وێ🎀

لە وەسفی خۆشەویستیتا زمانی لاڵە هەڵبەستم ئیتر تۆ پێ بزانی یان نەزانی من چ دەربەستم ئەپرسی بۆ چی جامی دڵ بە نەشئەی بادە مەست نابێ ئەڵێ لێوڕێژی بادەی عەشقی تۆم و هەر بە تۆ مەستم ئەگەر باوەڕ بە من ناکەی وەرە سەیری دەروونم کە لە دونیای خۆشەویستیتا چ دەریایەکی پڕهەستم لەبەر سۆزی دڵم دوور و نزیكی بۆ نییە چاوم خوڕەی دێ ئاوی سەرچاوەی ئەگەر شادم ئەگەر پەستم جگە لەو یادە شیرینەت سەرانسەر تاڵە ژینی من كەچی ئەتوێتەوە خەم چوون لەگەڵ ئەو یادە پەیوەستم بە تاجی عەشقی تۆوە شام لەناو بەرگی گەداییدا كە بەندەی تۆم و ئازادەی چەرخ دیلێكی سەربەستم بەهیوای ئاوڕێكی تۆیە خۆ هەڵبەستەكانی من لە ڕێی تەیری نیگایەكتا ئەبێ هێلانە هەڵبەستم.!🤩 - کاکەی فەلاح