️️ قصص الاستغفار

الصدقة في يوم الجمعة بالنسبة إلى سائر أيام الأسبوع؛ كالصدقة في شهر رمضان بالنسبة إلى سائر الشهور -ابن القيم🌿 (كفالة حلقة تحفيظ قرآن لأيتام مكفوفين)😭🤍 قال ﷺ: "من علم آية من كتاب الله - عز وجل - كان له ثوابها ما تليت"💙 ‏ https://store.qhail.org.sa/p/161799

(هو الذي يريكم البرق خوفًا وطمعًا وينشئ السحاب الثقال).♥️

‏الاستغفار يدفع العقوبة والعذاب قبل وقوعها:

‏كل شي دعيت الله فيه نلته ‏كل دعوه دعيتها بأخر الليل ، امتلكها حالياً وافضل واجمل ب عشرات الاضعاف اللهم لك الحمد ❤️ ‏( احززن كل الحزن على اللي مايفرش سجادته ويدعي 🥺! )

من الخاص : السلام عليكم اتمنى انك بخير واتمنى ان الجميع بخير انا يا طويلة العمر كانت حالتي النفسية سيئة جدًا ومشاكل مع اهلي وبالذات امي علاقتي فيها كأننا اعداء دايم مشاكل مشاكل مشاكل ومستوايا الدراسي كان سيء جدًا (بنظري) لأني كنت اطمح لمعدل معين ودائمًا ادعي اكلّم ربي واعلمه بكل شي يصير معايا اكلمه واحكيه بالتفصيل ايش يصير معايا وهو عارف بس انا احكيه اشكيي له حالي ودايم اسأله يحبني لأنه اذا حبني اغناني دايمًا ادعي والحمدلله احس برضا في نفسي احس اني سعيدة جدًا مهما واجهت من ظروف دايمًا ربي معايا وكان يعتني فيني العناية اللي عمري ما حصلت عليها واصلي الضحى والوتر ركعة وحدة بس والضحى ركعتين والله اني شفت العجب في حياتي تيسير ربي وتسخيره وعنايته فيني كانت دايمًا تنقذني ولا زالت الحمدلله وصارلي الان 25 يوم اقرأ سورة البقرة الحمدلله الحمدلله تعامل امي معايا صار طيّب واحس الدنيا كلها مسخرة ليا وكل دعاء ادعيه استجابه ربي وان ما رأيته في الواقع بس ربي استجابه لي وان صرف عني شي ضرني بس اني اثق ان ربي استجاب لي اموري تيسرت والحمدلله جبت معدل 94 واللي اطمح له اعلى من هذا بس هذا بيسهّل وصولي لحلمي ،الدعاء وسورة البقرة خلوها من الاساسيات اللي تسوونها في يومكم بالبداية استثقلتها بس والله ربي سهّل لي حطو في بالكم التغير اللي راح يصير بحياتكم والتحسن عشان ما تحسون بثقلها .

من الخاص : عندي اختي كانت دايم تتمنى تتوظف بس للأسف تخصصها ما اقدر حتى اقوله ودايم في كلامها تتحسف على السنوات اللي مضت وهي تنتظر والله إني كنت أحزن عليها وقررت ادعي لها بالوتر كل يوم بأنهاتتوظف براتب معين وبمكان يفرحها😭 والله إن حرفياً كان قلبي يتقطع عليها اذا احد قال لها للحين ما توظفتي وتخصصك اصلا شين وماله مستقبل ووو لدرجة في مرة زوجة اخوي اول ما توظفت قالت لها انتي فاضية طول الوقت!! عادي عندك تصير العزايم خميس او سبت وأحد بس انا موظفة يختلف عندي الوضع وقيسي عليها اشياء في كل موضوع تدخل سالفة الوظيفة المهم بعد مدة بسيطة من دعائي لأختي الحمدلله ابشركم بإنها توظفت وجاها الرزق من حيث لا تحتسب الحمدلله وبنفس الراتب اللي حددته بالصلاة وانا ادعي لها واقسم بالله 😭😭😭 اوصيكم بالوتر انتظموا عليها والله إن فيها الخير الكثير وتحقق فيها المعجزات .

من الخاص : بسم الله الرحمن الرحيم بقولك قصتي انا كنت احلم مثل اي زوجة يكون لها بيت ملك ووالله لنا سنين نبحث ونحاول ومحنا قادرين وظروفنا مرة سيئة وبعد فترة سمعت عن الشيخ عبدالكريم المشيقيح وتجارب وقصص الناس عنها موجودة باليويتوب الخطوات اللي هي : 1-التسبيح بالباقيات الصالحات 2-يكون الشخص على وضوء 24ساعة 3- التصدق باي شي حتى لو بريال اوصلاة الضحى 4-مدح الله سبحانه والذي لا اله الا هو ماكملنا سنه وبعد مادوامت ع الخطوات اكرمنا الله سبحانه بالبيت وبالحي اللي ابيه والمواصفات اللهم لك الحمد حتى يبلغ الحمد منتهاه والحين عندي امنية لي سنوات اتمنى تحقيقها وان شاءالله ابشركم فيها طبعا الحين لي شهر مداومة على سورة البقرة والاستغفار والصلاة على الرسول والحوقلة ولاحظت تغير بحياتي وباسرتي والله ييسر امري يارب بتحقيق الامنية

من الخاص : بقولكم قصتي اللي اعتبرها معجزة. للامانه انا كان ايماني ضعيف بالله الصلاة اقطعها فترة وارجع اصليها وهكذا . قبل شهور تعبت تعب قوي جداً لدرجة اني خلاص صرت زي الجثة ومو مرض واحد امراض وكلها ورى بعض كان شيء مؤلم ، صارت غرفة الطوارئ في المستشفى غرفتي الثانية، كنت من قو الالام ما اقدر انام الا وانا جالسه واشياء كثير تطير العقل والله، المهم بديت اتقرب من ربي وبديت اتقرب كثيييرر كثيير والله لدرجة اصلي وانا جالسة واحيان ما اقدر اسجد واحيان وانا منسدحه، داومت على قراءة القران فترة، صرت اقرا الاذكار طول الوقت ، اقسم بالله اني كنت خايفه اني اكون من الناس اللي تعرف ربها وقت المصايب بس! كنت ادعي يارب ثبت قلبي على دينك واشفيني، الحمدلله بفضل من الله تحسنت حالتي كثير صرت احسن من اول وصرت مداومة على الصلاة والاذكار وقراءة القران ، انا الان عافيتي ترجع لي بالتدريج دعواتكم لي، وكلام اخير، دايم احمد ربي على نعمة العافية بس الحين صرت احمد ربي على نعمة الاسلام وهداية الله لقلبي، الله كان يحبني وابتلاني ليرجعني للطريق الصحيح، الحمدلله دائماً وابداً