O’zbekiston milliy pedagogika universiteti | Rasmiy kanali

Ayni kunlarda universitetimizga Buyuk Britaniyaning dunyo reytingida 8-o'rinda turuvchi (QS) University College London (UCL) universiteti hamda xalqaro ta’lim tashkilotlari rahbarlari tashrif buyurgan. Bugun mehmonlarimiz hamrohligida Yangi Toshkent shahrida qurilayotgan Nizomiy nomidagi Oʻzbekiston milliy pedagogika universiteti binosining qurilish jarayonlari bilan yaqindan tanishdik. Qirq gektarlik maydonda 20 ming talabaga moʻljallab qurilayotgan oʻquv binolari, yotoqxona, kutubxona, sport va madaniyat inshootlarimiz mehmonlarimizda katta qiziqish uygʻotdi. Qisqa taqdimotdan soʻng kelgusidagi hamkorlik rejalarini koʻrib chiqdik. Binolarni oʻz vaqtida va sifatli qurib bitkazilishi, talabalar uchun munosib sharoitlar yaratish, tranport, turar joy masalalarini ham muhokama qildik. @hilola_umarova

Talabalarimiz Xitoydagi nufuzli universitetning yozgi maktab dasturida ishtirok etdi 💙Nizomiy nomidagi Oʻzbekiston milliy pedagogika universiteti talabalari dunyo reytingida 131-o'rinda turuvchi Harbin texnologiya institutida tashkil etilgan xalqaro yozgi maktab dasturida muvaffaqiyatli ishtirok etishdi. 💫Dastur davomida talabalar zamonaviy ilmiy va ta'lim yo‘nalishlari bo‘yicha ma'ruza hamda amaliy mashg‘ulotlarda qatnashish, turli mamlakatlardan kelgan tengdoshlari bilan tajriba almashish va xalqaro akademik muhitda bilim hamda ko‘nikmalarini mustahkamlash imkoniyatiga ega bo‘ldilar. ✨ Mazkur ishtirok talabalarning global kompetensiyalarini shakllantirish hamda xalqaro akademik mobillikni kengaytirish yo‘lidagi muhim qadamlardan biridir. Biz ijtimoiy tarmoqlarda: Veb-sayt | Telegram | Instagram | You Tube | Facebook

Yangi tayinlovlar va taʼlim sifatini oshirish masalalari muhokama qilindi 👍Pedagogik kengashning bugungi yigʻilishida universitet hayotiga oid muhim masalalar muhokama qilindi. ✅Jumladan, tyutorlar faoliyati samaradorligini oshirish, talabalar bilan ishlash tizimini yanada takomillashtirish hamda ilmiy tadqiqot yoʻnalishlarini rivojlantirish masalalari yuzasidan fikr almashildi. ✅Kengash davomida taʼlim sifatini oshirish, universitetning ilmiy salohiyatini mustahkamlash va yoshlar bilan ishlash samaradorligini yuksaltirishga qaratilgan ustuvor vazifalar belgilab olindi. Biz ijtimoiy tarmoqlarda: Veb-sayt | Telegram | Instagram | You Tube | Facebook

Universitetimiz vakillari Londonda QAA Xalqaro sifat kafolati dasturida ishtirok etdi 💙Nizomiy nomidagi Oʻzbekiston milliy pedagogika universiteti vakillari London shahrida QAA (Quality Assurance Agency for Higher Education) tomonidan tashkil etilgan International Quality Assurance Programme (IQAP) dasturida ishtirok etdilar. 💫Dastur davomida ishtirokchilar oliy ta’limda sifat kafolati tizimini takomillashtirish, institutsional boshqaruv, xalqaro akkreditatsiya jarayonlari hamda ta’lim sifatini baholashning zamonaviy yondashuvlariga bag‘ishlangan seminar va amaliy mashg‘ulotlarda ishtirok etib, xalqaro ekspertlar hamda dunyoning turli mamlakatlaridan kelgan oliy ta’lim muassasalari vakillari bilan tajriba almashdilar. ✅ Shuningdek, universitetimiz vakillari Richmond American University London hamda University of Londonga tashrif buyurib, taʼlim sifatini taʼminlash, xalqaro hamkorlikni rivojlantirish, akademik mobillik va zamonaviy sifat kafolati mexanizmlari bo‘yicha ilg‘or tajribalarni o‘rgandilar. ✨ Mazkur tashrif universitetimizda xalqaro standartlarga mos sifat boshqaruvi tizimini yanada takomillashtirish hamda xorijiy oliy taʼlim muassasalari bilan hamkorlikni kengaytirishga xizmat qiladi. Biz ijtimoiy tarmoqlarda: Veb-sayt | Telegram | Instagram | You Tube | Facebook

Qadrli yoshlar, aziz talabalarimiz! Sizlarni bugungi bayram – Yoshlar kuni bilan chin qalbimdan tabriklayman. O‘zbekiston chinakam yoshlar mamlakati, yurtimizning ertasi, farovon kelajagi esa siz aziz yoshlarning qoʻlida. Bugun davlatimiz rahbari yoshlarimiz bilan uchrashuvda ertamiz egalari uchun yanada keng imkoniyatlar eshigini ochib, yoshlarimizga katta ishonch bildirdilar.

Ajdodlarimiz insoniyat taraqqiyoti uchun qanday buyuk ishlar qilgan bo‘lsa, sizlar Yangi O‘zbekistonda yangi uyg‘onish davri – Uchinchi Renessans poydevorini yaratadigan kuch bo‘lishingiz kerak!”, – dedi Prezidentimiz.

Biz sizlarga ishonamiz, katta maqsadlarga erishishingiz yoʻlida zarur shart-sharoitlarni yaratish va qo‘llab-quvvatlashda har doim tayyormiz. Bayram yana bir bor muborak bo‘lsin, sizlarga sog‘lik-salomatlik va muvaffaqiyat tilayman. Ilm olish, izlanish va harakatdan toʻxtamang! Hilola Umarova, Maktabgacha va maktab ta’limi vaziri o‘rinbosari – Nizomiy nomidagi O‘zbekiston milliy pedagogika universiteti rektori @hilola_umarova

30-iyun — Yoshlar kuni muborak! Aziz talaba yoshlarimiz! Nizomiy nomidagi O‘zbekiston milliy pedagogika universiteti jamoasi barcha sizlarni 30-iyun — Yoshlar kuni bilan samimiy muborakbod etadi. Sizlarga mustahkam sog‘lik, cheksiz g‘ayrat, ulkan marralar, ilmiy va kasbiy faoliyatingizda ulkan muvaffaqiyatlar tilaymiz. Yoshlar kelajak bunyodkorlari, Vatanimizning eng katta boyligi va ishonchli tayanchidir. Bayramingiz muborak bo'lsin. Biz ijtimoiy tarmoqlarda: Veb-sayt | Telegram | Instagram | You Tube | Facebook

Ta’lim yo‘nalishi bo‘yicha dunyoda 1-raqamli universitet ekspertlari universitetimizni o‘rganmoqda. 💙Universitetimizga Buyuk Britaniyaning dunyo reytingida 8-o'rinda turuvchi (QS) University College London (UCL) universiteti vakillari tashrif buyurdi. 💫Tashrif doirasida UCL Ta’lim instituti ekspertlari uch kun davomida Tabiiy fanlar fakulteti ta’lim dasturlari, baholash mexanizmlari hamda ularni xalqaro standartlar asosida takomillashtirish imkoniyatlarini o‘rganadi. ✨ Mazkur tashrif xalqaro tajribani o‘rganish, istiqboldagi hamkorlik yo‘nalishlarini belgilash, pedagog kadrlar tayyorlash sifatini oshirish hamda mamlakatimiz pedagogika oliy ta’lim muassasalarini rivojlantirishga xizmat qiladi. Biz ijtimoiy tarmoqlarda: Veb-sayt | Telegram | Instagram | You Tube | Facebook

Universitetimiz yutuqlari xalqaro miqyosda e’tirof etilmoqda! 💙Nizomiy nomidagi O‘zbekiston milliy pedagogika universiteti bugungi kunda nafaqat ilmiy salohiyati, balki xalqaro maydondagi nufuzi bilan ham yuksak natijalarni qo‘lga kiritmoqda. ⚡️ Eng quvonarlisi, universitetimiz Times Higher Education Sustainability Impact Ranking reytingida 801–1000-o‘rinlar guruhidan 401–600-o‘rinlar guruhiga ko‘tarildi. Bu esa universitetimizning barqaror rivojlanish maqsadlariga qo‘shayotgan hissasi xalqaro hamjamiyat tomonidan e’tirof etilayotganining yorqin dalilidir. 💫Oliygohimiz mazkur reytingning Gender tengligi yo‘nalishida 20-o‘rin, Toza energiya yo‘nalishida 69-o‘rin hamda Sifatli ta’lim yo‘nalishida 301–400-o‘rinlar guruhidan joy oldi. ✅Bundan tashqari, Buyuk Britaniyaning dunyodagi eng nufuzli universitetlaridan biri — UCL bilan hamkorlikda Tabiiy fanlar fakulteti dasturlari yangilanmoqda. ✅ Shuningdek, Britaniya Kengashi bilan hamkorlikda Filologiya hamda Boshlang‘ich ta’lim fakultetlari uchun zamonaviy va xalqaro standartlarga mos o‘quv dasturlari ishlab chiqildi. ✨ Bu yutuqlar universitet jamoasi, professor-o‘qituvchilar, talabalar va hamkorlarimizning birgalikdagi sa’y-harakatlari natijasidir. Biz ijtimoiy tarmoqlarda: Veb-sayt | Telegram | Instagram | You Tube | Facebook

Nazariya va amaliyot uyg‘unligi — sifatli ta’lim kafolati 💙Bugungi kunda universitetimizda Maktabgacha va Boshlang‘ich ta’lim yo‘nalishlari talabalari 4+2 modeli asosida tahsil olmoqda. ✅ Mazkur tizim orqali ular haftaning to‘rt kunini universitetda nazariy bilimlarni egallashga, ikki kunini esa maktabgacha ta’lim tashkilotlari va umumta’lim maktablarida amaliy tajriba orttirishga bag‘ishlamoqda. ⚡️ Eng e’tiborli jihati shundaki, bitiruvchi talabalar o‘z bitiruv malakaviy ishlarini aynan amaliyot o‘tagan ta’lim tashkilotida himoya qilmoqda. Ularning kasbiy tayyorgarligi va amaliy ko‘nikmalari ta’lim maskani pedagoglari tomonidan bevosita baholanmoqda. ✨ Bu yondashuv nafaqat nazariy bilimlarni amaliyot bilan uyg‘unlashtiradi, balki ertangi pedagoglarning kasbiy tayyorgarligini real ta’lim muhiti orqali mustahkamlaydi. Biz ijtimoiy tarmoqlarda: Veb-sayt | Telegram | Instagram | You Tube | Facebook

Uzoq kutilgan imkoniyat! Maktabgacha ta’lim tashkilotlarida ishlaydigan uzoq yillik tajribaga ega, lekin oliy ma’lumoti boʻlmagan xodimlarimiz oʻzlari uchun ta’lim olish imkoniyati yaratilishini soʻrab koʻp murojaat qilishardi. Prezidentimiz tomonidan ular uchun katta imkoniyat yaratildi. 2026-2027-oʻquv yilidan boshlab pedagogika oliy taʼlim tashkilotlarida maktabgacha taʼlim yoʻnalishida bakalavr bosqichida dual taʼlim shakli (1+5) yoʻlga qoʻyildi. Davlat va nodavlat maktabgacha taʼlim tashkilotlarida pedagogik faoliyat olib borayotgan (kamida uch yillik tajribaga ega) oʻrta-maxsus maʼlumotli xodimlar ushbu imkoniyatdan foydalanishlari mumkin. Endi siz 1 kun pedagogika oliy taʼlim tashkilotida nazariy taʼlim olasiz va 5 kun davomida odatdagi amaliy faoliyatingizni davom ettiraverasiz. Maʼlumot uchun: joriy o‘quv yilidan boshlab respublikamizdagi 15 ta pedagogika oliy ta’lim muassasalarining maktabgacha taʼlim yoʻnalishida dual ta’lim yo‘lga qo‘yildi. Bugun Vazirlar Mahkamasining “Maktabgacha taʼlim yoʻnalishi boʻyicha xalqaro tajriba asosida bakalavrlar tayyorlash tizimini joriy etish toʻgʻrisida”gi qarori ham e’lon qilindi. Batafsil tanishib chiqing. Qoʻshimda savollaringiz boʻlsa Nizomiy nomidagi Oʻzbekiston Milliy pedagogika universitetining +998 (71) 202-44-21 raqamlariga qoʻngʻiroq qilib javob olishingiz mumkin. Biz yangi oʻquv yili, ushbu ta’lim dasturini muvaffaqiyatli yoʻlga qoʻyish uchun tizimli ishlarimizni allaqachon boshlaganmiz. Mazkur imkoniyatdan foydalanishga bel bogʻlagan barcha pedagoglarga omad tilayman. Hilola Umarova, Maktabgacha va maktab ta’limi vaziri o‘rinbosari – Nizomiy nomidagi O‘zbekiston Milliy pedagogika universiteti rektori @hilola_umarova

1+5! Imkoniyatni qoʻldan boy bermang! Prezidentimizning tegishli farmoniga asosan 2026/2027-oʻquv yilidan boshlab pedagogika oliy taʼlim tashkilotlarining maktabgacha taʼlim yoʻnalishida bakalavrlarni dual taʼlim shaklida tayyorlash belgilangan. Mazkur imkoniyat davlat va nodavlat maktabgacha taʼlim tashkilotlarida pedagogik faoliyat yuritayotgan oʻrta maxsus maʼlumotga ega xodimlar uchun tatbiq etiladi. Eslatib oʻtamiz: 2026/2027-oʻquv yili uchun abituriyentlarni roʻyxatdan oʻtish jarayonlari davom etmoqda. Ushbu video orqali batafsil ma’lumot olishingiz mumkin. @hilola_umarova

Bugun “O‘zbekistonda ingliz tili o‘qituvchilarini tayyorlash tizimidagi islohotlarni jadallashtirish” mavzusidagi Milliy forum o‘z ishini boshladi. Forumda mahalliy va xorijiy ekspertlar, OTM rektorlari ishtirok etmoqda. Biz ingliz tili o‘qituvchilarini tayyorlash tizimini xalqaro standartlar asosida takomillashtirish masalalarini muhokama qildik. Bundan tashqari Britaniya Kengashi dasturi asosida ishlab chiqilgan bo‘lajak ingliz tili o‘qituvchilarini tayyorlashga ixtisoslashgan ta’lim dasturi taqdim etildi. Uni respublikamizdagi pedagogika oliy ta’lim muassasalarida joriy etish bo‘yicha kelishuv imzolandi. Forumda ishi, dastur boʻyicha seminarlar ertaga ham davom etadi. @hilola_umarova

Ingliz tili o‘qituvchilarini tayyorlash tizimida yangi bosqich! ✅Milliy forum doirasida Britaniya Kengashining “Markaziy Osiyoda ingliz tilini o‘rganishni jadallashtirish” (AELLCA) dasturi asosida ishlab chiqilgan bo‘lajak ingliz tili o‘qituvchilarini tayyorlashga ixtisoslashgan yangi milliy ta’lim dasturi — PRESETT taqdim etildi. ⚡️Shuningdek, mazkur dasturni respublika pedagogika oliy ta’lim muassasalarida joriy etish bo‘yicha muhim kelishuv imzolandi. ✨ Forumda 60 ga yaqin oliy ta’lim muassasalari rektorlari, prorektorlar, professor-o‘qituvchilar,soha mutaxassislari ishtirok etayotgan boʻlib, ularga dastur boʻyicha seminarlar oʻtkazilmoqda. Biz ijtimoiy tarmoqlarda: Veb-sayt | Telegram | Instagram | You Tube | Facebook

Milliy forum boshlanmoqda! 🇺🇿 “O‘zbekistonda ingliz tili o‘qituvchilarini tayyorlash tizimidagi islohotlarni jadallashtirish” mavzusidagi Milliy forum o‘z ishini boshladi. ✨Forumning ochilish marosimida O‘zbekiston Respublikasi Maktabgacha va maktab ta’limi vaziri o‘rinbosari-Nizomiy nomidagi O‘zbekiston milliy pedagogika universiteti rektori Hilola Umarova, Britaniya Kengashining O‘zbekistondagi direktori Maykl Xolgeyt hamda oliy ta’lim muassasalari rahbarlari so‘zga chiqdi. ✅Forum doirasida mamlakatimizda ingliz tili o‘qituvchilarini tayyorlash tizimini xalqaro standartlar asosida takomillashtirish, pedagog kadrlar tayyorlash sifatini oshirish hamda ta’lim sohasidagi dolzarb islohotlarni jadallashtirish masalalari muhokama qilinadi. #MilliyForum #InglizTili Biz ijtimoiy tarmoqlarda: Veb-sayt | Telegram | Instagram | You Tube | Facebook

Bizga ta'lim bergan ustozlarimizga mingdan ming rahmat aytamiz

💙Bitiruv oqshomida talabalarimiz va ularning ota-onalari o'z taassurotlari bilan bo'lishishdi. #bitiruvchi2026 Biz ijtimoiy tarmoqlarda: Veb-sayt | Telegram | Instagram | You Tube | Facebook

Maktabgacha ta’lim tashkilotlari pedagoglari diqqatiga! 💙Davlatimiz rahbarining tegishli farmoni asosida maktabgacha ta’lim tashkilotlarida faoliyat yuritayotgan oʻrta maxsus ma’lumotli pedagoglar 1+5 (besh kun ishlab, bir kun oʻqish) tartibida universitetimizda tahsil olishlari mumkin. 💫 Hozirda universitetimizda 2026/2027 o'quv yili uchun o'qishga arizalar qabuli davom etayotgan bo'lib, 25-iyunga qadar Yagona interaktiv davlat xizmatlari portali yoki Bilim va malakalarni baholash agentligi saytining “Xizmatlar” boʻlimida roʻyxatdan oʻtishingiz mumkin. ✅ Test topshirish fanlarini tanlashda adashmang: 🔹Biologiya 1-fan; 🔹Ona tili va adabiyoti 2-fan. ✨ O'rta maxsus ma'lumotli maktabgacha ta'lim tashkilotlari xodimlari uchun bu juda ajoyib imkoniyat hisoblanadi. Biz ijtimoiy tarmoqlarda: Veb-sayt | Telegram | Instagram | You Tube | Facebook

Men abituriyentman | info-serial | 2-qism Aka-singilning yurtimizdagi oliy ta’lim muassasalari boʻylab sayohati davom etadi. Info-serialning ikkinchi qismida Nizomiy nomidagi Oʻzbekiston Milliy pedagogika universiteti bilan tanishamiz. Videoni abituriyent yaqinlaringizga ulashing. Info-serialning sifatli variantini mana bu yerda tomosha qilishingiz mumkin. Bizni kuzatib boring: Instagram | Telegram | Youtube | Facebook

Bitiruvchi 2026 tadbiridan videolavha! ✨Universitetimiz bitiruvchilari o‘z bilim va salohiyati bilan yurtimiz taraqqiyotiga munosib hissa qo‘shishiga ishonamiz. Biz ijtimoiy tarmoqlarda: Veb-sayt | Telegram | Instagram | You Tube | Facebook

#BITIRUVCHI_2026 Unutilmas va hayajonli bitiruv oqshomi bo‘lib o‘tdi Bitiruv oqshomi nafaqat talabalik davrining yakuni, balki yangi mas’uliyat, yangi marralar va ulkan orzular sari boshlanayotgan yo‘lning ramziga aylandi. Universitetimiz bugungi kunda 18 mingdan ortiq talabani birlashtirib, kelajak avlod tarbiyachilari va pedagoglarini tayyorlab kelmoqda. Hozirda universitetimizni 5 407 nafar bitiruvchi muvaffaqiyatli tamomlamoqda. Shundan 64 nafar bitiruvchi imtiyozli diplom sohibiga aylandi. Aziz bitiruvchilar! Sizlar tanlagan sharafli pedagoglik yo‘li bilan Yangi O‘zbekiston taraqqiyoti va kelajak avlod taqdiriga munosib hissa qo‘shishingizga ishonamiz. Biz ijtimoiy tarmoqlarda: Veb-sayt | Telegram | Instagram | You Tube | Facebook

#BITIRUVCHI_2026 Bitiruvchi – 2026 tantanali tadbiri boshlandi Bitiruvchilar safida ertangi kun maktablari, ta’lim maskanlari va ilm-fan rivojiga munosib hissa qo‘shadigan, Yangi O‘zbekiston taraqqiyotiga xizmat qiladigan fidoyi pedagoglar kamol topdi. “Bitiruvchi – 2026” nafaqat talabalik davri yakuni, balki katta hayot, kasbiy faoliyat va yangi yutuqlar sari qo‘yilgan muhim qadamdir. Aziz bitiruvchilar, sizlarga yorqin kelajak, ulkan muvaffaqiyatlar va sharafli pedagoglik faoliyatida zafarlar tilaymiz! Biz ijtimoiy tarmoqlarda: Veb-sayt | Telegram | Instagram | You Tube | Facebook