قناة أبناء وبنات المواطنات السعوديات

متطلبات تقديم زواج سعوديه من مقيم ✅في حال لها ولي امر ✅ التقديم يكون من ولي امر البنت اما ورقي من الاماره او من ابشر رفع طلب من المناطق والامارات المطالب 1معروض مقدم لامير المنطقه باسم ولي البنت 2هوية ولي البنت صوره 3هوية البنت صوره 4اقامة الولد صوره 5صورة من جواز الولد ✅في حال ولي البنت الحاكم الشرعي وعندها صك ولايه ✅ التقديم يكون من البنت نفسها اما ورقي من الاماره او من ابشر رفع طلب من المناطق والامارات المطالب 1معروض مقدم لامير المنطقه باسم البنت 2صوره من صك الولايه 3هوية البنت صوره 4اقامة الولد صوره 5صورة من جواز الولد ❇️(نفس الخطوات اذا كان الولد مواليد المملكة في الحالتين)❇️ بعد هذا التقديم يجي اتصال من الاماره لولي البنت او البنت نفسها ويسالون كم سؤال عن الخاطب واساله بسيطه ويعطوهم رقم المعامله ثم تتحول المعامله للشرطه والشرطه يدقون على الولي او البنت او انهم يروحو يتابعو معاملتهم برقم المعامله يستفسرو من الشرطه برقم المعامله الذي اعطيتهم الاماره وبعدها الشرطه تعطيهم اوراق نماذج يعبئوها تخص الولي والبنت والخاطب ويطلبون بالعاده خلو سوابق للخاطب من بلده الام مختم من الداخليه والخارجيه في بلده ومن الخارجيه السعوديه وفحص زواج متوافق للولد والبنت وبعدها يوجهون الولد للادله الجنائيه للتاكد من بصمته وماعليه اي سوابق داخل المملكه ويوجهونه ايضا لمستشفى او مركز حكومي لعمل فحص المخدرات وبعد استكمال تعبئة النماذج من الولي والبنت والخاطب يرفق كل المتطلبات وتسلم للشرطه وهم يرجعوها للاماره تشيك عليها الاماره ويرفعونا للداخليه اذا في نواقص يدقون يستكملوها قبل يرفعو للداخليه ✅ملاحظة عندما يكون الولي للبنت الحاكم الشرعي لا يعطونها نموذج الولي بالشرطه يعطوها فقط نماذج لها وللخاطب ✅ النماذج تكون 1اقرار من الخاطب بعدم زواجه من قبل سواء سعوديه او اجنبه مع توقيع اثنين شهود سعوديين من نفس الحي الذي يسكن فيه الخاطب ومعمد من عمدة الحي والشرطه 2اقرار للبنت انها ترغب بالزواج من الخاطب مع اثنين شهود سعوديين من نفس الحي للبنت ومعمد من العمده والشرطه 3نماذج موافقه واقرار قبول الزواج من البنت والخاطب يوقعون عليها في الشرطه او الاماره عادي حسب ماعطوهم 4توقيع البنت والخاطب على صحة بيانات البنت والخاطب في ورقه مشتركه 5صوره 4*6 للخاطب والبنت ترفق مع استمارات يعوطونهم الشرطه او البحث او الاماره ✅ملاحظة ✅احيان يكون في اختلاف بسيط بالاجراءات من اماره الى اخرى لكن في الاغلب هذا هو المسار والمطلوب منقول للفائدة.