Translearner

أماكن التطوع، مهم جدا تمارس الترجمة بغض النظر عن مستواك لأنك بتتعلم الفاظ جديدة وبتتعلم من أخطائك، اختار مؤسسة وانضم ليها وابدأ بالتطوع من دلوقتي متضيعش وقت حتى لو بقدر صغير ألف كلمة مثلا كل اسبوع :) https://www.facebook.com/Translearner/photos/a.1562837357361099.1073741827.1562799870698181/1727747187536781/?type=3

يتم الاختبار الصوتي يوم الجمعة من 10 إلى 12 مساءًا لايف مع كل الزملاء :) أه ومفيش حد هيستثنى من الكلام بالإنجليش مع زملائه لا بنات ولا شباب (بس مش غصب يعني اي حد رافض يقدر يتابع الخطوات عادي)، أنتوا مش هتبقوا شاب وبنت مع بعض لوحدكوا... أنتوا هتبقوا جروب كامل من الشباب والبنات والسيدات والرجال وكلو بيتكلم بالإنجليش، ومحدش يقولي الصوت عورة مبيبقاش عورة غير لو فيه خضوع في القول (يعني محن وسهوكة) أنما هل بيبقى عورة لما اساتذة الشفوي بيستجوبوها!!!؟ ومبيبقاش عورة لما تشتغلي كول سينتر وبكل تأكيد مبيبقاش عورة وأنتي بتسلخي البائع بكلامك الى مبيخلصش عشان يخفض السعر ... وبعدين تعالي هنا أنتي لو اشتغلتي مترجمة فوري هتقوليلهم سوري مبترجمش لولاد ؟؟؟!! كله هيضغط عليه وهينطق وهيتكلم وإلا ميتوقعش أي نتايج سريعة أو كبيرة لأنه هيفضل خجلان وخايف ومتوتر وهيفشل في الكلام في موقف حقيقي، ويمارس لوحده لحد ميتقن وميتواصلش مع حد تاني خالص، أو ممكن محادثة فردية مع أفراد من نفس الجنس لو توفر، مممم بس ده هيقلل الفايدة و معتقدش أن ده متوفر عندي عشان فيه بتاع اتنين شباب وانا التالت وبتاع ستين بنت ...بس عموما اتس أوول باي تشويس مش غصب يعني بس هيبقى فيه شوية استثناءات من حاجات إضافية... الاختبار هيكون تلات سطور( أو فقرات صغيرة) مختارة عشوائي من ال7 صفحات الى حددتهم في الكتاب صفحة 6 إلى 11... التسجيلات الصوتية هتكون على الملأ في الجروب ولا استثناء لأحد...ولا حتى أنا...ده لكل الى عايز يكمل معانا بجدية واجتهاد...وبكرر للمرة الألف صوتك مش عورة طالما بتكلمي بوقار تام.... :) ياريت الناس توضح صوتها قدر المستطاع في التسجيل ...تحياتي

هاشتاج به الكثير من الكتب الإنجليزية مرفقة بكتب صوتية بعضها لكنة أمريكية والأخر بريتيش مع وجود النسخة المترجمة مرفقة أيضا :) أحتفظ به لأنه مفيد جدا https://www.facebook.com/hashtag/%D8%A8%D9%88%D8%B3%D8%AA_%D8%A7%D9%84%D9%85%D8%AA%D8%B1%D8%AC%D9%85_%D8%A7%D9%84%D9%85%D8%A8%D8%AA%D8%AF%D8%A6_%D8%AA%D9%86%D9%81%D9%8A%D8%B0_%D8%A7%D9%84%D8%B4%D8%B1%D8%B7_%D8%A7%D9%84%D8%A3%D9%88%D9%84

دي أسامي هيئات تخريج المترجمين المعروفة للأجانب (لمؤسسات الاعتماد مش الأفراد) في مصر، أي حاجة تانية تبقى بلححححححح...بس برضه مش مجرد انك خريج منها تبقى معتمد...بس تبقى مؤهل نسبيًا للاعتماد بالاختبار

أه صح...أنا لا أشكك في نزاهة أي حد بيدي دورات مدفوعة...أنا بس بوضحلكم أن ملهاش أي لزمة وهي استغلال لكسلكم وجهلكم وسذاجتكم لا أكثر(هي مش اختراع يعني مش بتضيف شيء جديد)...ياريت الناس تكون فهمت صح....ونقطة مهمة جدا مفيش حاجة اسمها مترجم "بيُعتمد" في مصر باجماع كل الناس الخبرة...

https://www.atanet.org/certification/eligibility_approved.php شوفوا كل المدارس المعتمدة للترجمة في العالم ودورا على الى في مصر :)

من أهم مهارات التسويق هو الشغل على الميول البشري في أنه ميجتهدش كتير عشان يوصل للحاجة...فبيحولوا الكلام الى فالكتب الى انتوا مكسلين تقرأوها إلى دورات ويدفعوكوا عليها فلوس ويدوكوا ورق تواليت معتمد....عايز دليل؟ روح مكتب ال ATA في نيويورك و قولهم تعرفوا المدرسة العربية للترجمة دي؟ هيقولك ولا عمري شوفتها 😂😂😂😂

رد على طلب بنت بإني أنضم لدورة تدريبية مجانية فالترجمة عاملها مكتب مشهور فالقاهرة...مفيدة؟ اه...لو فاتتك مينفعش تتعوض؟ لا.... :) كل شيء بين إيديكم...بس البشر ديما بيدوروا على الحل السهل كل مرة..!

لممارسي الخطوة الثانية من خطة الصيف أهم شيء في الخطوة دي أنك تزعق وتعلي صوتك وتلعلع كدة !!!😃😂😂😂😮 فاهمني؟... لأن طول ما صوتك واطي وانت بتتكلم انجليزي عمر ما أعضاء جهازك الصوتي مهتتعود عليه (ده سبب أن في ناس عايشة في أمريكا من عشرات السنين وبرضه لكنتها غريبة جدا عن الإنجليش العادي)...(أكتب على دي مهمة جدااااااااااااااااااااااااااااا لأنك لو معملتش كدة يبقى تمرين النطق بتاعك ملوش لازمة) أه وأسمع قدر استطاعتك من اللغة الأمريكية من أي مصدر متاح ام بي ثري أو فيديو لأكبر قدر ممكن من الوقت كل يوم لو في كلمة صعبة عليك افتح القاموس ده وخليها يقرأهالك وأقرأها وراه وفيه خيارات افضل بكتير من جوجل في النطق وبيوضحلك فين مواطن "السترس" على الحروف وإزاي تنطقها وبيعمل تجزئة للكلمة وضرب أمثلة وجمل عليها وده شيء بيسهل جدا عملية التدرب على نطق كلمة معينة صعبة http://www.dictionary.com

ناس كانت عايزة تعرف إزاي تزود محصلتها اللغوية في اللغة العربية من كتابات موثوقة في دقة وصحة النحو والألفاظ :) ... و إليكم كل الخيارات المكتبة الكاملة لروايات نجيب محفوظ.... PDF تحميل مجاني —- شير فالخير :) https://goo.gl/hGlbne والمكتبة الكاملة لمؤلفات أحمد أمين :) https://goo.gl/0fNXQv والمكتبة الكاملة لمؤلفات مصطفى صادق الرافعي https://goo.gl/0igwm6 والأعمال الكاملة لمصطفى لطفي المنفلوطي https://goo.gl/nGhtfG والأعمال الكاملة لطه حسين https://goo.gl/GjpmPU

ما السبيل لاكتساب ملكة الانشاء؟ ــــــــــــــــــــــــــــــــــــــــــــــــــــــــ هذه كلمات الرافعي رحمه الله تعالى وعفا عنه ونفعنابعلومه في الدارين آمين: —--------------------------- الإنشاء لا تكون القوة فيه إلا عن تعب طويل في الدرس وممارسة الكتابة والتقلب في مناحيها والبصر بأوضاع اللغة وهذا عمل كان المرحوم الشيخ " محمد عبده " يقدر أنه لا يتم للإنسان في أقل من عشرين سنة. فالكاتب لا يبلغ أن يكون كاتبا حتى يبقى هذا العمر في الدرس وطلب الكتابة . فإذا أوصيتك فإني أوصيك أن تكثر من قراءة القرآن ومراجعة " الكشاف " ( تفسير الزمخشري ) . ثم إدمان النظر في كتاب من كتب الحديث " كالبخاري " أو غيره ، ثم قطع النفس في قراءة آثار " ابن المقفع " " كليلة ودمنة " " واليتيمة " والأدب الصغير " ، ثم رسائل " الجاحظ ، وكتاب " البخلاء " ثم " نهج البلاغة " ثم إطالة النظر في كتاب " الصناعتين " و " المثل السائر " لابن الأثير ، ثم الاكثار من مراجعة " أساس البلاغة " للزمخشري . فإن نالت يدك مع ذلك كتاب " الأغاني " أو أجزاء منه و " العقد الفريد " ، و " تاريخ الطبري " فقد تمت لك كتب الأسلوب البليغ . اقرأ القطعة من الكلام مرارا كثيرة ، ثم تدبرها ، وقلب تراكيبها ، ثم احذف منها عبارة أو كلمة ، وضع ما يسد سدها ولا يقصر عنها ، واجتهد في ذلك ، فإن استقام لك الأمر فترق إلى درجة أخرى . وهي أن تعارض القطعة نفسها بقطعة تكتبها في معناها ، وبمثل أسلوبها ، فإن جاءت قطعتك ضعيفة فخذ في غيرها ، ثم غيرها ، حتى تأتي قريبا من الأصل أو مثله . اجعل لك كل يوم درسا أو درسين على هذا النحو فتقرأ أولا في كتاب بليغ نحو نصف ساعة ، ثم تختار قطعة منه فتقرأها حتى تقتلها قراءة ، ثم تأخذ في معارضتها على الوجه الذي تقدم - تغيير العبارة أولا ثم معارضة القطعة كلها ثانيا - واقطع سائر اليوم في القراءة والمراجعة . ومتى شعرت بالتعب فدع القراءة أو العمل ، حتى تستجم ثم ارجع إلى عملك ولا ت همل جانب الفكر والتصوير وحسن التخييل . هذه هي الطريقة ولا أرى لك خيرا منها ، وإذا رزقت التوفيق فربما بلغت مبلغا في سنة واحدة : وأول رأيك أن تستفيد = وآخر رأيك أن تجتهد هذا بيت عرض لي الآن فربما كان خلاصة الوصية . ... وفي الختام أرجو أن توفق بما تحاول . والسلام . الرافعي.