484
订阅者
无数据24 小时
无数据7 天
+130 天
吸引订阅者
十一月 '2611月 '26
十一月 '260
在0个频道中
十月 '26
+48
在4个频道中
Get PRO
九月 '260
在2个频道中
Get PRO
八月 '260
在3个频道中
Get PRO
七月 '260
在4个频道中
Get PRO
六月 '260
在3个频道中
Get PRO
五月 '260
在3个频道中
Get PRO
四月 '260
在0个频道中
Get PRO
三月 '260
在0个频道中
Get PRO
二月 '260
在3个频道中
Get PRO
一月 '260
在2个频道中
Get PRO
十二月 '250
在4个频道中
Get PRO
十一月 '250
在3个频道中
Get PRO
十月 '250
在2个频道中
Get PRO
九月 '250
在1个频道中
Get PRO
八月 '250
在3个频道中
Get PRO
七月 '250
在2个频道中
Get PRO
六月 '250
在3个频道中
Get PRO
五月 '250
在32个频道中
Get PRO
四月 '25
+3
在32个频道中
Get PRO
三月 '25
+12
在4个频道中
Get PRO
二月 '25
+53
在3个频道中
Get PRO
一月 '25
+22
在25个频道中
Get PRO
十二月 '24
+24
在18个频道中
Get PRO
十一月 '24
+26
在14个频道中
Get PRO
十月 '24
+15
在17个频道中
Get PRO
九月 '24
+7
在17个频道中
Get PRO
八月 '24
+6 915
在19个频道中
Get PRO
七月 '24
+17
在11个频道中
Get PRO
六月 '24
+16
在10个频道中
Get PRO
五月 '24
+18
在8个频道中
Get PRO
四月 '24
+6
在6个频道中
Get PRO
三月 '24
+11
在9个频道中
Get PRO
二月 '24
+8
在8个频道中
Get PRO
一月 '24
+23
在8个频道中
Get PRO
十二月 '23
+21
在8个频道中
Get PRO
十一月 '23
+22
在2个频道中
Get PRO
十月 '230
在1个频道中
Get PRO
九月 '230
在0个频道中
Get PRO
八月 '230
在0个频道中
Get PRO
七月 '230
在0个频道中
Get PRO
六月 '230
在0个频道中
Get PRO
五月 '230
在0个频道中
Get PRO
四月 '230
在0个频道中
Get PRO
三月 '230
在0个频道中
Get PRO
二月 '230
在0个频道中
Get PRO
一月 '230
在0个频道中
Get PRO
十二月 '220
在0个频道中
Get PRO
十一月 '220
在0个频道中
Get PRO
十月 '220
在0个频道中
Get PRO
九月 '220
在0个频道中
Get PRO
八月 '220
在0个频道中
Get PRO
七月 '22
+5
在0个频道中
Get PRO
六月 '22
+2
在0个频道中
Get PRO
五月 '22
+6
在0个频道中
Get PRO
四月 '22
+3
在0个频道中
Get PRO
三月 '22
+13
在0个频道中
Get PRO
二月 '220
在0个频道中
Get PRO
一月 '220
在0个频道中
Get PRO
十二月 '210
在0个频道中
Get PRO
十一月 '210
在0个频道中
Get PRO
十月 '210
在0个频道中
Get PRO
九月 '210
在0个频道中
Get PRO
八月 '210
在0个频道中
Get PRO
七月 '210
在0个频道中
Get PRO
六月 '210
在0个频道中
Get PRO
五月 '21
+197
在0个频道中
| 日期 | 订阅者增长 | 提及 | 频道 | |
| 02 十一月 | 0 | |||
| 01 十一月 | 0 |
频道帖子
✍ «دیدرگین اورمان!»
ایچیمده بیر اورمان دولانیر
آغاجلاری‌نین باشی کسیک
قول بوداغی قیریق
یارپاق‌لاری یاسلی
دیدرگین
پوزغون
روحو یارالی
یانیقلی
بالتالارین یوخوسونو پوزاجاق‌می باهار مارشی؟!
باهار قوخوسو وئریر سورگون چیچک‌لر
باهار یوخوسو گؤرور دیدرگین یارپاق‌لار
داغ دؤشو امیزدیرمیر باهار یاشیللیغینی
هله‌لیک هوهو دئییر اسن کولک‌لر
تلسمه گلمه‌یه
بیر آز دؤزمک ده اولار
دایان
قارتال‌لار قییها چکنده گل
ارن‌لر هو دئییب دؤیوشه گیرنده گل
قارانلیغین گوزگوسو
چوخدان‌دیر هوودان دوشوب
اورمانین ایچینده بیر ایلخی چاپار آت
اؤن‌لرینده بیر گؤرکملی قیر آت
قارا دومان کیمی چاپیر
هایدی دلی‌لر، هایدی، هایدی
اوهوی‌ی‌ی‌ی
هانی منیم قوچ کور اوغلوم
گلیب گیره بو میدانا، بو میدانا
چکنده میصری قیلیجین
باش بیر یانا، لئش بیر یانا
هئی...
#میرحسین_دلداربناب
۱۴۰۵/۰۸/۰۲
@eldilimiz
| 2 | «دومانلی گونلر»
هر یئره قارانلیق جالانیر
فصیل‌لر قارانلیغا بویانیر
گونش قارانلیقدا بوغولور
اولدوزلار یوللارا ایشیق چیله‌مه‌ییر
یوللار هئچ کیمه اوز گؤسترمه‌ییر
یوللار سنی منه گتیرمه‌ییر
یوللار منی سنه گؤتورمه‌ییر
داریخیرسان سن
داریخیرام من
یالقیز قالیر یوللار
یالقیزلیق یاغیر ایچیمه
داغلارا یاغان قار کیمی
دیدرگین دولانان دومان کیمی
گمی‌دن بوش قالان لیمان کیمی
قاتی دومان چؤکور ایچیمه
یوخولاریما داریخما جالانیر
دومانلی آی‌لار کیمی
دومانلی ایللر کیمی
قاباغیمدا بیر اوچوروم
درین، درین، دریندن درین
اوچوراجاق می گؤرن منی؟
اوچماغا، یوکسک زیروه‌لره، یوخسا
یوخلوغون ان درین دیپ بوجاقلارینا
یوخولاریمدا آلچا آغاجیندان اولدوز دریرم
یولونا سرمه‌یه، ساچینا هؤرمه‌یه
حالینا حالداش اولماق ایسته‌ییرم
یولونا یولداش
کیم دئییر سن گلمز اولدون؟!
یوللار سنی گؤزله‌ییر
یوللار سنی داریخیر
من ایسه اولدوزلارین یوخولاریندا میشیل میشیل اویومادان
آلچا آغاجیندان اوچوروملارا دوغرو اوچورام!
#میرحسین_دلداربناب
۱۴۰۵/۰۷/۰۸
@eldilimiz | 536 |
| 3 | ✍ «ازلدن ابده اوزانان بیر یول!»
سحرین گؤزوندن آخشام دوغولور!
گونشین گؤزوندن قارانلیق!
گؤزلرده قارا بولود!
ببک‌لرده چکیلمز دومان!
بو آمان‌سیز یاغیش هاردان یاغیر گؤزلریمه؟!
هر شئی چورومه‌یه دوغرو یورویور
یوخلوغا دوغرو یورویور
اسکی‌دن قالان کؤلگه‌م یوللارا سریلیر
اؤزوم ایسه چوخدان ایتیب باتمیشام
قالدیر قدحینی اسکی دوستوم!
قالدیر ایچک یوخلوغون ساغلیغینا
کؤلگه‌لرین ساغلیغینا
اؤزگه‌لرین ساغلیغینا
اوف، اوف، اوف، بو شهر نه قدر سویوق!
کوچه‌لر نه قدر سن‌سیز!
آدام‌لار نه قدر اؤزگه!
گونلر نه قدر داریخمالی!
بیتمک بیلمیر کؤکسومدن قوپان آه‌لار
ازلدن ابده اوزانان بوش اللریم، آه
ایچینیزده یئل اسیر، کولک آغلاییر، قار یاغیر
نه یازیق سیزه، نه یازیق منه!
بیریمیز آرزولار وورغونو
بیریمیز حسرت‌لر یورغونو
هارا بئله؟!
دایان گؤرک اسکی دوستوم!
تلسمه، هله واختین وار
بو یول سورگونلوک یولودور
سورگون‌لر یولودور
ازلدن ابده اوزانان بیر یول
یول سنین‌دیر هر زامان
بویور، گئتمک ایسته‌سن!
یولون آچیق اولسون!
#میرحسین_دلداربناب
۱۴۰۵/۰۶/۲۴
@eldilimiz | 549 |
| 4 | ✍«ناغیللاردا قالدی، قوچاق کیشی‌لر!»
دایاندیق شاختایا، دؤزدوک بورانا
داغلاردا یاشادیق، داغ دره دره
ارن‌لر یولونو، قیبله‌میز قیلدیق
شیرین جانیمیزدان قان وئره وئره
کوچه‌لر اسنه‌ییر یوخو ایچینده
شهر مورگوله‌ییر، سحر چاغیندا
زیروه‌لر قارتال‌سیز، قارسیز بوران‌سیز
چیچک‌لر جان وئریر حسرت باغیندا
جهننم گؤیریر جننت ایچیندن
سالدی یانار اودو، کیم آرامیزا؟!
بو آیریلیق داها ساغالان دئییل
سپیب شیطان الی، دوز یارامیزا!
یوللارا باخیرام سون نفسده ده
گؤزلریمی بوکون گؤی قورشاغینا
دلی‌لردن گلن اولسا بویانا
چنلی بئل گتیرسین کؤنول داغینا
بیلمیرم نه گلدی بیردن بیزلره
یام یاشیل باهاردا دؤنوب قیش اولدوق
قیزیل قارتالیدیق گؤی‌لر اوزونده
قانادی قیریلمیش قارانقوش اولدوق
ناغیللاردا قالدی، قوچاق کیشی‌لر!
یاندیلار بیزلره کؤز ساخلادیلار
آداقلی قالدیلار آرزولارینا
کیشی‌لیک یولوندان ایز ساخلادیلار
#میرحسین_دلداربناب
۱۴۰۵/۰۵/۲۷
@eldilimiz | 678 |
| 5 | ✍ «آغیر کئچدی بو ایل، دورنا قاطاری»
آغیر کئچدی بو ایل دورنا قاطاری
پاییز آیاقلادی، یاز چیچک‌لرین
سایخاشلیق جالاندی دوداقلاریما
باهار آغلار قویدو، کپنک‌لرین
بو نه حیکایه‌دیر، بو نه اویوندور؟!
ایشیق باغلاییب‌دیر، پنجره‌لرین!
دارالیر نفسیم، داریخیر جانیم
ایت جانی وار سانکی ثانییه‌لرین!
آغیر کئچیر گونلر، کئچمه‌ییر زامان
هوندور داغلار ایتیر، دومان ایچینده
کؤلگه‌لر ساریلیر، یاماج بویونا
بو اؤلکه قالیب‌دیر، ایلان ایچینده!
نه سوسماغیم گلیر، نه دانیشماغیم
بوراخ منی قارداش، سورما نئجه‌یم!
ناغیللاردا قالان، ناغیلا دؤنن
گوندوزو گؤزله‌ین، اوزون گئجه‌یم!
بوتون آجیلارین یوخ شرفینه!
دولدور سون قدحی، بیرگه ایچه‌ییم
قاطارا دوزولن دورنالار کیمی
دونیانین کؤیوندن، یونگول کئچه‌ییم...
#میرحسین_دلداربناب
۱۴۰۵/۰۵/۲۰
@eldilimiz | 532 |
| 6 | ✍ «ایتمیشم ایچیمده من!»
سنی سوراقلاشیرلار
رف‌ده قالان کیتاب‌لار
یولونو گؤزله‌ییرلر
خومدا یاتان شراب‌لار
قاییدیب گله‌جکسن
قارانلیق چکیلنده؟
کوچه‌میزه سو سپیم
یئره نور سپیلنده؟
گونش داها دوغماییر
قارانلیق گئجه‌لرده
ایشیق اؤزون اؤلدورور
باغلی پنجره‌لرده
داها گمی گلمه‌ییر
بو دومانلی لیمانا
کیم ایسته‌ییر کی گلسین
بو چنه بو دومانا؟!
ایتمیشم ایچیمده من!
بیلمیرم هایاندایام
اویاندان بیر سس گلیر
آمما من بویاندایام...
#میرحسین_دلداربناب
۱۴۰۵/۰۴/۲۵
@eldilimiz | 731 |
| 7 | ✍ «کؤچ»
گل گئجه‌دن کئچیب گئدک
بو اؤلکه‌دن کؤچوب گئدک
آیریلیغین آغیت‌لارین
قدح قدح ایچیب گئدک
پاییز گزیر بو اؤلکه‌ده
هامی قوزئی‌ده کؤلگه‌ده
کئچیر آغیر کئچن عؤمور
ماغیل‌دا، کاش‌دا، کئشکه‌ده
سؤنوک قالیب چیراقلاری
آچیلماییر دوداقلاری
سوسوز قالیب چیچک‌لری
اؤلوشگه‌ییر یاناقلاری
بوردا اؤلوم یاشاییش‌دیر
فصیل‌لر هامیسی قیش‌دیر
سؤزلرین ان دیرلی‌سی
کیفیر سؤیوشدو قارقیش‌دیر
اولدوزلارین ایزی یوخدور
سایریشدیقجا یوزو یوخدور
بوردا یانار اوجاق‌لارین
آلوولاری کؤزو یوخدور
گئتمه‌یه قالماییب یولوم
سینیب قانادلاریم قولوم
یازیق یازیق باخیر منه
اؤلوم دادی وئرن اؤلوم
یولو سونا یئتیرمیشم
تاپانلاری ایتیرمیشم
فصیل فصیل دولانمیشام
یورولموش ایز گتیرمیشم!
#میرحسین_دلداربناب
۱۴۰۵/۰۴/۱۲
@eldilimiz | 653 |
| 8 | ✍«هامیدان یورولورام!»
بیلمیرم بو نه ایش‌دیر
هامیدان یورولورام
بیر گون ایچیم لیلله‌نیر
آیری گون دورولورام
دونیا گؤزومدن دوشور
دئییرم چیخیم گئدیم
هردن شاشقین قالیرام
بیلمیرم هئچ نه ائدیم!
کئچیب گئدن عؤمرومو
نه‌دن گرک ایزله‌یم؟!
نه پای آلمیشام اوندان
آیری پایین گؤزله‌یم؟!
بو گونلر داریخیرام
گؤزلریم بولودلانیر
ایچیمه دومان چؤکور
دویغولاریم اودلانیر
اؤز اؤزومه دئییرم
بیز هاردان گلدیک بورا
هانسی اووچونون الی
بیزی اوغراتدی تورا؟!
#میرحسین_دلداربناب
۱۴۰۵/۰۳/۲۵
@eldilimiz | 759 |
| 9 | ✍ «آنا»
هر یئری دولانیرام
باش آچیق آیاق یالین
بیلمیرم هارا چکیر
منی سنین خیالین!
بیر اود واردیر جانیمدا
گئجه گوندوز یانیرام
گئجه‌لر واخت‌سیز یاتیب
سحر تئز اویانیرام!
هر طرفه باخیرام
اوردا سنین ایزین وار
گئدیلمه‌میش یوللاردا
کروان کروان توزون وار
سون دوراقدا سون آندا
سنه چاتا بیلمه‌دیم
سنی توپراق آپاردی
من دالینجا گلمه‌دیم!
گلمیشم مزارلیغا
قارشیما گلیر سازاق
دورموشام باشین اوسته
سن مندن مین ایل اوزاق!
سندن بیر ایسته‌ییم وار
منی چاغیر یانینا
کؤرپه‌لیک‌لریم کیمی
یالقیزام یالقیز آنا...
#میرحسین_دلداربناب
۱۴۰۵/۰۳/۰۴
@eldilimiz | 422 |
| 10 | ✍ «پاییزا بوکوله‌جه‌یم!»
پاییزا بوکوله‌جه‌یم
آغاجدان تؤکوله‌جه‌یم
یئر آدامی بئزیکدیریر
گؤیلره چکیله‌جه‌یم
گؤیدن آیی دره‌جه‌یم
دریب سنه وئره‌جه‌یم
اولدوزلارین هامیسینی
آیاغینا سره‌جه‌یم
سن او تایلی من بو تایلی
گونلریم هایلی هارایلی
اؤپوش‌لردن یئتیم قالان
دوداغیمیزدا گرایلی
درد ده باشدان آشا بیلر!
دنیزلر ده داشا بیلر!
آدام ان سئودیکلریندن
بیر گون اوزاقلاشا بیلر!
سئوگی آداما یوک اولور
اورک اینجه بیر توک اولور
هردن آدامین دردلری
دونیادان دا بؤیوک اولور!
#میرحسین_دلداربناب
۱۴۰۵/۰۲/۲۸
@eldilimiz | 403 |
| 11 | ✍ «ایللردیر یول گئدیرم...»
ایللردی یول گئدیرم
بیر یئره چاتمامیشام
یوللارین یولداشلیغین
بیر گون اونوتمامیشام
هارا گئدیر بو یوللار؟!
دولاشیق بیلمه‌جه‌دیر!
ناغیللارین سونوندا
مین بیرینجی گئجه‌دیر
آدام اؤزو بیلمه‌دن
اؤزگه‌له‌شیر اؤزوندن!
اؤگئی اولور هامییا
دونیا دوشور گؤزوندن!
گونلر یامان تله‌سیر
تئز تئز گلیب کئچمه‌یه
ثانییه‌لر جان آتیر
واختین قانین ایچمه‌یه
هر نه وار بایاتلاشیر
دادی دوزو قالماییر
کئچن گونلرین یئرین
گلن گونلر آلماییر
بئله بایاتلیقلاری
نه گون یووور نه یاغیش
دامارلارا دولاشیر
سوموک سیخان قارا قیش
بویالارین دادی یوخ
مورگولو گؤزلریمده
سانکی حیات جان وئریر
اؤلومجول سؤزلریمده!
#میرحسین_دلداربناب
۱۴۰۴/۱۲/۲۲
@eldilimiz | 705 |
| 12 | ✍ «ناغیللار سونا چاتدی!»
بیتدی قارداش
بیتدی!
هر شئی یوخ اولوب ایتدی!
ناغیللار سونا چاتدی
قاری ننه اؤلوب گئتدی!
نه جوجه‌سی قالدی نه اینه‌یی
داها گؤیدن آلما دوشمه‌دی
نه بیر دانا، نه ایکی دانا، نه اوچ دانا!
اوشاقلیغیمیز ناغیللاردا قالدی
شنلیک‌لریمیز اویونلاردا
سئودیکلریمیز مزارلاردا!
گؤیدن داریخما یاغدی
پنجره‌لر داریخدی!
کوچه‌لر داریخدی!
بیتدی قارداش
بیتدی!
یولوموز دوماندا ایتدی!
گل ایکی کلمه دانیشاق
ناغیللاردا قالان اوشاقلیغیمیزدان
مزارلاردا یاتان سئودیکلریمیزدن!
داها واختیمیز یوخ
زامان داریخیر!
دوغرو سؤیله‌میشلر ائلجه بیلن‌لر
«دان آتدی، گون باتدی!»
بیتدی قارداش
بیتدی!
هر شئی الدن گئتدی
بوش وئر قارداش
بوش وئر...
#میرحسین_دلداربناب
۱۴۰۴/۱۱/۲۹
@eldilimiz | 646 |
| 13 | ✍ «هر شئی قارانلیغا دوغرو یورویور!»
سس‌سیزلیک هوپور جانیما
قولاقلاریم پاسلانیر
یوخولاریمدا قارانلیق دوغور
قاپ قارا قارانلیق
هر شئی قارانلیغا دوغرو یورویور!
هر شئی قارانلیقدا ایتیر باتیر!
نفسیم دارالیر
هر چکدیییم نفسده بوغولورام
چیخسان ها آی یازیق جانیم!
بو جان چیخان دئییل
بو نفس بیتن دئییل
سونا چاتماییر بو قارانلیق
یئر قاتی باتماق زور
گؤی اوزاق چاتماق زور
یئرله گؤی آراسیندا قالمیشام!
اوچورومون اوجوندایام
اؤلوم گؤزلریمین ایچینه باخیر
قارانلیق دوشونجه‌لر بئینیمی دلیر!
آسیلی قالماق نه زور بیر اولای!
سون نفس‌لریمی ساییرام
بیر
ایکی
اوچ
هر شئی هئچ
هر شئی پوچ
گئجه بیتن دئییل!
قارانلیق بیتن دئییل!
داریخما دولور دامارلاریما
دوروم بیر سیگارا آلیشدیریم
سون نفس‌لریمی چکیم...
#میرحسین_دلداربناب
۱۴۰۴/۱۱/۱۸
@eldilimiz | 1 401 |
| 14 | ✍ «سانکی بو دونیانین داریخماسی‌یام!»
یئنه‌ده توتقونام، چنلی‌یم، کاسام
یورغونلوق دولوبدور جانیما بیر آز
هؤووشنه یئریییر دامارلاریمدا
دینجلیک دجل اوشاق، من‌له باریشماز
ایچیمده کؤک سالیب، بیر قارا قایغی
بیلمیرم نه زامان نه اوز وئره‌جک
سانکی بیر پیس اولای گؤزله‌ییر منی
بو بلالی باشیم نه‌لر گؤره‌جک؟!
سانکی بیر اورمانین یوخولاریندا
بیر سؤنمه‌ین سون‌سوز یانقین ایزی وار
یا بیر املیک قوزو سورودن چیخیب
بیر آمان‌سیز قوردون، اوندا گؤزو وار
ایچیم بیر مزارلیق، بیر وطن اؤلو
اوردا گؤمولوبدور بوتون آرزولار
گئجه‌لر، دیدرگین روح‌لار اویناغی
گوندوزلر، بیر قوجا یالقوزاق اولار
هر یئره باخیرام اؤلموش رؤیادیر
اوستومه بیر قوشون یوخلوق یورویور
توتساغام عؤمرومون تورمه‌لرینده
ایچیمده بیر قوجا اوشاق چورویور
دیلیمین اوجونا بیر سؤز جالانیر
سانکی بو دونیانین داریخماسی‌یام!
یا دا بیر رسسامین سون تابلوسوندا
قارشی‌سی آلینماز کیریخماسی‌یام!
#میرحسین_دلداربناب
۱۴۰۴/۱۰/۱۸
@eldilimiz | 1 188 |
| 15 | ✍ «قارانلیق سئمفونیاسی»
ثانیه‌لر قارانلیق
دقیقه‌لر قارانلیق
ساعاتلار قارانلیق
گونش گؤیلرده سؤنوب
اوجاقلار اودالاردا سؤنوب
تاواندان آسیلان چیراغلار ایشیق دیله‌نیرلر سون نفسده
گئجه یاغیر ببک‌لریمدن
قارانلیق آخیر دامارلاریمدان
داها بیر سؤنوک ایشیغا دا اومود یوخ
گؤزلریم قارالیر
گؤز گؤزو گؤرمه‌ییر
ثانیه‌لر کئچیر
دقیقه‌لر کئچیر
ساعاتلار کئچیر
دورنالار بیر بیر کؤچور
بیزیم کؤی
بیزیم گؤی
یئتیم قالیر
بایرام ائدیر یاراسالار
یاللی گئدیر یاراسالار
سؤزجوک‌لرین باغری چاتلاییر
سؤزجوک‌لرین دیلی توتولور
سؤزجوک‌لرین آغزی باغلانیر
قارانلیق‌دیر
قارانلیق‌دیر...
#میرحسین_دلداربناب
۱۴۰۴/۱۰/۰۵
@eldilimiz | 879 |
| 16 | #میرحسین_دلداربناب
#سالار_موغانلی
@adinadarixirdodagim2 | 321 |
| 17 | ✍ «آجی آجی داریخیرام!»
کیم نه بیلیر!
کیمه دئییم؟
دومان چؤکوب اوره‌ییمه
قارانلیغام
آجی آجی
قارا قارا
داریخیرام
یورولمازدیم، یورولموشام!
کولک اسیر یاتاغیمدا
اوجقار داغین یاماجیندا یالقیز قالان آغاج کیمی
شاختا وورور گؤزلریمی
گؤی اوزونده یالقیز قالان بولود کیمی
یازین یاشیل گونلرینی آغلاییرام
ایچیمده بیر چیلغین چای وار
گاه لیلله‌نیر گاه دورولور
یوخولاریندا هر گئجه
دنیز ایچینده بوغولور
کیمه دئییم؟
کیم نه بیلیر؟
بوش وئر قارداش تله‌سیرم
اینتیحار منی گؤزله‌ییر...
#میرحسین_دلداربناب
۱۴۰۴/۰۹/۲۴
@eldilimiz | 1 060 |
| 18 | ✍ «آلیشقان قارداشیم!»
کئچیرسن کوچه‌دن، ایچینه دالغین
دئییرسن او کیشی، منه اییلدی
یانیلما، سن کیمسن!، هئچ کیمسه سنه
نه سلام نه گولوش، بورجلو دییلدی!
داریخیر اوره‌یین، بوش دولانماقدان
دونیانین اؤز ایشی بوش دولانماق‌دیر
گونلرین، آی‌لارین، ایل‌لرین ایشی
دونیانین باشینا، بوش جالانماق‌دیر
باخیش‌لار قاپازدیر، باشینا یاغیر
دوداقلار آردینجا، سؤیوش پوسکورور
داریخیر بو شهر، سنی گؤرنده
دئییر کی بو آدام، آجی اؤسکورور
سن بیر توپورجکسن، اونون اوزونده
سیلمک ایستیرسه ده، سیله بیلمه‌ییر
نه قدر چالیشیر، بیر دوداق گوله
سنی پوزغون گؤرور، گوله بیلمه‌ییر
بو قارا یازی‌لار، یازیلماسایدی
تانری‌نین هئچ نه‌یی اسکیک اولمازدی
شهرین او اوجقار بوجاقلارینا
بو قدر آلیشقان، یازیق دولمازدی
آلیشقان قارداشیم، ساقین داریخما
حیاتین الینی بیر گون سیخارسان
بو قویو نه قدر، درین اولسا دا
امینم چوخ چکمز، اوردان چیخارسان...
#میرحسین_دلداربناب
۱۴۰۴/۰۹/۰۵
@eldilimiz | 824 |
| 19 | #میرحسین_دلداربناب
#سالار_موغانلی
@adinadarixirdodagim2 | 1 849 |
| 20 | ✍ «ایستیرم دؤرد بئش گون، کپنک اولوم!»
قوجالسام دا بئله، هله اوشاغام
هر گئجه یوخوما بیر ملک قونور
یوخودان دوراندا، سحر قارشیما
خیال بویالی بیر، کپنک قونور
اوفورور جانیما، تانری روحونو
هر سحر یئنی‌دن دوغولورام من
بیرینی پوزولموش، کئف‌سیز گؤرنده
کدر دنیزینده، بوغولورام من
جننتده بویانیب، یئره گلیرلر
بویالی بویالی، بو کپنک‌لر
بو گولدن او گوله قونوب اوچاندا
سانکی رقصه گلیر، گؤیده ملک‌لر
قونون گؤزلریمه، یئر ملک‌لری
گؤزلریم هر سحر سیزی گؤزله‌ییر
ایچیمده قوجالان دوننکی اوشاق
اوشاقلیق چاغی تک، سیزی اؤزله‌ییر
ایللر گلیر کئچیر، دومان ایچیندن
یوللار گئجه گوندوز، آپاریر سنی
دینیب سؤیله‌مزدن، سس‌سیزدن بئله
بوگونه، صاباحا، قاتیر دوننی
یاشا دولدوغوندا، دییشیر اینسان
ایچینده‌کی اوشاق، دییشمز اولور
ایپکدن یوموشاق، گولدن دؤزوم‌سوز
بیر گون ده گؤرورسن، سارالیر سولور
هارا گئدیر بو یول، سونوندا نه وار؟
باشلانیشی اولوم، بیتمه‌سی اؤلوم
گؤیلرین یوکونو داشیماق بس‌دیر
ایستیرم دؤرد بئش گون، کپنک اولوم!
#میرحسین_دلداربناب
۱۴۰۴/۰۸/۳۰
@eldilimiz | 1 977 |
