قهوة السميعة

هب لنا يا رب هب لنا. الثبات اللي في صوت الشيخ الهلباوي مجرم،وصعوده وهبوطه من القرار للجواب والعكس مبهر جدًا الحقيقة الله يرحم الشيخ. ما تيسر من سورة الفرقان | الشيخ الهلباوي في الذكرى السنوية لوفاة الشيخ الشعشاعي رحمه الله.

تحية بلاد الشام الطرب يسير على قدمين يتجول في شوارعهم،هكذا عرفنا الشام وأهلها أهل ذوق وفن ! ولهجتهم يا ولاد حلوة أوي حقيقي^^

ليا يومين الحقيقة طالع ميتين اللي خلفوني لإني مش عارف أدوزن العود،روحت لكذا عوَّاد صاحبي وطلعت المشكلة مش فيا الحمد لله،المفاتيح مش متعشقة كويس وكمان مترتبة غلط،المهم إني أجد سنة عدم تأتي الأشياء بيسر سنة مطردة في حياتي،وأنا مأزوم ومبسوط منها في نفس الوقت،لا أظن في حياتي امتلكت شيء بسهولة وسلاسة أبدًا،لا بد من مشقة وبذل وبعد ذاك يلين الله لي المسالك،وأظنه في غالب اللحظات يكون اختبار لصدق إرادتي لهذا الشيء أيًا كان،حتى على مستوى العلاقات من الصعب جدًا أن يتوغل أحد لحيزي الحميمي،وده بيولد في النهاية على ما أظن صدق شعوري تجاه الناس والأشياء،ولذا حقيقي أنا مسرف في الحب إسرافي في الكراهية،نرجع لمرجعونا الحقيقة إني اخترت العود بعناية شديدة وحرص أو هكذا أظن وأثنى عليه الكثير من أهل التخصص وده أسعدني جدًا،امبارح صديقي عزمني على كونسرتاية وأنا اديتله العود فلما روحت كان هناك أحد أساتذة المعهد،اللي أشاد باختياري خاصةً إنها أول تجربة شراء،فمع جودة العود واجتهادي في اختياره للأسف فيه مشاكل،بس لا بأس أبويا مش هيكسب الرهان برضه ((:

متراهن أنا وأبويا على إني هقعد أكتر من شهر بتعلم ومش هسيبه وهزهق.

هبدأ رحلة تعلم جديدة إن شاء الله تكون جادة،ليا ساعتين بحاول أظبط الدوزان ومش عارف ودي إشارة دالة على صعوبة الرحلة الحقيقة بس لا بأس،العود فعلًا من أصعب الآلات الوترية وغير الوترية وعلى ذاك كلها كام شهر وهتلاقوني قصبجي قد الدنيا ((:

حمد الله على السلامة يا ملك 🫶

تعرف مؤخرا على عفاف راضي، وأكثر شئ معلق معي أغنية فتن الذي فتن القلوب، اللحن والصوت عالم آخر. https://youtu.be/Q_vm7t2sfHA?si=CbUnBLMjAWxSOzr2

تعليق على الهامش: ألبوم أبناء البطة السوداء يكاد يكون أفضل وأصدق ألبوم كايروكي عملته هو وناس وناس مبهر جدًا الحقيقة.

أما كنت ف السجن، كان ممنوع عنا كل وسائل التواصل والأخبار إلا الجرايد القومية (أخبار-أهرام-جمهورية) لك أن تتخيل كم البؤس واليأس والانقطاع عن العالم اللي كنا فيه للدرجة اللي تخلينا يبقى أمتع حاجة بنعملها ف يومنا اننا نقرا الجرايد ديه، مفيش سوشيال ميديا ولا تلفزيون ولا أي خط تواصل. كنا بنستمتع جدًا بمحاولة استنباط الحياة بره بيحصل فيها ايه عن طريق اننا نشوف الاتجاهات اللي بيكتبوا فيها سواء أخبار أو مقالات ونستنتج ان الحقيقة هي العكس على طول. زي ما بيقولوا الزن ع الودان أمر م السحر، وبعد 3 سنين وأنا ف وادي النطرون من كتر التعرض المستمر للجرايد ديه كنا وصلنا لدرجة من اليأس وتيقننا ان مفيش أي حد فاكرنا ولا مهتم بينا والأخبار مالية الجرايد عن كل حاجة مش احنا: الحياة ماشية والناس مبسوطة وبتتفسح والعالم سعيد، واحنا اتنسينا. ف 2016 كانت أول مرة أعرف أهرب MP3 وكارت ميموري. الكارت كان عليه أغاني كايروكي الجديدة اللي مسمعتهاش من 2013 من يوم ما دخلت. كان كنز، وفجر جوايا كم مشاعر رهيبة. مش هنسى أول مرة سمعت فيها "آخر أغنية" وعيطت أول ما سمعت: "الرجالة بجد ف السجون ساكنة" والكوراس وهو بيقول "حرية!" وبقيت مش مستوعب ان الكلام ده دلوقتي؛ دول فاكرينا! فضلت أعيد وأزيد ف الحتة ديه بذات وأغمض عيني وأحسها على قد ما أقدر: أنا مش منسي. حد فاكرني. في ناس بتسمع الأغنية ديه كل يوم وبتسمع سطر عني. أنا لسه هنا. اتكرر ده بعد عزل رهيب كذا سنة ف طرة شديد الحراسة 2، لحد ما برضه عرفت أجيب MP3 ف اخر سنة ليا هناك ف 2019، وتاني بعد نفس البؤس والنسيان سمعت أغنية "أنا الصوت" ومبقتش مصدق نفسي وأنا ف 2019 وبسمع: "وعمري مرة ف الزنزانة، ف المريخ، مبحسبلوش" وأفضل أكرر وهو بيقول زنزانة زنزانة زنزانة؛ ده أنا! أنا ف الزنزانة! أنا ف الأغنية! ف 2019! مدين كتير لأمير عيد وكايروكي بالرسايل الصغيرة اللي مدرك مدى خطورتها عليهم مهما كانت تافهة، وعايزهم يعرفوا انها كانت بتعدي من السور، تفلت من تحت باب الزنزانة، وتوصل، وتطبطب، وتفرق. ولسه بتفرق ❤️ -عبد الرحمن الجندي

من الأشياء اللي نسيت أشير إليها وهي مهمة إن المنتج بورسعيدي خالص من الرقصة للكلمات للتلحين وده شيء جدًا مبهر يدل على عبقرية هذه القريحة الشعبية. https://youtu.be/pIPZOzdAGlI?si=NT-ZuGez1VPMjj6t

خُـد الجواب من عينيّا انتَ قاسيت من بعادي؟ تنسي ليالي سهادي وتنسي ليه ليه ليه؟ وفاكر ايه؟ - فاكر وجودُه بين ايديكِ

المهم إنه عبد الوهاب أبدع إبداع منقطع النظير الحقيقة واستخدامه للجيتار على عكس رغبة أم كلثوم في إن القصبجي يلحن بالعود مبهر الحقيقة ألف رحمة ونور عليه.

مبحبش اسمعها عشان مش بعرف أقفلها غير لما تخلص والإنسان عنده كام ساعتين وتلت في عمره يعني

رائعة أم كلثوم ولحن عبد الوهاب وكلمات أحمد شفيق بفرمان من عبد الناصر وحاجة عجيبة والله الكونترباص والقانون واللحن العنيف في أول الحفلة يا عُبَد،وده بالمناسبة تسجيل للحفلة الغنائية الأولى لأنت عمري أكثر أغاني أم كلثوم سماعًا وانتشارًا،وهي نتاج الصراع الخفي اللي بينها وبين عبد الوهاب هم يتخانقوا وأحنا نتسلطن. https://youtu.be/MVCBIMjrwpc?si=K2NhSp6auYCSymYB

بمناسبة مقام النكريز فأنا مكنتش أعرف تشريحه الموسيقي بس جوجل أنقذنا 😃

مبدعة وطيبة الحقيقة ((: https://on.soundcloud.com/FGsRxUFEdxaJ6H3juM