قهوة السميعة

لحن جميل أوي لفؤاد حلمي https://on.soundcloud.com/dBEP89viihuIbj2yOS

بحب اسمع ليلي مراد خصوصا الأغنية دي وانا مبسوطة ربنا يسعد الناس كلها يارب 🌷

حقيقي عايز أتعرف على التراث الغنائي الخليجي علاقتي بيه لا تتعدى طلال المداح وراشد الماجد لو حد عنده شيء يرشحه في هذا الباب أكون شاكر جدًا الحقيقة.

أنت اللي جميل يا عمي والله. شيخ الملحنين زكريا أحمد في وداعيته (الورد جميل) يغنيها قبيل وفاته بقليل لتكون آخر ما غنى يرثو بها نفسه والواقع الفني العربي لخسارته تلك القامة المبدعة،ألف رحمة ونور عليه.

ربنا يقرب لقى كل حبيب بحببيه. مشفتش صباح فخري متسلطن كده قبل كده عامةً.

يا تبقى في صف قلبي يا معاهم في العناد ! دومًا أغلب من يقترب مني بسبب مواقفي الرديكالية من الحياة وعدم قبولي في الغالب للحلول الوسط كان الكثير منهم يقف ليختار بيني وبين غيري،في الغالب بيحاول يمسك العصاية من النص فأذهب وأوضح له أن هذا لا يناسبني قف على النقيض مني ولا تقف في المنتصف هكذا أُعرف الصحبة والحب أن يكون همي همك فرحي فرحك لا أستطيع أن أعيِّن شعوري قبل أن أعرف ما بك فإن كنت في غم أنا في غم وإن كنت في فرح أنا كذاك وهكذا خصمان ما اعتنقا إلا ليجتلدا فلنحبب سويًا ولنبغض سويًا أما والله هو معمليش حاجة عشان أخاصمه يعملك ايه أكتر من إنه آذى حبيبك لو كان حبيبك بجد بقا ! وبالمناسبة أنا لا أقول بإنه يا معايا يا عليا في حتة في النص كده اسمها مش معايا عادي ((:

شاطر،هي أيوه

فاتن الحناوي؟

اللي هيعرف مين دي هيبقى شاطر وسميع قديم (بدون الاستعانة بجوجل لينس أعلم أهل الأرض)

تصافحنا فغنى ألف جدول !

عساسيل اوي الناس اللي بتوثق لحظاتها واجوائها الجميلة لمثل هذه المشاركات انشأت التعليقات في يوتيوب✨

من الحاجات اللي أنا لسه واخد بالي منها إن علاقتي بمسار إجباري وكايروكي اتدهورت بعد ما بطلت أشرب سجاير وكمان اكتشفت إنهم لسه محافظين على الحالة الشعورية ذاتها وأول ما بسمع حاجة ليهم ده بيبقى تريجر كافي يعكر عليا يومي بتأثير ما يسموه في علم النفس الكريڤينج أو الفكرة الملحة وحبيت أشارك معاكوا للتخفيف من وطأة الفكرة من ناحية وللإشارة إلى إن الفن مؤثر جدًا في الوجدان البشري ! الحقيقة إني معنديش مشاكل أخلاقية أو قيمية مع السجاير في الغالب لو كنت لقيت حل لفكرة ريحة الفم والطبقة الجيرية اللي بتتكون على الأسنان وقتها مكنتش بطلت وكمان كان هناك وازع آخر ذاتي جدًا وهو عدم حبي لتكتيفة السجاير وهيمنتها على كياني الإنساني يعني،صباحكوا عسل ((:

الحقيقة إني مبحبش الجينرا دي من الأغاني ومش بقدر أسمعها في الغالب ولكن الأغنية دي أمي الله يبارك في عمرها بتحبها وبتددنها علطول وأنا بقيت بعمل كده كمان وده شيء مرعب وأنا حقيقي زي المسيري كده كنت فاكر إن أثر والدي عليا أكبر بكتير من والدتي كبرت واكتشفت عكس كده،وأنا حقيقي بزعل كوني إنسان مش تعبيري فمش بقدر أوصلها مشاعري المحبة بس هي أكيد عارفة وهتسامحني على التقصير الشعوري ده،الخلاصة إني حبيت الأغنية دي عشان أمي بتحبها وهي تلحين عم هاني تقريبًا ودي نجاة وغناها كمان منير.

ولأجل إن الناس للأسف ما عادت تفرق بين الجد والهزل هذا التخيل مشهد مختلق لخدمة السردية والإفيه(لو ضحكت يعني)غير كده فلست أنا بهذا الفتى يعني أنا حمداني المذهب في هذا الباب وربنا يديمها نعمة أهفو ولا يخفى علي صواب.

كله من هذه النية الخبيثة وأحلام الفتى التسعيناتي المتشح جيتاره مقتنصًا به فتيات الجامعة من ذوات الندوب العاطفية والأحلام الرومانتيكية ((:

كنت اليوم على موعد مع أحد أصدقائي المزيكاتية للحديث عن علاقتي الشاعرية بالآلات الوترية وخاصةً العود،ورغبتي الملحة في تعلم هذه الآلة كنت متحمس جدًا لهذا اللقاء لإنه هيوصلني بعواد وهبدأ أتعلم وكده ولكن للأسف لبعض الظروف أجلت اللقاء،وطول ما أنا ماشي اليوم قاعد أغني جرحونا برمش عين لوسوف وبتخيلني بغنيها أمام بعض الحسناوات المليحات بس لم أوفق اليوم تتعوض بقا. https://on.soundcloud.com/CfKMCfpWSKRQFiLlNn