على هامش الأيام🍁
前往频道在 Telegram
على هامش الأيام، حيث تمرّ بنا الأشياء دون أن ننتبه، نحفظ ما عجزت الأيام عن إبقائه.
显示更多未指定国家未指定类别
234
订阅者
-224 小时
-57 天
-4830 天
帖子存档
فـي كـلام بـيـتـقـال وقـت الـخـنـاق مـش بـيـتـنـسـى حـتـى لـو اتـقـال بـعـده مـلـيـون اسـف.
إحنا ساعات بنظلم الحياة من غير ما نحس. موقف واحد وحش، أو شخص خذلنا، يخلينا نحكم على كل حاجة حوالينا إنها وحشة. وننسى إن الحياة مش شخص، ومش موقف، ومش يوم عدى علينا.
في ناس بتفضل طول الوقت مستنية الحاجة اللي ناقصاها، ولما تيجي، تستنى اللي بعدها. فتلاقي عمرها كله عدى وهي مش حاسة بأي رضا، مع إن كان حواليها تفاصيل بسيطة كانت كفاية تخلي يومها حلو.
مش معنى إنك اتوجعت مرة، إن كل اللي جاي وجع. ولا معنى إن حد سابك، إن كل الناس هتمشي. التعميم بيخلينا نخسر ناس ملهاش ذنب، ونقفل أبواب كان ممكن تدخل منها راحة كبيرة.
اتعلم تبص للحياة بعين أهدى. متستناش اللحظة المثالية علشان تحس إنك عايش. افرح بأي حاجة حلوة تحصل، حتى لو كانت صغيرة. كلمة حلوه، ضحكة من القلب، قعدة مع حد بتحبه، أو حتى يوم عدى من غير ضغط... دي كلها حاجات تستحق الامتنان.
في النهاية... الحياة عمرها ما كانت كاملة، ومش هتبقى كاملة. لكن طول ما إحنا بنجري ورا اللي ناقص، هنفضل غافلين عن اللي موجود. ويمكن أكتر حاجة محتاجينها، هي إننا نتعلم نعيش اللي معانا، قبل ما يتحول هو كمان لذكرى.
