آيـات و؏ـبـر♡
前往频道在 Telegram
حياتى كلها لله ♡
显示更多未指定国家未指定类别
197
订阅者
无数据24 小时
-37 天
-930 天
帖子存档
Repost from N/a
وحاجه اخيرة للتوضيح
انا لما قدمت النصيحة دي قدمتها لوجه الله لعلها تنفعني وتنفعكم وانا والله عارفه اني مش اهل للنصح بل ممكن اكون اكتر حد فيكم محتاجة اللي ينصحني ويوجهني كلنا بشر وبنغلط ولو جمعتو اخطائكم كلها ممكن ماتجيش ربع اخطائي ومحدش يعلم بستر ربنا عليا غيره
انا بس حبيت اشارككم تذكرة لنفسي اولا وليكم ثانيا
الزهراء ✍🏻
Repost from N/a
في ابعاد كتير اوي للموضوع بس دا الي جه ف بالي دلوقتي 🙂
طيب حضرتك دلوقتي حاجه من دول 👇🏻
الاول : مارتبطتش قبل كدا ايا كان السبب بأ سواء بمزاجك او مش لقيت الفرصه المناسبة او او سواء كنت ناوي او بتفكر ترتبط او انت اصلا قافل الباب دا وفاهم كل الكلام دا
ف كل الحالات بلاش الفضول يدفعك انك تقلل من نفسك وقيمتك وتنزل من مستواك ونظرتك لنفسك
لو انت اصلا مش بتفكر ف الارتباط وكل دا فانت بيرفكت والله وربنا يثبتك واوعى تغير رايك ف اي وقت
لو انت مذبذب ومتردد فاعتبر دي رسالة من ربنا ليك كتذكرة بتقولك بلاش تخلي الجانب الوحش يغلب الجانب الصح والاقرب لرضا ربك
التاني : ارتبط تلات تلاف مرة قبل كدا ودلوقتي سنجل " سواء ناوي يرتبط تاني او ندم ع الي عملو وقرر مش هيكررها "
وحياة ابوك خليك سنجل زي مانت وانسى القديم كله والي فات مات وعفا الله عما سلف وانت دلوقتي معاك فرصه كبيرة اوي انك متورطش نفسك تاني ف اي حوار جديد
التالت : دلوقتي اصلا مرتبط اقولك تعمل ايه بجد ؟
سيبها ... سيبيه
لو كل الكلام الي فوق دا مااثرش فيك او فيكي
عايزاكو تفتكرو حاجه واحده بس
لو وانتو خارجين مع بعض او وانتو بتتكلمو مع بعض فون او اي حاجه من كل الكلام دا متو
بالله عليكو حد فيكو هيشفع للتاني عند ربنا
طيب هيشفعلو ازاي وانتو الاتنين عايزين الي يشفعلكو
طيب مش هاقدر اعيش من غيره وانا مقدرش استغنى عنها
اقسم بربي تقدر وتقدري وكل دا كذب بتحاول تقنع نفسك بيه
طب اانا حاولت قبل كدا ومقدرتش ورجعتله تاني
والله ؟؟ لا انتي الي بتستهبلي وهو الي ما بيسدأ
انتو الاتنين عايزين الي يفوقكو
اقفلو الموضوع دا خااااالص
لا يروحي اقفلي خالص مش هنبعد شويه ونجرب لا اقفلي اقطعي بجد
بلوك ميتشالش الا لو جه خبط على بابك
وانت لو بتحبها سيبها غصب عنها محدش بيجبر حد على حاجه ومفيش حاجه اسمها انا خايف عليها لتتعب
خايف عليها تتعب وتزعل شويه ومش خايف عليها من عذاب ربنا ؟ مش خايف على سمعتها لو اتفضحت ؟ مش خايف على نظرة اهلها ليها لو عرفو ؟ مش خايف على مستقبلها الي ممكن يدمر بسببك ؟ .......
طب مش عارف ابدأ منين ؟
ابعتلها وابعتيلو الماسيج دي وبعدها بلوك من غير نقاش ومن قبل مايرد حتى اقولك من قبل مايشوف الماسيج كمان
Repost from N/a
السلام عليكم ورحمة الله وبركاته
دي رسالة من القلب لكل اخ واخت بيقراها سواء الي يعرفني او ميعرفنيش
عايزة اقول كلمتين عن موضوع الارتباط وبدون مقدمات كتير
كلنا عارفين انه غلط وحرام واظن محدش محتاج اثبات يعني او ادلة
بس خليني مع الناس الي زيي مش بتقتنع من غير دليل ... تمام دا حقك !!
طيب اتفضل اول دليل من القرآن : قوله تعالى " ولا تقربو الزنى " طبعا انا عمري مااتهم ولا اقدر اتهم حد بالاتهام دا ولو معايا دليل آخري اني انصح مش افضح
بس لو ركزنا ف الآية هتلاقي ربنا بيقول " ولا تقربوا " يعني اي باب " ارتباط ، حب ، كلام ف السر وخروجات ......... "
تاني دليل : ربنا بيقول في وصف الناس الصح " ولا متخذي أخدان " أخدان هنا يعني "مرتبطين"
ثالث دليل : النبي صلى الله عليه وسلم بيقولنا " لا يخلون رجل بامرأة الا وكان الشيطان ثالثهما " وطبعا كلنا عارفين معنى ارتباط وكمية التجاوزات الي بتكون بين أي اتنين مرتبطين
وطبعا في أدلة كتير وانا مش اهل لاني اتناقش ف الدين لاني معنديش العلم الكافي ولا القدرة على الرد على حاجات كتير بس انا بوصل الي اعرفه
———————————————————————————————
الكلام دا كان من ناحية الدين
خلونا نتكلم بأ من الناحية الاجتماعية
بالله عليك وبالله عليكي هل تتمنى ان حد يعرف انك مرتبط او بتكلم بنات او انك بتكلمي ولاد ؟؟
هل تتمنى او تقبل ان حد من اهلك يعرف ؟؟
هل ترضي انك وانتي خارجة مع الولد دا ابوكي او اخوكي او المستر بتاعك او اي حد يعرفك او تعرفيه يقابلك ؟؟
اكيد اكيد لا طبعا
ليه لان انت خايف على سمعتك وانتي خايفة على سمعتك ونظرة الناس ليكي
ولو ان البعض وخاصة الولاد بيكونو شايفين ان دا روشنة وانا كدا جامد ومقطع السمكة وديلها ومفيش مني اتنين
اقسم بالله م كدا خالص انت فاهم غلط
انت كدا بتنقص من دينك ومن اخلاقك ومن رجولتك
المفروض ان كل البنات اخواتك يعني قبل م تبص لبنت بصة مش كويسة او تقولها اي كلام او تفكر ترتبط بيها او اي حاجه عايز تعملها تخيل لو دي اختك اختك بجد تقبل ان اي ولد تاني يعمل الحاجه دي ولا لا
والله مش كل الناس كدا في ناس متربية وعندها دين وقيم واخلاق اتربت عليها وعندها امانة على نفسها وعلى اخواتهم الي ف الشارع وف الدرس وف المدرسه و ف كل مكان حواليه ودول فعلا الي يستاهلو يقال عليهم رجالة مش مجرد " ذكور "
دول بجد الي يستاهلوكي مش الي قبل عليكي وعلى نفسه انه يكلمك ويرخصك ويساعدك تغضبي ربنا وتهزي ثقة اهلك
وفي بنات عندها امانه وقدرة على انها تحافظ على نفسها وتكون اد ثقة اهلها فيها ودي مش عايشه ف عصر ماقبل 2026 ولا حاجه لا دي قمة التطور والرقي والتحضر لانها عرفت قيمة نفسها وعرفت انها اغلى بكتير من انها تكون سلعة لاي حد ايا يكن مين هو
والكلام في النقطة دي مبيخلصش
———————————————————————————————
تالت حاجه بأ ودي يعتبر اهم نقطة بعد الناحية الدينية
اغلب حوارات الارتباط والكلام دا منتشر جدا في المرحلة الثانوية الي هي بتحدد مصيرك " اه المرحله كلها بتحدد مصيرك مش تالته بس ولو مش فاهم كدا يبأ راجع نفسك " يعني تخيل تضيع عمرك الجاي كله عشان بنت نسبة انك تكمل معاها لا تتعدى الـ1% وانا وانت وهي عارفين ومتاكدين انكو بتتسلو ببعض تحت خدعة " بنحب بعض " الي بتكذبوها على نفسكو مش على غيركو
طيب خليني معاك بتحبها وهي بتحبك
هتاخدو من وقت بعض ومن تفكير بعض وتستنزفو مشاعر بعض و ........
طيب لو حضرتك موصلتش لحاجه بسبب التعطيل اللي انتو عملتوه لبعض دا تفتكر هي هتوافق عليك مستقبلًا
طيب يعم هي بتحبك وموافقه عليك وقابله بيك بكل حالاتك
تفتكر اهلها هيرموها ليك ؟؟
وانتي ي اختي المحترمة هل عندك استعداد تعيشي ف وهم انكو بتحبو بعض وهتتجوزو وووو و في الاخر لا انتي توصلي لحاجه ولا هو يوصل لحاجه ولو مسكتو سلك الكهربا انتو الاتنين مش هتكونو لبعض
طيب " تستطيع ان تخدع كل الناس كل الوقت لكن لن تستطيع ان تخدع كل الناس كل الوقت " اكيد في حد هيعرف بارتباطكو دا ... تخيل بأ ان الــ حد دا كان من اهلها شوف بأ ايه الي ممكن يحصلها على اقل تقدير بالميت خاااااااالص هتسيبك غصب عنها وكسرة قلب ليها وليك لو كنت بتحبها فعلا يعني
ودا بالميت هاا يعني لك ان تتخيل ان ممكن بعض الاسر والاهالي يحرمو بنتهم بأ من التعليم او الي يجبروها على الزواج عشان يبعدوها عن سيادتك
طيب ليه كل دا من الاول
مش انت بتحبها اصبر واعمل الي تقدر عليه عشان تكون كفؤ انك توصلها بدل وجع القلب ليك وليها
مش انتي بتحبيه طيب يبأ تعرفيه قيمتك وتعرفيه انك اغلى من انك تخلي نفسك سلعة رخيصة مستهلكة وهو والله كدا هيحترمك وهيحبك اكتر وهيعرف انك قدرتي تحافظي على ثقة اهلك يبأ هتقدري تحافظي على ثقته فيكي لو حصل نصيب ليكو ف الحلال
———————————————————————————————
حتى و إن مضت أيام العيد ببهجتها وسرورها وصفاءها . إياك أن تغادرك السماحة والإبتسامة وطيب النفس .
اجعل أيامك أعياداً بالطاعة والعبادة ..
Repost from 𝑫𝒊𝒔𝒕𝒓𝒂𝒄𝒕𝒆𝒅.🥀🪐
«وكأن كل موجة بتاخد هم وترجع مكانها سلام.»
موج هادي وصوت البحر بيهدّي الروح… السما فاتحة والغيوم سايبة أثر من الهدوء، كأن البحر بياخد كل التفكير ويرجع مكانه صفا. 🌊🤍.
من طابَ لفظُه، علا قدرُه.
المؤمنُ هيِّنٌ ليِّن، ينتقي أطيبَ الكلامِ وألطفَ العبارات؛
فلا يجرحُ، ولا يلمزُ، ولا يهمز،
وهو بفعله هذا موعودٌ بالأجرِ الوفير، والفضلِ الكثير.
قال ﷺ: إنَّ المؤمنَ لَيُدرِكُ بحُسنِ خُلُقِه درجةَ الصائمِ القائم
اللهمَّ حسِّن أخلاقَنا.
لسه فاكر إخواتنا في غزة وبتدعيلهم؟
ولا الأخبار الكتير خلتنا نتعود وننسى إن في ناس كل يوم بتنام على خوف وفقد ووجع؟
ادعولهم بالثبات والرحمة والنصر وجبر الخاطر
ادعوا للناس اللي فقدت أهلها وبيوتها ولسه متمسكة بالأمل رغم كل الألم
يمكن دعوة صادقة منك في وقت استجابة تكون سبب في رحمة من ربنا عليهم
اللهم كن معهم ولا تكن عليهم وفرّج كربهم وانصرهم نصرًا عزيزًا قريبًا
اللهم في يوم الجمعة 🤍
اجبر خواطرنا جبرًا يليق بكرمك،
واشرح صدورنا، ويسّر أمورنا، واغفر ذنوبنا،
وارزقنا راحة لا يحمل القلب بعدها همًّا ولا حزنًا.
اللهم اجعل لنا دعوة لا تُرد،
وافـتح لنا أبواب الخير من حيث لا نحتسب،
واغمر قلوبنا بالطمأنينة والقرب منك 🤲🏻🌿
قال محمد ﷺ :
«ألا أُنبئكم بخير أعمالكم وأزكاها عند مليككم وأرفعها في درجاتكم وخيرٌ لكم من إنفاق الذهب والورِق؟ قالوا: بلى يا رسول الله. قال: ذكر الله.»
رواه الترمذي وصحّحه الألباني 🤍
حصنكم
*أبگاني قول الله تعالى يا عبدي أنا معك، فإن جافوك فأنا حبيبك وإن أوجعوك فأنا طبيبك وإن تركوك فأنا لن أتركك يارب خذ بقلب أتعبه كل شيء إلا قربك ... واغمرنا بلطفك الذي لا يخيب احداً ...⁞♩⁽💗🥹₎⇣᭓*
•نورٌ لما بين الجمعتين
[ سورة الكهف | ممّا نشره خالد المانع قبل وفاته ]
قال صلى الله عليه وسلم:
«من قرأ سورةَ الكهفِ في يومِ الجمعةِ،
أضاء له من النورِ ما بين الجمُعتَينِ»
وهذا النُّورُ يَقذِفُه اللهُ في قَلبِ القارِئِ،
أو في بَصَرِه، أو بَصيرَتِه، أو في كُلِّ أحوالِه،
أو هو نُورٌ يَصعَدُ له مع أعمالِه إلى السَّماءِ،
أو تُشاهِدُه المَلائِكةُ، أو يَسطَعُ له في الآخِرةِ نُورٌ زيادةً على غَيرِه يَومَ القيامةِ، ويَظَلُّ هذا
النُّورُ بهذا المَعنى طُوالَ الأُسبوعِ مِنَ الجُمُعةِ إلى الجُمُعةِ.
- الدُرَر السَّنية
