هذا شعوري !

الرفيق اللي يسّر العين و ينومس رفيقه ‏نشتريه و نشتري عرفه و حنا الرابحين .

أُم الزعل الواجد ، تراضيّها قصايد .

ابو جديلٍ مع هوى النود خفاق ‏واليا ضحك كن الزمن ضاحكً لي .

لو تمُر وجيه و أبيات و سنيَن ‏أنت آخر درب ليّ و أنت أوله .💙

انا الحضور اللي مايشبه للغياب ‏وانا الغياب اللي شعر به من حضر ‏لا جيت مثل المزن في عرض السحاب ‏وغيري سحابٍ ما يجي منه مطر

بابٍ يساوي عزة النفس مردود ‏محدٍ على نفسي العزيزه مبدّا . .

كل شي إلا وقاري وأعتزازي ‏من بغى فرقايّ عيني لاتشوفه

مايهم برد العقارب ولا برد الشباط ‏البلا لا شفت قدمك وجيهٍ بارده .

يا أصحابنا برد المفاصل وصلكم ‏جمد عزايمنا وقيد خطانا ‏هاتو فراويكم وزيدو حطبكم ‏برد الشتاء ماعاد يمزح معانا .

الجو ما هو شرط .. طلعة ولايف ‏يكفيك طيب اثنين خوه و مجنى ‏هذا يقول من السوالف طرايف ‏و هذا يجيب من القصيد المغنى .

خذينا من الافعال مايوجع الشمات ‏وعطينا الفخر حقه بهيبة اسامينا .

الخصوم اللي تصيّد من ورانا مستجنّة ‏ما لقت شيٍ يقال ولا لقت عيبٍ يذاعي .

مهما سقتنا الحياه امرارّها عايشين ‏نضحك لو ان الليالي شانت نفوسها .

بعض الأوادم عدّها سالفة ليل ‏لا شقّ نور الصبح .. خلّه يولّي .

أجمل تفاصيل الشتاء شبة النار ‏لا صرت قاصر خطوتك في مشبك ‏ٰ ‏بينك وبين أهل الغثا باب وجدار ‏مركاك بين اللي تحب ويحبك .

يجيك بالهزله مثقف ودكتور ‏ويشوم منها واحدٍ ما تعلّم .

الصاحب اللي كل ماضقت تلقاه ‏ودك تسمي بيض الايام بأسمه .

ترانا على خبرك ولو دارت الأيام ‏تغيّر تواريخ السنه .. ماتغيّرنا .

" تنتهي معك السنين وتبتدي ‏وكل سنه احلى من اللي قبلها "

عامٍ بما يحمل من الشوق إنطوى ‏وأقبل علينا " عام " يهدينا الأمان .