Tech Xtream

الاتحاد الأوروبي يغرم شركة أمازون غرامة تاريخية قيمتها 888 مليون دولار 😯 سبب الغرامة هو خرق الشركة لقواعد "النظام الأوروبي العام لحماية البيانات GDPR" وطريقة تعاملها مع بيانات العملاء الأوروبيين وإساءة استخدامها لأغراض إعلانية.

كورس كامل 79 ساعة لدراسة منهج شبكات سيسكو CCNA https://bit.ly/3ifw6Ho كورس كامل 17 ساعة لدراسة منهج شبكات كومبتيا Network+ https://bit.ly/3lgcLrw الكورسات مجانية لفترة محدودة 🔥

واحد بعت السي ڤي بتاعه لشركة وذكر من ضمن مهاراته "البحث في جوجل".. الشركة قررت تعمله إنترفيو 🙂 ده مقال مهم هيعرفك بعض الحيل البسيطة للبحث باحترافية في جوجل 👇 https://www.netaawy.com/2019/01/Google-search-tips.html

شركة أمازون قررت إنهاء خدماتها مع شركة التجسس الصهيونية NSO Group على خلفية فضيحة التجسس على نشطاء ومسئولين اللي تم اكتشافاها في الأيام الأخيرة. شركة NSO Group اعتمدت على خدمة أمازون CloudFront ودي عبارة عن CDN أو شبكة منتشرة حول العالم بتساعد على نقل المحتوى بأقل معدل تأخير ممكن، وحسب منظمة العفو الدولية الخدمة دي لعبت دور هام في نشر برمجيات التجسس الخاصة بشركة NSO.

مواصفات هاتف نوكيا القادم من الزمن الجميل Nokia 6310 (2021) ▪️ رام 8 ميجابايت ▪️ شاشة 2.8 بوصة ▪️ كاميرا 0.2 ميجاييكسل ! ▪️ ذاكرة تخزين 16 ميجابايت ▪️ فلاش + منفذ سماعة 3.5 مم ▪️ بطارية 1150 مللي أمبير قابلة للإزالة ▪️ منفذ ذاكرة من نوع microSDHC + دعم شريحتين + راديو ▪️ متوفر بألوان الأسود والأصفر والأخضر الداكن ▪️ سعره حوالي 47 دولار 🙂

واحد يوتيوبر مشهور بعمل فيديوهات من الأفلام اللي بتعتمد على استخدام تقنية التزييف العميق Deep Fake وبيقارنها بين المقطع من الفيلم الأصلي وطبعا بيطلع الفيديو بتاعه أفضل من فيديو الفيلم ! من ضمن الفيديوهات اللي عملها كانت فيديوهات لأفلام أنتجتها شركة Lucasfilm وكان واضح فيها الفرق في دقة التزييف لصالح صاحبنا اليوتيوبر وبدل ما الشركة تبلغ عن الفيديوهات وتقفله القناة طلبوا منه ينضم ليهم ويبقى موظف في الشركة وعملوله منصب جديد اسمه Senior Facial Capture Artist 👨‍🎨

يتصل بك شخصٌ ما ويُعرف نفسه على أنه من طرف شخص أو شركة ما تتعامل معها، يوقفك شخص في الشارع ليطلب منك إجراء مكالمة ضرورية يحتاج إليها، تراسلك فتاة على أحد مواقع التواصل لتعترف أنها كانت تحبك من أيام تالتة رابع، وغيرها من المواقف.. مواقف بسيطة قد لا تنتبه لها، أو ترى أن المعلومات التي قدّمتها خلال هذه المواقف غير مهمة، ولكن ما حدث هو أنك تعرضت للخداع عبر الهندسة الاجتماعية 😟 فما هي الهندسة الاجتماعية؟ ومن أخطر من استخدمها؟ وكيف تحمي نفسك منها 🤔 دعونا نتعرف على ذلك من هذا المقال الشيّق 👇 https://bit.ly/3gbmo53

أمازون ستقبل الدفع بالبتكوين قريبا 😯 بعد ما شركة أمازون نشرت إعلان لوظيفة عن حاجتها لمتخصص في العملات الرقمية والبلوكتشين، وده اللي دفع متخصصين في المجال للتكهن بإن الشركة بتخطط لقبول البتكوين كعملة للدفع على منصاتها. الموضوع ده أكدته جريدة City AM اللي نقلت عن مصدر داخل الشركة إن بالفعل أمازون بتخطط لإطلاق عملة رقمية خاصة بيها وكمان قبول الدفع بالبتكوين، وده كان أحد العوامل اللي أثرت بالإيجاب سوق العملات الرقمية النهاردة. الموضوع ده لو حصل هينقل سعر البتكوين والعملات الرقمية بشكل عام نقلة تانية خالص 🚀

في أقل من يوم واحد ارتفع سعر البتكوين بنسبة 11% ليقترب من حاجز 40 ألف دولار مع تأثير إيجابي على باقي العملات وصعود أسعارها ↗️↗️

أكثر من 3.8 مليار رقم موبايل تم سرقتهم من تطبيق Clubhouse معروضين للبيع 😯 تطبيق المحادثات الصوتية Clubhouse اتعرض لتسريب جديد هيأثر بشكل كبير على سمعة التطبيق لكن مش بس سمعته هي اللي هتتأثر.. تطبيق Clubhouse في شهر فبراير الماضي كان وصل إلى 10 مليون مستخدم فقط.. يعني بالفرض ممكن نقول إنه حاليا عليه 20 مليون مستخدم.. ازاي بقى كان عنده أرقام موبايلات نص الكوكب 😯 حسب الشخص اللي معاه التسريب إن تطبيق Clubhouse بيعمل حاجة اسمها Phonebook Importation.. ده معناه إنك لما بتضيف رقم جديد على موبايلك التطبيق بينسخه وبيضمه لسجل ضخم سري "ده السجل اللي اتسرق" ومش بس كدة، دول كمان كانوا بيعملوا تصنيف للأرقام دي حسب كل شخص عشان يعرفوا أهمية شبكة الأشخاص دول ومستواهم الاجتماعي.. وده طبعا معناه إنهم بيجمعوا بيانات عن الأشخاص اللي حتى مش بيستخدموا الخدمات بتاعتهم وده مخالف لقوانين النظام الأوروبي العام لحماية البيانات GDPR بشكل خاص ولحق الإنسان في الخصوصية بشكل عام. الشخص اللي معاه الأرقام هيعمل مزاد يوم 4 سبتمبر على البيانات اللي هيتم بيع نسخة واحدة منها فقط مقابل أعلى سعر.

تريد تعلم مجال من مجالات البرمجة | الشبكات | التصميم | إدارة الأنظمة | الاختراق الأخلاقي وغيرها من المجالات 🤔 إليكم قائمة بأقوى كورسات تقنية IT يمكن دراستهم أونلاين والحصول على شهادات تؤهلك إلى سوق العمل ومعترف بها من شركات عالمية مثل أمازون | فيسبوك | مايكروسوفت 👇 https://bit.ly/2G1rFiI

تريد تعلم مجال من مجالات البرمجة | الشبكات | التصميم | إدارة الأنظمة | الاختراق الأخلاقي وغيرها من المجالات 🤔 إليكم قائمة بأقوى كورسات تقنية IT يمكن دراستهم أونلاين والحصول على شهادات تؤهلك إلى سوق العمل ومعترف بها من شركات عالمية مثل أمازون | فيسبوك | مايكروسوفت 👇 https://bit.ly/2G1rFiI

التسجيل في تطبيق Clubhouse أصبح مفتوح دلوقتي مش هتحتاج دعوة أو دخول قائمة انتظار 🧍‍♂️🚶‍♀️🚶🚶‍♂️

إيلون ماسك امبارح كان عامل حوار مع جاك دورسي المدير التنفيذي لتويتر حول العملات الرقمية وتحديدا البتكوين.. ماسك في كلامه قال إنه بيمتلك عملات البتكوين، الإيثريوم، الدوجكوين، وإن شركاته تيسلا وسبيس إكس هما كمان بيمتلكوا بتكوين، وإن لا هو ولا شركاته مش هيبيعوا البتكوين اللي بيمتلكوه. نفس الماسك ده كان طلع من فترة هاجم البتكوين عشان أضراره على البيئة، يعني هو وحش ومضر بس هشتريه أنا وشركاتي واخزنه عادي عشان عارف قيمته في المستقبل. أي تصريحات الكائن ده بيعملها عن العملات الرقمية بتكون بالاتفاق للتلاعب بالسوق وتحقيق أرباح على قفا صغار المستثمرين والمبتدئين في المجال 😠

لعبة PES أصبحت مجانية تماما 😯 شركة كونامي النهاردة عملت تغيير شامل في لعبة بيس اللي دلوقتي أصبح اسمها eFootball 🔥 ➖➖➖➖➖➖➖➖➖➖➖➖➖➖➖ أهم التغيرات الجديدة: ▪️ تغير الاسم إلى eFootball ▪️ اللعبة هتصبح مجانية تماما ▪️ بعض الأطوار في اللعبة هتكون مدفوعة ▪️ مش هيكون في نسخة كل سنة ولكن هينزلها تحديثات ▪️ اللعبة قادمة لجميع المنصات والكونسولز والموبايلات ▪️ هتدعم Cross Play = اللاعبين على أي منصة يقدروا يواجهوا بعض ▪️ تم تغيير محرك اللعبة بمحرك Unreal Engine 4 لدعم أوسع وأداء أفضل

أهم أهداف التجسس اللي تم اكتشافها كانت: ▪️ 189 صحفي ▪️ 14 رئيس دولة ▪️ 65 مدير تنفيذي ▪️ 85 ناشط حقوقي ▪️ 600 سياسي ومسؤول حكومي في دول: أفغانستان ، والبحرين ، والصين ، والكونغو ، ومصر ، والمجر ، والهند ، وإيران ، والكويت ، ومالي ، والمكسيك ، ونيبال ، وقطر ، ورواندا، والمملكة العربية السعودية وتوغو وتركيا والإمارات العربية المتحدة والمملكة المتحدة والولايات المتحدة. ➖➖➖➖➖➖➖➖➖➖➖➖➖ برمجية بيجاسوس بتستخدم لجمع سجلات المكالمات وسجلات الموقع والاتصالات ويمكن استخدامها لتفعيل الكاميرا والميكروفون بدون علم المستخدم. حسب تحقيق الواشنطن بوست فجهات التحقيق الجنائي في عملية التجسس قدرت تحدد أهداف التجسس الخاصة بكل دولة، مثلا الإمارات استهدفت التجسس على الرئيس العراقي ورئيس الوزراء اللبناني، الهند استهدفت رئيس الوزراء الباكستاني وبعض المسئولين في باكستان، السعودية استهدفت الصحفي "جمال خاشقجي" وزوجته وخطيبته، المغرب حسبب تحقيق للصحف الفرنسية استخدمت برمجية بيجاسوس للتجسس على الرئيس الفرنسي. الأهداف اللي تم اختراقها في الفترة الأخيرة اعتمدت على ثغرة في تطبيق iMessage على الآيفون بأحدث إصدار وقتها iOS 14.6، وكانت الثغرة من نوع Zero-Day & Zero-Click يعني الثغرة كانت غير مكتشفة ومش بتحتاج أي تدخل من المستخدم عشان تتم عملية الاختراق. ⛔️أي معلومة وردت في البوست على مسئولية الجهات الصحفية التي قامت بنشرها ⛔️

طوفان من الاختراقات لرؤساء دول ومسئولين رفيعي المستوى وصحفين ونشطاء سياسيين بواسطة برمجية خبيثة معروفة باسم بيجاسوس Pegasus طورتها شركة NSO Group الصهيونية. خلال الأيام الثلاثة الماضية نشرت 16 مؤسسة صحفية في 10 دولة مختلفة زي وول ستريت جورنال” ، ”سي.إن.إن” ، ”نيويورك تايمز” ، ”أسوشيتد برس” ، ”لوموند” ، ”بلومبرج” ، ”ذي إيكونوميست” ، ”رويترز” بالتعاون مع منظمة العفو الدولية عن عملية تجسس على 50 ألف شخص من ضمنهم أشخاص في مناصب حساسة أبرزهم: ➖➖➖➖➖➖➖➖➖➖➖➖➖ ▪️ الرئيس العراقي "برهم صالح" ▪️ الرئيس الفرنسي 🐖🐖🐖🐖🐖 ▪️ الرئيس الجنوب إفريقي "سيريل رامافوزا" ▪️ رئيس وزراء مصر "مصطفى مدبولي" ▪️ رئيس وزراء باكستان "عمران خان" ▪️ رئيس وزراء المغرب "سعد الدين العثماني" ▪️ ملك المغرب "محمد السادس" رؤساء وزراء سابقين: ▪️ اليمني أحمد عبيد بن دغر ▪️ اللبناني سعد الحريري ▪️ الجزائري نور الدين بدوي ➖➖➖➖➖➖➖➖➖➖➖➖➖

بيانات مسربة من شركة آرامكو السعودية بحجم 1 تيرابايت معروضة للبيع مقابل 5 مليون دولار 😯 خلال الأيام اللي فاتت بدأت تظهر عروض على الدارك ويب وتم تصميم موقع مخصص لبيع بيانات الشركة السعودية آرامكو مقابل 5 مليون دولار. شركة آرامكو كانت اتعرضت لاختراق ضخم في عام 2012 من خلال مالوير معروفة باسم "شمعون" أو W32.DistTrack نتج عنها اختراق أكتر من 30,000 هوست داخل الشركة. بعد ما أكتر من موقع نشر إن ممكن البيانات اللي بتتباع حاليا دي تكون من تسريب 2012 جروب هاكرز معروف باسم ZeroX نشر إن البيانات حديثة بتاريخ 2020 وتم سرقتها بعد استغلال ثغرة Zero-Day في نظام التخزين السحابي للشركة. البيانات المعروضة للبيع تتضمن معلومات عن: ▪️ اتفاقيات عمل ▪️ عملاء أرامكو ▪️ أنظمة الملفات ▪️ أسعار الوحدات ▪️ وثائق عن شبكات الشركة ▪️ خريطة الموقع والإحداثيات الدقيقة ▪️ خط أنابيب النفط الخام البحريني السعودي ➖➖➖➖➖➖➖➖➖➖➖➖➖➖➖ بيانات أكتر من 14 ألف موظف تضمنت: ▪️ الأسماء ▪️ العناوين ▪️ أرقام الهواتف ▪️ صور جوازات السفر جروب ZeroX أعلن إن آرامكو تقدر تدفع فدية لمحو البيانات بالكامل وعدم بيعها لأي طرف مقابل 50 مليون دولار 💲💲

كل عام وأنتم بخير ❤️ عيد أضحى مبارك أعاده الله علينا وعليكم بالخير واليُمن والبركات ❤️