Pro Study

Онлайн ҳужжат топшириш учун электрон имзо талаб этилмайди #abituriyent Хабарингиз бўлса керак, жорий йилда абитуриентлар учун my.gov.uz портали орқали онлайн ҳужжат топшириш имконияти ҳам берилади. Яъни абитуриентлар уйидан чиқмасдан туриб, интернет орқали ОТМларга ҳужжат топшира олади. Ягона портал орқали ҳам учтагача йўналишни танлаш имконияти бўлади. Энг қувонарлиси, соҳа мутахассисларининг айтишларича, ҳужжат топшириш учун электрон рақамли имзо (ЭРИ) талаб этилмайди. Шунчаки абитуриентлар паспорт серияси ва рақамини ҳамда шахсий идентификация рақамини (ПИН ФЛ) киритса кифоя, бошқа нарса керак эмас. Паспорт ва дипломларнинг сканери ҳам шарт бўлмайди, рақамларини киритса бўлди. ПИН ФЛ қанақа рақамлиги ва уни қандай билиш мумкинлигини мана бу ерда батафсил тушунтирганман - https://t.me/xushnudbek/2055 Лекин бир томони бор – онлайн ҳужжат топширса ҳам ЭКИҲ 10% миқдорида (20 минг сўм) хизмат ҳақи олиниши мумкин экан, бепул бўлмасмиш. Бу хизмат ҳақи қайси йили битирганидан қатъи назар барча абитуриентлардан олиниши режалаштирилаётган экан. Лекин бу ҳали расман тасдиқланганича йўқ. Юқоридагилардан хулоса қилиш мумкинки, хориждаги, масалан Россиядаги ёшларимиз ўқишга ҳужжат топшириш учун Ўзбекистонга келишлари шарт эмас. Интернет орқали ўқишга ҳужжат топшириб, фақат имтиҳон кунига келишса кифоя. Фақат қуйидаги абитуриентлар онлайн ҳужжат топшира олмайди: - алоҳида имтиёзга эга бўлганлар (яъни турли мукофот соҳиблари, олимпиада ғолиблари ва ҳ.к.); - фуқаролик паспорти бўлмаган шахслар (масалан, 16 ёшга тўлмаганлар); - фуқаролиги бўлмаган шахслар. Ушбу тоифадагилар давлат хизматлари марказига шахсан ўзлари боришлари шарт. Онлайн ҳужжат топшириш тартиби билан мана бу ерда танишишингиз мумкин - https://t.me/xushnudbek/2141 👉 @xushnudbek 👈

Учта йўналишга алоҳида имтиҳон бўладими? #abituriyent 1️⃣ Abituriyent 3 ta oliygohga hujjat topshirsa, 2 ta oliygohning imtihon kunlari bir kunga to'g'ri kelib qolish ehtimoli yo'qmi? Bu muammo qanday bartaraf etilari? ЖАВОБ: Абутуриент фақат 1 кун, 1 марта имтиҳон топширади. Мана бу постимда бунинг тартибини тушунтиришга ҳаракат қилганман: https://t.me/xushnudbek/2273 Яъни абитуриент бир марта тестга киради, 90 (60) та саволга жавоб беради, бўлди. Шунинг ўзи етади. Мана шу 1 мартанинг ўзида у учта йўналишга тестга киргандай бўлади. Бошқа куни яна тестга киришига ҳожат қолмайди. 2️⃣ Chirchiq PI va Denov filiali psixologiya defektologiya yunalishiga topshirmoqchi bulsam imtihhonga Toshkentga borishim kkmi ЖАВОБ: Йўқ, Тошкентга келишингиз шарт эмас. Ҳужжатларни Ўзбекистоннинг исталган туманида топшириш имкони бўлгани каби, тестни ҳам исталган ҳудудда топшира оласиз. Бунинг учун олдиндан аризада тестни қайси ҳудудда топширишни белгилайсиз. Эътиборли томони, албатта ОТМ жойлашган ҳудудни танлашингиз ҳам шарт эмас. Масалан, бухоролик абитуриент учала йўналишни Тошкентга топширган бўлса ҳам, Бухорода тестга кириши мумкин. 3️⃣ Kvotalar qanday boʻladi? Masalan , Qoqon DPI ga topshirib, oxirgi o'rinda 140 ball bilan kirdi, ammo bittasi 141 bilan boshqa institutdan qaytib kelsa, 140 ball olgan oʻz oʻzidan kirmagan hisoblsnadimi? Yaʼni pastga tushib ketadimi? ЖАВОБ: Ҳеч ким ҳеч қаёқдан қайтиб келмайди. Мана шунақа “қайтиб келишлар”, яъни "каша" бўлмаслиги учун ҳам якуний натижалар барча тест топшириб бўлгандан кейин эълон қилинади. Абитуриент эртаси куни ўзининг тестдан олган балини билади холос, аммо ҳамма тест топшириб бўлмагунча, кирган ёки кирмаганини била олмайди. Ҳеч кимга аввал “Сиз кирдингиз” дея эълон қилиб, кейин “узр, фалончи баландроқ балл билан қайтиб келди, сиз киролмадингиз” дейишмайди. Абитуриентларга оид бошқа хабарлар: 👉 @xushnudbek 👈

✅Idiom time 💠 backed into a corner 🇬🇧 Meaning: If you're backed into a corner, you're in a difficult situation that will be hard to get out of 🇺🇿 Ma'nosi: Bu iborani biror bir qiyin vaziyatdan chiqish judayam qiyin bo'lganida ishlatamiz Exapmle: 🔸 I really backed myself into a corner when I opened this channel because of my lack of experience! 🔹 Bu kanalni ochganimda tajribam kamligi tufayli, o'zimni juda qiyin vaziyatga solib qo'ygandim!

✅Grammar time 💠 O’rin-joy predloglari (prepositions of location/place) ga asosan AT, IN va ON predloglari misol bo’la oladi. Bu predloglar narsa-buyum yoki shaxsning joylashuvini anglatadi. Har bir predlogni alohida ko’rib chiqamiz: ❇️ AT – “yonida” deb tarjima qilinadi. Ko’pincha o’zbek tilidagi “-da” qo’shimchasiga to’g’ri keladi. AT predlogi qatnashgan iboralarga e’tibor bering: at the door – eshik yonida at home – uyda at the desk – parta yonida at the lesson – darsda at the window – deraza yonida at the cinema – kinoteatrda at the church – cherkov yonida at the hotel – mehmonxonada at the tree – daraxt yonida at the bus-stop – avtobus bekatida ❇️ IN – “ichida” deb tarjima qilinadi. IN predlogi narsa-buyum yoki shaxsning joylashuvini biror narsaning ichida ekanligini bildiradi. IN predlogi bilan ifodalangan iboralarni diqqat bilan o’rganib chiqing va predlogning ishlatilishiga e’tibor bering: in the box – quti ichida in a magazine – jurnalda in the hotel – mehmonxonada in the room – xonada in the newspaper – gazetada in the book – kitobdain Uzbekistan – O’zbekistonda in my mouth – og’zimda in the water – suvda in the garden – bog’da ❇️ ON – “ustida” deb tarjima qilinadi. ON predlogi narsa-buyum yoki shaxsning yuzaga nisbatan joylashuvini bildiradi. “Yuzaga nisbatan” deyilganda, masalan, stol usti (yuzasi)da, devor (yuzasi)da, shift (yuzasi)da kabi joylashuvlar tushinilishi kerak. ON predlogi qatnashgan iboralarni o’qing: on the table – stol ustida on the roof – tomda on horseback – otda on a bus – avtobusda on the left – chapda on the carpet – gilamda on page – sahifada on the wall – devorda on the ceiling – shiftda on the way – yo’lda #grammar Share it👇 https://telegram.me/joinchat/AAAAAEMl6ncJ11OZawsWyQ

✅ IELTS VOCABULARY Connectors Similarity 1. Likewise- shuningdek There is never the perfect time to tell someone something unfortunate, likewise, no one is ever ready to receive bad news. 2. In the same way- shu bilan birga Using painkillers will heal you of a headache in the same way cough syrups gets rid of a cough. 3. Similarly- shu o'rinda Italian painters are renowned for their innovation, similarly so are the Greeks for their philosophies. 4. Also- Bundan tashqari I walked out of the meeting, also, why was John going off like that? That is no way to talk to an employee. 5. Correspondingly-bilan bir qatorda I think mathematics is quite challenging, correspondingly, so is physical science. 6. Simultaneously- bir vaqtning o'zida I walked out of the train, simultaneously, my ex-girlfriend walked in. 7. In the same breadth- shu bilan birga I advocate for equal human rights, in the same breadth, I believe that we must all tolerate each other’s differences #vocabulary 🇺🇿 @IELTSuz 🇺🇿

Учта йўналишни танлаш мажбурийми? #abituriyent 1️⃣ Аввалги йилларда битирган абитуриентлар ҳужжат топшириш учун тўлайдиган тўлов (101 минг 365 сўм) фақат бир марта олинадими? Ёки учта йўналишга топширса, учаласи учун алоҳида тўлайдими? ЖАВОБ: Йўқ, бу бир марталик тўлов. Яъни абитуриент учта йўналишга топширса ҳам, битта йўналишга топширса ҳам 101 минг сўм тўлайди. Фақат инобатга олиш керакки, давлат хизматлари орқали ҳужжат топшираётганда ДХМнинг хизмати учун ҳам ҳақ олиниши мумкин. Бу тахминан ЭКИҲ 10% атрофида (20 минг сўм) бўлиши режалаштирилмоқда. Бу хизмат ҳақи барчадан олиниши мумкин, яъни аввалги йилларда битирганлардан ҳам, жорий йилда энди битирадиганлардан ҳам. Агар Сиз my.gov.uz портали орқали онлайн ҳужжат топширсангиз, унда ҳужжат топшириш учун қўшимча хизмат ҳақи олинмайди, текин бўлади (лекин аввалги йилларда битирганлардан 101 минг сўм олинади). 2️⃣ Жорий йилда учта йўналишни танлаш имконияти берилди, лекин абитуриент фақат 2 та йўналишни танламоқчи, бунга ҳаққи борми? Ёки албатта учта йўналишни танлашга мажбурми? ЖАВОБ: Йўқ, мажбур эмас. Учта йўналишни танлаш ихтиёрий, яъни бу абитуриентларга яратилган қўшимча имконият. Агар абитуриент ўзига ишонса ёки фақат ва фақат битта ОТМда ўқишни орзу қилган бўлса, унда истаса фақат битта йўналишни танлайди, истаса иккита йўналишни танлайди. Бунга чеклов йўқ. Таъкидлаш жоиз, айрим шундай йўналишлар борки, абитуриент шундоқ ҳам битта ўша йўналишни танлашга мажбур бўлади, чунки фанлар кетма-кетлиги унга мос келадиган бошқа вариант йўқ. Масалан, Юридик университетни олайлик. Она-тили (3,1), инглиз тили (2,1), тарих (1,1) кетма-кетлигида бошқа йўналиш йўқ. Демак, жорий йилда ТДЮУга топширмоқчи бўлганлар фақат шу ОТМ билан чекланишга мажбур, бошқасини танлай олмайди. Абитуриентларга оид бошқа хабарлар: 👉 @xushnudbek 👈

Pro Study education center @ProStudy

Жорий йилги республика олимпиадалари ғолиблари бюджетга кирадими? Bu yilgi respublika fan olimpiada g'oliblari OTM larga imtiyozli qabul qilinadimi? Yoki qaror bu yilgi olimpiadaga ham amal qiladimi? ЖАВОБ: Ҳа, жорий йилги ғолиблар имтиёзли равишда имтиҳонсиз бюджетга ўқишга киради. Ахир яқинда чиққан Президент қарорида республика фан олимпиадалари ғолибларига ўша фандан максимал балл берадиган сертификат бериш тартиби белгиландику, дейсизми? Ҳа, шундай. 03.05.2019 йилдаги ПҚ-4306-сонли Президент қарорининг 4-бандига биноан, 2019/2020 ўқув йилидан бошлаб асосий олимпиадаларнинг республика босқичида 1 — 3 ўринларни эгаллаган иштирокчиларга ихтисослик фани бўйича давлат олий таълим муассасаларига кириш имтиҳонларида максимал балл олиш ҳуқуқини берувчи ва уч йил муддат давомида амал қилувчи сертификат тақдим қилинади. Аввалгидек имтиҳонсиз бюджетга ўқишга киришлар бўлмайди. Лекин кўпчилик мазкур банддаги «2019/2020 йилдан» деган жойини бироз нотўғри тушунмоқда. Бу ерда сертификат бериш тартиби кейинги ўқув йилидан бошланади, дейилмоқда. Демак, жорий йилги, яъни 2018/2019 йилги ўқув йили доирасида ўтказилган олимпиадаларда бунақа сертификат берилмайди ва шу пайтгача амал қилиб келган имтиёз сақланиб қолади. Хулоса: яқин орада республика босқичи бўлиб ўтадиган фан олимпиадаларининг 1-3 ўрин соҳиблари ОТМларга имтиҳонсиз давлат гранти асосида қабул қилинади. Абитуриентларга оид бошқа хабарлар: 👉 @xushnudbek 👈

ДТМ фанлар кетма-кетлиги бир хил бўлади деяпти Бугун Адлия вазирлиги томонидан ташкил этилган матбуот анжуманида ОТМларга кириш жараёнидаги ўзгаришлар масаласи муҳокамада бўлди (Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисидаги”ги Президент қарори). Анжуманда Давлат тест маркази, олий таълим вазирлиги, Давлат хизматлари агентлиги масъуллари иштирок этишди. Асосий масалалар бўйича масъулларнинг жавоблари қуйидагича бўлди. 1. Фанлар кетма-кетлиги. Блогер Хушнудбек Худойбердиев уч йўналишдан бирини танлашда фанлар кетма-кетлиги мос бўлиши шарт эмас деган эди. Бошқа манбаларда ҳам шундай хабар тарқалди. ДТМ бош бошқарма бошлиғи Барно Ражабов эса буни бошқачароқ талқин қилди. Яъни фанлар кетма-кетлигига эътибор қаратилади, бўлмасам, кўп чалкашликлар юзага келади деди. Аммо бу масала бўйича яна таклифлар ўрганилаётганини ҳам қистириб ўтди. Хуллас, ҳозирча ноаниқлик. 2. Сертификатлар. В1 сертификати бу йил ўтадими деган асосий саволга ДТМ масъули 2019 йил 1 январгача олинган сертификатлар муддати тугагунича амал қилади деди. Демак, ушбу сертификатлар уч йилгача муддатга эга бўлса, 2018 йил охиригача олинган В1 сертификатлари 2021 йилгача амал қилади деб тушуниш мумкин. Бу йилги IELTS жавоблари 6 июлда чиқишию ЖИДУга ҳужжат қабул қилиш 5 июлда тугаши масаласи ҳам кўтарилди. Ҳужжат топшириш муддатлари ҳукумат қарори билан аллақачон белгилаб қўйилгани, унга ўзгартириш киритиб бўлмаслиги айтилди. (Балки ЖИДУ қабул тартибига ички ҳужжат билан ўзгартириш киритар (буниси ҳозирча аниқ эмас). Ёки абитуриент сертификатсиз, умумий тартибда тест ечиб чиқиши ҳам мумкин. IELTSдан ўтган одам ЖИДУ тестини ҳам еча олар). 3. Натижалар қачон эълон қилинади? Абитуриент тўплаган баллар эртаси куни эълон қилинади, аммо ўқишга кирган ё кирмагани ҳали маълум бўлмайди. Бунинг учун имтиҳонлар тугашини кутиши керак. Ҳамма имтиҳон топшириб бўлгач, кимлар киргани ДТМ сайтида эълон қилинади. 4. Имтиёзлар. Ҳарбий хизматчилар, ногиронлар ва шу каби имтиёзли тоифаларнинг имтиёзлари уч йўналишдан фақат битта – устувор йўналишга татбиқ қилинади. Сиртқи таълимга топширилганларга ҳам имтиёзлар бирдек қўлланади, бунда сиртқи таълим фақат тўлов-контракт асосида амалга оширилишини унутмаслик керак. 5. Информатика фани. Математика фани бўйича тест опширганда 6 та савол информатикадан бўлар эди, кейин информатика чиқариб ташланади деган гаплар чиқди. ДТМ масъули бу масала бўйича таклиф киритилгани, ҳозирда кўриб чиқилаётганини айтди (яъни бу ҳам ҳали аниқ эмас). 6. Ҳужжатлар топшириш. Бу йил ҳужжатлар ФАҚАТ Давлат хизматлари марказлари ва Ягона электрон давлат хизматлари портали орқали топширилади. Бу йил бир миллиондан ортиқ абитуриент ҳужжат топшириши кутилмоқда, ДХА ва ЯЭДХП бу вазифани уддалай оладими деган саволга ДХА масъули бунинг учун барча чоралар кўрилганини айтди. Аввало, ўтган йиллари республика бўйича ҳужжат қабул қилувчи ОТМлар сони 100 тага ҳам етмас эди, ҳозирда республика бўйича 200 дан ортиқ давлат хизматлари маркази бор. Қолаверса, ДХА раҳбарияти зарурат туғилса меҳнат қонунчилигига амал қилган ҳолда ҳужжатларни 24 соат қабул қилиш режасини ҳам тайёрлаб қўйган (уч сменалаб ишлашса керак). 7. Электрон рақамли имзо. Ягона портал орқали ҳужжат топшириш учун электрон рақамли имзо керак бўлади. Бу бир марта олинадиган нарса. Аввалроқ олиб қўйилса, мақсадга мувофиқ. ЭРИни масаофадан туриб олиб бўлмайди, демак, ЭРИси йўқ фуқаролар масофадан туриб ҳужжат топшира олмайдилар. Аммо ДХА ходими ушбу масалани АКТ вазирлиги билан муҳокама қилиб, имкониятларни ўрганиб чиқишини айтди. Тушунишимча, қулайликлар бор, аммо ноаниқиклар ҳам кўп. Синовлар бошланишига оз қолди. Бундай шароитда чайқалишлар айримларни чўчитиши, ҳаяжонга солиши мумкин. Менимча, ҳужжатларга ва тартибларга чалғимай, илм олишда давом этавериш керак. Тест топшираётганда қўлингизда ручкаю миянгизда билимдан бошқа ҳеч нима бўлмайди сизда. манба: @shahnozxon Каналга уланиш👇 https://t.me/joinchat/AAAAAECOxo8fH9t_Y-KDgA

Агар учта йўналишда фанлар кетма-кетлиги бошқача бўлганда баллар қандай ҳисобланар эди? Жорий йилдан бошлаб учта йўналишни танлаш имконияти яратилади. Бу шубҳасиз, жуда қувонарли янгилик албатта. Бунинг фойдаси ҳақида мана бу ерда эслатгандик. Лекин биз эълон қилгандек, фанлар кетма-кетлигига қаралмайдиган қоида ҳозирча мавҳумлигича қолмоқда. Катта эҳтимол билан якунда йўналишлар танлашда фанлар кетма-кетлигини талаб қилишса керак. Майли, илгари шу ҳам йўқ эдику. Масъуллар бунга изоҳ берар экан, фанлар кетма-кетлигига қаралмаса, абитуриент тўплаган балл турлича бўлиб қолиши, бу эса муаммони юзага келтиришини айтишибди. Аммо бу технологиялар ривожланган бир пайтда мутлақо муаммо эмас. Хўш, кетма-кетликка риоя қилинмаса, натижа қандай ҳисобланар эди? Бунда абитуриентнинг натижалари учала йўналиш бўйича алоҳида балл сифатида эълон қилинарди. Чунки агар фанлар кетма-кетлиги мос бўлганда эди, умумий - бир хил балл чиқарди. Лекин фанлар кетма-кетлиги турлича бўлса, умумий балл чиқаришнинг имкони йўқ. Келинг тушунарли бўлиши учун, юридик йўналишлар мисолида кўриб чиқамиз. Қизиқ томони, Ўзбекистондаги юридик йўналишлар учун тест синови 3 хил фанлар мажмуаси бўйича ўтказилади. ТДЮУ учун: Она тили ва адабиёт – 3,1 Чет тили – 2,1 Тарих – 1,1 ЖИДУ (халқаро ҳуқуқ) учун: Тарих – 3,1 Чет тили – 2,1 Она тили ва адабиёт – 1,1 ҚДУ (юриспруденция) учун: Тарих – 3,1 Она тили ва адабиёт – 2,1 Чет тили – 1,1 Абитуриент мана шу учала йўналишни танлади дейлик. Тестда қуйидагича натижа кўрсатди: Тарих – 25 та тўғри жавоб; Она тили ва адабиёт – 20 та; Чет тили – 15 та. Демак, ушбу абитуриентга эртаси куни тўплаган баллари қуйидагича кўринишда эълон қилинади: ТДЮУ – 121 балл (20x3,1 + 15x2,1 + 25x1,1); ЖИДУ – 131 балл (25x3,1 + 15x2,1 + 20x1,1); ҚДУ – 136 балл (25x3,1 + 20x2,1 + 15x1,1). Ва ушбу абитуриент худди шу баллар бўйича танловда иштирок этади. Яъни 121 балл ТДЮУга кириш учун етарли бўлса, унга киради. 131 балл ЖИДУга етарли бўлса, у ерга киради. Агар мабодо иккаласидан ҳам йиқилса, кейин 136 балл билан ҚДУга қаралади. Буларнинг барчаси қўлда ҳисобланмайдику, хавотир олмаса ҳам бўлади, ақлли компьютер бир пасда жой-жойига қўйиб беради. Фақат хоҳиш ва истак бўлса кифоя. Балки жорий йилдан ҳам шунақа қилишар, балки кейинги йилдан бу тизимга ўтишар. Ҳар ҳолда кейинги йилдан барча йўналишларга бир хил B2 сертификат талаб қилинадику, чет тили масаласида ҳам муаммо юзага келмайди. Айтганча, агар фанлар кетма-кетлигига қараш талаби қўйилса, унда ҳуқуқшунос бўлмоқчи бўлган абитуриентлар учта юридик йўналишни танлай олишмайди. Чунки уларда фанлар жойлашуви турлича. Абитуриентларга оид бошқа хабарлар: 👉 @xushnudbek 👈

Учта йўналиш учун фанлар кетма-кетлиги талаб қилинадими? Бугун Адлия вазирлиги томонидан «Тараққиёт стратегияси» марказида Давлат тест маркази масъуллари иштирокида матбуот анжумани ўтказилибди. Унда «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида»ги Президент қарори муҳокама қилинган. Матбуот анжуманида ДТМ вакиллари учта йўналишни танлаш бўйича изоҳ берар экан, фанлар кетма-кетлиги мос бўлиши керак, дея таъкидлашибди. Президент қарори қабул қилингандан сўнг, учта фан бир хил бўлса кифоя, кетма-кетликка қаралмайди, дея хабар берган эдим. Бугунги гаплар кўпчиликни иккилантириб қўймоқда. Кетма-кетликка қараладими ёки йўқми? Олдиндан айтиб қўяй, мен таълим тизимида расман ишламайман ва ёзганларим расмий мақомга эга эмас. Бундан ташқари, қонун ҳужжатларида нима дейилган бўлса, ўша тартибни изоҳлашга ҳаракат қиламан, лекин мутасаддилар бунга амал қиладими, йўқми, бунисига кафолат бермайман. Ёзма қоидалар амалиётда бутунлай бошқача талқин қилиниши мумкин. Энди фанлар кетма-кетлиги ҳақида. 2 та асосга кўра, бундай хулосани ёзганман. Биринчидан, 15 февраль куни ДТМ томонидан Президент қарори лойиҳаси эълон қилинди. Лойиҳада «абитуриентлар томонидан олий таълим муассасаларини танлашда имтиҳон фанлари блоки ва кетма-кетлигининг мослиги эътиборга олинади» деган алоҳида банд бор эди. Лекин расман имзоланган Президент қарорида эса кетма-кетлик ҳақидаги банд олиб ташланган. Илк хулоса шундан эди. Иккинчидан, учта йўналишни танлашда кетма-кетликка қаралмаслиги, лойиҳадаги ўша банд атайин олиб ташлангани тўғрисида таълимга бевосита масъул бўлган мартабали инсонлардан бири хабар қилган эди. Менимча, кейин режалар яна ўзгариб қолган шекилли. Янада аниқроқ тахмин қиладиган бўлсак, ДТМ тайёрлаган техник база кетма-кетликка қатъий риоя қилишни талаб этади, дастурий таъминотни ўзгартириш учун эса энди вақт деярли йўқ. Ўшанчун фанлар кетма-кетлигига қаралиши таъкидланмоқда, менимча. Шунингдек, масъуллар орасида барчаси ҳам янгиликларни бу даражада либерал бўлишидан манфаатдор эмасдек гўё. “Шунчасини ҳазм қилиб туринглар, жуда эркалаб кетманглар” дейишибди, шекилли. Хуллас ўртоқлар, расмий маълумот ва тушунтириш керак бўлса, расмий ташкилотларга мурожаат қилинг, расмий сайтларига киринг. Сайтида Сиз хоҳлаган маълумот борми ёки йўқми, улар билан қанақа боғланасиз, улар Сизга тушунтириш берадими, йўқми, бунисини билмадим. Агар мабодо жорий йилги қабул жараёнларида расман учта йўналишни танлаш учун фанлар кетма-кетлигига мос бўлишни талаб қилишса (чунки ҳалиям бир қарорга келинмаган, мавҳум бўлиб турибди), унда 2 кун давомида каналимда берилган нотўғри талқиндаги хабар учун ҳаммадан узр сўрайман. Умид қиламанки, бу хабар натижасида ҳеч кимга амалий зиён етмади, шунчаки Сизларнинг беҳудага хурсанд бўлганингиздан хижолатдаман. Абитуриентлар фойдасига яхши гумонда бўлибмиз, ёмонроқ ўйлашимиз керак экан. 👉 @xushnudbek 👈

Ўтган йилги B1 сертификатлар энди нима бўлади? #abituriyent 1️⃣ Assalomu alaykum. 2018yilgi oktyabr oyida olingan B1 1-blok uchun maksimal balni beradi degan qaror to'g'rimi. Sizdan iltimos aniqlashtirib bering. ЖАВОБ: Ҳа, тўғри. Вазирлар Маҳкамасининг 13.05.2019 йилдаги 395-сонли қарорида қуйидагича банд мавжуд: «2019 йилга қадар ДТМ томонидан берилган миллий сертификатнинг имтиёзи унинг амал қилиш муддати даврида сақланиб қолинади». Аввалги йилларда берилган сертификатлардаги имтиёз барча ОТМларга ўтар эди. Демак, ўша имтиёз сақлаб қолинади, яъни аввалги йилларда олинган B1 сертификат барча йўналишлар, ҳаттоки чет тили асосий блок бўлган йўналишлар учун ҳам чет тилидан максимал балл беради ва улар шу фандан тестдан озод қилинади. Ҳар ҳолда қарорда шундай ёзилган. 2️⃣ CEFR B1 2018-da olingan boʻlsa, 1-blokka yoki yuridik universitetga o'tadimi? ЖАВОБ: Ҳа, ўтади. Чунки ўтган йили B1 сертификат олганлар Юридик университетда ҳам имтиёзга эга бўлган ва максимал балл олган эди. Демак, ВМ Қароридан келиб чиқиб хулоса қилсак, уларнинг имтиёзи 1-блок учун ҳам, ТДЮУ учун ҳам сақлаб қолинади. Абитуриентларга оид бошқа хабарлар: 👉 @xushnudbek 👈

Сиртқи таълимда ҳам 3 та йўналишни танласа бўладими? #abituriyent 1️⃣ Sirtqi talim shakliga ham 3ta oliy talim muassasasiga (yònalishga) topshrisa boladimi. ЖАВОБ: Ҳа, бўлади. Абитуриентлар ҳужжат топшираётганда фанлар блоки мос келадиган 3 та сиртқи таълим йўналишларини танлаши мумкин. 2️⃣ Uchta OTM ga topshirishda sirtqi va kunduzgiga topshirish imkoni bormi? Masalan ikkitasi sirtqi bittasi kunduzgi qib! ЖАВОБ: Йўқ, мумкин эмас. Бу ерда бир жиҳатни эътиборга олиш керакки, танланаётган 3 та йўналиш албатта битта ТАЪЛИМ ШАКЛИ доирасида бўлиши керак. Яъни битта кундузги, битта сиртқи, битта кечки таълимни танлаб бўлмайди. Агар асосий ОТМ сифатида кундузгига топшираётган бўлсангиз, демак қолган 2 та йўналишни ҳам фақат кундузгилар орасидан танлай оласиз, сиртқи ёки кечки таълимни қўша олмайсиз. Ёки аксинча, агар сиртқига топширмоқчи бўлсангиз, демак барча йўналишларингиз фақат сиртқи таълим доирасида бўлиши керак. 3️⃣ Oʻqishga topshirsak diplomimizni qaytib berishadimi qaytib berishgan taqdirda sirtqi ta'limga topshira olamanmii ЖАВОБ: кундузги йўналишларга ҳужжат топширганда диплом ва паспортни қайтариб беради, лекин бу абитуриентга сиртқига топшириш имконини бермайди. ДТМда база битта бўлади ва кундузгига топширганларни сиртқига қабул қилишмайди. Шунинг учун ёки кундузгига, ёки сиртқига топширишни олдиндан аниқлаб олишингиз керак. 4️⃣ Agar testdan yiqilgan taqdirda sirtqi taʼlim shakliga hujjat topshirsa boʻladimi? ЖАВОБ: Йўқ, топшириб бўлмайди. Кундузги йўналишларнинг жавоби чиққан пайтда аллақачон сиртқига ҳужжатларни қабул қилиш тугаб бўлган бўлади. Абитуриентларга оид бошқа хабарлар: 👉 @xushnudbek 👈

⁠Учта йўналишни танлаш тизимидан мақсад нима? Жорий йилдан бошлаб абитуриентларга 3 та йўналишга ҳужжат топшириш имконияти берилиши расман тасдиқланди. Энг муҳими бунда фанлар кетма-кетлиги мос бўлиши шарт эмас. Масалан, Юридик университетда фанлар мажмуаси она тили (3,1), чет тили (2,1) ва тарих (1,1) кетма-кетликда. ТДЮУга ҳужжат топширган абитуриент хорижий тил йўналишига ҳам топшира олади, чунки у ерда чет тили (3,1), она тили (2,1) ва тарих (1,1) фанларидан тест бўлади. Яъни фанлар бир хил, лекин кетма-кетилиги бошқача холос. Ўша абитуриент агар истаса учинчи йўналишга жаҳон сиёсати йўналишини ҳам танласа бўлади. Лекин асосий шарти блокдаги учта фан бир хил бўлиши керак. Масалан, молия йўналишига (математика, чет тили, она тили) топширган абитуриент тиббиёт йўналишига (биология, кимё, она тили) топшира олмайди. Яна бир жиҳати 3 та йўналишни албатта учта ОТМда танлаш шарт эмас. Учала йўналиш ҳам битта ОТМда бўлиши мумкин. Масалан, бир пайтнинг ўзида Тошкент тиббиёт академиясининг 3 та факультетига ҳужжат топширса бўлади. Ёки агар истаса ТТАнинг 2 та йўналишига топшириб, учинчисини Фармацевтика ёки Стомотология институтидан танласа бўлади. Бунақа тизимдан мақсад нима? Чунки илгарилари абитуриент олдида фақат биттагина танлов имконияти бўларди. Натижада амалиётда шундай ҳолатлар кўп учрардики, кимдир 160-170 балл билан контрактга ҳам кира олмайди, яна кимдир бошқа жойда 90 балл билан бюджетга киради. Кеча «Ахборот» дастурида шунга оид аниқ рақамлар келтирилди. Яъни ўтган йили 313 та таълим йўналиш бўйича 106 баллдан (56%) паст тўплаган 36 минг 448 нафар абитуриент ўқишга кирган. 143 та таълим йўналиши бўйича 106 баллдан юқори тўплаган 29 минг 322 нафар абитуриент эса ўқишга кира олмаган. Бир нечта йўналишни танлаш имконияти эса мана шундай тенгсизликнинг олдини олади. Ажратилган квотани шунчаки омади келганлар билан эмас, балки бирмунча билимли талабалар ҳисобига тўлдириш имконияти ошади. Ва ўз-ўзидан соғлом рақобат ҳисобига жорий йилда кириш баллари ошиши тахмин қилинмоқда. Бу шундоқ ҳам кириш бали юқори бўлган ОТМларга унча таъсир ўтказмайди, лекин кириш баллари паст бўлган йўналишларда баллар сезиларли ошиши мумкин. Абитуриентларга оид бошқа хабарлар: 👉 @xushnudbek 👈

Учта йўналишга алоҳида имтиҳон бўладими? #abituriyent 1️⃣ Abituriyent 3 ta oliygohga hujjat topshirsa, 2 ta oliygohning imtihon kunlari bir kunga to'g'ri kelib qolish ehtimoli yo'qmi? Bu muammo qanday bartaraf etilari? ЖАВОБ: Абутуриент фақат 1 кун, 1 марта имтиҳон топширади. Мана бу постимда бунинг тартибини тушунтиришга ҳаракат қилганман: https://t.me/xushnudbek/2273 Яъни абитуриент бир марта тестга киради, 90 (60) та саволга жавоб беради, бўлди. Шунинг ўзи етади. Мана шу 1 мартанинг ўзида у учта йўналишга тестга киргандай бўлади. Бошқа куни яна тестга киришига ҳожат қолмайди. 2️⃣ Chirchiq PI va Denov filiali psixologiya defektologiya yunalishiga topshirmoqchi bulsam imtihhonga Toshkentga borishim kkmi ЖАВОБ: Йўқ, Тошкентга келишингиз шарт эмас. Ҳужжатларни Ўзбекистоннинг исталган туманида топшириш имкони бўлгани каби, тестни ҳам исталган ҳудудда топшира оласиз. Бунинг учун олдиндан аризада тестни қайси ҳудудда топширишни белгилайсиз. Эътиборли томони, албатта ОТМ жойлашган ҳудудни танлашингиз ҳам шарт эмас. Масалан, бухоролик абитуриент учала йўналишни Тошкентга топширган бўлса ҳам, Бухорода тестга кириши мумкин. 3️⃣ Kvotalar qanday boʻladi? Masalan , Qoqon DPI ga topshirib, oxirgi o'rinda 140 ball bilan kirdi, ammo bittasi 141 bilan boshqa institutdan qaytib kelsa, 140 ball olgan oʻz oʻzidan kirmagan hisoblsnadimi? Yaʼni pastga tushib ketadimi? ЖАВОБ: Ҳеч ким ҳеч қаёқдан қайтиб келмайди. Мана шунақа “қайтиб келишлар”, яъни "каша" бўлмаслиги учун ҳам якуний натижалар барча тест топшириб бўлгандан кейин эълон қилинади. Абитуриент эртаси куни ўзининг тестдан олган балини билади холос, аммо ҳамма тест топшириб бўлмагунча, кирган ёки кирмаганини била олмайди. Ҳеч кимга аввал “Сиз кирдингиз” дея эълон қилиб, кейин “узр, фалончи баландроқ балл билан қайтиб келди, сиз киролмадингиз” дейишмайди. Абитуриентларга оид бошқа хабарлар: 👉 @xushnudbek 👈

Энди ҳужжатлар ОТМларда қабул қилинмайди #abituriyent Xujat topshirish qachon boshlanadi unda onlayn tarzda shunga xam oydinlik kiriting iltimos tulov onlayn qaysi xisobga utkaziladi oldindan raxmat ЖАВОБ: Ҳужжат топшириш санаси аввалги йиллардагидек қолган, алоҳида бошқача сана ҳозирча эълон қилингани йўқ. Яъни ҳужжатлар 15 июндан 15 июлгача қабул қилинади. Ҳужжат топширишда эса катта ўзгаришлар бор. Яъни эндиликда ҳужжатлар ОТМларда қабул қилинмайди. Балки абитуриентлар энди фақат Давлат хизматлари марказлари ёки Ягона интерактив давлат хизматлари портали (my.gov.uz) орқали ҳужжат топширади. Бунинг афзал томони шундаки, ҳужжат топшириш учун ОТМ жойлашган ҳудудга, масалан, айтайлик Тошкентга бориш шарт бўлмайди. Ҳамма ўз туманида топшира олади. Масалан, Навоийнинг Томди туманида яшовчи абитуриент Тошкентдаги ОТМга ҳужжат топшириш учун туманидаги Давлат хизматлари марказига борса кифоя. Нафақат Тошкент, балки вилоят маркази сифатида Навоий шаҳрига бориш ҳам шарт эмас. Интернетдаги Ягона портал орқали онлайн ҳужжат топшираётганлар учун Payme ёки Click каби хизматлар орқали тўлов қилиш имконияти яратилади. Абитуриентларга оид бошқа хабарлар: 👉 @xushnudbek 👈

Касбий (ижодий) имтиҳон топширадиганлар учта йўналишни танлай олмайди Assalomaleykum Xushnud aka kasbiy ijodiy imtihon topshirdiganlar qanday yonalishlarni tanlaydi yoki faqat 1 ta otmga topshiradimi ЖАВОБ: Ҳа, фақат 1 та йўналишга топшира олади. Учта йўналишни танлаш ҳуқуқи фақат тест синовлари топшириладиган ОТМлар учун амал қилади, холос. Ҳозирча касбий (ижодий) имтиҳонлар ўтказиладиган йўналишлар учун бундай имконият йўқ. Келгуси йилларда қўшилиши режалаштирилмоқда. Касбий (ижодий) имтиҳонлар ўтказиладиган йўналишлар 2 та тоифага бўлинади. 1-тоифа: алоҳида иқтидор талаб этиладиган таълим йўналишлари бўлиб, уларда умуман тест синовлари ўтказилмайди, фақат касбий (ижодий) имтиҳонлар бўлади. Бундай йўналишлар сони 17 та бўлиб, тўлиқ рўйхат мана бу ерда берилган. 2-тоифа: ҳам тест, ҳам касбий (ижодий) имтиҳонлар бўладиган йўналишлар. Бундай йўналишларнинг сони 23 та бўлиб, тўлиқ рўйхат мана бу ерда берилган. Юқоридаги иккала тоифага кирувчи барча йўналишлар учун бир нечта йўналишни танлаш имконияти берилмайди. Яъни журналистика ёки санъатшунослик йўналишига топширсангиз, унда қўшимчасига бошқа бирорта йўналишни (ОТМни) танлай олмайсиз. Абитуриентларга оид бошқа хабарлар: 👉 @xushnudbek 👈

✅Idiom Time 💠 Keep your head above water 🇺🇿 Ma'nosi : Moliyaviy qiyinchilikka duch kelganimizda va bu holatda qandaydir qilib kunimizni o'tkazayotganimizni aytganda ishlatamiz. Example: 🔸I have so little money that I can hardly keep my heads above water🥺 🔹Manda shunchalik pul kamki, kunimni zo'rg'a o'tkizyapman🤐 🇺🇿 @IELTSuz 🇺🇿

Абитуриентлар диққатига! Олий ўқув юртларига тест синовлари топширишдаги янгиликлар "O'zbekiston 24" телеканали нигохида (видео) Каналга уланиш👇 https://t.me/joinchat/AAAAAECOxo8fH9t_Y-KDgA

Учта ОТМ танлаш тартиби қандай бўлади? #abituriyent Shupaytgacha 3ta oliygohdan birini asosiy sifatida belgilash va agar Shu asosiy oliygohga õqishga Kira olmagan taqdirdagina keyingilariga Õtish imkoni Berilishi haqida eshitgandim. Bu degani biz 3ta oliygohdayam talabalikka tavsiya qilinsak biriga kantrakt biriga grant asosida õqishga kirsak Byudjetga kirganimizni tanlash imkoniga ega bõlamizmi??? ЖАВОБ: Абитуриентлар ҳужжат топшираётган пайтда, 3та йўналишни устувор кетма-кетликда белгилайди. Яъни биринчи, иккинчи ва учинчи йўналиш сифатида қайси ОТМларни танлаганини олдиндан белгилашади. Худди шу пайтгача ҳарбий имтиёзга эга абитуриентлар 2 та ОТМни танлагани каби. Бундай вазиятда абитуриент устувор йўналишга кира олмаган тақдирдагина кейинги йўналишда омадини синаб кўриши мумкин. Агар хоҳ контракт, хоҳ грант бўлсин, устувор йўналишга тўплаган бали етса, унда кейинги йўналишлар учун баллари ҳисобга олинмайди ва танловда иштирок эта олмайди. Ортиқча саволлар бўлмаслиги учун, мисол тариқасида тушунтираман. Айтайлик, фарғоналик абитуриент тарих йўналиши бўйича қуйидаги кетма-кетликда ОТМларни танлади дейлик: 1-йўналиш: ЎзМУ 2-йўналиш: Шарқшунослик институти 3-йўналиш: ФарДУ Учала йўналишда ҳам фан кетма-кетлиги бир хил бўлгани учун, абитуриент тест синовларидан умумий 150 балл тўплади, дейлик. Бу балл ЎзМУга контракт, ТДШИ ва ФарДУга эса бюджетга етарли бўлса, унда абитуриент қайси бирини танлаши мумкин? Шарқшуносликнинг бюджетини танласа бўладими? Йўқ, бўлмайди! Бундай вазиятда абитуриентда танлов имконияти йўқ, у устувор йўналиш сифатида 1-ўринда ЎзМУни белгилагани учун, шу ернинг контрактига кирган ҳисобланади, қолган 2 та йўналиш инобатга олинмайди. Қачонки у ЎзМУга етарли балл тўплай олмасагина, кейин Шарқшунослик ҳисобланади. Агар абитуриент бали ЎзМУ ва Шарқшуносликка ҳам етарли бўлмаган тақдирдагина, кейин ФарДУ инобатга олинади. Яъни устувор ОТМга кира олмасагина, балл кейингисига ўтади. Агар устувор ОТМга етарли балл тўпладими, тамом, у хоҳ бюджет, хоҳ контрактга кирган бўлсин, кейинги ОТМларга инобатга олинмайди, шу ерда тўхтайди. Хулласи калом, абитуриентга танлов имконияти ҳужжат топшириш вақтида берилади. Ўша пайтда у ОТМлар рўйхати ва уларнинг кетма-кетлигини тўғри танлаши керак, тест ўтгандан кейин унда танлов ёки ўзгартириш имкони бўлмайди. Абитуриентларга оид бошқа хабарлар: 👉 @xushnudbek 👈