ch
Feedback

不要被骗子欺骗!Telemetrio 会找到并标记这些频道 👉 如果想查看标记,请订阅

فَسِــيلَهٌ 💚🌱

فَسِــيلَهٌ 💚🌱

前往频道在 Telegram

قال ڕسول الله ﷺ{إن قامت الساعه وفۍ يد احدڪم فسيلة فان استطا؏ الاتقوم حتۍ يغرسها فليغڕسها.} ومن هنا اضع هذه الفسيله ف هذه القناه الطيبه والله اسال أن اڕى طلعها فى الجنه🥹💚.' ڪنتم خـيࢪ امه اخرجت للناس 🥹💚.' إטּ معۍ ࢪبي سيهدين 🥹💚.'

显示更多
未指定国家未指定类别
200
订阅者
-124 小时
-47 天
-930 天
帖子存档
متـنسوش تـنزلوا إستـوري قـرآن قـبل النـوم💚↻ عارفين ليه؟ لإن بڪده بتاخدي حسنات لِـ ڪل اللي سمعه بِـ سببك لا وڪمان لو حد اخده وحطه عنده ويفضل الڤيديو يتنقل من مڪان لِـ مڪان وڪل دَا فِـ ميزان حسناتڪ لأ وڪمان أنتِ هتسمعي الڤيديو يبقي ضربتي عصفورين بِـ حجر وربحتي سمعتي وسمّعتي غيرڪ وغيرڪ وڪده يڪون عـداد حسـناتڪم شـغال طـول ما أنتـم نـايمـين🪷
يـلا إستـوري اليـوم إعـادة توجـيه أجـر لـي ولڪم💚🕊

sticker.webp0.02 KB

مش ڪل تأخير عقوبة، ومش ڪل حرمان شر. أحيانًا ربنا يمنع عنك الحاجة اللي نفسك فيها جدًا، لأنك لو أخذتها ڪانت هتتعب قلبك أو تبعدك عنه أو تندم عليها بعدين. مش لازم تفهم حڪمة ربنا دلوقتي يڪفي إنك تثق فيه.
﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ﴾💚)" ^᪲᪲᪲.

sticker.webp0.02 KB

مبدأيا ڪده :بطل تكذب على نفسك ،اقعد مع نفسك شوية واسألها ايه اللي حصل؟ايه اللي خلاني انتكس؟ايه اللي خلاني اوصل ل كده💔
إنت عارف نفسك أكتر من أي حد. عارف إمتى بتضعف، وعارف إيه اللي بيوقعك، وعارف إيه الأبواب اللي المفروض متقربش منها. فلو عارف الباب، وروحت فتحته بإيدك، متستغربش إنك وقعت وتيجي تسأل انا ايه اللي وقعني..!
ڪل شوية تقول هتوب بكره،انا بقولك متستناش بكرة.
بڪرة دي ڪلمة ناس ڪتير ضيعت عمرها بسببها.💔

sticker.webp0.02 KB

صـــــباح الـــــخـــير ..💚🫂. "
من افضل الحاجات الي تعملها عشان تبدأ يومك صح وتقدر تطلع منه بأڪبر افادة 👀💚.' أولا طبعا صلاة الفجر. ثانيا اقرأ ولو 5 صفحات بس قرآن. أذكار الصباح ، حتى لو جزء بسيط منها مش كلها (لو انت لسا مش حافظها) سبحان الله وبحمده 100 مرة (لو بتحب بقا قعدة الصبح دي وعندك مزاج ليها اسمع محاضرة دينية صغيرة ڪدا) ع ما تخلص ڪل دا ممڪن الساعة تبقا 5 ونص او ستة حتى .. مش ڪتير بس هتحس انك بدأت يومك بحاجة مفيدة فهتبقا مبسوط وبإذن الله هيكون في برڪة في يومك ..
ومن ضمن اهم الأشياء الي لازم تعملها :
تجيب ورقة وتدون اهدافك لليوم دا .. انا النهاردة بإذن الله هذاڪر ڪذا وڪذا وڪذا في العلم الشرعي هاخد ڪذاوڪذا في القرآن هخلص لحد سورة ڪذا الصلاة لازم تكون في ميعادها وزي ڪدا عشان لما ييجي آخر اليوم فتحاسب نفسك وتشوف نفذت ولا لا ولو لا فاجلد نفسك لان عندك 24 ساعة .. حضرتك ضيعتهم في ايه !! ▪︎يلا قوم ونفذ .. احنا عايزين الجيل الجاي دا يبقا ملتزم في دينه و ناجح في دنياه ... وعشان نقدر على ڪدا لازم ڪل واحد فينا يبدأ من نفسه🫵🏻
ذڪر غيرك .. يمڪن ڪلمة تفيده وتنور طريقه 🥹💚.'

sticker.webp0.02 KB

أڪتر جملة مدمرة بنمشي بيها دنيتنا وبنضحك بيها على عقولنا هي 💔
يا عم فكك، كبر دماغك، هي حبكت على اللحظة دي يعني؟! ما الناس كلها عايشة كده💔 الشعار ده هو أول الخطوة الأولى لمرض الران اللي ربنا حذرنا منه وفزعنا في القران لما قال:
{كَلَّا بَلْ رَانَ عَلَى قُلُوبِهِمْ مَا كَانُوا يَكْسِبُونَ}.
الران ده معناه ببساطة إن قلبك بيتحول لقطعة صخر صلبة مابتتأثرش بالبطيء؛ نقطة سودة فوق نقطة سودة لحد ما تلاقي نفسك غرقان في الأغاني اللي كلها جحود وذنوب والموضوع عادي، بتتفرج على مشاهد تخدش الحياء في المسلسلات وعينك مابتطرفش، بتقعد تهتك في أعراض ده وتنهش في سيرة دي تحت ستار بنقعد نفضفض ونسلي وقتناوبتفتح تليفونك ليل نهار تلاعب بنات الناس وتضيع وقتك في علاقات شمال وتسميها حب طاهر وبريء💔
النبي صلى الله عليه وسلم وصف الكارثة دي وقال
إن العبد إذا أخطأ خطيئة نكتت في قلبه نكتة سوداء، فإذا هو نزع واستغفر وصقل قلبه، وإن عاد زيد فيها حتى تعلو قلبه . المرعب بجد إنك تبقى ماشي بين الناس وبتاكل وتشرب وجواك قلب ميت تماماً! عايش في غفلة وبتضحك من قلبك بعد الذنب بثواني ومفيش جواه أي نغزة وجع أو ندم . المؤمن الحقيقي لما بيقع في هفوة بيشوف ذنبه كأنه جبل عالي هينهار فوق دماغه ينسفه، أما المنافق بيشوف الذنب كأنه دبانة رخمة جت على وشه فطارها بإيده ونفض ومشي! اوعى تفتكر إن حلم ربنا عليك وسِتره معناه إنه راضي عنك.. لأ، ده اسمه الاستدراج بيمدلك الحبل على غاربه ويوسعلك عشان لما ييجي الحساب، ياخدك أخذ عزيز مقتدر وميبقاش ليك أي حجة يوم العرض
{سَنَسْتَدْرِجُهُمْ مِنْ حَيْثُ لَا يَعْلَمُونَ وَأُمْلِي لَهُمْ إِنَّ كَيْدِي مَتِينٌ}
و النبي صلى الله عليه وسلم قال:
إن الله ليملي للظالم حتى إذا أخذه لم يفلتْه💔 .

sticker.webp0.02 KB

عاجبك حالك ڪده وانت بعيد عن ربنا؟
لو قولتلك هتموت بكره انت جاهز؟ اقطع اي حاجه بتوصلك للذنب. وده الجزء الي ناس كتير مش بتحبه،عايز تتغير بس مش عايز تنقطع عن أسباب المعصية،عايز تتوب بس لسه محتفظ بكل الطرق اللي بتوصلك للذنب ده،مين قالك إنك هتتغير وإنت مُصرّ تفضل في نفس البيئة؟ غيّر صحبتك،قلل خلواتك اللي بتضعف فيها،ابعد عن أي حاجه انت عارف انها بتفتح عليك بابا معصية معظم الناس اول ما تتوب بتستنى تبقى شخص جديد،ممكن تشتاق للذنب،ممكن تحس إنك مخنوق،ممكن تصلي ومتحسش بالصلاة ڪمل انت عودت نفسك فترة على المعصية فمتتوقعش إنك هتتغير في يوم وليلة جاهد
وَالَّذِينَ جَاهَدوا فِينا لَنَهْدِينَّهُم سُبُلَنا 🥹💔.
الشيطان هيفضل يحسسك بضيقه وخنقه لما تعمل طاعة ،هيعمل كل حاجه عشان يخليك ترجع للذنب ،هيفضل يقولك:مانت كنت مستريح وبتعمل الذنب ومبسوط دلوقتي مش حاسس بحياتك والدنيا مش ماشيه تجاهله،مش ممكن ربنا بيختبرك عشان يشوف انت فعلا راجعله ب صدر رَحِب ولا مجرد اسمك توبت وخلاص .!

sticker.webp0.02 KB

ربنا غفور رحيم، اه. بس إنت مش مأمور تستغل رحمته وتصرّ على الذنب. ربنا قال:)
وَمَن يَعْصِ اللَّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا
فالذنب مش لعبة،مش حاجه سهله. ومتقولش هي مره وهتوب إنت مش عارف المرة دي هتجر وراها إيه. ذنب صغير بتستهين بيه النهارده ممكن يجرّك لذنب أكبر بكرة، وبعد فترة تلاقي قلبك نفسه اتغير، والحاجة اللي كنت بتخاف تعملها بقيت بتعملها عادي.💔 وده اللي لازم تخاف منه. إن المعصية متبقاش بتوجعك. لأن المصيبة مش بس إنك تعصي. المصيبة إنك تعصي ومتبقاش فارقة معاك. تعصي وتقول هتوب بكره ،اصل ربنا غفور رحيم 🥹💔.

sticker.webp0.02 KB

عايشين في الدنيا ومطمنين وناسيين إن فيه يوم ربنا قال عنه:
{يَوْمَ تَجِدُ كُلُّ نَفْسٍ مَّا عَمِلَتْ مِنْ خَيْرٍ مُّحْضَرًا وَمَا عَمِلَتْ مِن سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا}
تخيل كده، كل ذنب عملته في السر وفي الضلمة هتلاقيه واقف قدامك ومجسّم ونفسك من كتر الرعب تتمنى لو بينك وبينه بحور وجبال عشان متشوفوش!💔 الناس اللي بتضيع الصلاة وبتسمع الآيات وتطنش وتكابر فكرتوا في لحظة الوقوف دي؟ ربنا بيوصف حال أهل النار لما يدخلوها والعياذ بالله فيقول
:{كُلَّمَا نَضِجَتْ جُلُودُهُم بَدَّلْنَاهُمْ جُلُودًا غَيْرَهَا لِيَذُوقُوا الْعَذَابَ}
يعني العذاب ملوش نهاية الجلد يتحرق فيتجدد عشان يدوق الألم من تاني وتالت ومليون! مفيش موت يريح ومفيش هروب💔 تخيل الصراخ والعياط اللي ملوش فايدة هناك، لما ربنا يقول عنهم
:{وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ}
تفتكر الرد هيكون إيه؟💔 هيڪون الرد اللي يقطع أي أمل
{أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِن نَّصِيرٍ}
العمر جالك والشباب جالك والتحذير جالك لحد عندك وإنت اللي اخترت تبيع آخرتك كانت قناه صرخه تائب عماله تبعتلك تحذيرات وانت تتطنش صحبك يقولك يا ابني حرام تقوله متعملناش فيها شيخ💔 فوق قبل ما تقف الموقف ده!💔

sticker.webp0.02 KB

تـعـال يا للي عاش في غفلة وشوف جهنم وهي مستنية زباينها
﴿إِنَّ جَهَنَّمَ كَانَتْ مِرْصَادًا لِّلطَّاغِينَ مَآبًا لَّابِثِينَ فِيهَا أَحْقَابًا﴾
مِرْصَادًا! يعني قاعدة ومستنية بتراقبك وأنت بتعصى، ومفتوحة على آخرها عشان تبلع الغافلين!💔 هتفضل فيها ملايين السنين اللي ملهاش آخر عذاب متواصل مبينقطعش متخيل شكل العذاب جوة؟
لَّا يَذُوقُونَ فِيهَا بَرْدًا وَلَا شَرَابًا إِلَّا حَمِيمًا وَغَسَّاقًا﴾
مفيش نقطة مية ساقعة تبل ريقك ومفيش غير الحميم مية بتغلي تقطع الأمعاء والغساق صديد وصديد أهل النار وعرقهم وميتهم العفنة💔
﴿جَزَاءً وِفَاقًا﴾
ده عدل ربنا، لأنك عشت في الدنيا مطنش الحساب
﴿إِنَّهُمْ كَانُوا لَا يَرْجُونَ حِسَابًا وَكَذَّبُوا بِآيَاتِنَا كِذَّابًا وَكُلَّ شَيْءٍ أَحْصَيْنَاهُ كِتَابًا﴾
كله متسجل بالثانية والملي ومفيش حاجة ضاعت! وساعتها يجيلك التوبيخ القاتل من رب العزة:
﴿فَذُوقُوا فَلَن نَّزِيدَكُمْ إِلَّا عَذَابًا﴾
كل ما تصرخ العذاب يزيد مش يقل! وتختم السورة بالمشهد اللي يخلي القلب يقف💔
﴿يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا﴾
الكافر والغافل يومها لما يشوف جحيم المرصاد والحميم هيتمنى أمنية مستحيلة يتمنى لو كان شوية تراب تدوس عليه الناس ولا إنه يقف الموقف ده ويتجلد الجلد ده في نار جهنم!💔 أنت لسه مش تراب ولسه فيك روح والفرصة قدامك عشان متقولش الڪلمة دي بڪره 💔.

sticker.webp0.02 KB

امسك أعصابك وفتح مخك عشان إحنا داخلين في المشهد اللي هيطير نفوخك المشهد اللي مفيش فيه مجاملة ولا هزار 💔.
أنت فاڪر إن الڪون ده هيفضل ثابت ڪدا وأنت عمال تعك وتأجل التوبة؟ ربنا سبحانه وتعالى بيفوقك بصدمة تهد جبال سورة التكوير والإنفطار:﴿إِذَا الشَّمْسُ كُوِّرَتْ وَإِذَا النُّجُومُ انكَدَرَتْ * وَإِذَا الْجِبَالُ سُيِّرَتْ﴾` تخيل الشمس الڪبيرة دي تنطفي وتترمى والنجوم تتساقط زي الرماد والجبال تطير في الهوا! وفي سورة الإنفطارالڪون
:﴿إِذَا السَّمَاءُ انفَطَرَت وَإِذَا الْكَوَاكِبُ انتَثَرَتْ وَإِذَا الْبِحَارُ فُجِّرَتْ﴾
ڪله بيتدمر ويترج والسما بتتفلق نصين فوق دماغك! والبحر يتقلب نااار ويتفجررر وهنا ييجي الرعب المباشر لقلبك الميت 💔
﴿يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ﴾
إيه اللي جراك عليا؟ إيه اللي خلاك تستهيف بستري وتستغل كرمي وحلمي عشان تعصيني وتفوت الصلاة وتجري ورا شهوتك؟* فاكر إن مفيش حد كاتب وراك؟ ﴿وَإِنَّ عَلَيْكُمْ لَحَافِظِينَ ڪرَامًا كَاتِبِينَ يَعْلَمُونَ مَا تَفْعَلُونَ﴾ الملائكة مسجلين عليك الهسة والهمسة الشات الممسوح والنظرة المستخبية وڪله هيتعرض فوري💔
﴿إِنَّ الْفُجَّارَ لَفِي جَحِيمٍ يَصْلَوْنَهَا يَوْمَ الدِّينِ وَمَا هُمْ عَنْهَا بِغَائِبِينَ﴾
جحيم ملوش خروج ومفيش غياب ولا إجازة من الوجع فوق قبل ما الڪون يتهد ؏ دماغك وأنت في قمة الغفلة!💔

sticker.webp0.02 KB