هذا شعوري !

يوم شحت بالوصل سود الليالي ‏ والرجا قتّال .. والفرقا فجيعه ‏ ‏ماقدرت اشوفك الا في خيالي ‏حي شوفك والعوض ولا القطيعه ! "

الجروح اللي يسولفها الحزين بكثره ‏اعرف انها تأكله من داخله يومياً

حنيتكَ من الكلام الموجع الجارح ‏وسكت وأنا ماعاش اللي يسكتنيّ .

القبول الي من الله فالوجيه السمّحه ‏صبّـه الله فيَ محيا الجادل المملُوحه . 💙

الدمعه اللي خانقتني من العام ‏البارحه يوم احتمى الشوق سالت

خذني من الوقت وأشياء البشر والحياه ‏أنت الأمان الجميل الطيّب المُستحب !

اكتب له اشتقت لك واعودّ امسحها ‏انا شعوري تعدا الشوق شـ اكتب له ؟

اللي يقدّمك عن كل .. اهتماماته ‏حاول تقدّم له .. الدنيا بما فيها

ماقلت تكفى لاحد حتى وأنا مستضيق ‏من خوف لا يحسب أني دايم أقولها

مدري وش إللي مخلي خصرهآ جايع ‏و إللي تحت خصرهآ ميت من الشبعه :)

أنتي رفيعة شان من سادة أسياد ‏من قادة التاريخ و أطيبّ عربها 💙

ياخي غَنّ ‏صوتك لحاله : يقين ! ‏وصوت باقي الناس : ظنّ ! .

لو تكشف العين وش تخفي نوايا الصدور ‏ يا خيبة امال بعض الناس .. بـ أصحابها .

صديق الرخا لو نحسبه حسبة الغالين ‏ظلمنا الكريم اللي وقف ساعة الشدة

فرحتي في جيّتك بعد الغياب ! ‏فرحة الشعّار بـ.. أول ( امسيْه )

إن عصتك الصعايب لاتحقر المُحال ‏وإن تبسم زمانك روّض المستحيل

لا تحسب إن العداله مساواة الجميع ‏حكمة الله فـ الاصابع ما خلاها سوا .

مايوجع الطيّب الا غلطة الطيّب والا الردي غلطته سهله ومقبوله

من كثر ماندمح خطا الناس بالطيب ‏قامت علينا " ضعوف الانفس " تجرّا .

عسى الله لا يضرّه ، والله يديمه ‏كثر م ينشرح صدري بـ جياته .💙?7