𝓕𝓸𝓻 𝓝𝓮𝓷𝓸...

لكل طالب في تالتة ثانوي عنده امتحان بكرة ❤️ من سبع سنين كنت قاعد مكانكم، مستني الامتحانات وعايش نفس الضغط والأسئلة اللي بتدور في دماغكم دلوقتي. النهارده بعد ما خلصت طب، أقدر أقولكم إن في حاجات كتير كنت فاكرها وقتها أكبر بكتير من حجمها الحقيقي. بكرة مش محتاج منكم أكتر من إنكم تكونوا هاديين وواثقين في اللي ذاكرتوه. متشغلوش نفسكم بالمجموع، ولا بالكلية، ولا بأي حاجة لسه ماجتش. ركزوا في الورقة اللي قدامكم وبس. افتكروا إن كل مجهود بذلتوه طول السنة موجود جواكم، ومش هيختفي لمجرد شوية توتر. ادخلوا اللجنة وأنتم مقتنعين إنكم قادرين تعملوا أفضل ما عندكم، وسيبوا النتيجة على ربنا. وبغض النظر عن أي رقم هيتكتب في النتيجة بعد أسابيع، أوعى حد يربط قيمته أو مستقبله برقم. الأرقام بتفتح أبواب، لكن اللي بيخليك تكمل وتنجح بعد كده هو اجتهادك وشخصيتك وإصرارك. ربنا يطمّن قلوبكم، ويبارك في تعبكم، ويكتب لكل واحد فيكم ما فيه الخير والسعادة والتوفيق. دعواتي معاكم جميعًا. ❤️ كلمات من اخويا الدكتور ❤️

https://t.me/M_P_40

كلام لأخواتي اللي في ثانوية عامة

"مبدئياً ربنا معاكم ويوفقكم ويسهلكم كل عسير يا شباب ثانوية عامة. حابب أقولكم إني كنت مكانكم السنة اللي فاتت، وعارف الإحساس ومجربه كويس جداً. عشان كده عايزكم بس يكون عندكم برود أعصاب وهدوء، لأن التوتر ممكن يخليكم تنسوا معلومات وتضيعوا مواد كنتوا مذاكرينها كويس. ثانوية عامة مش نهاية العالم، دي مجرد محطة كلنا مرينا بيها.. ومش كل اللي دخلوا طب وهندسة ناجحين، ولا كل اللي دخلوا كليات مجموعها أقل فاشلين؛ أنتوا اللي بتفرقوا في أي كلية بمجهودكم وسعيكم. اعملوا اللي عليكم وخليكم دايماً على ثقة كبيرة في ربنا وفي نفسكم. ولما تقعدوا في اللجنة، خليكم هاديين وماتركزوش مع أي حاجة أو دوشة بتحصل حواليكم. وحاجة مهمة جداً.. لو دخلتوا مادة وحسيتوا إنكم ما حليتوش كويس فيها -بعد الشر يعني- بلاش الانهيار والإحباط؛ مادة وعدت خلاص، نقفل صفحتها ونركز في اللي جاي. وإياكم ومراجعة أي امتحان! اللي فات فات ومبقاش بإيدكم تغيروه. ما تفكروش في النتيجة، ولا في المواد اللي فاتت، ركزوا بس في خطوتكم اللي جاية. ربنا يوفقكم ويكتب لكم الخير جميعاً ويجبر بخاطركم."

"يدٌ بيد، وقلبٌ بقلب، وما بينهما رحمةٌ من الله."🌷