هذا شعوري !

- يتركون القريب وينفعون . . البعيد ‏هذي صفات الرخوم وهذي علاماتها .

أنت اللي يحبك مايخونك ‏وأنت اللي يخونك ماينحب

ياكم حاجةٍ صديت عنها عشان أرتاح ‏ماهوب أيّ حاجة .. لازم تصير بالقوه

مايذبحني الا واحدٍ قد تجمل فيّ ‏وقام يتردى ويتردى وانا ساكت ".

"لكعتنا سود الايام ونعرف اللكيع ‏نتغيشم ولاّ حنا .. ماحنا بغشمى".

سوّد الله بعض الفرص والأشخاص ‏ليييت الزماان قفى بهم ولا جابهم ".

إن نويت الطيب فادفع ماوراك و دونك ‏و إن نويت إنك تردّى فالردى . . مجاني

ما دام الكرامه سالمه والوجيه طوال ‏فداها الزمان الشين من صغره لكبره

جادلٍ ماهيب من شط الفرات وينتسب له ‏زينها إللي ماخذٍ من نجد هيبات العزاوي .

وسع مفاهميك و جود مباديك ‏و كرامتك عمّا يشوب انتهضها .

لبى ضواحّي دار محبوبَي ومرباه ‏ولبى دروب صوب داُره توديّني .

عسى الله يشملنا بعفوه الى جيناه ‏تداحم " مناكبنا العرايا " على بابه .

جعل حنّا لابدا اللازم وشبّت ناره ‏قسمنا ميقافه يجمّل وذكره بيّن .

واحدٍ يخشى المهونه ويرتاب الحرام ‏آخر همومه من الناس كسب إعجابها .

من تصاغرنا ما حنا عليه بشرهين ‏ الثقه في نفوسنا والشّيم في روسنا .

ماني بـ غافل بس أحب الّتغافل ‏اعدي الّزله .. ولا كنّي أشـوف :)

اعطيّ سوالفه قدر ، وغلا ، واهتمام ‏وإلا اكثر الناس معطيها علىَ جوها

ليت الردي ماله عمام ولا خوال ‏ عشان ما نكره .. جميع العايله

وراحوا كل من مروا على قلبك بلا توديع ‏تلملمهم من اطراف الجفن لكنهم طاحوا ‏وبعد ماتشعرك كل الوجيه انك بديت تضيع ‏يجي واحد وبعده تحمد الله انهم راحوا :)

وانت ياللي سبب طيبي تمادى رداك ‏قلت لك خايف ان بعتك ماعاد اشتريك ‏رح .. والايام تثبت وين يوصل مداك ‏وان عصت خطوتك رجليك ! جرب يديك ‏بتْعرف مستواي ،، وبتْعرف مستواك ‏وتعرف فرق ( ماشوفك / وماشوف فيك ) ‏مثل ماكنت تدري وقتها عن غلاك ؟ ‏والله لـ تدري إني كنت واجد عليك :)