وجود الكود داخل ملف في أي تطبيق من التطبيقات اللي بيتعملها سكان من Cellebrite.. ووقت ما يبدأ البرنامج في فحص ملفات التطبيق لمحاولة استخراج بيانات بيتم تنفيذ الكود.

خطورة الموضوع ده إن ممكن يتم استخدامه أولا للتلاعب في أدلة جنائية.. يعني لو الشرطة بتفحص موبايل قاتل مثلا والموبايل عليه دليل على الجريمة، ممكن بدل ما الشرطة تستخرج الدليل تدمره.. حاجة كدة زي انت كسبتني وانت ناقص طب ما انت كسبتني وانا ناقص.. ممكن كمان يتم استخدام الثغرة دي لاختراق البرنامج ثم اختراق المؤسسات اللي بتستخدمه سواء كانت حكومية أو غير حكومية لو كان الملف الخبيث في البرنامج عنده القدرة على الانتقال بين الأجهزة وتم توصيله داخل شبكة يقدر إنه يتجسس على الشبكة بالكامل.

خطورة الموضوع ده إن ممكن يتم استخدامه أولا للتلاعب في أدلة جنائية.. يعني لو الشرطة بتفحص موبايل قاتل مثلا والموبايل عليه دليل على الجريمة، ممكن بدل ما الشرطة تستخرج الدليل تدمره.. حاجة كدة زي انت كسبتني وانت ناقص طب ما انت كسبتني وانا ناقص.. ممكن كمان يتم استخدام الثغرة دي لاختراق البرنامج ثم اختراق المؤسسات اللي بتستخدمه سواء كانت حكومية أو غير حكومية لو كان الملف الخبيث في البرنامج عنده القدرة على الانتقال بين الأجهزة وتم توصيله داخل شبكة يقدر إنه يتجسس على الشبكة بالكامل. في فيديو نشره ماثيو في أول تعليق كنوع من الـProof of Concept على كلامه لو حد عايز يشوف شكل البرنامج من جوة.خطورة الموضوع ده إن ممكن يتم استخدامه أولا للتلاعب في أدلة جنائية.. يعني لو الشرطة بتفحص موبايل قاتل مثلا والموبايل عليه دليل على الجريمة، ممكن بدل ما الشرطة تستخرج الدليل تدمره.. حاجة كدة زي انت كسبتني وانت ناقص طب ما انت كسبتني وانا ناقص.. ممكن كمان يتم استخدام الثغرة دي لاختراق البرنامج ثم اختراق المؤسسات اللي بتستخدمه سواء كانت حكومية أو غير حكومية لو كان الملف الخبيث في البرنامج عنده القدرة على الانتقال بين الأجهزة وتم توصيله داخل شبكة يقدر إنه يتجسس على الشبكة بالكامل. في فيديو نشره ماثيو في أول تعليق كنوع من الـProof of Concept على كلامه لو حد عايز يشوف شكل البرنامج من جوة.

في موضوع انتشر اليومين اللي فاتو عن تطبيق بتنزله عشان يخلي لون الواتساب البطيخي لون وردي.. وعشان في كلبوبات ممكن بالفعل ينزلوا تطبيق عشان يخلوا لون الواتس بينك فيجب التنبيه إن التطبيق ده ما هو إلا وسيلة لاختراق الموبايل وسرقة صورك ومعلومات أي بطاقات أو حسابات بنكية على المابايل.. اختراق حرفيا لأنه ملف APK مش موجود على المتجر. يجب التنبيه بردو إن لا التطبيق ده آمن ولا التطبيق الرسمي نفسه آمن.

شركة آبل تتعرض لموقف في منتهى الإحراج 🐱 جروب الهاكرز الروسي REvil نجحوا في اختراق شركة Quanta وضرب جزء من سيرفرات الشركة بفيروس فدية بعد سرقة الملفات اللي عليها. شركة Quanta التايوانية هي واحدة من أكبر شركات التصنيع التكنولوجية، وهي أحد أهم مصنعي أجهزة الماك الخاصة بآبل. السيرفرات اللي تم اختراقها كانت بتحتوي على مخططات وملفات حساسة عن أجهزة الماك وساعات آبل الذكية بالإضافة لكمية كبيرة من البيانات الهامة. فريق REvil طلبوا من آبل دفع فدية 50 مليون دولار في مدة آخرها 1 مايو، وإلا هيتم تسريب جميع الملفات الخاصة بالشركة.

الحياة فرص 🤷‍♂️ بوست نشرته من 8 شهور تقريبا.. سعر عملة الريبل وقت البوست 30 سنت، سعر عملة الريبل النهاردة 1.4 دولار.. بزيادة أكتر من 450% خلال الفترة القليلة دي 🔥 نشرت من يومين فيديو لشرح طريقة شراء العملة.. لو مهتم تقدر تشوفه من هنا 👇 https://youtu.be/YM3P_OP8au8