طَرِيقُ الهُدَى💐

كاين هذا الأخت من #جيجل طلعولها المنشور راهي تجمع التبرعات لشراء الكفن ❤️‍🩹 لمستشفى تع طاهير في جيجل والكمية راهي خلاصت 💧حسابها هذه حسابها : https://www.facebook.com/share/1CRypaP8XE/ حساب الأخت 💧💧 منقول👇 من هذا المنبر يا عباد الله أقراو كلامي فضلا 😓 مكاش حاجة راهي تصرا في هذا الزمن مافيهاش حكمة ولا في الأزمنة لي فاتت، العاقل في هذا الوقت كلش يعلقه بالله عز وجل، ويتعض. النار حرقت كلش، كلات الأخضر واليابس. #ناس جيجل قالوا: "ولا مرة شفنا نار كيما هذه"، وزوج إحدى الأخوات قال: "والله كأنها هول من أهوال يوم القيامة". #صديقتي أخوها وزوجته وأولاده راحوا مصيفين في جيجل، تركوا كلش وراهم.. ملابسهم وكل أشيائهم، هربوا راجعين لبيوتهم وأهليهم. كانت ناس في البحر تستمتع وتعوم، وبينه لحظة وأختها شعلت جيجل وحصلوا ثم! #طالبة_قرآن تراسل معلمتها تسألها الدعاء والثبات عند السؤال اذا لحقها خبر وفاتها تقول ( معلمتي الغالية اذا جات التغطية ولحقاتك رسالتي نقلك دثريني بالدعاء والثبات عند السؤال فالنار حرقت الاخضر واليابس ونحن في خوف وهلع و النار غلقت كل الطرق والمداخل ماقدروش يلحقو يسلكونا ،النار راهي تقترب وكلش يحترق ومانظنش يكون لنا بعد هذا لقاء 💧 ناس كانت برزقها، صبحت ماتملك غير نفسـها وأهلها.. وناس خسرت حتى أهلها وكل ما تملك. عائلة راحت تصيف وتحوس، أب وأم وولادهم ماتوا ثم.. يا ربي يا كريم، الطف بأهلنا في جيجل وفي كل مكان، وارحم من رحلوا واجعلهم من شهداء عندك، وأفرغ صبراً على قلوب من فقدوا أحبتهم وممتلكاتهم. ويا خاوتي وخياتي .. تذكروا مليح بلي الإنسان شحال ما كان قوي وعنده، يبقى مجرد عبد ضعيف؛ ليلة البارحة كانوا يضحكوا ويخططوا للغد، وفي لحظة بعث ربي جندياً من جنوده فأكلت النار كل شيء، والتفت الساق بالساق، وصار الإنسان حائراً لا يملك من أمر نفسه شيئاً! فيقوا يا جماعة.. ما تغفلوش، وارجعوا لربي قبل ما يجي يوم لا ينفع مال ولا بنون إلا من أتى الله بقلب سليم و الإنسان لي يكون في طريق ربي، حتى في عز الحريق والمحن، يحس روحه آمن لأن روحه معلقة بالحي الذي لا يموت. اللهم لا تؤاخذنا بما فعل السفهاء منا، واحفظ بلادنا، وردنا إليك رداً جميلاً يا أرحم الراحمين ❤️‍🩹

«قال اللهُ تعالى: أَنَا عِنْدَ ظَنِّ عَبْدِي بِي، فَلْيَظُنَّ بِي مَا شَاءَ».