Bac2027 with alaa

راني حطيتلكم الجزء الاول فقط اخترت اني نقسمها على ثلاثة اجزاء الجزء الثالث راح يكون فيه مسائل شاملة نتمنى منكم فقط انك متشوفوش الحل حتى تحاولو و لا مادرنا والو

هبلت و انا نحوس لكم على التمارين لي حليتهم تاع المكتسبات مع الخمسة ان شاء الله نحط لكم 🌚💞🤌🏻 ادعولي فقط ربي يعطيني واش في قلبي 🥹😅

الجواب هو : المغزى من استعمال الألوان هو أن كل لون يتحدث نوع خاص مثلا اللون الأصفر يتحدث عن الإنسحابات واللون البني يتحدث عن التناظرات واللون الرمادي يتحدث عن القيمة المطلقة

مثلا مثلاا في الجدول لي حطيته لكم البارح ولا واحد فيكم استفسر لماذا راه مقسم على ثلاثة ألوان ؟ علاه مداروهش لون واحد مثلا !!؟ لهادي الدرجة لازم الاهتمام بالدراسة يكون 🌚🤌🏻

صباح الخيير 💗🤌🏻 جيت نعطيك سر من اسرار ال 18 فالباك 🫣🫣🫣

كلما نرسل لكم رسالة نكون مقلقة فيها كلما نزيد نبغيكم اكثر و اكثر 😭😂 من كثرة لي تفهموني و ضحكني ردودكم 😭😭😭 اعععع سمحولي هههههه اكتشفت مؤخراً بلي عندي الحكم المسبق 😭🤌🏻💀

سلام الله عليكم شوفو علابالي الأغلبية فيكم راهم طلبة احرار نقدر نقول 70% منكم أصلا البارح كي درت لكم سونداج فالستوري 52 واحد فيكم قالي ايه كملت كامل الفيديوهات من بعد خمسة برك لي يرسلو لي ملخصاتهم يعني انا هنا مرانيش بصدد نحاسب اي واحد فيكم لكن المشكلة معلاباليش وين راها ؟ هل راها فيا ؟ ام راها فيكم ؟ حرفيا انا راني كل يوم ندخل نشوف و نسقسي إذا حطو التوزيع السنوي باش نقدر نشارك معكم مصدر التمارين و دايرة في بالي نولي نشارك معكم برنامج تاعي الأسبوعي و اليومي بالتفصيل بصح إذا بقيتوا هاك واش هي الفايدة ؟ انا محليتش الصفحة باش نطلعها و لا باش نشيع و إنما خليتها صدقة جارية على ابي و فقط و مدابيا كل واحد فيكم يدي كيفي و لا خير مني فردا فردا لكن إذا نبقوا هاك و عدم اللامبالاة واش هي الفايدة ؟ و مرة اخرى مرانيش نحاسب فيكم و إنما غاضتني لاني حرفيا راني نحاول بكل طاقتي لكن …! اتمنى من كل قلبي كل واحد فيكم يراجع نفسه لأنه عام و فايت جماعة و النتيجة نتوما تتحكموا فيها ليس للإنسان إلا ما سعى و ان سعيه سوف يرى ديروها في بالكم ملييح ملييح و كيما تحبو بقات عندكم انا مرانيش هنا باش نتحكم

الأغلبية تاعكم مكملوش اكثر من 70% لا علينا أنا راح نحط التمارين غدا باذن الله و لي مزال مكملوا او لي مزال مبدا معليش المهم قبل الدخول المكتسبات تكونو مكملينها و خلاص الأحرار لي محابينش يقراو المكتسبات معليش … بالنسبة لي كملو يرسلو لي ملخصاتهم و نشوف واش خصهم نقائص او معلومات رسلو لي فقط كلمة ملخص فالخاص باش نقبل و تقدرو ترسلو لي الصور

علابالي الاستاذ عبد الباسط مراهش داير المتتاليات لكن كاين البعض راح شاف المتتاليات من مصدر آخر لهاذا قلت لكم لا داعي فالفيديوهات الثلاث راها كافية المتتاليات نقراوها حتى الفصل الثاني و كنا لهاذا الوقت يرحمها ربي كاين لي ينسى أصلا لهاذا قلت لكم شوفو هاذوك الفيديوهات الثلاثة و خلاص

سلام الله عليكم 💞 كيف حالكم ؟ كم تمشي الأمور ؟ هل كملتو الفيديوهات لي عطيتها لكم ؟ ملاحظة اخرى لي بدا و مزال مكمل و مزال ما وصل للمتاليات و الدوال المثلية ( الدوال المثلية فقط لشعبة علوم تجريبية ) يعني مكان لاه تراجعوهم ركزولي برك مع الدوال ( هاذا بالنسبة لي مزال ما بدأ او لي مزال ما وصل ) لان راح تراجعوهم على كل مع الاساتذة تاعكم

ضرك راها نبهتني زميلتكم لشيء كنت ناسياته 😭 بالرغم اني حاولت نعود روحي بشتى الطرق و نفكر روحي بلي راهم يتابعوني كل الفئات تاع الطلبة لا علينا المهم بخصوص الطلبة لي راهم جايينهم المكتسبات او بالأحرى الفيديوهات لي رسلتهم لكم شوية فيهم صعوبة تقدروا تروحو تشوفو فيديوهات الاستاذ عبد الباسط لي راه داير فيهم الأساسيات مثلا النشر التبسيط و ما غير ذلك عاداك تعاودو تولو للفيديوهات لي رسلتهم لكم اما لي راهم لاقين روحهم عادي و مصعبش عليهم الأمر فلا داعي

راح نقول لكم حاجة يمكن اول مرة نقولها لكم شوفو انا راني ندير كل جهدي باش نعاملكم او نمد لكم كيما كنت نحب يعاملوني او يمدولي في عامي الاول لا من ناحية المعلومات و لا من ناحية النصائح يمكن البداية راها جايتني شوية صعبة لان اول مرة أقوم بهاذ الشيء لكن اتمنى انكم تساعفوني و حتى نتوما طبقوا واش ننصحكم به على الأقل تسمعوا واش نقول لكم🌸❤️‍🩹

حطيت لكم ملخص المكتسبات القبلية باش تعرفوا بالتقريب واش هي الافكار او المعلومات لي لازم تكونو عارفينها

و باش نتفاهمو مليح كي تكمل المدة لي عطيتها لكم و لي كانو دايرين بلي بداو معانا و راهم يقروا راح نحاسبكم واحد بواحد على الملخص تاع الثلاث فيديوهات ( معليش لمكملتوش المهم لي تقروه تكونو فاهمينه و دايرين عليه ملخص و ثاني معليش لمشي من الفيديوهات تاع الاستاذ عبد الباسط بالرغم انها فيها معلومات قيمة ) المهم نحاسبكم واحد بواحد على الملخصات وين تكونو واصلين و لي راه يقول في نفسه متقدرش تشوفهم كامل لا راني هانية في حياتي نشوفوهم كونكم هانين 💀🌚🙂 سما لي يقولي تفرجتهم و فهمت غي ميشقاش يعيي روحه سموكم لي تكونو تفرجتو الفيديوهات سموكم ترسلولي ملخصاتكم 🤌🏻

سلام الله عليكم إليكم الجزء الثاني و الثالث حاولو قدر المستطاع تكملوهم في المدة لي قلت لكم عليها لكن بشرط مشي تكملوهم باش تكملوهم و إنما و نتوما فاهمين كل نقطة و كل حرف من الفيديو و كما قلت لكم الورقة و القلم هاذا مشي مسلسل ….