وەنه‌وشه🪻

ئننەو تۆ پاییز ئننەو وێرەگایت ئننەو شاروو تۆ و کووجیێو دەگایت ئننەو عاجزیت جە مەرگوو گەڵای ئننەو سۆزی نا جە جەرگوو گەڵای ئننە دارسان نا گەڵاڕێزان ئننە باخەوان پای مەپارێزان ئننه شێعرێ پەی پاییزی واچا ئننەو وەشڕەنگی گجیو کناچا ئننە ڕووتێ بان لەقێ دارەکان گەلاوێژ کەوتەن لێ هەسارەکان ئننەو خش‌خشوو گەڵای مەردٚێ‌با ئننەو دارەکان مەردٚەو دەردٚێ با ئننەو هەڵسەکاو هەوروو پاییزی ئننەو تاقەتوو دووری ئازیزی ئننە وا سەردٚەن جە پاو نساری بە نازه‌و خیزۆ پەی لەنجەو داری ئننەو واڕێزەی وەزه‌و لێ باخان ئننەو زووخاو و ئێشوو لێ داخان ئننەو مووسیقی وای چەنی واران ئننەو تاریکی و پرشەو هەساران ئننەو دڵتەنگی غەریو وڵاتان ئننەو نەیاوای دڵوو ئاواتان ئننەو دوورکەوتەی باوەشەو ئەدٚای ئننەو پووڵی پەی گێرفانەو گەدٚای ئننەو تۆ پاییز سەدٚ  ئننەی‌تەری ڕەنگ زەردٚ جە لامان بەینە و بوویەری زەردٚیت مەیاوۆ مل‌زەردٚی ئێمە گەرمەنی جە لاو  دڵسەردٚی ئێمە

سه‌یێد_ڕه‌حمان_مه‌حموودی

سه‌یێد_ڕه‌حمان_مه‌حموودی

هێمن

شاهو_مەعازی

هەر شەوێ مانگ لە ئاسۆ دێتە دەر من دێمە دەر قەت نەبوو چاوێ لە مانگ کەم, بیری ڕوخسارت نەکەم…

🌓✨

🪻✨