غَيَاهِبِ .

حُطّوا بِرَأْسِي طَلْقَةً وَمَوَّتُونِي وَشِيلُوهَا الْجِنَازَةَ وَشَيِّعُونِي أَدْرِي أَيَّامُكُمْ مُو حِلْوَةً وِيَّايَ عِيشُوا أَيَّامَكُمْ حِلْوَةً بِدُونِي بِنُصِّ الْفَاتِحَةِ ضْحَكُوا لَا تَبْجُونْ وَإِذَا مَرَّ أَرْبَعِينِي لَا تَجُونِي لِبْسُوا أَلْوَانَكُمِ لِتِحِبَّهَا الْعُيُونْ وَلَا تِلْبَسُونَ الْأَسْوَدْ هَذَا لَوْنِي ذِكْرُونِي إِذَا مَرَّيْتُ عَالْبَالْ وَأَدْرِي أَنِي كِذِبْ مَا تَذْكُرُونِي مَا أَسْتَغْرِبْ مِنَ الْغُرْبَةِ يْنْسَوْنْ إِنِّي الْمِنْهُمْ وَبِيهِمْ نَسُونِي حَيَاتِي أَنِي عِشْتُهَا هُمُومْ بِهُمُومْ وَأَحِسْ إِنَّهْ ثِقِيلَةْ عَلَيَّ الْهُدُومْ كِلْتُ أَيَّامْ وَيِرُوحْ الْحُزْنِ هَذَا بَسْ الْحُزْنِ مَا فَارَكْنِي لِلْيَوْمْ عِشْتُ الْعُمْرِ كُلَّهْ بِخَنِقَةِ الْبَيْتْ أَنِي بَيْتْنَا وَيَوْمُهْ مَعْدُومْ يِجِينِي اللَّيْلِ جَايِبْ حُزْنِ وِيَّاهْ مَا أَذْكُرْ نِمْتُ إِلَّا أَنِي مَلْجُومْ مَا أَذْكُرْ غَفَيْتُ وَرَأْسِي مِرْتَاحْ حِلِمْتُ أَتْعَذَّبْ مِنَ الْجَايِ وَالرَّاحْ مَا مِرْتَاحْ كِلِشْ حَتَّى بِالنَّوْمْ

بِسِكْ تِمِرْنِي بَحِلِمْ طَالِبْنِي بَطْلَابَة مُو گِتْلِي كِلْشِي انْتَهَىٰ وَمِنَّا وَغَادْ أَعْتِذِرْ وَحْدَكْ كَمِّلِ الدَّرِبْ مَا أَرِيدَكْ تِحِبْنِي وَلِمَنْ شِفِتْنِي رِدِتْ غَيْرَكْ أَعَاشِرْ بَشَرْ تِرْجَعْ تِعَاتِبْنِي وَتِگْلِي چِنَّا وَچِنِتْ مَا غَزَّرَتْ عِشْرِتِي هُوَّه هَسَّه أَنْتَ مِنوُ وَگَاعِدْ تِحَاسِبْنِي؟ صِيحْ وَإِذَا صَيَّحِتْ وَالله مَا أَلْتَفِتْلَكْ لَوْ أَسْمَعَكْ تِسِبْنِي وَتِغْلَطْ وَأَجِيكْ أَعْتِذِرْ وَأَقْبَلْ بَالْمِرَاضَىٰ وَحَضْرَةْ جِنَابَكْ صَلِفْ عَنْ إِعْتِذَارِي تِتْغَاضَىٰ الْمِثْلَكْ حِلُو بْمَظْهَرَه بَسْ عِيبَه بَأَلْفَاظَه.