BATCH 23 MEDICAL UST #دفعة الدكتور حسن العريفي

إعـلان نتائج الفصل الدراسي الأول،وبدء تقديم التظلمات ولمدة أسبوع. ألف مبروك للناجحين🎓 رابط بوابة الطالب/https://portal.ust.edu.ye/

🛑تنويه🛑 سلام الله عليكم جميعاً. زملائي طلاب وطالبات مستوى سادس ، تم تحديث محتوى #البوت_الآلي_الجديد ، وتم إضافة كل مايخص بلكّي #الجراحة و #الباطنة ، من #محاضرات_المقرر ، #تفريغات #نماذج #تجارب_ونصائح_عن_البلكات. تقدروا تدخلوا تشوفوا كل المحتويات بأي وقت ، وتحملّوها بأنفسكم ، كل محتويات البوت مثلما أنتو عارفين منظمة في خانات منفصلة وبشكل منظم تقدروا تطلعوا عليها وتحملوا الذي ينقصكم. وإن شاء الله سيتم تحديث المحتوى الجديد أولاً بأول ، إذا حدث أي  تغيير أو إضافات من قِبَل الدكاترة. رابط #البوت_الآلي_الجديد 👇👇👇👇👇 T.me/BATCH2_UST23_bot. وننوه أنه سيتم توفير نسخ متكاملة عن مايخصّ البلكين ، وعيتم إشعاركم بمنشور في وقتها إن شاء الله. #اللجنة_العلمية_دفعة23

هذي التجربة الناس اللي تذاكر أول بأول ودوافير الدفعه لا يقرأوها تجربتي كطالبة ذاكرت في اسابيع الاجازة فقط بس ذاكرت بضمير 🥹 قبل ما اتكلم اشتي اقول انو كنت اظن أنو قسم الجراحة في الجمهوري ٤ غرف وصالة وحمام ولا جاء في بالي اسأل نفسي سؤال اين قسم الرجال!! ولا كانو يودونا لعند هذيك الغرف طلع القسم كبير ومااكتشفتش هذا الشيء الا يوم الاختبار وعادو مش الصبح مابلا لمن وزعوني كنت اظن ودونا مكان ثاني نتسلف مرضى من عندهم بس طلع تبعهم🥲 الدكتور وليد من أول يوم بدأ يدرسنا لآخر يوم وهو يقول لنا اللي ماذاكر لحد الان انصحه يبطل صح الجراحة ثقيلة بس مش للدرجة اللي بيهولوها الصدق المهم الدكتور وليد قوووي حقه المحاضرات ممتعات وأول ماتخلص التسجيل تشوف نفسك انو قدك حافظ المحاضرة فقوي حبوبات حقه المحاضرات وهو شرحهه حالي الصدق ومااحتجتش انو ابسر فيديوهات لأي دكتور ثاني ولا اقرأ من القصر العيني كل شيء كافي ووافي دكتور لؤي القباطي شرحهه حلو جدا ولخصت كلامه زميلتنا فاطمة وحقها الملخص حااالي قوي دكتور عبدالرحمن بيجيب لكم اخر الكورس المهم اللي بيدخل في الاختبار دكتور محمد البعداني حقه الملازم دش دش بشششكل الصدق ترتيبه حالي وبيشرح كللللل شيء في ملزمته بس الصدق ماكانش به وقت اذاكر منهم فذاكرت حقه المحاضرات من القصر العيني وسمعت الدكتور وهدان وشرح الدكتور محمد قوي حالي في العملي اما في النظري بتجي المعلومات لعندي وعقلي يفعل error مدري ليش. دكتورة فيروز قوي عسوله لمن سمعتها في التسجيلات بس مااستفدتش شيء لمن سمعت تسجيلاتها ،، زميلتنا مروى سوت تفريغات لمحاضراتها كان حالي كتبت كل اللي قالته. دكتور فضل قوووي قووووي شرحه حالي وتخلص تسمع المحاضرة وانت فاااهم قوووي ومحاضراته حلوات ومااحتجتش ابسر فيديوهات من مكان ثاني او اقرأ من مكان ثاني. دكتور ماجد عامر شرحه حبوب والملخص اللي فعلته لنا زميلتنا سلوى حالي قوي كتبت فيه كلللل كلامه. اما الurology كان به ٣ دكاتره الدكتور أكرم ماسمعتش له ولا حضرت له كان معه ٢ محاضرات الاوله كانت رؤوس اقلام بدون شرح ففلتها والثانيه كان كل شيء مكتوب ومفهوم وموضوع مهم كان بس للعملي مش مهم للنظري. الدكتور علي مفرح معه كمان ٢ محاضرات قوي شرحهه حالي بس ماسمعتش له مابلا كنت اركز في المحاضرة ولمن قريت الملازم حقه كان سهل وكل شيء مكتوب وتفريغات زميلتنا فاطمة منصور كان حالي وكانوا مواضيعه مش مهمات قوي للنظري. دكتور لطف الله معه محاضرات مهمات يجيبوها essay. ماسمعتش تسجيلاته بس فعلت لهم تفريغات زميلتنا اشراق الحداد. دكتورة دعاء حقها المحاضرات صح سهلات بس خيرات وهي مابش معها الا درجتين وكمان بيدخل mcq مش كتابي فواحد يضيع وقته لمن يذاكرهم مذاكرة ابو قوي وهي اساسا قبل الاختبار بيوم مدري يومين جابت لنا المهم. دكتور نشوان حقه المحاضرات كبار وخيرات ومش مهم للنظري ابدا ابدا مهمات للعملي ،، اما النظري نماذج. دكتور رشيد شرحه قالو حالي بس انا ماسمعتش له ذاكرت حقه المواضيع من عند الدكتور وهدان لان مواضيعه مهمات للعملي. دكتور فواز مش عارفه عارفه ايش وضعه في محاضرتين مهمات للعملي اما النظري كله جاء نماذج قوي لازم واحد يركز في شرحهه لمن يمسكم في العملي لانو بيبعسس في الاختبار العملي، انا حذفت حقه المحاضرات لانو ماكانش معي وقت وحرفيا جاء كله نماذج في النظري ومواضيعه المهمه اطلعت عليها للعملي لكن في النظري جت نماذج. دكتور محمد الصرمي حقه المحاضرات خيرات قوي فحذفتهم وابسرت نماذج وجاء نماذج. هذا كل دكتور كيف حاولت ألم حقه المحاضرات بس النظري كان نماذج ال mcq ورقة اولى كان كلها نماذج ماعد ٢ والثانية كان كله نماذج ماعدا ٦ وال essay جاء من المحاضرات المهمه طبعا لمن حد يذاكر يعرف ايش المحاضرات المهمه والدكاترة اللي معهم ساعات طويلة هم اللي يجي لهم اسئلة ال essay وجاء اختبار النظري حالي. العملي حرفيا حظ وابسروا تجارب الناس لكن مش قبل الاختبار ابسروا قبله بخيرات مدري احس يجيب توتر قبل الاختبار بيوم ومدري الحاجه الوحيده اللي اشتي اقولها لمن توقعوا ضابحين وماتشتوا تذاكروا مذاكرة اللي هي بطيبة نفس وبنفس الوقت تشتوا تنجزوا شيء يا اما تبسروا فيديوهات العملي الدكتور سيف ظريف قوي شرحه حالي أو تقرأوا تجارب الناس السابقة بأختبار العملي تبسروا الاسئلة. أو تفتحوا فيديو للدكتور وهدان او علي حسيب اللي تحبوا شرحه اكثر. وكمان ركزوا ع شرح الدكاترة في العملي. وعموما كل شيء بيعدي وكل شيء بيهون.

شباب محتاجين دم O سالب ضروري ، المريضة بالعمليات عملوا لهم splenoctomy ، عندهم lymphoma , ودمهم ناقص محتاجين دم ضروري ، الذي يعرف أحد او يقدر يتطوع راسلونا عبر #بوت_التواصل 👇👇👇👇 T.me/UST2017_bot

وعليكم السلام ورحمة الله وبركاته بالنسبه للجراحة مابش داعي للقلق الي كنا نسمعه والتهويل والدنيا سلامات بالعكس الجراحه خفيف في دراسته وشويه ثقيل وقت مذاكرته يعني زي اي بلوك .. بالنسبه للعملي حظوووظ ومابش هذك الاشياء المخيفه عن الدكاتره صح ماقد الدرجات معانا بس مابش داعي للخوف دام واحنا بندرس نتعلم مش عشان درجات .. بالنسبه للدكتور وليد ذاكروا محاضراته اول بأول والدكتور البعداني .. اما بالنسبه للدكتور فواز النظري مابش الا سؤال امسيكيو او اثنين و في العملي قالوا انو كان يسأل في محاضراته الدكتور نشوان اغلب الامسيكيو منه رغم انو ماكنا متوقعين والدكتور لؤي ذاكروا الي يقولكم هذا مهم بيدخل بالنص .. اما العظام لاتتعبوا وتطبعوا ملازم والدكتور بابقي بيدي مراجعه تذاكروا منه و ذاكروا نماااذج الي يشتي ينجح في النظري .. والدكتوره فيروز من الملزمه ماتخرج عنها ..والدكتور رشيد محاضراته تذاكر بالنص لانهن مهمات قوي عملي ونظري وللعمر كونه نص الشعب بيشيلوا مراره .. المواضيع المهمه عملي كالعاده appendicitis , gall stone and cholecystitis , thyroid , neck swelling , hernia , shock مهم تفهموا الخطه حق الجراحه وتعرفوا توزيع الدرجات عشان تنظموا نفوسكم ماتجلسوا تايهين وتفهموا قصة الغيابات والنسب تبع الحرمان ضروري .. الحضور في العملي نوعا ما ممل بس تجي ايام تستفيدوا فيها قوي وزد اختبار العملي معتمد ع خبرتك الي جمعتها في دوام العملي اسئلة كان يدوها الدكاتره وقت العملي .. احضروا العملي استفيدوا اتعلموا اشياء مع الممرضين ضرب ابر وكنيولات ومهم جدا في الجراحه كم نسب النورمل سلاين والرنقر لاكتيت والدكستروز ومتى نسويهن افهموهن صح قدو للعمر هذا كله في العملي لاتضيعوا وقت العملي اذا مابش دكاتره او ممل ومابش حالات وهستوري .. بالنسبه للهستوري في الجراحة زيه زي الباطنه وغيره بس مختصر في اشياء.. اتوكلوا ع الله في كل شيء ومابش داعي للقلق الزايد وكل شيء بيعدي والعلم مشو بالدرجات بقدر ماانت او انتي كسبتوا خبره وعلم نافع ونفعنا بني ءادم الفرحه مشي الدرجه الفرحه لما ننقذ روح .. ويجي وعندنا المعلومه في روسنا مش الروح بتطلع واحنا بندور في الكتب وين لمحنا المعلومه. صح مدة البلوك قصيره بس حاولوا تطلعوا ع مراجع ضروري القصر العيني حلو وهو المعتمد بالنسبه لبيلي اند لڤز حلو بس موسع ومش وقته نخليه لسنة الامتياز .. وبراوز اعتقد اسمه الي هو العملي والكل مش وقته ..واحضروا عمليات تفهموا وتستمتعوا وخاصة للأمراض المشهوره فتك وزايده ومراره وغده درقيه تكون عندكم خبره وتقدروا تتفلسفوا لو انسألتوا عملي او من احد من العائله 🌝.. الدكتور وليد عيقول مش عليكم بس احضروا حلو وخلاص بالتوفيق ..

أيضا هناك نسخة متكاملة لتفريغات محاضرات بلك #الجراحة متواجدة في مكتبة المتفوق بالدائري. وها نحن هنا بإسم اللجنة العلمية لمستوى سادس ، نتوجه بالشكر نيابة عن جميع طلّاب وطالبات مستوى سادس ، لطالبات اللجنة العلمية القائمات على الملخصات وتفريغ المحاضرات وعلى رأسهم: د/سلوى عثمان د/إشراق الحداد د/إبتسام عليان د/فاطمة منصور د/غيداء السروري د/سهى سوار د/مرام سنان. ونتمنى من الجميع المبادرة في ماتبقى في مشوارنا الدراسي كلاً بقدر إستطاعته.

T.me/BATCH2_UST23_bot كل مايخص بلكي #الجراحة #الباطنة من محاضرات وملخصات موجودة كل دكتور في خانته🤗 وسيتم إضافة النواقص بأقرب وقت إن شاء الله.

اما العملي كلها حظوظ وارزاق على حسب الحالة وهل كنتي مذاكرة لها تمام او لا عاده الاختبار العملي اغلبه يسالك نظري ماعدا محطة الاورال بيشرحها الدكتور لوي على نهاية البلوك كمان في فيديوهات صغيرة عينات فيها GB and appendicitis and stoneيشرحها الدكتور البعداني يسالوا منها وايضا ال drain ركزوا على الانواع و complications وتكون متعود توصف اي شي في الابدومن وانواع ال incisions باقي نقطة مهمه د التويتي الي بيختبروا عنده بينظلموا كثير لانه ما يشتي الا كلامه ولمن تجاوب صح حتى ما يسمعك ابدااا ومايفرق بين الطلاب المتميز من غيره يعمل درجة ثابته للكل اهربواااا منه وقت الاختبار

السلام عليكم ورحمة الله وبركاته بلوك الجراحة اولا من ناحية المراجع القصر العيني سهل ومرتب والي يشتي يتوسع في اي موضوع بيلي اند لف التسجيلات ما في داعي لها تضييع للوقت وخصوصا قد زميلاتنا فرغوا لاغلب المحاضرات والي يشتي يستفيد اكثر من الدكاترة وقت المحاضرة يقراء عن الموضوع سريع مثلا الفجر ويروح المحاضرة عنده شوية معلومات بيخليه يستمتع اكثر اثناء المحاضرة الاختبار الامسكيوا كان اغلبه نماذج الكتاب الازرق تبع جامعة صنعاء سارة عبد الخالق نموذج بكالوريوس طلاب العلوم تقريبا 100سوال النماذج الي كتبوها طلاب دفعه 22جامعه العلوم محاضرات الدكاترة الدكتور نشوان ذاكروا من مرجع نماذج msqبيلي اند لف تقريبا يجيب ثلاثة امسكيو الدكتور فواز والدكتور الصرمي من نماذج الكتاب الازرق د عبد الرحمن هو بيحدد لكم التزموا بتحديد التخدير ايضا نماذج وكمان تحدد المواضيع الي تدخل منه msq د لوي Treatment corrosive esophagus injury Definition diagnose treatment of early gastric cancer Cause of dysphagia Complication occurr post gastroectomy How to aproch U/L git bleeding Case about perforated peptic ulcer Management of hiatus hernia د رشيد اهم محاضرة هي biliary disease ذاكروها من القصر العيني وكل كلمه في هذه المحاضرة مهمه سوى للعملي او النظري عاده تجي حاله ويطلب investigation and management Hydatid cyst مهمه للعملي د فيروز Compare between the pericardial tamponade and tension pneumothorax Pathogenesis ,complications ,clinical findings of hypovolemic and sepsis shock Short account of empyema Short account bout bronchogenic carcinoma د فضل Case about the acute appendicitis Management of appendcular mass مهمات عملي ونظري Management of diverticulitis اما hemorrhoid مهمه في العملي د لطف ذاكروا ال investigation and treatment حق كل المحاضرات Case about kidney stone د البعداني اول محاضرة كانت عباره عن case وموجود فيها الاسئله مع الحل يدخل منها بالنص طبعا لمحاضرتيين hernia and intestinal obstruction ومهمات للعملي د وليد اي Management complications Preoperative Indication Contraindications مهمة في جميع المحاضرات د ماجد عامر Indication of surgical brain abscess Stage of brain abscess and differentiated diagnosis وكيف نفرق بينهم ب x ray Treatment of head injuries Management of spinal truma عاده هذه اكثر الاسئله الي تتكرر كل السنوات وكمان اطلعوا على اسئله السنوات الباقية اما موضوع الحضور الي يستغل وقته في البيت يذاكر افضل من انه يحضر وخصوصا والتفريغات موجوده ولكن ركزوا على الحرمان والي يشتي يفهم الجراحة كويس مش عشان الاختبار فقط فيديوهات الدكتور علي حسيب روعة تقريبا مدتها من ساعة الى ساعتيين انقلوها من مكتبة التاج وكمان معه تفريغات ثلاثة pdf شاملة كل المواضيع

تجربتي في بلك الجراحة د وليد و د لؤي و د ماجد عامر : المذاكرة من محاظراتهم د محمد البعداني : من حقه الملزمة + فيديوهات د وهدان بقية الدكاترة كلهم من القصر العيني العملي من كتاب وائل متولي نماذج الامتحانات مهمممممممة

كمان نسيت شي في محاضرة diabetic foot. ما انشرحت لنا .لكن في حالات كبيره بالمستشفى وخصوصا الثوره...انا قرأتها وشفت لها فيديو وهدان

سلام الله للجميع... الجراحه..يعني نقول عنه السهل الممتنع.. يحتاج مذاكره اول بأول وكمان فهم للمواضيع.. وخصوصاً الأشياء common مثل Thyroid. Breast. Hernia. Gallstone. Appendix. وغيرها الي اكثر شي متواجده بالمستشفيات.. أولا... بالنسبه للنظري ١/د.وليد .... نبدأ فيه كونه أعلى درجه في البلك وكمان اكثر ساعات المقرر معه.... محاضراته جدا مهمه وتحتاج مذاكره اول بأول.. والدكتور معتمد على كلامه وملازمه.. ويوجد تفريغات لتسجيلاته بالبوت.. يعني ما في داعي انو تضيعوا الوقت براجع اخر في مواضيعه.. بس الي حابب يوسع مداركه ومعلومات يشوف مراجع ثانيه. ٢/د. لؤي القباطي... نفس الدكتور وليد هو أيضآ معتمد على كلامه.. ما عنده ملازم بس يوجد له تفريغات بالبوت وهو المعدل. ٣/د. محمد البعداني... ملازمه فيها كل شي وانا اعتمدت على ملازمه بشكل كلي. وما عدا محاضرة hernia في العمليات لكل نوع من hernia اطلعت على وهدان.. لان في ملزمة الدكتور مش موضحه. ٤/د. فضل المهتدي... ملازمه مع كلامه وكمان يوجد له تفريغات لكل محاضرة بالبوت ٥/د.عبدالرحمن بابقي... كانت محاضراته ممتعه ومفيده ومحتاجه فهم... وفي نهايه البلك الدكتور جاب لنا مراجعه والامتحان ما خرج عن المراجعه... ونحنا ذاكرنا المراجعه حقه واعتمدناها ٦/urology(د. لطف الله، د. علي مفرح، د. أكرم السقاف) بالنسبه لكل من د. لطف الله وكمان د. علي مفرح.....شرحهم حلو وما خرجوا عن ملازمهم....ويوجد لهم تفريغات اما د. أكرم... فملازمه مش كافيه وخصوصا trauma... يعني محتاج تشفوا مصدر ثاني... ٧/د. ماجد عامر.... ما معه ملازم ومعتمد على كلامه ويوجد له تفريغات بالبوت ٨/د. فيروز... ملازمها وكلامها و يوجد لها تفريغات ٩/د. محمد الصرمي.... هو جراحه أطفال وغالبا معظم مواضيعه قد معنا خلفيه عنها... يعني ما بتتعبوا بمذاكرته.. وايضا يوجد تفريغات له ١٠/د. نشوان.... اهم محاضرة له هي wound سوا نظري او عملي ١١/د. فواز... انصح ان تشوفي مصدر ثاني للمذاكرة عشان تفهموا المواضيع حقه... وتقريبا اهم موضوع معه pancreatitis واسئله الامتحان الي اجدت من محاضراته كانت منها ١٢/ التخدير... الدكتوره حددت لنا مواضيع نذاكرها. ١٣/د. رشيد... بالنسبه لي انا شفت فديوهات لوهدان وبعدها اطلعت على ملازمه الدكتور... لان وهدان شارح المواضيع حقه بطريقه سهله ومبسوطه وكمان بالشكل الي يشتوحه ذكاتره العملي نصائح.. ١/حاولوا تلتزموا بملازم الدكاتره لأنهم ما يخرجوا منها.. الا المواضيع الي تحسوا انها تحتاج فهم اكثر والدكتور ما قدر يوفيها حقها.. شفوا فديوهات او اي مصدر تفهموا منه أكثر (ان تصل المعلومه وتفهم خيرا من أن لا تفهم ابدا.... من اي مصدر كانت) ٢/مذاكرة النظري جدا مهمه ومفيده في العملي وكمان في الامتحان النظري من ناحيه essay ٣/ حاولوا تشوفوا نماذج امتحانات لجامعه صنعاء وكمان لو في نماذج لجامعه عين شمس... مهم تشوف النماذج عشان تقدروا تحلوا MCQ في الامتحان النظري انا اعتمدت فديوهات وهدان للمواضيع الي ما كنت افهمها كثير من شرح الدكاتره والحمدلله كان كافي.. ثانيا... العملي... طبعا بيكون العملي ان شاء الله خفيف عليكم لأنكم قد اخذتوا باطنه من ناحيه history و examination وكمان دكاترة الجراحه ما يركزوا كثير عليه... المهم انتوا تشوفوا الحالات وتاخدوا منها القصه المرضيه عشان المناقشه. في نهايه البلك يجيبوا لكم محاضرة مع الدكتور لؤي عن 1/الأدوات الي بتيجي بالامتحان.. (أدوات العمليات، المغذيات وانواعها، الإبر، الفرشات مع مقاساتها والوانها، وغيرها ) ٢/الاشعه ٣/الdraine ( مهم جدا تشوفوا drain بالمستشفى وتعرفوا تفرقوا بين الأنواع حقها) والدكتور محمد البعداني يجيب فيديوهات لل appendix و gallstone ويشرح عليها(هو ما يشرحها للكل فالجروب الي بيشرح لهم يصوره ويرسلوه للجروب.. او شوفوا فديوهات لسنوات الماضيه له وهو يشرح) ... أيضا يجيبوها بالامتحان العملي ... يقول لك الدكتور اوصف... والامتحان العملي حظوظ... بالتوفيق للجميع👍

لكل طلاب الطب البشري حاولوا تستغلوا الفرصة وسجلوا لكم حساب ب amboss خاص بكم خلال هذه الفترة ، لأن هذه الفترة ، هي آخر فترة عتكون متاحة لتسجيل حسابات جديدة ، من بعدها ماعيفتحوش التسجيل لحسابات جديدة أبداً ، من بعدها عيقوموا فقط بتجديد الحسابات الذي قدها مسجلة.

🛑 تعميم هام 🛑

السلام عليكم. طلاب وطالبات  مستوى سادس الذي طلبوا تسجيل حسابات Amboss  جديدة ، كل واحد يدخل لموقع Amboss ويسجل بحسابة الخاص في المنصة نفسها ، بعدين عيشتغل معاكم الحساب لمدة 5 أيام بشكل مجاني وبعدين يتغلق عليكم ، بعدها يتم تقديم طلب على منحة للحسابات  ،بالنسبة لكم مثلما تكلمنا من قبل إنهقد تم الإتفاق والتنسيق مع الدكتور عبدالله وقد الكشوفات عنده ، وبحسب الكلام بيننا مع الدكتور عبدالله المرهبي إنه خلاص الذي قد رسّل إسمه وحسابة لاعاد يقدم على رابط المنحة الذي نزل بالقناة أبداً ، عيقوموا الفريق بنفسه بتفعيل الحسابات الجديدة ، وتجديد الحسابات القديمة وعنرفق لكم فيديو دليل ع هذا الكلام ، والذي ماقد رفعش إسمه وحسابه لعندنا ويشتي يسجل بنفسه عادي برضه يسجل مابش أي إشكالية ، لأنه قد رفعنا له كشف الدفعة كامل و مع كشف الحسابات عشان المطابقة. خطوات إنشاء حساب جديد لأصحاب الحسابات الجديدة عتكون في الصورة المتواجده تبع المنشور .