👑بيتُكٍ مملكتُك مع أم البنين 👑

السلام عليكم #تجربتي_مع... جال لتنظيف المراحيض من ماركة دوريلفلور بعطر الليمون🍋، سعته 750ملل وسعره: نسيتو ^^ نظن في حدود عشرينالف قارورته بزاف عملية هايلة تساعدك روعة انا نغسل بيه مام لافابو ✅ خفيف تاع تنظيف يومي وحتى ريحتو خفييييفة ماشي قوية بصح ينقي ويعطر ( ماهوش تاع تنظيفات عميقة وأمور مترسبة جدا ) هذا للنظافة اليومية تاع الحمامات باش تحافظو عليهم يشعلو و معطرين 🚿✔️ كاين كذلك خزامى 🪻كاين صنوبر🪴...وانواع اخرى #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

#أسعد_الله_صباحكِ🌸 وبعد؛ في طريقكِ إلى غاياتكِ هذا الصباح، جددي نيتك، واحتسبي خطوتك، ابدئي يومكِ بصفحات من القرآن وتوكلي على الله~🍃

السلام عليكم وشراكم لبنات 🌸 #تجربتي_مع... جيتكم بوحد المنظف تاع الثلاجات قمممممة الله يبارك، نتيجته خرافية الله يبارك ، من ماركة le tigre blanc ينظف قممممة تفشفشي فالثلاجة برا ولداخل و تخليه دقائق و تمسحي بميكروفيبر وش نقولكم اي ترسب ينقييييه ويرجعو يشعل الله يبارك ✅✅✅ كاين بريحة النعناع 🍃وكاين بريحة الليمون 🍋، لي جربتو انا نعناع خفييييف ويهبل 🌸 وادعولي بالخير🌹 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

📌 راكي حايرة منين تبداي تنظيم بيتك كلش فوضى 📌راكي حابة ديري برامج معينة تحددين بها مهامك وتنظفين بها بيتك 📌راكي حابة تتعلمي مهارات منزلية وتولي تخدمي بذكاء وتحافظي على وقتك وتستغليه فيما ينفع 📌راكي حابة تتعلمي تديري لكل حاجة مكانها 📌راكي حابة قواعد مضبوطة تخرجلك برنامج أكل اسبوعي وقائمة مشتريات شهرية مضبوطة. 🌸كل هذه الأمور في دورة #الملكة_النشيطة لترتيب البيوت، راح تلقاي فهاد الدورة القواعد والأساسيات تاع بيت مرتب ونظيف لي لازم كل امرأة تكون على علم بيهم ✅ تبدا دورتنا  يوم 12 جويلية ان شاء الله، التسجيلات مفتوحة والعدد محدود ✅ 📂📍الوقت والسعر والمحاور والشروط وجميع التفاصيل تواصلن معي في الخاص نرسلهالكم ان شاء الله🌸                      الخاص: @oum_elbanin

السلام عليكم 🌸 dorilflor متعدد اسطح على شكل رغوة لاموس ^^ نمسح بيه الزجاج و الخشب هايل ✅ الزجاج يللللمع يخرج 🌸 الخشب يبرق عجبتني نتيجته ✅ ويمسح اسطح اخرى كما هو موضح في الصورة 🔴سعته وسعره ⬇️ 300ملل 210دج #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

السلام عليكم 🌸 #تجربتي_مع... منشفة الزجاج والأثاث من ماركة ميدينات 🔵الزرقاء ( للزجاج...الاينوكس...الخ)✅ 🔘الرمادية للأثاث ✅ الزرقاء :170دج الرمادية 190دج هايلين✅🌸 #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/

🌸 السلام عليكم وشراكم لبنات 🌸 عساكن بخير 🌸 كنت سقسيتكم من قبل في صفحتي على الفايسبوك على الاخطاء لي نديروها اثناء البناء وهذا المنشور كان فيه بزاف تعليقات مفيدة اللهم بارك لي تحب تقرا تستفاد تفضلن الرابط: https://www.facebook.com/share/p/18tF3X1Zpp/ اوالان راح نحكيلكم على الأخطاء لي نشوفهم انا يديروها النساء في إختيار بيوتهن من وجهة نظري طبعا🌹 وزيدو نتوما شاركوني في التعليقات بالامور لي تشوفوها غلط في البنيان او اختيار البيت ⤵️ نحن كنساء معروفين أنو نشوفو لأمور الزينة قبل الجودة كي يكون امر جميل خلاص مانحوسوش نفهمو إذا ذو جودة او لا وإذا عملي او لا وهذا اكبر خطأ ومن بعد تجي الندامة ونحصلو ونتعبو في التنظيف والتنظيم 1⃣أولا اختيار الأرضيات والصبايغ لازم نخيرو ارضيات يكونو عمليين سواء في اللون او الملمس كي تسيقي ماتهبلكش بشهوبية والآثار و و و هذا يكون بالتجربة وسؤال الناس لي مجربة واهل الاختصاص ، سقسي مليح قبل ماتشري، نفس شي بالنسبة للصبيغة نخيرو صبيغة لي تمتم يروح منها القلم مثلا او اثار اليدين ...كذلك نخيرو صبيغة لي اذا قاسها لماء ماتتقشرش وتتنفخ ...نخيرو صبغة ضد الرطوبة ..الخ 2⃣انا ضد الصبغة في المطبخ نحبو من لفوق للتحت فايونص ويكون فايونص رطب سهل التنظيف ويخرج يلمع بسهولة مانحبش صبيغة لي نحصل كيفاش نحيلها الترسبات او الفايونص لحرش matte حصلة في التنظيف ونخاف يخسر من ليبرودوي ويغيضك من بعد 3⃣ انا ضد أني نكثر الأواني والامور الخشبية والبامبو خاصة في الأماكن الرطبة لانو لازملهم حذر كبيييير من الماء وينشفو مليح مليح وإلا يتنفخو ويصرالهم تلف وكما هو معلوم نحن الجزائريات نحبو ترغوين و المنظفات فنجتنب قدر المستطاع الامور الخشبية في المطبخ والحمامات خاصة،إلا اذا كان خشب مقاوم للماء والرطوبة صح هنا يجي حطة✔️ 4⃣ أنا ضد لي يغلفو لحيوط بالورق تاع الحائط لأنو إذا تشمخ يولي بشع يدير فقاعات وإذا حبيتي تعاودي صبغة وتنحيه عذااااب 5⃣ أنا ضد لي تكون عندهم مساحات ومايديروش بلاكارات نحب بلاكارات ومساحات تخزين فكل دورة ينحو عليك غبينة كبيرة. 6⃣أنا ضد المرحاض والحمام مع بعض أكيد ❌ 7⃣أنا ضد الصالة مفتوحة على الكوزينة سلبياتها اكثرمن ايجابياتها اذا جاك ضيف حصلة...واذا طيبتي حاجة روايح وترسبات كلها فالصالة ، اذا نويتي تسيقي صالون لااازم تسيقي المطبخ...الخ 8⃣ضد أنو المطبخ يكون بلا باب 9⃣ضد التعلاق و les etageres murales نحب كللللش مخفي ومايبانش ومانحب حتى حاجة تبان رغم انو راااهي بزاف توندونس تاع يحطو بلارات على برا وليزيتاجاغ ...الخ لكن انا نشوفو اكبر غلطة لانو لمرا راح تتعب بزاف في التنظيف 0⃣1⃣ انا ضد لي يليكيديو تحت الحوض او تحت بينوار ، لعكس لي راح تبني ننصحك انو هاداك اكثر مكان لازم يكون متقون مليح الانابيب ملاح وتكون جودتهم عالية ...ماكانش ثقابي ... مفيني مليح لانو راح تحطي ماعنك كامل تما قضيانك ...الخ اذا كان ثقوب او قطرات راح تباصي مع الحشرات والروائح الكريهة وتكرهي ڨاع مطبخك 1⃣1⃣ إذا كنت ميسورة الحال أشري الالات والاجهزة الكهرومنزلية ذات جودة عااااالية جدا وماتستخسريش راحة بال المراة ونفسيتها لمليحة بعد سلامة منهجها ودينها تكون في هدوء ونظافة وتنظيم بيتها هكدا باش تضاين معاك لانو انا نأمن بزاااف بمثلنا الشعبي ( لي تبع رخسو يرمي نصو ) ✔️ 2⃣1⃣ كل ماهو خشبي ديريه مقاوم للماء وكل ماهو حديدي ديريه إينوكس أصلي 3⃣1⃣خصصي غرفة غسيل صغيرة buanderie حطي فيها كل ماهو باسينات ماشينة لافي ساش لانج مواد تنظيف ادوات تنظيف 4⃣1⃣ننتبهو مليح للثقوب لي موجودة في جميع أنحاء البيت ونغلقوها باش نجتنبو الحشرات والقوارض 5⃣1⃣لمجيريات تاع الدوش او مطبخ او حمام او بالكون غلاقهم مادابيك يكونو ثقابي ديالو بزاف صغار ورقاق باش ميدخل والو ماديروش لغلاقات لخشان 6⃣1⃣ اثناء التأثيث نقصو قدر المستطاع و أشرو الضروري تاع الضروري فقط ماتكثروش ليكادر والديكورات الرقيقة الصغيرة من بعد تحصلو في تنظيفها وتنظيمها وتمتم تروح موضتها tout ce qui est simple est beau 🔴هذا مااستحضرته حاليا و الله اعلم ✅ و حبيت نقولكم أنو علابالي ماشي ڨاع الناس تقدر دير هاد شي لكن كاين ناس تانيك تقدر و حبت تدير وماتعرفش فنعاونوها ونبهوها باش ماتغلطش، ومليح نتعلمو أمور ماتعرفو وقتاش ربي سبحانو يرزق 🌹 أسأل الله ان يصلحنا وأن يرزقنا وإياكن بالبيت الواسع والمركب الهنيئ والجار الطيب دمتن في رعاية الله وحفظه كانت معكن اختكن في الله أم البنين صاحبة صفحة #بيتُكِ_مملكَتُكِ_مع_أم_البنين 🌹 #ممنوع_تعليقات_الرجال ❌ #بيتُكِ_مملكَتُكِ_مع_أم_البنين التلغرام: https://t.me/Baytouki16 الفايسبوك: https://www.facebook.com/share/1Ub6ii4iUM/