🎤🎧॥ સાહિત્ય સરિતા ॥📚🎻

મારા ગામમાં ઉચ્ચ કક્ષાના ડોક્ટર, એન્જિનિયર, પોલીસ, વકીલ, અનેક ગવર્મેન્ટમાં ફરજ બજાવતા ઘણા યુવાન મિત્રો છે.. _બસ હવે ટૂંકમાં જ મારા ગામનો પરિચય આપું..?_ અને હા કવિઓ, કલાકારો, સંગીતકારો, કથાકારો, ઇતિહાસકારો, હરિભક્તો કાયમ હળી-મળીને હરિ ભજન કરી શકે, એવા નાના-મોટા અતિ સુંદર મજાના મંદિરો પણ છે. રામાપીરનું મંદિર, રામજી મંદિર, અને ગગનચુંબી શિવાલય, તેમજ મારુતી આશ્રમ, અને સુંદર મજાનું સ્વામિનારાયણ મંદિર પણ છે હો...! જે ગામની માલીપા, કાઠી, કોળી, કણબી, રાજપૂત, આહિર, સહુ કોઈ હળી મળીને રહે છે. અને ઠાકર ધણીની પૂરેપૂરી જેની ઉપર મહેર છે, એવું ભોળુંડું વરણ, માલધારી એવા રબારીના જુવાનિયા કુદરતના ખોળે કાયમ ગૌધન, મેયુનું ખાડું, અને ઘેટાં-બકરાં ચરાવતા હોય, મારા ગામની સીમમાં.. _મારા ગુંદાળા ગામની મોજ કંઈક અલગ છે મિત્રો.._ મારા ગામની માલીપા, માં ભગવતીની કૃપાથી, અડધાક ગાઉ છેટા એવા આકડીયા ગામથી પરોણા રૂપે ચારણદેવ પધારે, ત્યારે ખોબે ચૂરમું, અને ધારે ઘી, દૂધમાં રાંધેલ શેવ, વાળું કરીને સમી સાંજના વાતોની મોજ કરીએ, ત્યાં તો પોરહના પલ્લાની સાથે-સાથે પ્રાગડના દોરા ફૂટે હો..બાપ...! _ભાય...! ભાય..! ભાય..!_ અને એ ગઢડાથી સોપારીને ટલ્લો મારો, ત્યાં ઢસે જઈને બધું ધણધણાવે, એવો સુવાળો રોડ હોય, એ સીરોડાની સડકે, ત્યાં દિલ કેટલાયના ધડકે..શું ભાવ, શું આત્મીયતા, શું હેત, શું લાગણી..આ.. હા..હા..! _આ તો મેં તમને ટૂંકમાં કહ્યું, વધારે માહિતી માટે મારા ગામના મહેમાન બનવું પડે વાલા...!_ _આવો-આવો, પછી તમને ઘરે જવાનું જ મન નો થાય, એવું સ્વર્ગથી સોહામણા મારા ગુંદાળા ગામથી, હું લોકસાહિત્યકાર ધર્મેશ ગાબાણી તમને આવકારું છું...🙏_ _( તો જરૂર પધારજો સાથે બેસીને સુવાણ્યું કરશું હોને મિત્રો )🤝_ *༺꧁꧂༻༺꧁꧂༻* ૨૧ / ૦ ૯ / ૨૦૧૯   09:20 am - શનિવાર ~ લોકસાહિત્યકાર ધર્મેશ ગાબાણી..✍ https://wa.me/917698824621?text=જય_માં_ભગવતી ╭════════════╮     *youtube channel👇* ╰════════════╯ https://youtube.com/@dharmeshgabani ╭════════════╮         *telegram👇* ╰════════════╯ https://t.me/joinchat/AAAAAENdAEK6NxPHvjIJ_g