♡رشة سكر💗🎀
前往频道在 Telegram
🍬 رَشَّة سُكَّر 🍬 كلمة حلوة، معنى أجمل، وأثر يفضل في القلب💗 أهلًا بيكم في عالمي الصغير 🦋
显示更多未指定国家未指定类别
604
订阅者
+224 小时
+367 天
+12730 天
帖子存档
604
اسكريبت: فهماني غلط «كانت سالي ماشيه وهي شايله اكياس في إيديها فجأه عينها لمحت وائل قاعد مع واحده وماسك إديها وبيضحك من قلبه سالي عيونها تتوسع من صدمه و الاكياس تقع من إيديها» سالي: يا نهر اسود عليك يا وائل بتخوني لأ وكمان بتضحكلها الضحكه اللي بتسحرني بيها ماشي طب وربي ما انا معديهالك النهارده «سالي تدخل الكافيه بسرعه وعصبيه وتتجه ناحية تربيزة وائل ومنار(البنت)» وائل بابتسامة: سالي حبيبتي ايه الصدفه الحلوه دي سالي بغضب: حبيبتك حبك برص يا بعيد مين السنيوره دي يا استاذ ها انا مش مصدقه بتخوني يا وائل لأ وفي كافيه المفضل ليا كمان طب روحوا حتى كافيه معرفهوش منار باستغراب: ايه ده هو في ايه سالي بحده: انت تسكتي خالص مسمعش حسك يا خطافة الرجاله انت وائل: سالي حبيبتي اهدي انت فاهمه غلط والله دي سالي: فاهمه غلط ما هو لازم تقول كده ما هو الغلط انا شايفاه قدامي اهو وائل: طب اسمعيني الاول سالي: هشش مش عايزه اسمع حاجه ودبلتك اهي ابقا لبسها لسنيوره (و تخلع سالي الدبله وتحطها قدام وائل على التربيزه وترحل) وائل: سالي استني (سالي بتجري بسرعه وهي بتعيط و وائل فاضل واقف مصدوم ومنار بتبصله وهي مش فاهمه حاجه) منار: هي تقريبا كده شكلها فهمتنا غلط وائل: هي مش شكلها هي فهمتنا غلط فعلاً *عند سالى في شقه منى صحبتها* سالي ببكاء: شوفتي يا منى الخاين كان ماسك إيدها ازاي وبيضكحلها دي كان ناقص تأكلها في بقها حيوان منى: طب استهدي بالله كده مش يمكن البنت تكون قريبته وانت فهمتيه غلط سالي: قريبته مين دي البنت شعرها اصفر وعينهيا خضرا و وائل عيلته كلها شبه بوجي وطمطم فتكون قريبته منين منى: طب هو وائل مقالش مين دي ولا حاول يشرحلك سالي: يشرح ايه دي الضحكه كانت من الودن للودن وكمان انا هستناه لأ رميتله الدبله ومشيت عشان يعرف إني غاليه وإني مش سهله منى بصدمه: يا مفتريه رمتي الدبله سالي: آه هو انا كمان هستنا لم يجي يقولي كل شئ قسمه ونصيب لأ دي عند امه منى: طب بطلي عياط بقا عشان بتقلبي حمدي المرغلي لم بتعيطي سالي: هو ده وقت هزار يا منى يعني شيفاني منهاره قدامك وانت تقوليلي بتقلبي حمدي المرغلي يا شيخه حسب الله منى: طب خلاص انت مصدقتي طب بقولك ما تيجي نعمل خطه سالي: خطه خطه ايه منى: نراقبه ونشوف لو نزل معاها تاني سبيني بقا وانا هتصرف سالي بسخريه: هتعملي ايه هتعضيه منى بغضب: ليه ياختي شيفاني كلب سالى: لأ قرده منى: طب تصدقي إني غلطانه قومي يا بت غوري منها من غير مطرود سالى: خلاص انا بهزر انت قفشتي ولا ايه قولي يا اذكى اخواتك ايه هي الخطه منى: هقولك احنا نجيب مية نار وندلقها عليهم ايه رأيك سالي: منى ارجوكي متكلميش تاني منى: الحق عليا إن بسعدك سالي: تسعدي مين الله يخربيتك دا انت كده هتودينا حبل مشنقه عدل *بعد يومين* «كانت سالي ومنى بيمشوا في المول وفجأه سالي تقف مكانها وتمسك منى من دراعها» سالي: منى بصي هناك البت الكانت قاعده مع وائل هناك اهي منى: فين "منى تبص ناحية منار وتلاقيها واقفه مع راجل وسيم" منى: اوبا دي البت بطل بجد والله حقه يخونك دي البت قمر سالى بحده: انت بتقولي ايه يا حيوانه انت منى برعب: بقول مين حيوان الواقف معاها ده سالي: نعم كمان بتخون وائل دي شكلها طلعت سوابق بق طب وربي ما انا عتقاها خرابة البيوت دي منى: يا سالي استني نفهم الاول الله يخربيتك سالي: مفيش فهم انا رايحلها (سالي تروح ناحية منار) سالي: اهلا يا فنانه يالي في رايح وجاي مع واحد دا معداش غير يومين بس و ولفتي على راجل تاني انت ايه يا شيخه معندكيش دم احمد برفع حاجب: افندم انتي مين وازاي بتكلمي مراتي كده سالي بصدمه: مراتك احمد: آه مراتي فيها حاجه سالي: يا نهر مش فايت دي طلعت مستغفلاك يا استاذ دي كانت من يومين قاعده مع خطيبي في كافيه وما شاء الله ضحكتم رنت مصر بحلها منار بضحك: هههههه يخربيت عقلك انت بقا خطيبة وائل
604
مش كل اللي بنفهمه بيكون صح...
ومش كل اللي بنحسه بنعرف نقوله♥✨
اسكريبت: فهماني غلط
بقلمي: منة الله مجدي
604
قصة قصيرة بعنوان: كبسه في البلكونه«ندى كانت واقفة في بلكونه وماسكه مج نسكافيه وبتبص على الشارع وهي سرحانه...فجأه سمعت صوت حركة غريبه تحت البلكونه وصوت شخص بيقول» الشخص: يا ميار افتحي الشباك بسرعه قبل ما حد يشوفني الله يخربيتك (ندى اتخضت بصت لتحت لقيت واحد مغطي وشه بيحاول يتسلق المواسير عشان يطلع البلكونه...ندى بسرعه مسكت المقشه اللي جنب البلكونه ونزلت ضرب على الشخص) ندى: انت مين يا حرامي يا حيوان انت انزل بدل ما كسر إيد المقشه دي فوق دماغك وألم عليك الشارع كله "الشخص اتخض وكان هيقع بس ربنا سطرها " الشخص برعب : حرامي ايه بس يا متخلفه انت وكمان انت مين وفين ميار ندى بصتله بذهول: ميار مين يا روح امك الشقه دي شقتي انا وحازم انت مين ولابس زي الحراميه كده ليه الشخص وهو يظهر وجه: انا حازم اصدي انا طارق صاحب حازم هي شقه دي شقه ميار ندى بتبصله بقرف: طارق مين وناس نايمين وكمان الشقه اللي جنبنا هي اللي شقه ميار انت جيت البلكونه الغلط يا خويا طارق: طب وحياة اهلك يا شيخه مدي ايدك طلعيني قبل ما الظابط اللي في اول الشارع يجي ويفكرني حرامي بجد ندى بضحك: تصدق صعبت عليا حاضر حات ايدك بس لو حازم صحي وشافك هنا هيعمل منك كفته (وتطلعه) طارق وهو يتنفس براحه ويجلس على كرسي: تشكري والله مش عارف اقولك ايه ندى: اي خدمه يا سيدي وحظك إن حازم نايم زي القتيل جوه اصل ولو عرف انك كنت طالع البلكونه بالطريقه دي عشان تصالح ميار كان هيخلي يومك أزرق طارق: والله العظيم انا كان نيتي شريفه دا انا كنت طالع ارمي ورده في بلكونتها بس عشان زعلانه مني دور والباقي على الشجره اللي حجبت الرؤيه دي ندى: يعني انت عامل حوار ده كله عشان ورده بلاستيك امال لو جايب ورد حقيقي كنت عملت ايه هتجيب فرقة حصبله طارق: اعمل ايه بقا اللقيته قدامي ندى: ماشي يا سيدي بس المره جايه بلاش شغل حراميه ده عشان بقى موضه قديمه فاحسلك روح باب من بابه بدل ما المره جايه تقع في بلكونه المعلم ظلته ودا لو قفشك تبقي تتشاهد على روحك طارق برعب: لا وعلى ايه توبه غلطه ومش هتتكر تاني انا اعمل زي ما بتقولي اكرملي ندى: شاطر ويلا غور بقى انت حبيت القاعده هنا ولا ايه ولا عايز اصحيلك حازم طارق: لأ حازم ايه انا ماشي سلام ودي كانت حكاية النهارده واشوفكم في حكاية جديدة💗🦋.
604
مراد: انا ومريم محبناش بعض الحب اللي انت مفكراه الحب اللي كان بينا ممكن تقولي صداقه حب اخوي انما مكنش حب انا ومريم اصلاً كنا مغصوبين على الجوازه دي حتى أنس اهلنا غصبونا عشان كانوا عايزين حفيد
وفي يوم ولادته ماتت وانا ربيت أنس وحاولت اعوضه عن فقدان مامته وكنت واعد نفسي إني هعيش باقي حياتي عشانه هو بس
فرح: لكن ايه
مراد: لكن بعد ما شوفتك اول مره في المقابله حركتي حاجات جوايا مكنتش اعرف انها موجوده اول مره احس الشعور ده وحسيته معاكي انت وكنت فرحان لما شوفت اهتمامك وخوفك على أنس فقررت إني اخد الخطوه دي واتقدملك فها يا فرح موافقه وانا اوعدك إني هشيلك في عنيا ومش هخليكي تحزني في يوم من الايام
فرح: انت بجد صدمتني يا مراد بس انا
مراد بخوف من رفضها: انت ايه
فرح بابتسامة: انا موافقه يا مراد علشان انا كمان بحبك يا مراد بحبك اوي
مراد بفرحه: بجد يا فرح طب حلو اوي خديلي معاد بقى من الست الوالده عشان اجي اطلب إيدك
فرح: عيني بس كده اعتبره حصل يا كبير
مراد بضحك: كبير طب قومي يا فرح قومي كملي شغلك الله يهديكي
فرح بغمزه: انت تأمر يا قمر(بعدها خرجت)
مراد بضحك: مجنونة بس بعشقها
"وبكده خلص الاسكريبت بتاعنا واشوفكم في اسكريبت جديد وحكاية جديدة💗🦋"
متنسوش تفاعل يا صحابي
604
فرح: يعني هو مكنش يقصد يوقع كوباية القهوة عليكي وكمان اعتذرلك عايزه ايه تاني
سهيلة: انت اصلاً مالك وبتدخلي في اللي مالكيش فيه ليه و ازاي اصلاً تكلميني بالطريقه دي انت نسيتي نفسك ولا إيه ده انا ممكن اطردك دلوقتي
فرح بتحدي: لا والنبي خوفت كده طب انا عايزه اشوف هتطرديني ازاي
*قطعهم صوت حاد*
مراد: هو ايه اللي بيحصل هنا
*أنس ببكاء جرى على مراد*
أنس: بابا
مراد بخضه: أنس حبيبي ايه اللي حصل بتعيط ليه حد زعلك
سهيلة بخوف: مستر مراد هو ده ابن حضرتك
مراد: ايوه ابني ايه اللي حصل وايه اللي خلاه يعيط بالشكل ده
فرح: انا هقولك يا مراد بيه (وهي بتشاور على سهيلة) استاذة سهيلة ابن حضرتك وقع عليها كوباية القهوة بالغلط وهو اعتذر لها قامت هي زعقت في وشه وكانت هتضربه بس انا وقفتها
مراد بحده: الكلام ده صح يا سهيلة
سهيلة بتوتر وتأتأة: يا مستر مراد هو بس
مراد بغضب: انا دلوقتي سألت سؤال الكلام اللي قالته فرح ده صح
سهيلة بخوف: حصل يا مراد بيه
مراد بنبرة مرعبه: حظك انك بنت لولا كده لكنت عرفت اتصرف معاكي يا سليم خد الزباله دي وارميها بره وحطها في القايمه السوده ومحدش يوظفها نهائي سامع
سليم: سامع يا مراد بيه خدوها ارموها بره (للحراس)
سهيلة: مراد بيه ارجوك سامحني يا مراد بيه
مراد: شكرًا يا فرح على اللي عملتيه
فرح بابتسامة: انا معملتش حاجه يا مراد بيه وكمان أنا وأنس بقينا صحاب مش كده يا أنس
أنس: ايوه
*فرح مسحت على شعره ومسحت دموعه وقالت*
فرح: عشان احنا بقينا صحاب مش عايزاك تعيط تاني انت عارف إن الأبطال ما بيعيطوش وأنس بطل صح
أنس: ايوه انا بطل
فرح: يعني مش هنعيط تاني
*أنس هز رأسه*
فرح: وعشان كده إيه رأيك في الهديه دي
أنس بفرحة: شوكولاته
*بص لـ باباه ياخد إذنه ومراد هز رأسه بالموافقه*
مراد: شكرًا يا فرح
فرح: طب اروح انا اكمل شغلي بقى عن اذنك يا مراد بيه سلام يا أنس
أنس: سلام
*وهو بيشاور لها*
*مراد في نفسه وهو بيبص لفرح*
مراد في نفسه: كل مره بتوقعيني في حبك اكتر من الأول
(مراد خد وعد على نفسه إنه هيعترف بحبه ليها في اقرب وقت بعد ما شاف اهتمامها بأنس)
*كانت فرح سرحانه لحد ما قاطعتها رنا*
رنا: الجميل سرحان في إيه
فرح بخضه: انت متخلفه يا بنتي وقعتي قلبي
رنا: يا ستي متشكرين مش هتقولي بقى كنتِ سرحانه في ايه
فرح بتوتر: انا هسرح في ايه يعني
رنا بنص عين: أهي عليا بردك هيكون في مين مثلًا اكيد في حبيب القلب
فرح بتوتر: اصدك مين يا بت
رنا: هو فيه غيره اللي واكل عقلك مراد
فرح بتوتر: لا ده انت اكيد اتجننتي رسمي
رنا: يعني انت عايزة تفهميني إنك مبتحبهوش
فرح: أحبه ازاي وكمان اكيد هو بيحب مراته عشان كده متجوزش لحد حالًا
رنا: بيحب مين يا عنيا اقطع دراعي اذا مكنش بيحبك انت لأ وكمان بيموت فيكي
فرح: وانت عرفتي منين يا ناصحه
رنا: ما هو البعيده عمياء انت مش بتشوفي نظراته ليكي عاملة ازاي نظراته كلها عشق
فرح برفع حاجب: وانت مركزن معاه ليه بقى إن شاء الله
رنا بضحك: انت بتغيري ولا ايه يا جميل
فرح: انا واغير ليه ويلا كملي شغلك وقفلي على السيره دي
رنا: ماشي بس عايزه اقولك حاجه مراد شكله بيحب بجد يا فرح وانا عارفه انك كمان بتحبيه فمضيعيش الفرصه من إيدك تمام يلا اسيبك انا
"بعدها راحت رنا لمكتبها وفرح عماله تفكر في كلامها"
*بعد أسبوع*
جميلة السكرتيره: انسه فرح مستر مراد عايزك
فرح باستغراب: متعرفيش عايزني في إيه
جميلة: لأ للأسف
فرح: تمام يا جميلة روحي انت وانا جايه أهو
*راحت فرح المكتب وخبطت على الباب*
مراد: اتفضلي يا فرح
*فرح بتحاول تهدي نبضات قلبها*
فرح في نفسها: اهدى بقا الله يخربيتك
(خدت نفس طويل وبعدين دخلت)
فرح: حضرتك طلبتني يا مراد بيه
مراد: اه اتفضلي اقعدي الأول وبلاش مراد بيه دي خليها مراد بس
فرح: مينفعش طبعًا انت مديري
مراد: وانا علشان مديرك بقولك قوليلي مراد بس من غير بيه دي وكمان يمكن اكون اكتر من مدير
فرح: افندم مش فاهمه
*مراد قام وقعد على الكرسي اللي قصادها*
مراد: بصي يا فرح من غير لف ولا دوران من الآخر أنا بحبك وعايزك تكوني مراتي ها ايه رأيك
فرح بصدمه: استنى بس كده انا شكلي سمعت غلط عيد كده تاني كنت بتقول إيه
مراد: لا يا فرح انت مسمعتيش غلط انا فعلًا بحبك وعايز اكمل باقي حياتي معاكي
فرح: طب ومراتك
مراد باستغراب: مراتي مرات مين
فرح: مراتك ام أنس
مراد: مريم ايه دخل مريم في حوارنا دلوقتي
فرح: انت مش بتحبها
مراد بتنهيدة: مقدرش اقولك اني محبتهاش بس
فرح: بس ايه
604
اسكريبت: حب من اول نظرة*في أحد المنازل الشعبية* سميرة: سراج يا واد يا سراج سراج: نعم يا ماما سميرة: قوم روح صحي اختك عشان تفطر قبل ما تروح الشغل سراج: عيني انت تأمري *في غرفة فرح* سراج بابتسامة خبيثة: ودلوقتي جه وقت الانتقام ثم أكمل بصراخ فررررررررح *فرح وقعت من على السرير وقالت بفزع* فرح: فيه ايه البيت بيولع سكتت لما سمعت صوت ضحك سراج سراج بضحك: لا مش قادر أخيرًا رديت على حاجه من اللي بتعمليهم فيا فرح بنبرة مرعبة: سرااااج وربي مانا سيباك يا كلب *سراج هرب وفرح جريت وراه* سراج: ماما الحقيني يا ماما فرح: مفكرها هتحوشك مني مبقاش انا لو ماورتكش النجوم في عز الضهر يا حيوان *خرجت سميرة على صراخهم* سميرة: في إيه يا كلاب منك ليها عاملين دوشه ليه على الصبح سراج وهو بيستخبا وراها: الحقيني يا سميرة بنتك المتوحشة هتقتلني فرح: هقتلك وبس ده انا هشرب من دمك يا كلب سميرة: اهدي بس كده يا فرح وقوليلي الزفت ده عملك ايه سراج: الله طب ليه غلط طيب سميرة: اسكت انت ها يا حبيبتي هو عمل معاكي ايه فرح: يرضيكي يا ماما اكون نايمه في امان الله ييجي الزفت ده يصرخ جمبي ولا كأنه جاموسه بتنعر سميرة: اهو انت قولتي يا حبيبتي جاموسه هنعمل ايه سراج: هو فيه ايه انتوا الاتنين عاملين تهزقوا فيا كده ليه من الصبح سميرة وفرح في نفس الوقت: عشان انت مهزق *سراج بص لهم بغيظ* سميرة: خلاص يا فرح يا حبيبتي انت روحي صلي يلا وغيري هدومك اكون خلصت الفطار عشان تروحي شغلك فرح: تمام يا ماما انا هسيبه عشان خاطرك انت بس *ثم ذهبت إلى غرفتها* سميرة: وانت يا استاذ يلا روح غير هدومك انت كمان عشان تروح شغلك سراج بغمزه: انت تأمري يا جميل *سميرة لسه هتقلع الشبشب لقت سراج هرب* سميرة: عوضني عوض صابرين يا رب *في مكان آخر في أحد القصور الخلابة* *كان هناك طفل صغير يدخل احدى الغرف ووقف امام السرير ينظر الى من ينام عليه فقرر أن يصعد ويزعجه* أنس: بابا يا بابا قوم بقى انت وعدتني إنك هتاخدني معاك الشركة النهارده *فجأة لقى والده بيسحبه ويدغدغه* أنس: ههههههه خلاص يا بابا كفاية هموت مراد بابتسامة: هتزعجني وانا نايم تاني أنس: ههههه لا خلاص آخر مرة مراد: ماشي يا سي أنس أم نشوف لو قررت تاني هفضل أدغدغ فيك لحد ما يبين لك صاحب أنس: خلاص ماشي يلا قوم بقى علشان ما نتأخرش مراد: يا بني هو إنت مش مقتنع إني صاحب الشركة وأتأخر براحتي أنس: ولو يلا قوم مراد: ماشي يا اخرت صبري يلا --- رنا: انت فين يا زفته فرح: انا جايه في الطريق أهو ايه مستر مراد جه رنا: لأ لسه مجاش فرح: طب طالما لسه مجاش بترني ليه رنا بغباء: عشان أعرف انت فين فرح: تصدقي انك بني آدمه براس كلب رنا: طب ليه غلط طيب فرح: اقفلي يا رنا بدل ما اجي اتغابا عليكي رنا بغيظ: ماشي يا اختي سلام فرح: سلام *بعدها وقفتها زحمه سير* فرح: الله هو ده الناقص اشوف فيكي يوم يا رنا يا بنت ام رنا *وصل مراد إلى الشركة وهو يحمل أنس ويلقي ابتسامات على الموظفين دخل مراد مكتبه واجلس أنس على الأريكة وقاطعهم دخول جميلة السكرتيره* جميلة: مراد بيه فاضل عشر دقايق على الاجتماع مراد: تمام يا جميلة انا جاي اهو *وجه نظره لـ أنس* مراد: أنس حبيبي بابا هيروح مكان على طول ويرجع خليك هنا لحد ما ارجع ما تروحش في حتة تمام أنس: تمام بس انت هتتأخر مراد بابتسامه حنونه: لأ يا حبيبي مش هتأخر هي ساعه كده وبعدين بابا هييجي ياخدك يوريك الشركه وبعدين نتغدى بره ايه رأيك أنس بحماس: موافق *بعدها مراد راح الاجتماع وأنس فضل يلعب على الفون* *بعد ما فرح وصلت الشركه قابلتها رنا* رنا: جرا ايه يا بنتي ده كله تأخير فرح: هعمل إيه ما هو من قرد علقت في زحمه رنا: الله وانا عملت ايه فرح: معملتيش يا اختي المهم مستر مراد جه رنا: لسه جاي من شويه فرح: طب الحمد لله يلا نروح على شغلنا *بعدين قطعهم صوت زعيق* فرح: ايه الدوشه دي رنا: مش عارفه تعالي نروح نشوف *فرح ورنا راحوا يشوفوا ايه سبب الزعيق لقوا سهيلة بتصرخ على طفل والطفل بيعيط وكانت هتمد إيدها عليه فقامت فرح بسرعه ومسكت إيدها قبل ما تضربه* فرح بحدة: انت اتجننتي انت ازاي تفكري تمدي إيدك على طفل *بعدها بصت لـ أنس واكملت بصوت حنون* فرح: اهدى يا حبيبي متقلقش هي مش هتقدر تعملك حاجه أنس ببكاء: انا خايف أنا مكنش قصدي اني اتوقع كوباية القهوة والله وانا اعتذرت لها فرح وهي بتضمه: اهدى يا حبيبي إنتغ مش غلطان هي الغلطانه *بعدها بصت بحده لـ سهيلة واكملت*
604
"بدأت الحكاية بنظرة...وانتهى الأمر بقلب لم يعد ملكي♥🫶"
اسكريبت: حب من اول نظرة💗✨
بقلمي: منة الله مجدي
604
اسكريبت: قهوة من غير معادسلمى: الو يا عمر في ايه بترن ليه عمر: يا فرج الله أخيراً يا ست هانم رديتي انت فين يا استاذه عمال اتصل عليكي مش بتردي سلمى: معلش يا حبيبي اصل انا بره نزلت اشرب قهوه واتمشى شويه فمختش بالي من التلفون عمر: بره من غير ما تقوليلي يا سلمى سلمى: يا حبيبي الموضوع جه فجأه انا حسيت اني مخنوقه محتاجه اغير جو فلبست ونزلت على طول فيها ايه عمر: فيها ايه فيها اني مش ابجوره جمبك يا استاذه المفروض تعرفيني انت فين ونازله مع مين مش اصحى الاقيكي اختفتي كده سلمى بضحك: اختفيت ايه بس يا عمر دا انا في الكافيه اللي على بحر مش مسافره دبي يعني وبعدين لو عرفتك هتعملي تحقيق زي ما بتعمل حالاً وانا كنت عايزه افصل بس عمر: يعني انا بقيت مصدر ازعاج ليكي يا ستي شكراً يعني انا بقلق وبخاف عليكي مش اكتر وانت تسميه تحقيق وكمان أصلاً انت تنزلي لوحدك ليه وانا موجود ها سلمى: يا سيدي عارفه والله انك بتقلق وبتخاف عليا بس يعني ساعات بحب كده اقعد مع نفسي شويه هو انت زعلان عشان نزلت من غيرك عمر: الصراحه ايوه يعني مش بزمتك القعده دي والجو الحلو ده مش ناقصهم اني أكون معاكي ولا لأ سلمى: خلاص يا سيدي حقك عليا المره الجاي هعرفك قبل ما نزل مرضي يا باشا عمر: ماشي يا ستي ام نشوف انا خمس دقائق وهكون عندك سلمى: ماشي يا سيدي مستنياك «بعد فتره عمر بيدخل الكافيه بيلمح سلمى ويروح يقعد قدامها» عمر: ايه الجميل سرحان في ايه سلمى بخضه: ايه ده عمر انت جيت عمر: لأ لسه جاي في طريق سلمى: هههههه خفيف عمر بضحك: ما انا عارف استني ايه ده انت طالبه قهوه لمين تاني هو في حد كان معاكي ولا ايه سلمى بضحك: حد مين بس يا عمر يا حبيبي الله يهديك ما انا من شويه قيلالك اني لوحدي عمر بغباء: امال القهوه دي لمين سلمى: للعفريت هتكون لمين يعني ليك عشان عارفه انك هتوصل هنا في خمس دقائق فطلبتلك قهوه معايا عمر: لا والله طب على فكره يكون في معلومك انا جاي عشان القهوه مش عشانك سلمى: تؤ تؤ عشان انت متقدرش تسيبني زعلانه حتى لو انا اللي غلطانه عمر: ايه يا بنتي الثقه دي انت جيباها منين ده انا جاي على اساس اعمل مشكلة ونتخاصم يومين تلاته كده سلمى: مشكلة ايه بس ربنا ما يجيب مشاكل وهو انا رحت فين يعني دا انا نزلت في المكان اللي بقالنا شهر بنقول عايزين نروحه سوا بس انت الشغلك واخدك عمر: طب ما تقوليلي تعالى اخلع من الشغل واطلع معايا وانا مش هتأخر عليكي ثانيه سلمى: ما كنتش عايزه اعطلك وبعدين بصراحه القعده معاك هنا احلى بمراحل من اني اقعد لوحدي عمر وهو يمسك يدها بحب: انا اسف يا سلمى بس اوعدك من النهارده إن انا مش هسمح للشغل ولا لأي حاجه تخدني منك تاني سلمى بفرح: بجد يا عمر عمر: بجد يا حبيبتي بس بشرط بعد كده لم تعوزي تخرجي تعرفيني انا لما لقيتك مش في البيت قلقت وقلقت اكتر لم انت مارديتيش عليا فمن النهارده لو حبيتي تخرجي أو تغيري جو قوليلي مش عشان امنعك بالعكس عشان اكون معاكي سلمى بحب: حاضر انا فعلا لما نزلت لوحدي حسيت إن القعده ناقصه حاجه اتاريك انت الحاجه دي يا عمر عمر: يبقى خلاص اوعديني إن المره الجايه لما تعوزي تفصلي أو تهربي من أي حاجه تيجي لي أنا الأول اتفقنا سلمى وهي تعمل حركه العسكريه: تمام يا فندم مش هتحرك خطوه واحده من غيرك بعد كده عمر بضحك: طب يلا اشربي قهوتك يا لمضه اليوم ده كله ملكك انت وبس سلمى بحب: عارف يا عمر انا مبسوطه اني نزلت النهارده عمر باستغراب: ليه سلمى: عشان كنت فاكرة إن القهوة هي اللي هتريحني بس طلعت انت الراحة كلها❤️ "أحياناً...كل اللي محتاجينه هو فنجان قهوة وشخص نفهمه ويفهمنا💗✨" وبكده يكون خلص الاسكريبت واشوفكم في اسكريبت جديد وحكاية جديدة💖🦋 متنسوش تفاعل بقا يا صحابي عشان تشجعوني
604
"كنت فاكرة إن القهوة هي اللي هتريحني...بس طلعت أنتَ الراحة كلها❤✨"
اسكريبت: قهوة من غير معاد🤎☕
بقلم: منة الله مجدي
604
اسكريبت بعنوان: بتغير«داخل كافيه سارة تحتسي قهوتها بينما يوسف يجلس أمامها صامتًا على غير عادته» سارة باستغراب: في يا يوسف إنت ساكت ليه من الصبح ليه يوسف ببرود مصطنع: ولا حاجه سارة: متأكد يوسف: ايوه سارة: طب عينك في عيني كده "يرفع عينيه اليها لثانيتين ثم يحول نظره سريعًا" سارة بابتسامة: انت غيران يوسف بتوتر: انا وانا اغير ليه واغير من مين اصلاً سارة: امال اول ما ابن خالتي جه سلم عليا بصيتله كأنك عايز تخلص منه يوسف: لأ دا بيتهيألك سارة: يا سلام يوسف: ايوه وثانيه هو كان بيبتسم ليه سارة بضحك: عشان مؤدب يوسف: طب ما انا كمان مؤدب بس لو اقررت تاني هخليه يبتسم عند دكتور الأسنان " تنفجر سارة ضحك" سارة: انت مجنون يوسف: اعمل ايه بقا مجنون بيكي ودي المشكله سارة: طيب هو انت بتغير عليا للدرجه دي يوسف: أكتر مما تتخيلي سارة بابتسامة: طب ليه يوسف: لأنك الحاجه الوحيده اللي بخاف اخسرها «يصمتان للحظة وتختفي الضحكه من على وجه سارة ويحل مكانها خجل واضح» سارة: طيب لو قلتلك إنك الوحيد اللي عيني بتدور عليه وإن مكانك عمره ما كان لحد غيرك يا يوسف "ينظر إليها يوسف بعشق ثم يمسك يدها برفق" يوسف: وعشان كده حبي ليكي يا سارة بيكبر جويا كل يوم بحبك يا سارة سارة بحب: وانا بحبك يا يوسف وده كان اسكريبت بسيط واشوفكم في اسكريبت جديد وحكاية جديدة💗🦋
