Pro Study

Келгуси йилдаги 5 та фан бўйича имтиҳон масаласида ДТМ ўз расмий каналида келгуси йилдаги тестлар ҳақида айрим саволларга жавоб беришни бошлади. Аммо ушбу савол-жавобларда янги гап йўқ, Президент қароридаги бор маълумотни шунчаки қайта эслатишмоқда. Токи янги тартибга оид ҳужжат расман тасдиқланмагунча янги гап айта олишмаса ҳам керак. Келгуси йилги тест синовлари ҳақида бизга қуйидагилар маълум: 👉 келаётган йилда 5 та фандан имтиҳон бўлиши аниқ, бу Президент қарорида белгиланган. Яъни бу масала аллақачон ҳал этилган, фақат тартиби ҳозирча номаълум холос; 👉 5 та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас; 👉 Президент қарорида тестлар икки бўлимга ажратилиши белгиланган, биринчи бўлимда барча учун мажбурий учта фан — она тили (ўзбек, рус ёки қорақалпоқ тили), математика ва Ўзбекистон тарихи; иккинчи бўлимда йўналишга мос иккита махсус фан белгиланган; 👉 Қарорда она тили (ўзбек, рус ёки қорақалпоқ тили) деб кўрсатилганлиги сабабли, мажбурий блокда адабиёт фанидан тест саволлари бўлмайди; 👉 Қарорда Ўзбекистон тарихи деб кўрсатилганлиги учун, мажбурий блокда жаҳон тарихи фанидан тест саволлари бўлмайди. Юқоридаги маълумотлар тушунарли, аммо асосий саволларга абитуриентлар қачон жавоб топишади? • мажбурий блокда ўтиш бали бўладими ёки ушбу учта фандан неча балл олса ҳам фарқи йўқми, умумий 5 та фандан тўплаган бали ҳисобга олинадими? • махсус блокда шундоқ ҳам она тили, математика ва тарих фанидан саволлар бўладиган йўналишларда тартиб қандай бўлади? Улар 2 марта математика, она тили, Ўзбекистон тарихидан саволларга жавоб берадими? • айрим йўналишларда фанлар блоки ўзгариши ҳақида гап-сўзлар юрибди, масалан юриспруденция йўналишида яна тарих асосий фанга айлантирилиши мумкин экан. Умуман олганда қайси йўналиш қайси фандан имтиҳон топшириши қачон аниқ бўлади? Ахир абитуриентлар буни олдиндан билиши керакку! Ёки ўтган йилгиларга ўхшаб, яна тестга 1 ой қолганда маълум қиласизларми? • қайси дарсликлардан тест саволлари тузилиши қачон эълон қилинади ёки бу ҳам узоқ вақт сир тутиладими? Тестдаги шаффофлик деганда фақат ҳаммаёққа камера қўйиш, катта павильонларда тест ўтказиш тушунилмайди. Энг аввало шаффофлик деганда имтиҳонларга оид барча зарур маълумотлар олдиндан эълон қилиниши, абитуриентлар ҳамма саволларга очиқ-ойдин жавоб топа олиши, ҳеч нарса мавҳум бўлмаслиги муҳим. Бизда эса минг афсуски энг муҳим маълумот ва жиддий ўзгаришларни тестга кам вақт қолганда эълон қилишадиган жуда ёмон одат бор. Бу абитуриентларга нисбатан адолатсизлик эканлигини ёки тушунишмайди, ёки тушунса ҳам пинагини бузишмайди. «Керак бўлса кўникади» деган принципда юрадигандек туюлишади. Қани, кўрамиз, балки жорий йилда мана шу «касаллик»ка барҳам берилар. 👉 @xushnudbek 👈

Олий таълим тизимида жиддий ўзгаришлар бўлади Президент Фармони билан Ўзбекистон Республикаси олий таълим тизимини 2030 йилгача ривожлантириш концепцияси тасдиқланди. Концепцияга биноан, 2030 йилга бориб қуйидагиларни амалга ошириш режалаштирилмоқда: 👉 олий таълим соҳасида давлат-хусусий шерикликни ривожлантириш, ҳудудларда давлат ва нодавлат ОТМлар фаолиятини ташкил этиш асосида олий таълим билан қамров даражасини 50 фоиздан ошириш (масалан, 1 млн абитуриент ҳужжат топширса, уларнинг 500 минг нафари қабул қилинади); 👉 ЎзМУ ва СамДУни мамлакатимиз ОТМларнинг флагманига айлантириш ҳамда уларни халқаро рейтингда ТОП-500 га киритиш; 👉 10 та ОТМни халқаро рейтингда ТОП-1000 га киритиш; 👉 ОТМларда ўқув жараёнини босқичма-босқич кредит-модуль тизимига ўтказиш (ажойиб янгилик, фақат талабалар бунга тайёрмикин?!); 👉 ОТМларнинг академик мустақиллигини таъминлаш; 👉 Ўзбекистон олий таълим тизимини Марказий Осиёда халқаро таълим дастурларини амалга оширувчи «хаб»га айлантириш; 👉 олий таълимнинг инвестициявий жозибадорлигини ошириш, хорижий таълим ва илм-фан технологияларини жалб этиш; 👉 ОТМларни босқичма-босқич ўзини ўзи молиялаштириш тизимига ўтказиш ва молиявий барқарорлигини таъминлаш; 👉 Республика олий таълим кенгашини ташкил этиш тўғрисидаги таклифига розилик берилди (бу ҳақида аввалроқ ёзгандим ва Кенгаш таркибини ҳам илова қилгандим). Кенгаш томонидан тайёрланган таклиф ва тавсиялар вазирлик ва идоралар ҳамда ОТМлар томонидан мажбурий тартибда кўриб чиқилади; 👉 Ўзбекистон олий таълим тизимини 2030 йилгача ривожлантириш концепциясини 2019 йилда амалга ошириш бўйича «Йўл харитаси» тасдиқланди. Орзулар улкан! Амалиётда қандай бўларкин, буни вақт кўрсатади. Барча пунктлар ҳақида навбати билан ўз фикрларимни бериб боришга ҳаракат қиламан. 👉 @xushnudbek 👈

Abituriyentlar va keng jamoatchilik diqqatiga O‘zbekiston Respublikasi Prezidentining 2019-yil 14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son qarorida 2020/2021 o‘quv yili qabulidan boshlab test sinovi topshiriladigan fanlar majmuasini ikki bo‘limga ajratib, birinchi bo‘limga barcha test topshiruvchilar uchun majburiy uchta fan – ona tili (o‘zbek, rus, qoraqalpoq tili), matematika va O‘zbekiston tarixi, ikkinchi bo‘limga abituriyent tanlangan bakalavriat ta’lim yo‘nalishiga mos ikkita fanni kiritilishi nazarda tutilgan. Davlat test markazi, Oliy va o‘rta maxsus ta’lim vazirligi, Xalq ta’limi vazirligi mutaxassislari tomonidan ma’qullangan majburiy fanlar hamda bakalavriatning ta’lim yo‘nalishiga mos fanlar bo‘yicha test topshiriqlarining taqsimoti va baholash mexanizmi bo‘yicha quyidagi taklif keng jamoatchilik, ota-onalar hamda abituriyentlar diqqatiga muhokama uchun taqdim etilmoqda: Majburiy fanlar: Ona tili - 15 ta savol, har biri uchun 2.1 balldan; Matematika - 15 ta savol, har biri uchun 2.1 balldan; O‘zbekiston tarixi - 15 ta savol, har biri uchun 2.1 balldan. Jami to‘plash mumkin bo‘lgan ball – 94.5 ball. Ta’lim yo‘nalishiga mos fanlar: 1-fan - 30 ta savol, har biri uchun 3.1 balldan; 2-fan - 30 ta savol, har biri uchun 3.1 balldan. Jami to‘plash mumkin bo‘lgan ball – 186 ball. Majburiy fanlar bo‘yicha abituriyentlarga beriladigan savollar birinchi murakkablik darajasidagi savollar bo‘lib, ularga javob uchun - ona tili va O‘zbekiston tarixi fanlaridan bir daqiqagacha, matematika fanidan - 1,5 daqiqagacha vaqt ajratilishi mo‘ljallangan. Test topshiriqlariga javob berish hamda javoblarni javoblar varaqasiga ko‘chirish bilan birga test sinovlariga jami 3 soat vaqt ajratilishi taklif etilmoqda. Mushtariylar o‘z fikr-mulohazalarini, takliflarini @dtmga_murojaat_bot orqali bildirishlari mumkin. Davlat test markazining ijtimoiy tarmoqlardagi sahifalari: Telegram | Facebook | Instagram

⭐️ Pro study ⭐️ O'quv markazida yangi guruhlar uchun qabul ochildi 😃 1️⃣ Ingliz tili umumiy guruhlar - GENERAL ENGLISH (Beginner - Advanced) 👍🏻 2️⃣ PRE-IELTS kurslari (davomiyligi 3 oy) 👍🏻 3️⃣ IELTS kurslari 👍🏻 4️⃣ B1 / B2 / C1 daraja uchun tayyorgarlik guruhlari 👍🏻 5️⃣ Ingliz tili o'qituvchilari uchun ustama haq testiga va Aptis testiga tayyorgarlik 👍🏻 6️⃣ Yosh bolalar uchun kurslar - KIDS ENGLISH 👍🏻 7️⃣ Ingliz tili grammatika kurslari - DTM testlari uchun 👍🏻 Yuqoridagi guruhlarga qabul 31.10.2019 gacha. Bizga qo'shiling, sira afsuslanmaysiz 😉 Kurslarga yozilish uchun +998979209494 raqamiga qo'ng'iroq qilishingiz mumkin 😊 ⭐️ Pro Study ⭐️ Manzili: Chelak Shahar / / O'yingoh Ko'chasi 6-uy / Mo'ljal :Istirohat bog'i

Aqliy salohiyatingizni susaytiruvchi 5 odat 1.Bilmaganlarimizni «Google»dan so‘rash. Albatta, sizni o‘ylantirgan, qiziqtirgan va ayni paytda javobi zarur savolni shundoqqina internetga yozib, javobini zumda topish oson. Biroq ruhshunoslarning tadqiqotiga ko‘ra, tez sur’atda internetdan olingan ma’lumot xotiramizga o‘rnashib ham ulgurmas ekan. Shunday ekan, shoshmang, yaxshisi, bilimlaringizni uyg‘otishga yoki kitob orqali izlab topishga harakat qiling. 2. Joningiz og‘rib tursa ham ishlash! Fidoyilikmi bu yo ishga o‘ta mukkasidan ketish — farqi yo‘q. Avvalo, betoblikda ishda unum bo‘lmaydi, zavqi hissi-ku begonalashadi va nimadir o‘rgana olmaysiz. Kasalliklarni tik oyoqda yengish ham salomatlikka, ham hayotiy quvvatga zarar. Anglaganingizdek, davolanib, keyin ishga chiqish darkor! 3. Muloqotdan qochish. Siz juda ishchansiz, hamkasblar bilan mundoq fikr almashish, gaplashishga vaqt sarflash — jinoyatdek gapmi? Bu bilan ishim tez, oson va vaqtida bitadi deb o‘ylaysiz. Yangilishasiz, bora-bora o‘z qobig‘ingizga o‘ralib qolasiz. Muloqot dunyoqarashni kengaytiradi, unutmang. 4. Hadeb telefonga qarayverish, internetga mo‘ralayverish diqqatni jamlay olmaslik, qilayotgan ishingizga mehr bilan yondashmaslik, kam-kamdan, ammo ko‘p vaqtni havoga sovurishga olib keladi. O‘zingiz uchun tartib o‘rnating, ya’ni vaqtni har bir narsaga alohida taqsimlang. 5. Yog‘li va yarimtayyor yeguliklar dangasalikka olib keladi. Xotirani sustlashtirishi, aqliy faoliyatga salbiy ta’sir ko‘rsatishi, uyqu chaqirishi mehnat unumdorligini paysatirmay qolmaydi. Ish orasida mevalar yeyishga odatlaning, yong‘oqni ermak qiling, yog‘li taomlar jonu dilingiz bo‘lsa, ko‘proq yog‘li baliq go‘shtini iste’mol qilishingiz mumkin. 👉 https://t.me/joinchat/AAAAAFNtMJpk4lKeKnsw8w

Келгуси йил 5 та фандан тест топшириш қандай бўлади? Давлат тест маркази келгуси йилги кириш имтиҳонларида 5 та фандан тест топширишга оид лойиҳани муҳокама учун эълон қилди. Унга кўра, тартиб қуйидагича бўлиши режалаштирилмоқда: Mажбурий фанлар: Она тили - 15 та савол, ҳар бири учун 2.1 баллдан; Mатематика - 15 та савол, ҳар бири учун 2.1 баллдан; Ўзбекистон тарихи - 15 та савол, ҳар бири учун 2.1 баллдан. Жами тўплаш мумкин бўлган балл – 94.5 балл. Tаълим йўналишига мос фанлар: 1-фан - 30 та савол, ҳар бири учун 3.1 баллдан; 2-фан - 30 та савол, ҳар бири учун 3.1 баллдан. Жами тўплаш мумкин бўлган балл – 186 балл. Mажбурий фанлар бўйича абитуриентларга бериладиган саволлар биринчи мураккаблик даражасидаги саволлар бўлиб (яъни энг осон саволлар), уларга жавоб учун - она тили ва Ўзбекистон тарихи фанларидан 1 дақиқагача, математика фанидан - 1,5 дақиқагача вақт ажратилиши мўлжалланган. Tест топшириқларига жавоб бериш ҳамда жавобларни жавоблар варақасига кўчириш билан бирга тест синовларига жами 3 соат вақт ажратилиши таклиф этилмоқда. Шунда асосий блокдаги 2 та фан учун жами 2 соат вақт берилади. Давлат тест маркази ушбу лойиҳа бўйича фикр-мулоҳазалар ва таклифларни @dtmga_murojaat_bot орқали юборишни сўрамоқда. 👉https://t.me/samdchtijamoasi

​​Стипендиялар тўлаш тартиби ва миқдорлари тўғрисидаги Ҳукумат қарори лойиҳаси муҳокамага қўйилди Вазирлар Маҳкамасининг «Олий таълим муассасалари талабаларига стипендиялар тўлаш тартиби ва миқдорлари тўғрисида»ги қарори лойиҳаси муҳокама учун эълон қилинди. regulation.gov.uz/uz/document/8247 Лойиҳага кўра, 2019/2020 ўқув йилидан бошлаб бакалавриат ва магистратурада таълим олаётган талабаларга тўланадиган стипендиянинг базавий миқдори 400 000 (тўрт юз минг) сўм этиб белгиланади. 2019/2020 ўқув йилида битирувчи курсда давлат гранти асосида ўқиётган талабаларга ҳозир амалда бўлиб турган табақалаштирилган стипендия тўлаш тартиби сақлаб қолинади. Бундан 2 та хулоса бор: 1) контрактда ўқиётган битирувчи курсларга ҳам 400 минг сўм стипендия берилади (агар контрактни стипендияли қилиб тўлаган бўлса); 2) кейинги ўқув йилида давлат грантида ўқиётган битирувчиларга ҳам 400 минг сўм стипендия берилади. Шунингдек, бир нечта категориядаги талабаларга бюджет ёки контрактлигидан қатъи назар рағбатлантириш сифатида қўшимча стипендия бериш тартиби ҳам таклиф этилмоқда (пастдаги жадвалга қаранг). ❗️Кейинги семестрдан бошлаб давлат грантида ўқийдиган талабалар аввалги семестр натижаларига кўра ўзлаштириш кўрсаткичи 30 фоиз ва ундан ортиқ фанлар бўйича «қониқарли» баҳо (рейтинг кўрсаткичи 55-70 балл бўлган) бўлган талабага навбатдаги семестр учун стипендия тайинланмайди. Ҳужжат лойиҳаси 6 октябрга қадар муҳокама қилинади. Қолган тартиб билан батафсил юқорида берилган манзил орқали танишишингиз ва ўз таклифларингизни қолдиришингиз мумкин. 👉 @xushnudbek 👈

​​Супер-контракт нархини қандай ҳисоблайман? Жуда кўпчиликнинг мурожаати деярли бир хил мазмунда: «1 балл етмай қолди, қанча тўлайман», «10 балл етмай қолди, қанча тўлайман», «60 балл тўплаганман, қанча тўлайман» ва ҳ.к. Супер-контракт нархи минимум қанча бўлишини исталган инсон ўзи мустақил ҳисоблаб олиши мумкин, бунинг учун етарли барча маълумотлар эълон қилинган. Фақат озгина ҳафсала керак холос. Шундай бўлса-да, супер-контракт миқдорини қандай ҳисоблаш йўлини яна бир бор тушунтиришга ҳаракат қиламан. ❗️Энг аввало бир нарсани ёдда тутинг, супер-контрактнинг энг аниқ миқдорини фақат ва фақат ўзингиз ҳужжат топширган ОТМ қабул комиссияси орқали билишингиз мумкин. Чунки жорий йилдан ОТМлар мустақил нарх белгилай олади ва давлат шунчаки минимум миқдорини тасдиқлайди холос. Интернетда «менга қанча бўлади, унга қанча бўлади» дегандан кўра, ОТМ билан боғланиб, аниғини билиб олинг. Энди минимум миқдорлар ҳақида. Жорий йилда супер-контракт нархи кундузги таълим шаклида стипендиясиз тўлов-контракт миқдоридан ҳисобланадиган бўлди (сиртқи ва кечкида шундоқ ҳам стипендия йўқ). Демак, қуйида илова қилинган жадвалда кўрсатилган контракт суммасини супер-контракт баробарига кўпайтиришингиз керак. Шунингдек, 3 та тоифадан қайси бирига тааллуқли эканлигингизни ҳам аниқлаб олишингиз керак. 1-тоифа: кириш чизиғига 4 баллгача етмай қолган абитуриентлар Бунда қуйидаги шкала амал қилади: 1 баллгача етмаса - 1,5 баробар; 1.1 баллдан 2 баллгача етмаса - 2 баробар; 2.1 баллдан 3 баллгача етмаса - 2,5 баробар; 3.1 баллдан 4 баллгача етмаса - 3 баробар. Масалан, математика йўналишида 1,5 балл етмай қолди дейлик. Бундай вазиятда ўша абитуриент 2 баробар тўлайди. Жадвалга қарасак, математика йўналишида контракт нархи 5.992.960 сўм. Демак, математика йўналишига 1,5 балл етмай қолган абитуриент 11 млн 985 минг сўм супер-контракт тўлайди (2 x 5.992.960). 2-тоифа: кириш чизиғига 4 баллдан ортиқ етмай қолган ва ўзи 56,7 дан кўп балл тўплаганлар Бундай абитуриентлар супер-контракт учун йўналишига қараб пастдаги жадвалда кўрсатилган оддий контрактнинг минимум 10, 15, 20, 25 баробарини тўлайди. Масалан, иқтисод йўналишига кириш бали 150 балл бўлди дейлик. Абитуриент 70 балл тўплади. Демак, унга 4 баллдан ортиқ етмай қолган, ўзи ҳам 56,7 баллдан кўпроқ тўплаган. Иқтисод йўналишига минимум супер-контракт 15 баробар этиб белгиланган. Оддий контракт эса 8.532.480 сўм. Хулоса: иқтисод йўналиши учун супер-контракт минимум 127 млн 987 минг сўм (15 х 8.532.480). 3-тоифа: 56,7 баллдан кам тўплаганлар Бундай абитуриентлар ҳам супер-контрактда ўқиши мумкин, фақат камида 2-тоифадагилар тўлайдиган сумманинг 2 баробарини тўлашади. Масалан, абитуриент иқтисод йўналишига топшириб, 40 балл тўплаган, яъни 56,7 баллдан кам. Демак, у камида 255 млн 974 минг сўм тўлаши керак (2 х 127.987.200). Хуллас, Сиз ўзингиз тўплаган балл асосида камида қанча супер-контракт тўлашингизни бемалол ўзингиз ҳисоблаб кўришингиз мумкин. Сўзим сўнггида яна қайтараман, аниқ суммани фақат ОТМ орқали била оласиз. Супер-контракт тўлашнинг қолган техник ва ташкилий томонларини ҳам ОТМлардан аниқлаштиринг. 👉 @xushnudbek 👈

⚡️РАСМАН: Супер-контракт нархлари Тўплаган бали кириш чизиғига 4 баллдан ортиқ етмаган, лекин 56,7 дан кўп балл тўплаган абитуриентлар учун супер-контракт миқдорлари тасдиқланди. Миқдорлар ўтган йилгидан деярли ўзгармаган. Энг қиммат миқдор юриспруденция йўналишида — 25 баробар, яъни 229 млн 184 минг сўм. Кейинги ўринда тиббиёт йўналишиники — 20 баробар, яъни 170 млн 649 минг сўм. Қолган йўналишлар 10 ва 15 баробар миқдорда белгиланган. ❗️ЭСЛАТМА: ушбу нархлар минимал миқдор ҳисобланади. Жорий йилдан бошлаб ОТМлар супер-контракт нархини ўзи мустақил белгилайди, фақат асосий шарти минимал миқдордан кам бўлмаслиги керак. Яъни юриспруденцияда супер-контракт 229 млн сўмдан кам бўлиши мумкин эмас, лекин талабга қараб бундан қиммат бўлиши мумкин. Супер-контракт нархининг аниқ қанча бўлишини ОТМдан бориб билишингиз мумкин. ‼️2-ЭСЛАТМА: 56,7 баллдан кам тўплаганлар супер-контрактнинг камида 2 баробарини тўлашади. Масалан, юриспруденция камида 50 баробар, тиббиёт камида 40 баробар ва ҳ.к. 👉 @xushnudbek 👈

⚡️РАСМАН: Супер-контракт бўйича қўшимча маълумотлар Олий ва ўрта махсус таълим вазирлиги супер-контрактлар ҳақида қўшимча расмий маълумотларни маълум қилди: Ўқишдан йиқилиб, контрактнинг кириш чизиғига 4 баллдан ортиқ етмаган ҳамда 56,7 дан кўп балл тўплаган абитуриентлар учун супер-контрактнинг минимал миқдорлари тасдиқланди. 👉 СУПЕР-КОНТРАКТ НАРХЛАРИ 👈 Жорий йилда абитуриентлар учун супер-контракт тўлашда қуйидаги енгилликлар берилади: ❗️супер-контрактни биринчи, иккинчи ва учинчи йўналишда ҳам ўқиш мумкин; 👉 супер-контракт миқдорлари стипендиясиз базавий тўлов-контракт миқдорларига нисбатан ҳисобланади (яъни нархлар арзонлашади); 👉 тўловчиларнинг ўз ҳоҳишига кўра стипендияли тўловлар, яъни, табақалаштирилган тўлов-контракт суммасига (бир ўқув йили учун 4,8 млн сўм) қўшимча тўлаш мумкин. Яъни агар истаса 4,8 млн сўм қўшиб тўласа, талаба ҳар ой стипендия олиши ҳам мумкин бўлади; 👉 супер-контрактни йил давомида иккига бўлиб ёки ҳаттоки ойларга бўлиб тўлаш имконияти ҳам берилади; 👉 бунда супер-контракт миқдорини ойларга бўлиб тўланганда ҳам, ўқув йилининг биринчи ярми учун камида 50 фоизи жорий йилнинг 1 ноябридан ҳамда иккинчи ярми учун 2020 йилнинг 1 мартидан кечиктирмай тўланиши лозим; 👉 юқоридаги қоидалар кириш чизиғига 4 баллгача етмаган абитуриентлар учун ҳам амал қилади. Эслатиб ўтаман, кириш чизиғига 4 баллгача етмаганлар супер-контрактни қуйидаги миқдорда тўлашади: 1 баллгача етмаган абитуриентлар учун - 1,5 баробар; 1.1 баллдан 2 баллгача етмаганлар учун - 2,0 баробар; 2.1 баллдан 3 баллгача етмаганлар учун - 2,5 баробар; 3.1 баллдан 4 баллгача етмаганлар учун - 3,0 баробар. 👉 @xushnudbek 👈

2020-2021 o‘quv yilidan boshlab abiturientlar 2 bosqichda test sinovi topshirishadi: ✅ 1 bo‘limda majburiy 3ta fan: — Ona tili va adabiyoti; — O‘zbekiston tarixi; — Matematika; 1 bo'limda sertifikat beriladi va shu sertifikat ikkinchi imtixon uchun yo'llanma vazifasini bajaradi .Bu sertifikat 3 yil amal qiladi ✅ 2 bo‘limda tanlagan 2ta mutaxassislik fanlaridan test topshiradi. 💥💥Eslatma: Abituriyent Majburiy fanlarning har biri uchun yetarlicha foizda ball to'play olishi kerak. Agarda yetarlicha foizda ball to'play olmasa, Asosiy imtixonlarga qoyilmaydi Do'stlarga ulashing👇👇 https://t.me/joinchat/AAAAAELmHa24YzwyyB9IAQ

#RASMAN O'qitishning to'lov kontrakt shaklida tahsil oluvchi talabalarga 2019-2020 o'quv yili 1-semestrdan stipendiya hisoblashda, faqat kontrakt to'lovi qiymatining stipendiyali miqdorini to'lagan talabalarga, tahsil olayotgan kursidan qat'iy nazar, avvalgi semestr yakuni bo'yicha o'zlashtirish ko'rsatkichlaridan qat'iy nazar, stipendiya bazaviy miqdorda, ya'ni 400 000 so'm etib belgilanadi. ✅ Shu bilan birga, 2018-2019 o'quv yili 2-semestr yakuniy natijalariga ko'ra "a'lo" baho (reyting ko'rsarkichi 86 balldan kam bo'lmagan) ko'rsatkichga ega to'lov-kontrakt asosida tahsil olayotgan talabalarga, to'lovni qaysi ko'rinishda amalga oshirganidan qat'iy nazar 60.000 so'm qo'shimcha rag'batlantirish sifatida to'lanadi. Eng birinchi va ishonarli yangiliklar faqat bizda😊👇 https://telegram.me/samdchtijamoasi

To'liq qaror bilan tanishib chiqing) O'zbekiston Respublikasi Oliy va o'rta maxsus ta'lim vaziri o'rinbosari hamda Moliya vaziri o'rinbosarining shaxsan imzolari bilan tasdiqlandi. 14.09.2019-yil Talabalarga yuboring👇👇 https://telegram.me/joinchat/AAAAAFKT9qZEVgruNIKRcA

СУПЕР КОНТРАКТ НАРХИ ҲАМ ЧИҚДИМИ? — ЙЎҚ, чиқмади. Шунча кутдингиз, яна кутасиз. Энди навбат супер контракт нархига. Ўзи шундоғам, ўқишга кирганларнинг контракт нархлари ўқиш бошланганидан 2 кун кечикиб эълон қилинди, тўғри тушунинглар. Кутишдан бошқа имконингиз йўқ. Каналга уланиш👇 https://t.me/joinchat/AAAAAECOxo-RSqV0py3QIQ

⚡Сиртқи ва кечки таълим тўлов контракт нархлари арзонлашди! Ҳозирда энг юқори сиртқи таълим контракт нархи 15 баробар (9 523 200 сўм), энг арзони эса 10 баробар (6 348 800 сўм) 👉 t.me/davlattestmarkazi/7887 "Менинг фикрим" порталидаги таклиф инобатга олинибди. Каналга уланиш👇 https://t.me/joinchat/AAAAAECOxo-RSqV0py3QIQ

Bilimlar kuni bilan barcha bilimdon o'quvchilarimizni tabriklaymiz !!! Yangi o'quv yilida juda ham ko'plab ijobiy natijalarga erishishni maqsad qilganmiz.Asosiy maqsadimiz kelajak avlodga sifatli va malakali, bilimli , zukko kadrlarni yetkazib berishdir. Shu bilan bir qatorda o'tgan yilda erishilgan yutuqlarimizdanda yuqori maqsadlarni qo'yganmiz. O'tgan yilda markazimizning 72 foizlik natijaga erishdi. Shu yo'lda o'z fidokorligi bilan alohida ajralib turgan ustozlarimizga markazimiz tomonidan minnatdorlik bildiramiz. Egamqulova Gulzoda Rabbimov Oybek Muhammadov Bobur Eshqobilov Toshtemir Yuqorida ismi keltirilgan ustozlarimiz mehnatsevarligi va fidokorligi bilan alohida ajralib turishdi. Ularga barcha abituriyentlarimiz va markazimiz nomidan minnatdor bildiramiz. Siz bizning tayanchimiz va g'ururimizsiz ustozlar !!!

Hurmatli vatandoshlar! Pro Study jamoasi barchangizni O‘zbekiston mustaqilligining 28 yilligi munosabati bilan samimiy tabriklaydi. Mustaqillik bayrami muborak bo‘lsin!

Учта йўналишга ҳам кира олмаганлар қайси бирида супер-контрактда ўқиш мумкин? #abituriyent Супер-контракт ҳақида берган маълумотларимдан кейин, бир қанча саволлар келиб тушди. Бирин-кетин жавоб беришга ҳаракат қиламан. Савол: Агар абитуриент учала йўналишга ҳам кира олмаса, унда супер-контрактнинг қайси бирини танлаши мумкин? Жавоб: Ўз хоҳлаганини танлайди. Хоҳласа, 1-йўналишда супер-контрактда ўқиши мумкин, хоҳласа, 2-йўналишда. Агар ўзига маъқул келса, 3-йўналишда ҳам ўқиши мумкин. Савол: Агар абитуриент 1 ёки 2-йўналишга кира олмасаю, лекин 3-йўналишга контрактга кирса, бундай ҳолатда 3-йўналишда ўқишни истамасдан, 1 ёки 2-йўналишга супер-контрактга кирса бўладими? Жавоб: Ҳа, бўлади. Агар оддий контрактда ўқишни истамай, ўзи йиқилган 1 ёки 2-йўналишда қиммат контрактда ўқишни истаса, тегишли ОТМ ректори номина ариза билан мурожаат қилиши мумкин. M: Xushnudbek

Diqqat tushunib oling abituriyentlar! Barchaga 5100 dan sms kelyapti. Bu raqamga ID kodingizni jo'natganingiz bilan shu zahotiyoq natijangizni bilib bermaydi. Siz hozir ID kodingizni yuborasiz va sizdan xizmat haqqi yechib olinadi, biroq shu zahotiyoq natijangiz sizga kelmaydi. Yakuniy natijalar e'lon qilingach, keyingina sizga javob xabari keladi. Shuning uchun 5100 raqamiga sms yuborishim bilan natijalarni olaman deb o'ylamang. Natijalar rasmiy e'lon qilinmasdan turib sizga hech kim oldindan javoblarni bilib bera olmaydi. Mandat.dtm.uz va cabinet.dtm.uz saytidan natijalarni bepul bilib olishingiz mumkin. #Eslatma 5100 ga SMS jo'natgan taqdirida xam javobi 12 soat ichida keladi . Izoh: Yuqoridagi saytlarga telefoningizdan kira olmasangiz opera mini dasturidan bemalol kirishingiz mumkin. 👉@samdchtijamoasi

​​Бугун мандат чиқиши кутилмоқда Олинган маълумотларга кўра, бугун тест синовларинг якуний жавоблари эълон қилиниши кутилмоқда. Жавобларни эълон қилиш барча ташкилий масалалар ҳал қилинган, фақат расмий тасдиқланиши кутилмоқда. Абитуриентлар ўқишга кирган ёки кирмаганини шахсий кабинети орқали билиб олишлари мумкин бўлади. Жуда кўпчилик мандатни интиқлик билан кутмоқда )) Сабр, яна озгина, сабр. Абитуриентларга оид бошқа хабарлар: 👉 @xushnudbek 👈