Bac Journey 💜

📚 المكتسبات القبلية لي لازم تكوني مراجعتهُم قبل ما تبداي العام الدراسي (باك 2027) السلام عليكم البنات 🌸 قبل ما ندخلو في برنامج الباك، كاين شوية دروس في العربية والإنجليزية لازم تكونو راجعتوهم، خاطر راح تحتاجوهم طول العام. إذا لقيتي روحك ناقصة في وحدة منهم، حاولي راجعيها من الآن. 💪

📖 الأدب العربي

✅ الأسماء الموصولة. ✅ أسماء الإشارة. ✅ ظروف الزمان والمكان. ✅ حروف النداء. ✅ أنماط النص. ✅ الأساليب الإنشائية والخبرية. ✅ تلخيص النص. ✅ شرح الأبيات. ✅ الاستعارة المكنية والتصريحية. ✅ التشبيه. ✅ المجاز العقلي والمرسل. ✅ الطباق والجناس. ✅ السجع والتصريع. ✅ دور التكرار. ✅ دور الضمير الغالب. ✅ الإحالة القبلية والبعدية. ✅ مظاهر الاتساق والانسجام. ✅ إعراب الحال والتمييز والبدل والخبر. ✅ الأفعال التي تنصب مفعولين. ✅ الجمل التي لها محل من الإعراب. ✅ الجمل التي لا محل لها من الإعراب.

🇬🇧 اللغة الإنجليزية

✅ Tenses. ✅ Direct and Indirect Speech. ✅ Active and Passive Voice. ✅ Expressing Condition. ✅ Expressing Cause and Consequence. ✅ Expressing Concession. ✅ Expressing Advice. ✅ Final /s/ and /ed/. ✅ Syllables. ✅ Stress. ✅ Asking Questions. #مكتسبات

💗 القناة: https://t.me/bac_with_mikaa18

🇬🇧 اللغة الإنجليزية | مصادر الدراسة

📚 مصادر تساعدك في دراسة الإنجليزية الإنجليزية تحتاج فهم + حفظ + تطبيق، ومع المراجعة المستمرة تقدري تطوري مستواك وتجيبي فيها نقطة مليحة 🤍

> 👩🏻‍🏫 أساتذة مقترحين:

• استاذ مستر سعدو • الأستاذ منصوري • الأستاذ عبد المؤمن • الأستاذ أمين انغلش • الأستاذ جيار

> 📖 كتب ومراجع:

• 📕 كتاب المراجعة النهائية • 📘 السلسلة الفضية • 📙كتاب ملخص ابطال للأستاذ منصوري

> ✨ نصيحة:

ركزي على الكلمات والقواعد، وحاولي تطبقي عليهم باستمرار من خلال التمارين ومواضيع الباك 💗 🎯 شوية كل يوم خير من المراجعة في آخر لحظة. #الانجليزية 🇬🇧 #مصادر

> 💗 القناة: https://t.me/bac_with_mikaa18

💗 Girl نحتاجكم معانا شويّة 🥹🎀 القناة راهي تكبر بيكم، وكل وحدة فيكم عندها دور صغير فيها 🤍 إذا عجبكم المحتوى وحسيتي بلي يقدر يفيد صاحبتك، ابعثيلها القناة وخليها تكون معانا 🫶🏻

💗القناة:https://t.me/bac_with_mikaa18

🧬 العلوم | مصادر الدراسة

📚 مصادر تساعدك في دراسة العلوم العلوم تحتاج فهم + حفظ منظم + تحليل الوثائق + تطبيق، لذلك حاولي تفهمي كل وحدة مليح، ومن بعدها طبقي بالتمارين والمواضيع باش تثبتي المعلومات 🤍

> 👩🏻‍🏫 أساتذة مقترحين:

• أستاذة كتفي شريف زينة • أستاذ شاوش • أستاذ أيوب للعلوم • أستاذ مصطفى بدد • أستاذة خيرة فليتي

> 📖 كتب ومراجع:

• 🔵 السلسلة الزرقاء (للاستاذة كتفي) • ⚪ السلسلة الفضية(للاستاذة كتفي)

> ✨ نصيحة:

في العلوم ما تحفظيش الدرس حفظ أعمى، حاولي تفهمي الفكرة وتربطي المعلومات ببعضاها، وبعدها تدربي على تحليل الوثائق وحل التمارين 🧠💗 🎯 افهمي و لخصي و طبقي و راجعي أخطاءك. #العلوم🧬 #مصادر

> 💗 القناة: https://t.me/bac_with_mikaa18

🌷 نصيحة :

ما تقعدوش تقارنو رواحكم بالآخرين، وحدة تقرا 10 ساعات، وحدة 6 ساعات، وحدة تنوض بكري ووحدة تقرا فالليل… هذا كامل ما يعنيش بلي وحدة خير من وحدة. المهم هو واش درتي بالوقت لي قريتي فيه، وهل راكي تتقدمي ولا لا. 🤍 ركزي على تقدمك انتي، وما تخليش طريقة قراية شخص آخر تحسسك بلي راكي متأخرة. 🎯✨ #نصيحة

💗القناة:https://t.me/bac_with_mikaa18

➗ الرياضيات | مصادر الدراسة

📚 مصادر تساعدك في دراسة الرياضيات الرياضيات تحتاج فهم مليح + تطبيق + حل تمارين بزاف، لذلك اختاري الأستاذ اللي ترتاحي لطريقة شرحو، وركزي على مصدر واحد أساسي وما تشتتيش روحك 🤍 >

👩🏻‍🏫 أساتذة مقترحين:

• أستاذ نور الدين • أستاذ عبد الباسط • أستاذ أنفينيتي • أستاذ ترير • أستاذ مرنيز

> 📖 كتب ومراجع:

• 📕 كتب نور الدين كاملة (دوال . متتاليات . احتمالات . اعداد مركبة . اعداد و الحساب) • 📘 كتب خالد بخشاشة • 📗 كتب عبد الباسط

> ✨ نصيحة:

ما يكفيش تفهمي الدرس برك، لازم تحلي تمارين بالتدرج من السهل للصعب، وكل خطأ تديريه حاولي تعرفي وين كان الخلل باش ما تعاوديهش 💗 🎯 في الرياضيات، كثرة الحل هي اللي تخليك تتقني المادة، ماشي كثرة المصادر. #الرياضيات➗ #مصادر

>💗 القناة: https://t.me/bac_with_mikaa18

⚡️ الفيزياء | مصادر الدراسة

📚 مصادر تساعدك في دراسة الفيزياء الفيزياء ماشي حفظ برك، تحتاج فهم + تطبيق + تمارين، لذلك اختاري الأستاذ والكتاب اللي يناسبوك، وما تتشتيش روحك بين بزاف مصادر 🤍

👩🏻‍🏫 أساتذة مقترحين:

• أستاذ عبد اللطيف • أستاذ عبد الله • أستاذ زدون • أستاذ عبدو رضوان • أستاذ ترير

📖 كتب ومراجع:

• 📕 كتاب تأشيرة نجاح • 📘 كتاب مغني • 📗 كتاب دلفين • 📙 السلسلة الفضية للأستاذ عبد الله

✨ نصيحة:

افهمي الدرس مليح، لخصي أهم النقاط والقوانين، ومن بعدها روحي مباشرة للتطبيق والتمارين باش تثبتي المعلومة 🎯 المهم ماشي تقراي من 10 مصادر، المهم تختاري مصدر مناسب وتكملي عليه بجدية. #الفزياء⚡️ #مصادر

💗القناة:https://t.me/bac_with_mikaa18

💗 بنات، نحتاج رأيكم! حابّة نعرف واش حابين تشوفو أكثر في القناة؟ 👀✨ وش هي الحوايج لي تحتاجوها؟ اكتبولنا في التعليقات: 📌 مواد أو دروس حابين نجيبولكم مصادر ليها 📌 ملخصات وتمارين 📌 طرق وتقنيات للمراجعة 📌 تنظيم الوقت والبرامج 📌 نصائح للباك 📌 أو أي حاجة أخرى تشوفوها تعاونكم 💕 كل اقتراحاتكم نقرأوها ونحاولو نوفروها في القناة 🤍 ما تحشموش، حتى أصغر اقتراح يهمنا 🫶🏻

🌷 نصيحة :

اخطيكم من المتابعة الخاصة لانو مش رح تفيدكم خاصة إذا كل وحدة تعرف روحها وكيفاه تقرا وتنظم وقتها. ما تخسروش دراهمكم على حاجة تقدروا تديروها وحدكم، نظمو وقتكم، حطو برنامج يناسبكم والتزمو بيه. 🤍 في الأخير كل وحدة تعرف واش يناسبها وكيفاش تخدم باش توصل لهدفها #نصيحة

💗القناة:https://t.me/bac_with_mikaa18

📌 رسميا تم تأجيل دخول المدرسي الى 21 سبتمبر 2026

نصائح مهمة: أخواتي هذو حوايج لازم كامل ديروهم في هذه الفترة خاصة ✅توطيد العلاقة مع ربي سبحانه، لازملك ديري ورد قرآن فاليوم يا لوكان صفحتين، القرآن يزيد البركة فالوقت. ✅اخطيك من كثرة الصداقات والبنات، ركزي على نفسك وقرايتك، غدوة نهار لباك تعقبيه وحدك في طاولتك حتى وحدة ماتكون معاك(وباش نكون صريحة جماعة الزملاء وكان يقرى معايا غير خليك منها) ✅كي تبداي المكتسبات، ما تقعديش تهدري، اني نقرى واني ندير، حتى في المراجعة ماتقوليش ✅المقارنة يا البنات، كي تقارني قارني مع ناس إيجابيين، باش تبقاي دائما تطوري في روحك، بصح احرزي تتحول لحسد، والمحيط السلبي اخرجي منه. ✅ركزوا دوكا في المكتسبات على المواد الأساسية، والحمد لله، راهم نحاو لكم الفلسفة والفرنسية فرحتلكم من قلبي. بالنسبة لتجربتي الشخصية، انا صراحة غيرت المؤسسة تاعي لظروف، ورحت لمؤسسة جديدة، ما درتش صداقات بزاف وكنت نجلس وحدي في طاولتي😊😊

📚 أقوى طرق القراية المثبتة علميًا (بالترتيب)

1. الاسترجاع النشط (Active Recall) 🧠 ما تعاوديش تقراي الدرس برك اغلقي الكراس ولا الكتاب وحاولي تتفكري المعلومة من راسك سواء اكتبيها ولا اشرحيها بصوتك هاذي هي الطريقة لي تثبت الحفظ ماشي إعادة القراءة 2. المراجعة المتباعدة (Spaced Repetition) 📅 راجعي الدرس على فترات: بعد نهار، بعد 3 أيام، بعد أسبوع، وبعد شهر ما تراجعيش كلش في نهار واحد قبل الفرض ولا الباك هكاك المعلومة تقعد في الذاكرة مدة طويلة 3. حاكي الامتحان (Exam Simulation) 📝 حل موضوع كامل كيما راكي فالامتحان: وقت محدد، بلا هاتف، بلا كتاب، وبلا أي مساعدة. من بعد شوفي وين غلطتي وعالجي الأخطاء تاعك. 4. دفتر الأخطاء (Error Log) ❌📒 كل غلطة تديريها اكتبيها مع السبب تاعها وكيفاش الحل الصحيح وراجعي اخطاءك من وقت لوقت باش ما تعاوديش نفس الخطأ 5. التدريب على نقاط الضعف (Deliberate Practice) 🎯 ما تضيعيش وقتك تعاودي فاللي راكي متمكنة منهم ركزي على الحاجة لي صعيبة عليك وخدمي عليها حتى تولي سهلة 6. خلط أنواع التمارين (Interleaving) 🔄 في عوض ما تحلي 20 تمرين من نفس النوع خلطي بين أنواع مختلفة من تمارين صح يبانلك أصعب بصح يخليك تعرفي تفرقي بين الأفكار وتحلي بطريقة أذكى 7. تقنية فاينمان (Feynman) 👨‍🏫 شرح الدرس بكلام ساهل كأنك راكي تشرحي لطفل صغير إذا حبستي في نقطة معناها مازال ما فهمتيهاش مليح ارجعي لها 8. اربط المعلومة (Elaboration) 🔗 ديما اسألي روحك: علاش؟ وكيفاش هاذي المعلومة مرتبطة بالحوايج لي نعرفهم؟ هكا الفهم يكون أعمق وما يبقاش حفظ فقط مثلا تاريخ حدث اربطوه بعيد ميلاد شخص تعرفوه 9. بطاقات المراجعة (Flashcards) 🗂 ديري بطاقات فيها سؤال وجواب وراجعيهم بالتدريج حسب واش حفظتي وواش مازالو هذي تنفع بزاف فالتعاريف و القوانين و المفردات والمصطلحات ---

⚠️ حاجة مهمة

إعادة القراءة، التلوين بالأقلام، والتلخيص برك... هذو ماشي طرق قوية وحدهم يخلّوك تحس بلي فهمتي بصح كي يجي وقت الاسترجاع تلقاي روحك ناسية ✅ استعمليهم غير باش تاخذي فكرة على الدرس، ومن بعد طبقي الاسترجاع النشط، المراجعة المتباعدة، وحل التمارين

💗القناة:https://t.me/bac_with_mikaa18

📚 المكتسبات القبلية لي لازم تكونو مراجعينهم قبل ما تبداو العام الدراسي (باك 2027) السلام عليكم 🌸 قبل ما ندخلو في برنامج الباك كاين شوية دروس لازم تكونو راجعتوهم خاطر راح تحتاجوهم طول العام. إذا لقيتو روحكم ناقصين في وحدة منهم حاولو راجعوهم من ضم 💪

🧮 الرياضيات

✅ المتطابقات الشهيرة. ✅ التحليل. ✅ النشر. ✅ توحيد المقامات. ✅ حل المعادلات (درجة أولى، ثانية وثالثة). ✅ الحصر، المجالات والقيمة المطلقة. ✅ الدوال المرجعية ورسمها. ✅ تركيب الدوال. ✅ مجموعة تعريف الدالة. ✅ القراءة البيانية. ✅ الاشتقاق وقوانينو. ✅ النهايات والتفسير الهندسي تاعها. ✅ دراسة الإشارة. ✅ دراسة تغيرات الدالة. ✅ جميع حالات معادلة المماس. ✅ كيفاه ترسمي منحنى انطلاقًا من منحنى آخر. ✅ المناقشة البيانية. ✅ المتتاليات (العددية والهندسية). ✅ الوسط الحسابي والهندسي. ✅ قوانين المتتاليات والمجاميع. ✅ الاحتمالات. ✅ المتغير العشوائي. ✅ الأمل الرياضي. ✅ التباين والانحراف المعياري.

⚛️ الفيزياء

✅ كميات المادة وقوانينها. ✅ قانون الغاز المثالي. ✅ التركيز الكتلي والمولي والعلاقة بينهم. ✅ الكتلة الحجمية، الكثافة، النقاوة وتركيز المحلول التجاري. ✅ جدول التقدم، المتفاعل المحدد و Xmax. ✅ الأكسدة والإرجاع. ✅ حركة الأقمار الصناعية (أولى ثانوي). ✅ تمثيل القوى (الثقل، الاحتكاك، رد الفعل...). ✅ الحصيلة الطاقوية وانحفاظ الطاقة. ✅ حركة القذيفة. ✅ الأحماض والأسس. ✅ بنية الذرة، العدد الكتلي والعدد الشحني. ✅ الكيمياء العضوية (الإسترات، الكحولات والأحماض الكربوكسيلية).

🧬 العلوم الطبيعية

✅ الخلية الحيوانية. ✅ النمط الظاهري والنمط الوراثي. ✅ العلاقة بين النمط الظاهري والنمط الوراثي. ✅ الطفرات. ✅ ADN. ✅ آلية البلعمة. ✅ الزمر الدموية. ✅ الاستجابة المناعية الخلطية. ✅ الاستجابة المناعية الخلوية. ✅ بنية العصبون. ✅ كمون الراحة. ✅ كمون العمل. ✅ النقل المشبكي. ✅ المشبك المنبه والمثبط. ✅ الإدماج العصبي. ✅ الخلية النباتية. ✅ معادلات التركيب الضوئي. 🌷 إذا راجعتو هاذ المكتسبات مليح، راح تدخلو للسنة الدراسية وأنتوما مرتاحين وما تتعبوش مع الدروس الجديدة. بالتوفيق الباك 2027، وإن شاء الله كامل نجيبو المعدلات لي نحوسو عليها. 💙 #مكتسبات

💗القناة:https://t.me/bac_with_mikaa18

السلام عليكم بنات💝💝 معاكم عفاف أدمن جديدة في هذه المجموعة، الحمد لله ديت باك 2026 بتقدير جيد جدا شعبة علوم تجريبية، جيت هنا باش نعاونكم بحول الله على قدر استطاعتي، ونتمنى تستفادوا من منشوراتي ومنشورات القناة كل وربي يوفقكم.

تفكرت حاجة هذا تحدي للأحرار والنظاميين ماشي يقولوا أحرار بلي رانا قاريين بالعكس لازم تبنوا قاعدة مليحة باه الإنطلاقة تكون قوية بإذن الله موفقيين💗🫂

بنات قررت انني نبدا معاكم بداية جديدة بإذن الله 💗🫂 اذا بغيتوا كاش حاجة ابعثولنا في رسائل قناة نجاوبوكم انا والأدمينات الجميلات🫶😔

سلام الله عليكم عساكم بخير🎀 اما بعد فمرحبا بكم في هذا المكان العلمي الذي سيكون ملجألكم خلال هذه السنة الدراسية 📌 في هذه القناة المتواضعة تجدون كل ماهو متعلق بهذه السنة من : _نصائح دراسية _ملخصات تلاميذ متفوقين _جلسات دراسية مع بعض _دعم نفسي يعني يا بنات هذه القناة راح تكون جد مفيدة لكم وعسى ان يجعلها الله مصدر نافعا وذخرا لنا ولكم وفقكم الله ولا تنسوا ‏لا شيء يَتأَخر عبث، بل تأَكد أَن الله يختار لِكُلِّ الأَماني موعِدُها الصَحيح 💙.