Diinii kee Anaakara (Md Ali)

⑥, Meqe toobokoy awaktil mango mari soom sinnik edde finqisaanam "social media" kinni, baxsaluk fasbuuk caagid kaxxa taqabi. Biiroorat taamita qunxaaneyti, "AC" geyaanâ gidah laqo buxah mayadaaraanay, biirol elle ACil assitan tokkel, Yalli kah racmate dagoo mari kak raaqay immay, mango tooboko wi-fi foyyah geyya haan waqdi online asan, Wokkel mangom ruubaanaah, yableeniih, yaabben.....!! Soomu kak iyyaanam, dibuh lee kee maaqok soolaanam hinnay arraba, inti, gaba, iba, ayti....etc inkih numuk soomtam faxxinta, toh akke waytek, sinnih faxinnaanim wagteenih, ankaciseeniih, yaabeenik, Yalli (SW) lee kee maaqo cabaanamat maqal keenik mali. Ni xaleena neh abte migooqa korissa hayneh, fbil abna umaaneena, waliimik garcite sinni Rabbi ni migaaqittel neh yaktubem nasmitem faxximta. Toh kinnim aaxaguk, #Interneet/fb caagid jahannam sabab neh yakkeemik dumal cubbusnam faxximta. Woo mobayilitteh addal, Qhur-aanay, cadiisiiy, zikrii kee kalah tan meqe caagiida hayya hayneh abitak asnam faxxinta. {{Akke waytek, Yalli (SW) smart phone addal abba haynaamak, tiya tiyah nee esserem nasmitem faxxinta!! }} ⑦, Taraawiic Salaatih migaaqal buxak awquk, dalwaa kee kalah tan umaaneenal kassoowa qunxaaneytaw (sayuk, labuk), deedalak sin gineeh, deedal fan sin gacisuwaah, xiine sinniih, qundugule sinni NABA RABBIK meysita !! ¶¶¶¶¶¶¶ ⑧SAYYO 8.1, Say mari qatriluk masjid salaatah amaate waanam faxxinta 8.2, Xer gitak tamaate sayyo, wakalih baqla, abba, toobokoyta akke waytek, kalah tan labha wakalih luk amaate waanam faxxinta. 8.3, Salaatak gaba kaleeniik wadir, saariiqal wws iyyaanam hinnay, sissikuk sinni buxah culaanam faxximta. ~~//~~~~ Yalli maqaanek yoobbeemil taamita mara nee abay. ================= By:- Md Ali =================== @httpsDiiniKeeAnaakara Share

(Repost, qagu) Assalaamu Qaleykum Waracmatullaahi wabarakaatuh. ****** ★ Ramadhaan addat mango mari abah yan qellatitte. ====================== ①, Laqo xiinit asaanaah, bar gaat amol xiinaanama. Inkih akah naaxigennah, Ramadhaan alsi gersi alsittek kaxxam muxxoleh yan alsa kinni. Kay addat aban qibaada, aki waqdih qibaadal dirribuh dirribuh tadaare. Ceelalloh. =>Inki fardih Salaat abek, 70 fardih ajrik kaah loowimta. =>Inki Sunnâ salat abek, fardih yan Salaat abeemih ajri elle geya.......wwc. Yi meqe toobokoy naaxigem faxxintam,a Ramadhaan sugneh immay, yamaatuwa Ramadhaan sugnam kee suge waynam manaaxiga, tohih taagah annah yan saami kulli wak geytimewaam aaxaguk, ta gideh osa/ribci/dirribitte edde geynah nan Yallih Qibaadal diggownam faxxinta. Ramadhaan Qhur-aan kee qibaadah alsakkah, inaq kee digir alsa hinna, tohih taagah Laqo xiinit asnam hinnay, Qhur-aan kee zikri abitak asnam faxximta. Eddeey edde baxsaluk gaat yakme marak mango exxa, sacuri ukumma heenih aban inaaqat, subci miyan, zohri miyan, qasri miyan, maghrib caaylah futreh ugutan, ufuturra iyyeh nookaway kaaduk, Qishaa kee Taraawiic Salaatih xaagu maliiy, kaxxa rakub innah alaaluk xiina. {{ qajaban!! , futreh sinam ken ugussaah, sacurih oson sinam ugsan}} {{ qajaban !! , Abanah iyyaanam soomuuy, cabaanam Salaata }} Ta mari Yaaxigeenim faxximtam, Fardi Salaatak xiinit raaqa mari, aban soom keenih xiqam mali !! Yallah aben xayyuk, caraamul yaftureenim kaaduk kaxxa taqabi !!! ②, Kalah kaaduk gersi buttay, Sacuri xagga heenih aban xiinit, subci Salaatak xiinit raaqa mari yambullle. sacuri 9 saaqatal elle ottokomma haanah, , toowak aban xiinik subci salaatah ugutam xiqe waa maray, wallaqenta uguta yan. Naaxagu faxximtam, Subci Salaatak fardi hinnay, fardik naharat aban Sunna isih dibuk addunyaa kee addunyah addal taniimik inkih tayseh, fardi magideh ajrilem sinnih cubbusa. "Qasa num xin nabam ibnil aaxige " yexceyyeenih, sacurik lakal aban inaq subci salaatak num raaqisam anu innil aaxige !! Taway Calli kak siinih warisuwaa.... Sacuri udurrusaanam isih Sunna kinniimih taagah, Sacuri 10 saaqataak lakal akuma, sacurik lakal salat waktih isih gufeh sugelek, waddowa xicay, Masjid fan gexa. Yi kataysaw Kulli way tamah abtek, Subci Salat kok matatra(Inshaa Allaah). ③, Futreh uddur, maghrib salaatih lakal buxah yadaaroonuh, gari garu wagtekal, fillat siitak aaqatuk, wadirik yayradden danoonah innal kuda mari yan. Wokket Salaatak suga marak fooca gacam bictah, tooway edde radam kaxxa zambi kinni. Yallih farmoyti elle iyyennal... {{ Inki numuy, Salaatak fooca taturaamak, 40(ayro, alsa, sanat) soolam aysuk raqta}} Tohih taagah neh bicsen maaqo/futre elle neh sugelekkal, rike makudda, caatillah namma tattab cubbusak nawqem faxximta. ④, Masaajidik addal qunxuf elle qidan ballaaqe culusa maray, xaanaytah/abacih sinam qida yan, ta mari yaaxagoonu faxxintam, qunxuf gaabossa heenih anxuqeweenik soom aggile waamih taagah, tuftot af sinnik kafsewaanam faxximta, kalah kaaduk Masjid malykaa kee soomuh tan muslimiinih aza akke waanam faxximta. ⑤, Taraawiic Salaata qimbissa heenih gudek yirgiqeh gexa mari yambulle. Yi toobokoy abak raage wayna caagidiy dagoo ayroora nellih suguwaah, abite num kaxxam naba fula(Jannat), edde geyaah, abe weenik kaaduk addunyaay akheera kak baxaysitan tellemmoy taway nee irawteeh, gaba kaluh dagoo ayroora kak raqteh abnah nan angoyyal nakure waynam faxximta. Qajabak tanim, anu innih elle Salaata masaajidiy salat gudek elle argaqih ablel, Imaamitteh tanim Yallih QHUR-AAN aliiliseh yan qafar qunxaaneytay, anayak akak cayyewaana kinni, bisoh hinnoonuy axcemuk raaqa.... Meqe NABI (QSW) «Salaat imaamallih abeh yan num inkih yan bar Yallah soolak xiine numih inna»iyye. Tahih taagah, bisoh ittek 1saaqatih gide Taraawiic Salaatal nasbirem faxximta. Inki saaqat Yallah soolaanamal nakura mari, , beera qhiyaamah saaku, ayro 2 feerah gidel xayyowteh maacissuwayta saaku, 1 ayro 500 sanatih gide kak takkeh soolo ken qambaltam yasmiteenim faxximta !!

የኛ ነገር ... ከሐላል እየፆምን በሐራም እናፈጥራለን! ~ ታላቁ ታቢዒይ የሐያ ብኑ አቢ ከሢር ረሒመሁላህ ፆመኛ ሆኖ ሃሜትና ነገር ማሳበቅ ላይ ስለሚሰማራ አስገራሚ ፍጡር እንዲህ ይላሉ፦ "ሰው ንፁህ ከሆነ ሐላል (ምግብና መጠጥ) እየፆመ ቆሻሻ በሆነ ሐራም - በወንድሙ ስጋ - (በሃሜትና ነገር ማሳበቅ) ያፈጥራል።" ምንጭ ፦ [አልሒልያህ፣ አቡ ኑዐይም፡ 3/69] = የቴሌግራም ቻናል :- https://t.me/IbnuMunewor

⑥, Num Sacurik xiinit raaqeeh, sarra ugteh yan waqdi bari yanim akkaluk lee kee maaqo akamuk, aaqabuk sugga iyya waqdi ikaama yoobeeh, maaci maaciseh sugek xagak sugem tokkel solisam faxximtaah, usug habbeele numih cokmi leemih taagah soom kaak mabaya, ⑦, Barih fidoh angaarawah #janaabat maacise numuk soom mabaya, ★Salaatah kaqalam faxximtah, laakin soom numuk mabaya, ★Meqe NABI (Q.S.W) wonnalem kaa geyak ten, laakin soom akah bayisak maana, Sacaaba kaaduk Yallih farmoytaw (Q.S.W) amannalem nek takkeh tanik macaay iyyen waqdi, "Anu kaaduk geyah immay soom akah mabayisa" axcuk yen. 🔄Woh kah innam sinaamak garab janaabat maacise num soom malim yakkalen, laakin soom bayissam janaaba hinna, soom xabba heenik sarra barrat yangoroweenimi, ★ Tonnaleemiik, bar aben angaarawah janaabat maacisaanamah soom sinaamak mabaya. ⑧, Qamburre sugteeh, ayro wokket keenik qellitta itteh, Ayro cultem akkaluk yuftureenik sarra ayro bukka ittek maca abaanaah? ★Qololma^fanal siitin way elle yaniih, maaci maaciseemiy carra fan soomuh sugeh yan num abeh yan maqaane aracat kaah magacta innam neh bice waytaamih sabbatah Ajri aracat kaah gacah, laakin takkay immay,Yalli (S.W) "maaci siinih baxxaqimam fanah ukumaay, uquba, tokkeek ilaa bar fanah sooma duudusa" iyyeeh, usug ayro cule kal yuftureemih sabbatah ayro kadah gacisam faxximta itta qoloma tanih, ★Laakin aysuk raqtam, usuk akkaloyal abem akke waytek, yismitem aalle waamih taagah soom aracat kaah gacah, ★Asma'a binti Abuubakar assiddiiqh (R.qanha) " Yallih farmoyti (Q.S.W) cayaatal yen saaku ayrok qamburret nek qellitte waqdi, ayro cultem nekkkeleh nufturek sarra , ayro tewqeeh, Yallih Farmoyti (Q.S.W) too ayro gacisa nek maxcinna " itte. ★Qumar ibnul khattaab kaaduk ayro cultem yekkeleh yufturek sarra, maghrib salaatah elle massoowah yan rikel ayro umbuluyya itte, ★Sacaabak baali a ayro gacisenno iyyen waqdi ,,Qumar ibnul khattaab magacisna iyye, nanu aaxagih abne zambi mannuuy, Yalli kaaduk iggimah abeenimil sinam abbixe waamih taagah magacisna iyye, ★Yallih farmoytih (Q.S.W) uddurul gaciseenim geytime wayteeh, Qumar Ibnul khattaab kaaduk Isaaminnah addal NABI (QSW )Sunna akak kataata iyye marak numuk teena kinnuk kadah magacsinna, ★Nanu Qumar le mari abeemik amo korra inneh, kada gacsimtam faxximta innam neh mabicta . ★Tohih taagah ayro gacise waanam aysuk raqta. ★Laakin too ayro yableh yan waqdi futre soolisam faxximta, tonna hinnammay, aysa tekkem tekkeh tan iyyeh gexak raqqa iyyekiiy soom kaak bayah. ★Kalah kaaduk akkel naaxagu faxximtam, aytit haan caxxaay, intii kee aytit haan caxaay......w.wonnah tanim soom mabayissa. ★Kalah kaaduk naaxagu faxximtam qasoh irba tekkek, sokkar irba tekkek azmik/sibbik afat sinnik han diwa tekkek wonnah tanim soom mabayissa, ★Laakin akkel kalah naaxagu faxximtam, maaqoh irba (Glucose) tekkek, tonnah kaaduk vitamin leh tan diwa tekkek num qusba cayla geyaamih sabbatah soom bayissah ★Tonnah kaaduk naaxagu faxximta ximmo tan, @Fokkaaqoh yaceen qabali soom sinaamak mabayisa. ~~\\~~~ Ramadhaan 5/1439 H.Loowo Xonglo:-Dr Macammad Saani. 📝Kutbe:- Diinii kee Anaakara (M/d Ali) @httpsDiiniKeeAnaakara share