هیلاک

بەرەو کوێستانی ئاواتم ئەگەر دێم ئەگەر هەوراز و هەڵدێریش بێ هەر دێم کوڕ ئازای کوردم و ناترسم هەرگیز ئەگەرکوو دەست و پێم ببڕن،بە سەر دێم لە هەر وەرزێ وەکوو داری هومێدم خەزانیش بێ،چرۆ دەگرم،وەبەر دێم برۆی شمشێر،نیگای تیرە کچی کورد لەمەیدانی ئەوین دا،بێ سپەر دێم سیاسەت،فێڵە خۆ لەم کوردە دەکرێ لەمەولا خۆم،لە چارەی خۆم وەگەر دێم خەیانەت گەر چی ڕیشەی داکوتاوە بە یەکڕێزی لە فێل و مەکری دەر دێم شەوی تاریکی ئێمە،درزی برد و گەلۆ مژدە،وەکوو خۆری سەحەر دێم بە شێعرم هەر وەکوو باران دەبارم لە ماکۆ تاکوو کۆ،تا ئاویەر دێم لە بانە تا بە هەولێر،تا مەهاباد لە ئیلام تا شنۆ دور لە کەسەر دێم قەڵای عەشقم،لە ڕووخان نایە هەرگیز وەکوو ئازادی،بێ خۆف و خەتەر دێم!

گڕی ئەشقت وەکو خولیا لە بێداری و لە نێو خەودا دەمهەژێنێ سۆزی گۆرانیم پێ دەدا وەکو دیلم لە بەندی ئیشقی یادێدا دە لای لای لای دڵم لای لای لای غەریبانە لە گریانم ئەشق سوتا لە سوتانم حەیفە بۆ دڵ کە ئاوارەی هەندەرانم خۆشەویستی وڵاتە سوچ و تاوانم دە لای لای لای دڵم لای لای لای جەرگ و وڵاتم لەت لەتە کە دەردێکە و لە بن نایە کە تامی ژین لە ئازادی و ئەویندایە سەر لە ڕێیدا هەتاکو ئاوی پێم دایە دە لای لای لای دڵم لای لای لای 🌱🌚:))))