Bac2027 with alaa

واش رأيكم نعطيكم من يوم غد حتى ليوم الاحد انكم تكملو الفيديوهات الثلاث تاع الاستاذ عبد الباسط دك نرسل لكم الفيديوهات زوج لي راهم باقين كملولي فقط الافكار لي راها فالفيديوهات الثلاثة متحوسوش على التمارين التمارين خلوها عليا انا نرسل لكم التمارين لي تحلوها لكن تكملو الفيديوهات و تحاولو ديرو ملخصات و واش فهمتو من هاذوك الفيديوهات منها فائدة لكم انكم ترسخو و تتذكروا منها انكم تبدوا تعودو نفسكم على صنع ملخصاتكم بنفسكم واش رأيكم ؟ نعطيكم هاذي المهلة ؟ و كيما قلت لكم خصصوها فقط للفهم من هاذي الفيديوهات متخموش فالتمارين

تمام راح نقسموه على يومين و هاذا رأيي ايضا بعدما ما فكرت في الامر لكن حاولو الساعتين لي راح تتفرجوهم اليوم تكونو ضابطين كل فكرة فيهم و كيما قلت لكم مراناش في سباق 🤌🏻

بخصوص الفيديو لي رسلته لكم … أنا افضل ان ما تدروسه يكون مضبوط لهاذا قولولي واش لي يساعدك هل غدا ننتقل للفيديو لي بعده و لا نقسمو هاذا تاع اليوم ليوم و غدا باذن الله ؟ متتقلقوش مراناش في سباق مع حتى واحد المهم انكم تكونو ضابطين كل حرف في الفيديو

بالنسبة لتنظيم الوقت في هاذي الفترة كل طالب يدير لي ساعده لان على ما اظن مراهش عندكم بزاف مهام لهاذا مطرقتش لهاذ الموضوع اليوم و لا مخصصتهش يعني كل واحد فيكم ينظم وقته بما يتناسب معه من اجواء في بيته لكن راح نطرقو لهاذ الامر كي نبدوا برنامج الباك بإذن الله 🤌🏻

كيما قلت لكم اليوم عندكم فقط هاذ الفيديو فيه أربع ساعات و هي مدة عادية تقدروا تكملو الفيديو اليوم لكن لي ميقدرش او لي يحس روحه خلاص مقدرش يستوعب يقسمه على يومين المهم انكم لي تقروه اما كاملا او نصفه هو تكونو ضابطينه انا معندي ما ندير بطالب كمل الفيديو كاملا و هو حاكم فقط خمس دقائق الاولى تمام ؟ حاولو تفهموا و تتحكموا في المعلومات لي فالفيديو قبل ما تحاولو انكم تكملوه 🤌🏻💞 و ربي يوفقكم ان شاء الله و نعاود نقولها متقروش كأنكم تتفرجو في مسلسل الورقة و القلم 🤌🏻🤌🏻🤌🏻

اولا نبدأ بالرياضيات ان شاء الله تحت طلب العديد منكم و بما انها اكثر مادة تحتاج إلى مراجعة المكتسبات أضع امامكم هاذ الفيديو لقد شاهدته مسرعاً و وجدت فيه افادة لكم لكن و اهم نقطة إذا مدرتوهاش لا داعي أصلا أنكم ضيعوا وقتكم و تتفرجوه لي هي الورقة و القلم يجب تدوين الشرح و ما فهمتوه من الفيديو نقطة بنقطة و كذلك الأمثلة التي وضعها الاستاذ في الفيديو انصحكم بالمحاولة فيها قبل رؤية الحل يعني بالمختصر تفرجو الفيديو لكن الأهم التدوين ديرو ورقة خاصة بتدوين الأفكار التي تطرق اليها الاستاذ في هاذ الفيديو و ورقة اخرى خاصة بالمحاولة في حل الأمثلة نقطة اخرى لي ميساعدهش الاستاذ عبد الباسط او ميفهمش عنده يقدر يفهم عند اي استاذ راهو حابه نقطة اخرى اعلم ان الفيديو طويل نوعا ما لكن أمامكم حلين اما أنكم تكملوه اليوم مع العلم تقدروا تدو راحة بين نص ساعة و الأخرى اما انكم تقسموه ليومين لكن أنا افضل انكم تكملوه اليوم لان أمامكم فقط هاد الفيديو لمهام اليوم حاولو استغلو كل نقطة فيه و الله ولي التوفيق

سلام الله عليكم بسم الله على بركة الله نبدأ رحلتنا نحو التميز في البكالوريا سأضع أمامكم مجموعة من المهام و كذا تمارين كمهام يومية كل يوم صباحا ( فقط في فترة المكتسبات عند الشروع في برنامج البكالوريا راح نشارك معكم كل ما أقوم به في يومي ) باذن الله تلقاو المهام اليومية او الفيديوهات لي لازم تتفرجوها او حتى التمارين لي لقيت فيها فائدة جاهزة نتوما عليكم فقط التطبيق سأضع لكم ما يجب ان تقومو به خلال هاذ اليوم باذن الله

بالنسبة للطلبة لي مراهمش واجدين بلش يبداو انتم احرار في اختياركم و انتم أدرى بمستواكم خاصة الطلبة الأحرار إذا تشوفو أنكم جاهزين و نفسيتكم جاهزة تقدروا تبداو إذا تشوفو انه مزال خصكم وقت للراحة ( و الأغلبية راح يكون جوابها نعم ) ف لابأس لا حرج لكن حاولو تستفيقوا في اقرب وقت و لما تكونو جاهزين راح تلقاو كلشي في الكانال او في التيليغرام حاولو تلحقو بنا و خلاص

لان منقدرش نكذب عليكم و نقولكم أنا ايضا راني نقرا في المكتسبات لان بكل صراحة راني هاضمتها ههههه لهاذا لن ادرسها في المنزل و لكن في المواقع راح يكون كل شيء كأني ادرسها لهاذا لا تقلقوا راح تلقاو الفيديوهات لي تتفرجوهم في اليوم و كذا التمارين يعني بالمختصر اي شيء فقط لا تتهاونو

بالنسبة للمكتسبات انا صراحة لن ادرسها لكن سأتماشى معكم كاني طالبة لأول مرة و نوريكم واش تقراو في المكتسبات كاني ادرس لأول مرة فهمتوني ؟ يعني انا في المنزل مراحش نقراها لكن راح ندير روحي كاني نقراها و نرسل لكم التمارين و الفيديوهات لي فيها الإفادة باش تقراو منها نتوما ( هاذا فقط في فترة المكتسبات) اما في فترة دروس البكالوريا راح نقرا تاع صح و من كل قلبي كيما هاذ العام و لي قبله و أقوم بمشاركة اي شيء يفيدني تمام ؟

جماعة انا سقسيتها إذا راح يغيروا في البرنامج فكان رد فعلها تاع لااااا مستحييييل يكون في هاذي المدة يعني يمكن بعد عامين او العام الجاي لكن هاذ العام قالت لي لا و الله اعلم تبقى خرجات الوزارة راكم تعرفوها كي دايرة لكن قالت لي الوحدات الأخيرة في جميع المواد يوصلو لهم 🫠🤌🏻

جيييت ببشارة خييير 🥹💞💞💞خالتي استاذة أدب عربي في الثانوي و كنت عندها الان قالت لي 99,99% مكانش تغيير في البرنامج تاع جميع المواد

الجزء الثاني + شوفو بخصوص العلوم هي اكثر مادة مفيهاش مكتسبات بزاف على عكس الرياضيات و الفيزياء لي فيهم القاعدة لي لازم تتبنى