Lulu♡bac 2027✨🌸

هذه الجزئية 👇 كثيرا ما طرحها علي الطلبة و هذا الإعتقاد ناتج عن كلام عام للطلبة لكن هناك الحل العلمي الفعال لهذه المشكلة... لكل مشكلة حل و لا يجب أن نحرم أنفسنا مما ينفعنا بحجة أن وجدنا مشكلة.. بل نحاول إيجاد حل لكل مشكلة ✅ ("وراي شخصي تحفضو ضرك تنساو احسن وقت حفض هو تحفضو كي تكونو راح تجوزو امتحانات فصل اول ثما ابداو تحفضو ضرك اقراو على مواد علمية شويا لغات هذا مكان )" 🔴 هذا الكلام صحيح في حالة واحدة... اذا اهملت التكرار و المراجعة .... النسيان شخصيا و عن تجربة العديد حتى لو تحفظ في وسط لعام راح تحس بضغط. و تعب و احتمال كبير تنسى... تكلف روحك عناء المراجعة و الوقت مايكونش تاع مراجعة يكون تاع تتقدم و مراجعة تاع شيء حافظو من قبل ليس مراجعة شيء جديد ديلك جهد و وقت في عام تاع الباك لي دقيقة بحقها... 🔴 ما أنصح به هو تبداو من ذرك مصطلحات و شخصيات و تواريخ باش تليبيريو عليكم ضغط كبير خلال العام تتفرغو غير للدروس اما هاذو اكيد تقنية التكرار المتباعد تتيح لك انو تثبت المحفوظ، مثلا تحفظهم ذرك صدقني نبعد كي تخلص فصل اول برك تاع مصطلحات إلخ.. تولي تغيب عليهم سمانة كي تراجعهم تتفكر.. نبعد كي تغيب عليهم سمانتين تتفكر... هذا ما يسمى بتقنية التكرار المتباعدة و المراجعة تكون كتابية هكذا تخزنها في ذاكرة طويلة المدى.. و هاذي خص تبدا من ذرك و ليس خلال العام لأنك ستنشغل بالدروس و مراجعتها و المواد العلمية لن تطيق هذا راح يكون ضغط عليك صراحة.. سيرتو لاكنت ماتقدرش تتحمل الضغط بزاف..... هذو شويا نصائح بلاك كنت قاسية فيهم لكن هوما نتائج تجربتي شخصية مع بكالوريا سابقا ونتائج اشخاص نعرفهم بالتوفيق ليكم جميعا منقول من طرف طالبة بكالوريا سابقة... وفقكم الله و سدد خطاكم 🤲.

1/- في وسط سنة راح تلاقي بصنفين من ناس صنف اول يقولك راني نقرا وراني ندير ويكون يحكيلك على أمور دارهم نتا مزال موصلتلهمش هنا راح يديرلك قلق وستراس وتحسب بلي باك راح وناس قع وصلت ماعدا أنت هو في حقيقة مدار موالو متسمعلهمش انت مذامك بديت من بداية السنة اعرف مراكش متاخر ومشي معناها لي كمل برنامج في مارس ولا قبل هو راح يدي باك مليح انا نقدر نكمل برنامج في جانفي بصح سؤال هل اكملته بطريقة صحيحة !! 2/- صنف ثاني هوما ناس يقراو ومتقدمين في دراسة مشاء الله لكن ملي تتلاقاهم وهوما يقولك ملحقتش مقريتش موصلتس راني حاصل يعني معليش واحد يشكي خطرا في زمان لكن اذا تكررت ضاهرة أجبد عليهم لانهم مصدر طاقة سلبية هذي طاقة تغرسلك في عقلك بلي راك متقدم على ناس بزاف أيا نتا تبدا تبطء وتيرة بلا متحس وهي في حقيقة امر نتا راك عادي هوما لي راهم بعاد ولا يكذبو 3/- ماعندها حتى معنى تحل 100 تمرين الدراسة تكون بذكاء وليس يجهد حاول تحل 5 تمارين بافكار متنوعة خير من 100 تمرين حول نفس الفكرة 4/- العلوم و الفيزياء والرياضيات انصحكم وبشدة بسلالس عقبة بن نافع باك يطيح منهم حلوهم هوما ومتحلوش بكالوريا سابقة ( راني نقصر حلو بكالوريا سابقة بش تدربو) لكن سلاسل عقبة بن نافع مهمة 5/- ماعندها حتى معنى تنقص ساعات نوم وترهج جسمك بقهوة عل. الأقل هذي حاجة خلو حتى يبقا شهرين الباك والا شفتو روحكم موصلتوش ديروها لكن من بداية السنة روحو تقراو لليسي عادي اعشيا ريحو شويا واقراو 6- بروف دروس خصوصية اذا حضرت عندو 3 حصص وشفتو ميفهمش خلاص مضيعش وقتك عندو مشي تقعد عندو بيسك فلان يفهم عندو ولا بيسك فلان مجتهد ويقرا عندو ولا بيسك فلانة عام لي فات جابت 18 وقرات عندو انا نعرف اشخاص يديرو ليكور مع جماعة ويديرو particulier ويخبو وميهدروش مبعد إلا جابو نقطة مليحة تحسبلنا اعتمدو على مصدر واحد وهو هذاك الاستاذ الفلاني نهار الباك تكون وحدك قدام ورقة تسما عام كامل اتحمل مسؤولية واختبر نفسك وحدك استاذ منفهمش عندو منقراش عندو لبغا يكون وش يكون 7/- كي تروح دير ليكور مشي نتا تخلصهم بدراهم وتمارين متحلهمش تستنا حتى يجي يحلهملك هو ماعندها حتى معنى والله ولا هو يشرح ونتا يتلفون هو خالص دراهمو يخلاص باك يولي ميعرفكش شكون خاسر هو نتا 8/- وهذي هدرة نورمالمو منهدرهاش بصح دورات سطاد وقاعة حفلات اخطيكم منهم راكم كبااار نورمالمو هذو صوالح تعرفوهم وحدكم تعلمو تقيمو نفسكم انا تلميذ نتا استاذ نتا مشي مغني ولا لاعب بش تجيبني لصطاد وقاعة حفلات يا تحترمني وديرلي مكان يليق بمكانتي كتلميذ ويليق بدراهمي لي راني نخلصهم يا منجيش مركش ديرلي باطل بيسك مرحش تفهمو حنا قسم فيه 40 تلميذ والا كانو فوضويين استاذ يحصل بيهم حبيت تقنعني بلي صطاد ولا قاعة كبيرة كراسا خارجين من قاعة هذي حصة ويفهمو تلاميذ !!! نقعد في دارنا نقرا خير هكا على الأقل منكونش خسرت تعب ودراهم 9/- مشي معناها لي مديرش دروس خصوصية يجيب باك علامة عيانة ولي يدير يجيب مليح أكبر كذبة انا شخصيا نعرف وحدة جابت 18.53 علوم تحربية راهي تقرا طب ضرك مديرش دروس خصوصية ومكنتش تروح ليسي ونعرف وحدة جابت باك 17 تقرا مدرسة عليا متعددة تقنيات مكنتش دير دروس خصوصية وكانت تروح ليسي لانو هوما مشي من جانب مادي فقط هوما حتى تعب تع تروح وتجي خاصة إذا كانو بعاد على دار كاين اشخاص يعتبروها مضيعة وقت وهذا شئ قالو لي جا لول في 2024 ولي جات الاولى هذا العام وطنيا كلش راه في يوتوب وانترت حتى كتب وراهم كاينين 10/- ونجو اهم نقطة هو ليسي ليسي مشي قاعدة عامة علاش كاين ثناويات تحاسب على غيبات وكاين ثانويات متحاسبش كاين ثانويات فيها اساتذة مشاء الله كاين ثانويات اساتذها الله غالب هنا راكم كبار وتعرفو الا شفتو روحكم تستفادو روحو يكذب عليك مكاش كيما ليسي إلا شفت روحك متستفادش وعندك فرصة غياب متروحش المهم اقرأ في دار مشي تغييب ترقد وتلعب تغييب بش تقرا 11/- غروبات فايسبوك خاصة لي عناونها باك2027 بصح تصيب فيها كلش ماعدا قراية وباك اخطيكم منها رجاء تاكلكم وقتكم يالوكان غير تقرا مساجات هذا تضييع وقت 12/- ريلز تيك توك لي سيري...... اخطيكم شفتو حساباتكم قع اغلقوهم افتحو حسابات جدد ابونو غير مصادر قراية اعتبرو روحكم رحتو للعسكر ونحاولكم تليفونات .شهور وفايتة هذو قع ميهربوش 13/- لا داعي كي تحفض ولا تقرا تحكم مكبر صوت وتسمع قع الجزائر حفضت ولا قريت عليك بالسكوت و الستر على إنجازاتك... علاش؟ لانو مشي قع ناس معدنها طيب كاين ناس نتا تحكيلهم بحسن نية هو من داخل يحسدك وحسد راكم تعرفو نتيجة تعو 14/- كي هدرنا على حفض لا داعي تعطوه وقت كبيييير لانو مواد حفض صارت تعتمد على فهم 90%

تسجيل صوتي مهم بعنوان " كيفاش تقرا بكل طاقتك و تبدا بكري و ماتتعبش " فيه دحض للفكرة الشائعة القائلة بأن " تبدا بكري تتعب نبعد " بالأدلة و البراهين و التحليل العميق... 🔴 يجب سماع كل جزئية ماتفوتوش.. معذرة لأني ماسجلتش بالتليغرام لأنه فيه خلل تقني عندي...

رحمهم الله تعالى و اكرم مثواهم و غفر لهم من ذنوبهم يا رب 🤲 الحمد لله الذي عافانا مما إبتلاهم به و فضلنا على كثير ممن خلق تفضيلا أسأل الحفيظ الرحيم بأن يحفظ لنا أحبتنا و أهلينا و بارك في أعمارنا و حفظنا من الشرور و المصائب 🤲 و رحم موتانا و موتى المسلمين 🤲

🇩🇿 الجزائر تعلن الحداد الوطني لمدة 3 أيام بسبب الحرائق😔 أعلن رئيس الجمهورية عبد المجيد تبون حدادًا وطنيا لمدة ثلاثة أيام، ابتداءً من اليوم الخميس، إثر وفاة عدد من المواطنين في حرائق الجزائر التي اجتاحت عددا من الولايات وسط وشرق البلاد🖇 🇩🇿 خلال فترة الحداد: 🔻 تنكيس الأعلام الوطنية عبر كامل التراب الوطني ❌ إلغاء مظاهر الاحتفالات ❌ إلغاء المنافسات الرياضية الوطنية رحم الله ضحايا حرائق تيزي وزو، بجاية، جيجل وخنشلة، وحفظ الله كل المواطنين ورجال الحماية المدنية والمتدخلين في الميدان اللهم بردا وسلاما على أراضي بلادنا وأهلها 🤲🏻 دعواتكم🤍

🔴🔴🔴هاذو المبادئ خصك تكتبهم عندك و تحطهم فالجدار فوق مكتب دراستك، اساسية تمشي عليهم في عامك تاع الباك... 👇🏻👇🏻👇🏻 🔴المبادئ لي لازم تكون عندك قبل ما تدخل للعام تاع الباك :🪻🫧 1/- إخلاص النية انا نقرا ماشي غير علاجال نفسي... اطلب العلم لأنه عبادة اولا. ثانيا لوالدي إدخال الفرحة للوالدين لها اجر عظيم عند الله عز و جل.. ثالثا ادرس لأجل نفسي لي هدف اريد الوصول اليه، اريد النجاح، اريد التفوق... 2/-انا نقدر... بما أنك نجحت في شهادة البكالوريا و وصلت هنا فأنت أهل لذلك..و ربك وهبك آلة عجيبة في رأسك.. أي شيء دنيوي تقدر تتعلمو.. الفرق ماشي في الذكاء و الامور ذيك... الفرق واحد مهتم و مجتهد و واحد كسول و غير مهتم... 3/- و أن ليس للإنسان إلا ما سعى.. تقرا تدي ماتقراش ماتديش ملخر لا خيار آخر حتى لو ظلموك ولا ماديتش ربي سبحانو مش راح يضيع تعبك هباء منثورا 4/- الإجتهاد و المثابرة و الوفاء للهدف اساس النجاح...قال رسول الله صلى الله عليه و سلم: ( إثنان لا يتعلمان، الخجول و المتكبر )، اذا انت خجول اي تخجل من طلب العلم و يُلحق بذلك الكسول الذي لا يحاول و غير المهتم.. لن تتعلم و بكل سرور لن تنجح... اذا انت متكبر يعني تقول ", انا فاهم كلش شي " و تتردد في السؤال و غيره جامي تافونصي... خليك متواضع و شغوف 5/- ممنوع المقترحات نساوهم فالباك.. الوقت كافي لا تتحجج بالوقت 6/- التأجيل و التسويف الموت البطيئ لأهدافك مثلما الصلاة إذا أجلتها ذهبت كذلك طلب العلم 7/-الشيطان يصدك عما ينفعك، و سيصدك عن الدراسة فقاومه وإستعن بالله لتقدر عليه... حافظ على عبادتك و وردك اليومي. 8/- مكانش تعب و ارهاق نفسي طالما انني التزم بالصلاة في الوقت، النوم الكافي المنتظم، و الأكل الصحي المنتظم... لا صحة لمن يقول " تتعب نبعد" ذلك كلام طالب لم يعرف كيف يدرس فقط... 9/- تؤمن أن طريق النجاح ليس ممهد بالورد.. راح تتعب، راح طيح و تنوض، راح تلقا صعوبة الكبيرة فالإستمرار و الثبات... غير صاحب العزيمة و الوفاء لهدفه يقدر ينجح 10/- إدمان التيليفون عنوان فشلك في دينك و دنياك ليس فقط الدراسة 11/- السهر سم بطيئ للعقل، قال الله تعالى: ﴿ الله الذي جعل لكم الليل لتسكنوا فيه و النهار مبصرا ﴾، ربنا قال ان الليل للنوم، فهل انت قادر على مخالفة سنة الله في ارضه؟ لا لن تستطيع. 12/- الخطأ سبيل و وسيلة المعرفة و ليس عيبا او دليل على فشلك... الفاشل هو من يكرر الخطأ و لا يتعلم منه شيئا 13/-الإنجازات الكبيرة تبدا بخطوات صغيرة، حذاري من التحمس و دراسة بشكل مكثف... مثاله سباق العدو الطويل، لو بدأت بالجري السريع تصل متأخرا حتى لو تفوقت في البداية... كلش بشوي يجي. شخصيا هذا من الأخطاء لي درتها عام الباك ندير برامج مكثفة و غيره للأسف و هذا خطأ يجب مرعاة الطاقة و توفيرها... و الإنجاز الكبير نتيجة تراكم الأعمال الصغيرة. 14/- إعتزال الناس المحبطين من اصدقاء، اساتذة او حتى والدين ( ماتسمعش هدرتهم اذا كانو يحبطوك ).. الإمتياز تحققو بتوكلك على الله و سعيك و لن يضرك صوت المحبطين، لا احد يغني عنك او يحكم عليك.

🔴الكتاب تحتاجونه في المصطلحات والشخصيات والتواريخ حاليا

الكتاب مباشرة الطبعة السابعة ✅

بخصوص الرابط، سأعمل على توفير رابط متوفر إن شاء الله

إذا الرابط لم يعمل اعلموني بذلك في التعليقات حتى أرى الحل

مكتسبات قبلية في مادة العلوم الفيزيائية لي تحتاجها قبل ماتبدا الوحدة الأولى أكسدة و إرجاع

إضافات بسيطة... الفيزياء : ضف إلى ذلك الأستاذ عبد الله يقولون أنو يفهم.. و روح عند الاستاذ لي تلقا عندو راحتك يعني تفهم بطريقتو و ماتبقاش تبدل بزاف و تضيع الوقت فالتبدال... ( اذا مافهمتش الدرس عند استاذ تقدر تشوف شرح استاذ خلاف ممكن يعاون )... - البكالوريات الرسمية لا أنصح بيها مع الأول، مع الأول ركزو على التمكن من الدروس اللي تقراوها.. حلو التمارين من مصادر خارجية او بكالوريات تجريبية.. بداية من نهاية الفصل الثاني ابداو مع ليباك بشوي مع الأخير غير براتيكيو ليباك... الرياضيات... ضف إليهم الاستاذ الشهير " نور الدين ".. اذا مافهمتش عليه عادي تقدر تفهم عند الاستاذ عبد الباسط او مرنيز وليد ( الأراء جد إيجابية بخصوص هذا الأستاذ )، و راه فاتح دروس خصوصية عن بُعد لمن يريد يشوف طريقتو إلخ و يقرر اسكو يكمل معاه... اللغة الإنجليزية : الأستاذ ناصري بخصوص القواعد.. 🔴ملاحظة بما انو جبدنا على الاستاذ ناصري: الدورات لي يديرهم الهدف منها هو ربح 💰 وراء ظهور التلاميذ تحت المسمى الإغرائي " التعليم عند افضل استاذ "... تلك الدورة بصراحة يحضروها للترفيه اكثر من التعلم.. كلش كاين فاليوتيوب كلش كاين من مصادر عديدة افضل بكثير من دورته... و الدليل على قولي انه هدفه ليس تعليم الطالب هو إحضار 3000 او 5000 طالب في مكان واحد أنّى يستوعبون؟ هو لا يفكر في 5000 طالب هو يفكر في 💰 و فقط... و ربُّه اعلم به.. اما عموما فاليوتيوب يقدر يفهمك مليح فالقواعد.. اذا لم تفهم عنه او اردت فيديو اضافي عليها انظر للمصادر الأخرى.. اللغة العربية: كل المصادر لي قتلكم عليهم ضف إليه الأستاذ شريفي المشهور جربتو شخصيا لكن ليس ممتاز ممتاز يعني... هناك اساتذة قريت عندهم نفس شرحو مايتميزش عليهم بزاف... غير ذلك يقدر يفهمك في بعض الامور.. شوف تاع حيقون و زيد تاعو اذا مافهمتش مليح... اللغة الفرنسية للشعب العلمية تم حذفها تهنيتو... بالنسبة للطالب للأدبي و اللغات هاذو هوما المصادر نعم... الإجتماعيات : " مادة التاريخ " شخصيا إعتمدت على زوج - الاستاذ بورنان : اذا كنت حابب استاذ كالم.. أكاديمي، هادئ في هدرتو.. - الاستاذ امين: اذا حبيت استاذ حماسي بعيدا عن الهدوء و الحزم و يفهمك اكيد 👈🏻 دروس التاريخ قصار للشرح على الاكثر نص ساعة، أنصحك انو تقوي فهمك بمشاهدة اكبر قدر من الاساتذة لي يشرحو باش تفهم مليح مليح خصك تفهم الدرس ملييح باش تعرف تتعامل مع الأسئلة غير المباشرة بسهولة.. ماتدخلوش في تفاصيل الأدبي 🔴حذاري إلتزمو بعناوين الدرس فقط ماتروحوش للتسيير و الأدبي تضيعو جهد و وقت... 👈🏻 تفرج وثائقي الحرب الباردة " للمتعة وقت فراغك " ماشي على حساب قرايتك الأساسية 👈🏻العلوم الطبيعية.. الاستاذ و المفتشة التربوية خيرة فليتي تقدرو تعتامدو عليها استاذ فالقمة ما شاء الله تتفوق على كتفي في بعض الجوانب، المنهجية شوفوها عند كتفي شريف و عند خيرة فليتي... الدروس انا قريت عن كتفي و فهمت... الاستاذة خيرة فليتي شفت شرحها لأمور ماكنتش فاهمها و ما شاء الله فهمت أكثر 👈🏻 تقرا عند خيرة فليتي أو كتفي تفهم تفهم الدرس ماتخافش.. بل خيرة فليتي تقدر تفهمك في تفاصيل الاستاذة كتفي مافصلتش فيها بزاف... 👈🏻التربية الاسلامية: فهم الدروس : استاذ القسم تاعك ماتفرطش فيه، شخصيا انا قريت عند افضل الاساتذة.. كنت نحضر عند الاستاذ افضل استاذ قراني كنت نحب نحضر عندو أكثر... و كنت نقرا في قسمي عند الأستاذة استاذة ما شاء الله فالشرح.. و عموما اساتذة التربية الإسلامية تاع الليسي ما شاء الله عليهم.. اذا مافهمتش من عندهم شوفو المصادر لي قلنا هالكم... المواضيع: انا شخصيا ماحليتش بزاف مواضيع ديت 20 😅، و هذا يعود لطبع كل انسان و وزاعه الديني كيما انا الحمد لله وازعي الديني اقوى نعتبر الأمور هاذي امور أهم من المواد العلمية لهذا تركيزي فيها يكون اكبر و اكثر ابداعا في دروس الشريعة الإسلامية ( العلم الشرعي ).. لكن ربما انا نكون حالة شاذة لهذا ماتغفلوش على حل المواضيع و نحوه... 👈🏻 الأسئلة و أجوبتهم لي كاينين في أواخر كتاب الاستاذة بوسعادي حرزكم تغفلو عليها شخصيا كي عاودت لباك كاين سؤال مدو هولي قريتو قبل ماندخل نفوت من كتاب الاستاذة بوسعادي حاطاتو فالأخير.. العديد ربما ماعرفوهش... لهذا الفضل من الله ثم بفضل الاستاذة جزاها الله خيرا لي حطتهم من الأخير... نعم... 🔴 أي سؤال منكم يشرفني حطوه فالتعليقات 👇🏻

🔴ملاحظة مهمة جدا... مفتاح النجاح الوحيد في هذه الحياة الدنيا هي إرضاء ربها فإذا رضي عنك ربها نجحت فيها و في الآخرة.

مصادر الدروس والاساتذة والتمارين💗✨ ​الدروس: ​أستاذ الدروس الخصوصية ​الأستاذ عبد اللطيف ( يوتيوب ) ​الأستاذ زدون ( يوتيوب ) ​التمارين والمواضيع: ​سلاسل الدروس الخصوصية ​كتب الأستاذ شنايت ( الجزء الأول والثاني ) ​مواضيع عقبة بن نافع ​مواضيع الأستاذ عبد اللطيف ( المراجعة النهائية ) ​البكالوريات السابقة + البكالوريات التجريبية ​مواضيع موقع DZ EXAMS ​بعض التمارين والمواضيع الخارجية ​الرياضيات ​الدروس: ​أستاذ الدروس الخصوصية ​الأستاذ وليد مرنيز (أستاذ ماشاء الله ) ​الأستاذ عبد الباسط ( يوتيوب ) ​التمارين والمواضيع: ​سلاسل الدروس الخصوصية ​كتب الأستاذ نور الدين وفيديوهات اليوتيوب ​مواضيع عقبة بن نافع ​البكالوريات السابقة + البكالوريات التجريبية ​مواضيع موقع DZ EXAMS ​تمارين الاستاذ مرنيز في اليوتيوب ​اللغة الإنجليزية ​الدروس: ​الأستاذ جيّار ( اليوتيوب ) ​English yassmine ​المواضيع: ​البكالوريات السابقة ​البكالوريات التجريبية ​مواضيع عقبة بن نافع ​مواضيع موقع DZ EXAMS ​اللغة العربية ​المنهجية: الأستاذ حيقون أسامة ​الدروس: ​الاستاذ حيقون أسامة ( يوتيوب + ملخص الاستاذ ) ​الاستاذ بوبكر مبروك ( يوتيوب + الكتاب الخاص بالاستاذ ) ​المواضيع: ​كتاب المراجعة النهائية للاستاذ حيقون أسامة + فيديوهات اليوتيوب ​كتاب الـ 50 موضوع للاستاذ بوبكر مبروك ​مواضيع عقبة بن نافع ​البكالوريات السابقة + البكالوريات التجريبية ​مواضيع الاستاذة بغراجي شريهان في اليوتيوب ​اللغة الفرنسية ​الدروس: prof elnajahh ( يوتيوب ) ​المواضيع: ​مواضيع الأستاذة بوغدادة (يوتيوب) ​مواضيع الأستاذة نجلاء ( المراجعة النهائية في الزوم ) ​مواضيع عقبة بن نافع ​البكالوريات السابقة + البكالوريات التجريبية ​مواضيع موقع DZ EXAMS ​التاريخ والجغرافيا ​الدروس: ​أستاذة القسم ( بارك الله فيها ) ​بعض الوثائقيات عن الحرب الباردة والثورة ( تاريخ ) ​الحفظ: ​كتاب الأستاذ بورنان ​ملخصات الدكتورة نعيمة ​مصادر خارجية ( للإضافة فقط ) ​المواضيع: ​السلسلة البرتقالية للاستاذ بورنان ​البكالوريات السابقة ​مواضيع عقبة بن نافع ​مواضيع موقع DZ EXAMS ​علوم الطبيعة والحياة ​المنهجية: الأستاذة كتفي شريف زينة + المفتشة خيرة فليتي ​الدروس: ​الأستاذة كتفي شريف زينة ( يوتيوب ) ​الأستاذ شاوش ( زوم + يوتيوب ) ​التمارين والمواضيع: ​كتب الاستاذة كتفي شريف ​كتب الاستاذ شاوش ( عند التسجيل في الزوم ) ​تمارين المفتشة خيرة فليتي ( أنصح بها وبشدة ) ​مواضيع عقبة بن نافع ​البكالوريات السابقة + البكالوريات التجريبية ​التربية الإسلامية ​الدروس: ​فيديوهات الاستاذة بوسعادي ​فيديوهات الاستاذ شمس الدين ​الحفظ: كتاب الأستاذة بوسعادي ​المواضيع: ​البكالوريات السابقة ​البكالوريات التجريبية ​مواضيع الأستاذة بوسعادي ( السلسلة الخضراء ) ​مواضيع الأستاذة صالحي ​مواضيع عقبة بن نافع ​مواضيع موقع DZ EXAMS

ڨروب للمناقشة حول الباك يدخل فقط المهتم بالدراسة مانحتاجش الناس لي تخلي ل vu