Bac2027 with alaa

خصني ثلاثة عندهم إنستغرام و مزال محذفوه يرسلولي ندخلهم للڤروب الجديد إذا عجبهم نرسل لكم الرابط دخلو فيه كامل

صباح النور علابالكم راني حاسة هاذا الڤروب راه خالوطة بصح مرانيش حابة نفتح ڤروب وحداخر هاذاك تاع كل مادة في جهة و تاع المهام و ڤاع لان راني حاسة غادي نغبنكم😭 كي نقولكم خرجو من هاذا و دخلو لهاذا😭😭 كي نديييير؟

جماعة باش تكونو فالصورة راني نحاول قدر المستطاع باش الاحد القادم 20 سبتمبر نبداو فالبرنامج باذن الله عندكم غدا باش تكملو تمارين الفيزياء معليش إذا حبيتو من مصدر آخر و يوم الاحد نديروها خاصة بالعلوم راح نديرو فيها يوم فقط و يمكن يومين كأقصى تقدير لان مفيهاش تمارين تحل أصلا من بعدها نعطيكم المصطلحات تاع الانجليزية و الفرنسية تاع الوحدة الاولى حاولو تحفظو اكبر قدر ممكن و بعدها نحط لكم دروس البلاغة تاع الأدب راجعوها و هاذا مكان هاذا ما باقي فالمراجعة باش نبداو مباشرة سما لي مزال نبداو يديرو حسابهم 🤌🏻

جماعة لي دخلتو جدد طلعو شوية تلقاو المهام لي عطيتهم لهم بدينا فقط بالرياضيات و الفيزياء رانا فالتمارين

ثانيا كي نكملو العلوم باذن الله و المصطلحات تاع الفرنسية و الإنجليزية باذن الله راح نحط لكم البرنامج لي راح نتبعه هاذ العام و نعلمكم كيفاش كل واحد فيكم يبدله على حساب أوقات الفراغ تاعه … نقطة اخرى لي راهم يسقسوني على التمارين بما اني راني غير نأكد بلي التمارين هوما الصح شوفو سبق و قلتها لكم ملف تاع التمارين تاع جميع المواد انا العام لي فات شريته مشي عالي زعما و هاذ العام باذن الله راح نشريه ايضا سقسيت قالولي راهم يزيدو يطورو فيه اذااا عجبني و حسيته يستاهل تشروه راني ننصحكم بيه و نجي نقول لكم مين إذا معجبنيش مراحش نجبدلكم عليه لان مرانيش حابة ندي ذنوب و لا اي شيء حابة الحاجة لي راني نخدمها يكون أجرها كامل باذن الله صحا ؟

شوفو جماعة اول حاجة التمارين تاع الفيزياء عندكم منا حتى نهار الاحد نبداو فالعلوم باذن الله علابالي اليوم أغلبيتكم مقريتوش من التخمام ساو راح نزيدكم الجمعة و السبت تمام ؟

حاولت ندير لكم تسجيل على الفويسات لي قلتهم فالانستا 🤌🏻 سمعوهم ملييح

لي معلابالهمش وش يديروا ضرك عادي جدا جماعة نكملو واش بدينا بإذن الله و المهام لي كنت عاطيتهم لكم و لي راه نزيد نعطيهم لكم و كي نكملو نحط لكم المصطلحات تاع الفرنسية تحفظوهم و خلاص و نبداو فالبرنامج صاي حبسوا زعاف و طاقة سلبية

جماعة أنا آخر من يعلم ههههه لان هاذا وين لقيت وقت و فتحت الوزارة حطت البيان سما الخبر رسمي🙂🤌🏻+ قلتها لكم البارح و بقيتو تتهجموا علي و قلت لكم دام النهار أنا منحطش حاجة مشي متأكدة منها🙂🤌🏻

و غدوة بإذن الله نهدروا فالموضوع مطولا و نفهمكم واش نديرو ضرك روحو ارقدوا و غدوك يرحمها ربي

شوفو نهدروا الصراحة هي صح القرار ينرفز البنادم و تحس راك حاب تهبل عليهم و تحس روحك خصرك فوق طعام من التالي اليوم كاين منه غدوة صلي بطلنا بصح جماعة واش حابين ديروا خلاص… قدر الله ما شاء فعل و نعاود نقولها لكم لعله خير صلي علاه راكم تحرقوا في راسكم و تقنطوا في روحكم في باطل صاي نتأقلموا و بإذن الله يحلها ربي و كيما قراو لي قبلكم و داو 19/18 تقدوا تدوها عادي رانا عاداك فالبداية و الله غاضني الموضوع مشي باسكو بطلوا و إنما باسكو نفسيتكم تحطمت علابالي واحد فيكم ضرك ماراها جاياته على القراية على كل غدوة نهدر معاكم بإذن الله و كاش حاجة جديدة راها تبان 🥺 متزعفوش روحكم 😢💞

نعطيكم غدوة راحة ؟ مدام نفسيتكم كامل راها خطأ؟

لي راهم يسقسوا فيا كيفاه في مصلحتنا تخيلو لو بدلو المنهجية تاع كل المواد ؟ باغيين تكونو فئران تجارب ؟ علابالي مترنا كنتو تشوفوها نقص مواد و وقت اكبر لكن مكنتوش تشوفو ضغط المواد و واش كان راح يتبدل و لا ممكن حتى طريقة طرح الاسئلة كانت راح تتبدل خلاص نحمدوا ربي و خلاص و كاش حاجة جديدة و لا راح تنشرها الوزارة غدوة و لا لي بعده مالا صاي جماعة رقدوا غدوة راهم يستنوكم تمارين تاع الفيزياء🙂🩴🩴

جماعة خلاص بلعوا على الموضوع صحيح الوزارة محطت والى حد الآن لكن المرة لي فاتت ثاني الأساتذة هرما داولو كلش و حتى البيانات من بعد خرجت الوزارة و قالت واش كاين و ضرك نفس الشيء ڤاع الأساتذة نشروها و حتى الصفحات الكبرى و حنا مشي الدور تاعنا نقعدوا نحوين على الخبر صح و لالا راني عاطيتكم مهام ديروهم و سواء الخبر صح و لا كذب راه في مصلحتنا و الله و الله يجيب لي فيها الخير ان شاء الله

المهم ضرك هاذا الخرطي ميهمش بغيت نقولكم عادي سواء نحاوهم سواء لا عااادي جدا في كلنا الحالتين راكم مستفيدين سما متتقلقوش نورمال جماعة

لي راهم يقولولي الوزارة مزال محطت الخطوة لي فاتت ثاني الوزارة آخر من حط المنشور و الأستاذ بورمان هو الأول لي قال شاكتين سما حبسو ما تتبهلو عليا وحد الجماعة كي السوسة الله يحفظ و يستر راني كيفي كيفكم كيما عرفت قلت لكم

لعله خير جماعة و الله احسن ما تكونو فئران تجارب رب الخير لا يأتي إلا بالخير