PPIB.Official

တိုးတက်ဖွံ့ဖြိုး ရွှေဝယ်မြေအကျိုး ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် တနင်္သာရီတိုင်းဒေသကြီး၊ ထားဝယ်မြို့သို့သွားရောက်ခဲ့ပြီး ဒေသဖွံ့ဖြိုးတိုးတက်ရေးနှင့် မြို့ပြဖွံ့ဖြိုးရေးအတွက် ကြိုးပမ်းဆောင်ရွက်ခဲ့သည့် မှတ်တမ်း။ PPIB Links Youtube | Tiktok | Telegram | Website |  X(Twitter)

"ဒါနဉ္စ ဓမ္မစရိယာ စ၊ ဉာတကာနဉ္စ သင်္ဂဟော။အနဝဇ္ဇာနိ ကမ္မာနိ၊ ဧတံမင်္ဂလမုတ္တမံ။" ၁။လှူဒါန်းပေးကမ်းခြင်း၊ ၂။တရားကျင့်ခြင်း၊ ၃။ဆွေမျိုးများအား ကြည့်ရှုစောင့်ရှောက်ခြင်း။ ၄။အပြစ်ကင်းသော ကောင်းမှုကုသိုလ်ပြုနေခြင်း။ ဤလေးပါးသည် မင်္ဂလာတရားမည်ပါသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ဦးမင်းအောင်လှိုင်၊ နိုင်ငံတော်ကာကွယ်ရေးနှင့် လုံခြုံရေးတာဝန်များထမ်းဆောင်စဉ် ထိခိုက်ဒဏ်ရာများရရှိခဲ့သော တပ်မတော်သား များ၊ မြန်မာနိုင်ငံရဲတပ်ဖွဲ့ဝင်များအား တစ်ဦးချင်းလိုက်လံကြည့်ရှု အားပေးစကားပြောကြား နိုင်ငံတော်သမ္မတသည် ယနေ့နံနက်ပိုင်းတွင်ခရီးစဉ်တွင် လိုက်ပါလာသည့်အဖွဲ့ဝင်များနှင့်အတူထားဝယ်မြို့ရှိနယ်မြေခံတပ်မတော်ဆေးရုံသို့သွားရောက်၍ ဆေးရုံတက်ရောက်ကုသမှုခံယူလျက်ရှိသည့် နိုင်ငံတော်ကာကွယ်ရေးနှင့် လုံခြုံရေးတာဝန်များထမ်းဆောင်စဉ် ထိခိုက်ဒဏ်ရာများရရှိခဲ့သော တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များအား တစ်ဦးချင်းလိုက်လံကြည့်ရှုအားပေးစကားပြောကြားပြီး ရင်းရင်းနှီးနှီးနှုတ်ဆက်ကာ ချီးမြှင့်ငွေများနှင့် စားသောက်ဖွယ်ရာပစ္စည်းများ ပေးအပ်သည်။ ထို့နောက် နိုင်ငံတော်သမ္မတသည် ဆေးရုံအတွက်လိုအပ်ချက်များကို မေးမြန်း ဖြည့်ဆည်းပေးခဲ့ပြီး ဆေးရုံဝန်ထမ်းများအတွက် ချီးမြှင့်ငွေများပေးအပ်ခဲ့သည်။ PPIB Links Youtube | Tiktok | Telegram | Website |  X(Twitter)

နိုင်ငံတော်အစိုးရအနေဖြင့် တိုင်းပြည်တည်ငြိမ်အေးချမ်းမှုရရှိရေးနှင့် နိုင်ငံတော်ဖွံ့ဖြိုး တိုးတက်မှုရရှိရေးဟူသည့် ဦးစားပေးရည်မှန်းချက်နှစ်ရပ်ကို ချမှတ်အကောင်အထည်ဖော်လျက်ရှိကြောင်း နိုင်ငံတော်သမ္မတ ပြောကြား ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် သည် ယနေ့နံနက်ပိုင်းတွင် တနင်္သာရီတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့်တာဝန်ရှိသူများ၊ မြို့မိမြို့ဖများ၊ အသေးစား၊ အငယ်စားနှင့် အလတ်စား စီးပွားရေးလုပ်ငန်းရှင်များအား ထားဝယ်မြို့ရှိ ပုလဲဧကရီခန်းမ၌တွေ့ဆုံ၍ ဒေသဖွံ့ဖြိုး တိုးတက်ရေးဆိုင်ရာများ ဆွေးနွေးပြောကြားသည်။ ထိုသို့တွေ့ဆုံရာတွင် နိုင်ငံတော်သမ္မတ က နိုင်ငံတော်အစိုးရအနေဖြင့် တိုင်းပြည်တည်ငြိမ်အေးချမ်းမှုရရှိရေးနှင့် နိုင်ငံတော်ဖွံ့ဖြိုး တိုးတက်မှုရရှိရေးဟူသည့် ဦးစားပေးရည်မှန်းချက်နှစ်ရပ်ကို ချမှတ် အကောင်အထည်ဖော်လျက်ရှိကြောင်းထည့်သွင်းပြောကြားခဲ့ခြင်းဖြစ်သည်။ PPIB Links Youtube | Tiktok | Telegram | Website |  X(Twitter)

စေတနာအရှေ့ထား အဖြူရောင်သစ်လွင်များ ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ၊ ကျန်းမာရေးဝန်ကြီးဌာန ဆရာဝန်(သစ်လွင်)များနှင့် သွားနှင့်ခံတွင်းဆရာဝန်(သစ်လွင်)များအား နိုင်ငံ့ဝန်ထမ်းပြန်တမ်းဝင်အရာရှိအဖြစ် တာဝန်ပေးအပ်ခြင်း ခန့်အပ်လွှာပေးအပ်ပွဲအခမ်းအနား PPIB Links Youtube | Tiktok | Telegram | Website |  X(Twitter)

"ဖုဋ္ဌဿ လောကဓမ္မေဟိ၊ စိတ္တံ ယဿ န ကမ္မတိ။အသောကံ  ဝိရဇံ  ခေမံ၊  ဧတံ  မင်္ဂလမုတ္တမံ။ " ၁။လောကဓံရှစ်ပါးနှင့် တွေ့ကြုံရသော်လည်း  စိတ်မတုန်မလှုပ်ခြင်း၊ ၂။လောကဓံကြောင့်   စိုးရိမ်ကြောင့်ကြမှုမရှိခြင်း၊ ၃။ကိလေသာ  မြူခိုးမြူတိမ်ကင်းခြင်း၊ ၄။ကြောက်ရွံစရာ  ဘေးရန်မရှိခြင်း၊ ဤလေးပါးသည် မင်္ဂလာတရားမည်ပါသည်။ PPIB Links Youtube | Tiktok | Telegram | Website |  X(Twitter)

သက်တော်ရှည်ဆရာတော်ကြီးအား ကျန်းမာရေးစောင့်ရှောက်မှုပေးထားသည့် အခြေအနေများအား သွားရောက်ကြည့်ရှု ထို့နောက် နိုင်ငံတော်သမ္မတသည် ထားဝယ်မြို့၊ ပြည်သူ့ဆေးရုံကြီးတွင် တက် ရောက် ဆေးကုသမှုခံယူလျက်ရှိသည့် သက်တော် (၁၀၄)နှစ်၊ ဝါတော် (၈၄) ဝါတော်ရှိ သက်တော်ရှည်ဆရာတော်ကြီးဖြစ်သော  ထားဝယ်မြို့၊ ဇေယျဝတီစာသင်တိုက် ပဓန နာယက ဂဏဝိမုတ်ကူးတို့ဂိုဏ်းချုပ်ဆရာတော် အဘိဓဇအဂ္ဂမဟာသဒ္ဓမ္မ ဇောတိက၊ အဂ္ဂမဟာကမ္မဋ္ဌာနာစရိယ ဘဒ္ဒန္တ အရိန္ဒမ အား ကျန်းမာရေးစောင့်ရှောက်မှု ပေးထား မှုအခြေအနေများကို သွားရောက်ကြည့်ရှုသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတနှင့်အဖွဲ့ဝင်များ လောကမာရဇိန်ရုပ်ပွားတော်မြတ်ကြီးနှင့် ရွှေတောင်စားစေတီတော်မြတ်ကြီးသွားရောက်ဖူးမြော်ကြည်ညို နိုင်ငံတော်သမ္မတနှင့်အဖွဲ့ဝင်များသည် ထားဝယ်မြို့ ကျက်သရေဆောင် လောကမာရဇိန်ရုပ်ပွားတော်မြတ်ကြီးနှင့် ရွှေတောင်စားစေတီတော်မြတ် ကြီးသို့ သွားရောက်ဖူးမြော်ကြည်ညိုရာ ဂေါပကအဖွဲ့ဝင်များက ကြိုဆိုနှုတ်ဆက်ကြသည်။ ထို့နောက် နိုင်ငံတော်သမ္မတသည် လောကမာရဇိန် ရုပ်ပွားတော်မြတ်ကြီး ဧည့်သည်တော်မှတ်တမ်းစာအုပ်တွင် လက်မှတ် ရေးထိုးပူဇော်ပြီး ဘက်စုံအလှူ ငွေများပေးအပ်ရာ ဂေါပကအဖွဲ့မှ တာဝန်ရှိသူများက လက်ခံရယူကြပြီး ဂုဏ်ပြုမှတ်တမ်းလွှာနှင့် ဓမ္မလက်ဆောင် ပြန်လည်ပေးအပ်ကြသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ထားဝယ်မြို့၊ရေကူးကန်၊ ဒိုင်ဗင်ကန်နှင့် ပွဲကြည့်စင်ပါ မိုးလုံလေလုံအဆောက်အဦ(Indoor Stadium)တည်ဆောက်မည့်နေရာအား ကြည့်ရှုစစ်ဆေး ရေကူးကန်၊ ဒိုင်ဗင်ကန်နှင့် ပွဲကြည့်စင်ပါ မိုးလုံလေလုံအဆောက်အဦ တည်ဆောက်ရာတွင် ရေရှည်အတွက် စနစ်တကျတွက်ချက်၍ တည်ဆောက်သွားရန်နှင့် သတ်မှတ်ကာလအတွင်း ပြီးစီးဆောင် ဆောက်လုပ်သွားရန် နိုင်ငံတော်သမ္မတက မှာကြားသည်။ နောင်အနာဂတ်ကာလတွင် ဖြစ်ပေါ်လာ နိုင်သည့် မော်တော်ယာဉ်နှင့် မော်တော်ကားများ ပိုမိုများပြားလာနိုင်မှုအပေါ် မူတည်တွက်ချက်၍ လမ်းများကိုစနစ်တကျ တိုးချဲ့ဖောက်လုပ်သွားရန်လိုကြောင်းနှင့်လူနေရပ်ကွက်များအတွင်း ရေကြီးရေလျှံမှုများ မဖြစ်ပေါ်စေရေးအတွက် ရေစီးရေလာများကောင်းမွန်နေစေရေး ရေနုတ်မြောင်းများ စနစ်တကျဖောက်လုပ်ထားရှိရန်နှင့် ရေမြောင်းများအတွင်း အမှိုက်များ ပိတ်ဆို့မှု မရှိစေရေး အမြဲမပြတ်ဖယ်ရှား ရှင်းလင်းသွားရန်ပြောကြားသည်။ လမ်းမီးများစနစ်တကျတပ်ဆင်ထားရှိရန်နှင့် ရာသီဥတုဒဏ်ကိုခံနိုင်သည့် အရိပ်ရလေကာပင်များ စိုက်ပျိုးသွားရန်လိုကြောင်း ထည့်သွင်းမှာကြားသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ဦးမင်းအောင်လှိုင် ထားဝယ်မြို့ရှိ တနင်္သာရီတိုင်းဒေသကြီးယဉ်ကျေးမှုပြတိုက် အတွင်း ပြခန်းတစ်ခုချင်းစီအလိုက် ကြည့်ရှုစစ်ဆေး နိုင်ငံတော်သမ္မတက ရှေးဟောင်းပစ္စည်းများနှင့် သမိုင်းဝင်မှတ်တမ်းများ၊ အထောက်အထားများသည် ငွေကြေးနှင့် တန်ဖိုးမဖြတ်နိုင်သော အဖိုးတန်အမွေအနှစ် များဖြစ်သည့်အတွက် ရေရှည်တည်တံ့စေရန်နှင့်ပျက်စီးယိုယွင်းမှုမရှိစေရန် အထူး ဂရုပြုစောင့်ရှောက်ထိန်းသိမ်းသွားရန်မှာကြားသည်။ မိမိတို့နိုင်ငံနှင့်လူမျိုး၊ မိမိတို့ဒေသ၏ သမိုင်းကြောင်းအစဉ်အလာ၊ အမျိုးသား ရေးလက္ခဏာ (National Identity)၊ အမျိုးဂုဏ်၊ ဇာတိဂုဏ်နှင့် ဘာသာသာသနာ၊ ယဉ်ကျေးမှုတို့၏ ကြီးမြတ်သည့် ရိုးရာတန်ဖိုးများကို နားလည်သဘောပေါက်သိရှိလာပြီး နိုင်ငံနှင့်လူမျိုး၊ ဒေသကို ချစ်မြတ်နိုးစိတ်များ၊ အမျိုးဂုဏ်၊ ဇာတိဂုဏ်ကို စဉ်ဆက်မပြတ် ဆက်လက် လက်ဆင့်ကမ်းထိန်းသိမ်းလိုစိတ်များ ဖြစ်ပေါ်လာစေရန် ရပ်နီးရပ်ဝေးမှ လာရောက်လေ့လာကြသူများအပြင် တနင်္သာရီတိုင်း ဒေသကြီးအတွင်းမှ အခြေခံပညာကျောင်းသား၊ ကျောင်းသူများအနေဖြင့်လည်း လာရောက်လေ့လာနိုင်ရေး ဆောင်ရွက်ပေးရန် မှာကြားသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ဦးမင်းအောင်လှိုင်ရွှေဝယ်သီရိ အားကစားကွင်း ပွဲကြည့်စင်အသစ်တည်ဆောက်ရန်လျာထားဆောင်ရွက်လျက်ရှိမှု အခြေအနေများနှင့် အားကစားကွင်းအတွင်း လှည့်လည်ကြည့်ရှုစစ်ဆေး နိုင်ငံတော်သမ္မတ က ပွဲကြည့်စင်အသစ်တည် ဆောက်ရာတွင် စနစ်တကျဖြစ်စေရေးနှင့် အားကစားကွင်းအား စဉ်ဆက်မပြတ် ထိန်းသိမ်းနိုင်ရေးတို့နှင့်ပတ်သက်၍ လိုအပ်သည်များ လမ်းညွှန်မှာကြားသည်။ ထို့နောက် နိုင်ငံတော်သမ္မတသည် ထားဝယ်မြို့အတွင်းနှင့် ကမ်းနားလမ်း တစ်လျှောက် မော်တော်ယာဉ်များဖြင့် လှည့်လည်ကြည့်ရှုစစ်ဆေးသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ဦးမင်းအောင်လှိုင် ထားဝယ်မြို့ရှိ ရွှေဝယ်သီရိပညာဗိမာန် စာကြည့်တိုက်အား ကြည့်ရှုစစ်ဆေး နိုင်ငံတော်သမ္မတနှင့် အဖွဲ့ဝင်များသည် ထားဝယ်မြို့၊ ညောင်ရမ်း (တောင်)ရပ်ကွက်ရှိ ရွှေဝယ်သီရိပညာဗိမာန် စာကြည့်တိုက်ရှိ စာကြည့်တိုက်အတွင်း စာဖတ်ခန်း၊ E-Library ၊သုတစာအုပ်စင်နှင့် စာကြည့်တိုက် အတွင်း သုတ၊ ရသ စာအုပ်များ စနစ်တကျထားရှိမှုအခြေအနေများကို ကြည့်ရှုစစ်ဆေးသည်။ ပြည်သူအသိဉာဏ်ပညာဗဟုသုတတိုးပွားလာစေရန်နှင့် စာအုပ်စာပေများကို အလွယ်တကူဖတ်ရှုလေ့လာနိုင်ရေး စာကြည့်တိုက်လုပ်ငန်းများအား စနစ်တကျဖြင့် ဆောင်ရွက်သွားရန်နှင့်စာဖတ်သူများ ပိုမိုတိုးပွားလာစေရေး စည်းရုံးဆောင်ရွက်သွားရန် ထည့်သွင်းမှာကြားခဲ့ပြီး ဧည့်သည်တော်မှတ်တမ်းစာအုပ်တွင် မှတ်တမ်းတင်လက်မှတ်ရေးထိုးသည်။ PPIB Links Youtube | Tiktok | Telegram | Website |  X(Twitter)

နိုင်ငံတော်သမ္မတ ဦးမင်းအောင်လှိုင်ထားဝယ်လေဆိပ်နှင့် လေယာဉ်ပြေးလမ်းအဆင့်မြှင့်တင်ဆောင်ရွက်နေမှုခြေအနေများအား သွားရောက်ကြည့်ရှုစစ်ဆေး နိုင်ငံတော်သမ္မတက ထားဝယ်ရေနက်ဆိပ်ကမ်း စီမံကိန်းအကောင်အထည်ဖော်ဆောင်ရွက်နေချိန်နှင့်ဖော်ဆောင်ပြီးစီးပါက ဖြစ်ပေါ် လာနိုင်သည့် လေယာဉ်သွားလာမှုများ၊ ဆိုက်ကပ်ရပ်နားမှုများများပြားလာနိုင်မည်ဖြစ်ကြောင်း၊ထားဝယ်လေဆိပ်နှင့်လေယာဉ်ပြေးလမ်းအဆင့်မြှင့်တင်မှုအား ကြိုတင်ဆောင်ရွက်စေခဲ့ခြင်းဖြစ်ကြောင်းပြောကြားသည်။ လုပ်ငန်းများဆောင်ရွက်ရာတွင် ရေရှည်တည်တံ့ကောင်းမွန်မှုရှိစေရေး၊ လေယာဉ်များဘေးအန္တရာယ်ကင်းရှင်းစွာဖြင့် ဆင်းသက်နိုင်ရေးနှင့် လေယာဉ်ပြေးလမ်းတစ်လျှောက် ရေဝပ်ဧရိယာများမရှိစေရေး ရေနုတ်မြောင်းများ စနစ်တကျတွက်ချက်ထည့်သွင်း တည်ဆောက်သွားရန်လိုကြောင်း ထည့်သွင်းမှာကြားသည်။ PPIB Links Youtube | Tiktok | Telegram | Website |  X(Twitter)

မိမိတို Professional ၏ ဂုဏ်သိက္ခာကို ထိန်းသိမ်း စောင့်ရှောက်သည့် နိုင်ငံတော်က အားကိုးရသည့် တာဝန်ယူမှုရှိသည့် လူနာဗဟိုပြု ဆရာဝန်ကောင်းများ ဖြစ်အောင် ကြိုးစားကြရန် လမ်းညွှန်မှာကြား နိုင်ငံတော်အစိုးရအနေဖြင့် ကျန်းမာရေးကဏ္ဍတွင် “လူ့အသက်ထက် အရေးကြီးတာ ဘာမှမရှိ” ဆိုသည့်မူဝါဒနှင့် ကျန်းမာရေးစောင့်ရှောက်မှုလုပ်ငန်းများကို အရှိန် အဟုန်ဖြင့်ဆောင်ရွက်ပေးလျက်ရှိကြောင်း၊ပြည်သူတစ်ဦးချင်းစီ၏ ကျန်းမာရေးကို စောင့်ရှောက်ခြင်းသည် မိသားစုတစ်စု၏ အနာဂတ်ကို စောင့်ရှောက်ခြင်းလည်းဖြစ်ကြောင်း၊မိမိတို၏ ပညာနှင့်စေတနာကို ပြည်သူ့အကျိုးအတွက် အကောင်းဆုံးအသုံးချကြရန်၊ နိုင်ငံတော်က အားထားရသည့် ဆရာဝန်ကောင်းများ၊ ပြည်သူကယုံကြည်အားကိုးရသည့် ကျန်းမာရေးပညာရှင်များဖြစ်အောင်ကြိုးစားကြရန်တိုက်တွန်းမှာကြားပြောကြားသည်။ နိုင်ငံတော်သမ္မတ က ၊ကျန်းမာရေးဝန်ကြီးဌာန ဆရာဝန်(သစ်လွင်)များနှင့် သွားနှင့်ခံတွင်း ဆရာဝန်(သစ်လွင်)များအား နိုင်ငံ့ဝန်ထမ်းပြန်တမ်းဝင်အရာရှိအဖြစ် တာဝန်ပေးအပ်ခြင်း ခန့်အပ်လွှာပေးအပ်ပွဲအခမ်းအနားသိုတက်ရောက် အမှာစကားပြောကြားရာတွင်ထည့်သွင်းပြောကြားခဲ့ခြင်းဖြစ်သည်။ PPIB Links Youtube | Tiktok | Telegram | Website |  X(Twitter)

“ဝေဆာလှပ မြန်မာ့ကျောက်မျက်အလှ” (၆၁) ကြိမ်မြောက် မြန်မာ့ကျောက်မျက်ရတနာပြပွဲသို့ အနုပညာရှင်များ၏ လေ့လာဖြေကြားမှု (၆၁) ကြိမ်မြောက် မြန်မာ့ကျောက်မျက်ရတနာပြပွဲသို့ တက်ရောက်လာကြသည့် အနုပညာရှင်များက ပြပွဲအတွင်း ခင်းကျင်းပြသထားသော မြန်မာ့ကျောက်မျက်ရတနာများ၏ အလှအပ၊ တန်ဖိုးနှင့် ထူးခြားမှုများကို လေ့လာကြည့်ရှုခဲ့ကြပါတယ်။ ပြပွဲ၏ ရည်ရွယ်ချက်၊ ကျောက်မျက်ရတနာများ၏ ထူးခြားချက်များနှင့် မြန်မာ့ကျောက်မျက်ရတနာလုပ်ငန်း၏ အရေးပါမှုတို့အပေါ် ၎င်းတို့၏ အမြင်များကို ဖော်ပြလိုက်ရပါတယ်။ PPIB Links Youtube | Tiktok | Telegram | Website |  X(Twitter)

"မာတာပီတုဥပဋ္ဌာနံ၊ ပုတ္တဒါရဿ သင်္ဂဟော။ အနာကုလာ စ ကမ္မန္တာ၊  ဧတံမင်္ဂလမုတ္တမံ။" ၁။မိဘနှစ်ပါးကို ပြုစုလုပ်ကျွေးခြင်း။ ၂။သားမယားကို ထောက်ပံ့ခြင်း။ ၃။အပြစ်ကင်းသောအလုပ်ကိုလုပ်ခြင်း။ ဤသုံးပါးသည် မင်္ဂလာတရားမည်ပါသည်။ PPIB Links Youtube | Tiktok | Telegram | Website |  X(Twitter)

အပြည်ပြည်ဆိုင်ရာ အမျိုးသမီးငယ်များနေ့ (International Day of the Girl Child) နှစ်စဉ် အောက်တိုဘာလ ၁၁ ရက်နေ့ တွင် အပြည်ပြည်ဆိုင်ရာ အမျိုးသမီးငယ်များနေ့ (International Day of the Girl Child) ကျင်းပကြပါတယ်။ ဒီနေ့ဟာ မိန်းကလေးငယ်များ၏ အခွင့်အရေးများကို ကာကွယ်မြှင့်တင်ရန်၊ ပညာသင်ယူခွင့်၊ ကျန်းမာရေးစောင့်ရှောက်မှု၊ ဘေးကင်းလုံခြုံမှုနှင့် လူမှုဘဝတွင် တန်းတူပါဝင်ခွင့်တို့၏ အရေးပါမှုကို အသိပညာပေးသည့် နေ့တစ်နေ့ ဖြစ်ပါတယ်။ ၂၀၂၆ ခုနှစ် ဆောင်ပုဒ် ၂၀၂၆ ခုနှစ် အပြည်ပြည်ဆိုင်ရာ အမျိုးသမီးငယ်များနေ့၏ ဆောင်ပုဒ်မှာ — “ကလေးသူငယ်လက်ထပ်မှုကို အဆုံးသတ်ပြီး မိန်းကလေးငယ်များ၏ အခွင့်အရေးများတွင် ရင်းနှီးမြှုပ်နှံကြပါစို့” PPIB Links Youtube | Tiktok | Telegram | Website |  X(Twitter)

"ဂါရဝေါ စ နိဝါတော စ၊ သန္တုဋ္ဌိ စ ကတညုတာ။ကာလေန ဓမ္မဿဝနံ၊ ဧတံမင်္ဂလမုတ္တမံ။" ၁။ရိုသေလေးစားထိုက်သူများကိုရိုသေလေးစားခြင်း၊ ၂။မာန်ထောင်လွှားမှု  မရှိခြင်း၊ ၃။ရသမျှနှင့်  တင်းတိမ်ခြင်း၊ ၄။သူ ပြုဖူးသော ကျေးဇူးတရားကို သိတတ်ခြင်း၊ ၅။အခွင့်ရတိုင်းတရားနာခြင်း၊ ဤငါးပါးသည် မင်္ဂလာတရားမည်ပါသည်။ PPIB Links Youtube | Tiktok | Telegram | Website |  X(Twitter)

ရတနာတို့ရဲ့အလှတရား နိုင်ငံ့အတွက်အင်အား PPIB Links Youtube | Tiktok | Telegram | Website |  X(Twitter)

မြန်အောင်မြို့နယ်ရှိ မမြဆည် အခြေအနေ အသိပေးချက် ဧရာဝတီတိုင်း၊ မြန်အောင်မြို့နယ်ရှိ မမြရေဆည်တွင် အောက်တိုဘာ ၇ ရက်၌ အက်ကြောင်းဖြစ်ပေါ်ခဲ့ပြီး အောက်တိုဘာလ ၉ ရက်နေ့ ည ၉နာရီအချိန်တွင် အဆိုပါတာတမံထိပ် မျက်နှာပြင်ပေတိုင် ၉+၉၀၀ နှင့် ၁၀+၀၀၀ပေ အကြားတွင် အလျား၂၀၀ ပေခန့်၊ အကျယ်၂၅ ပေခန့်၊ အမြင့် ၁၀ပေခန့် တမံဆင်ခြေလျှော လျှောချမှု ထပ်မံဖြစ်ပွားခဲ့ပြီး မူလတမံထိပ်ပြင်၏ အောက်ဘက်သို ၂၅ပေခန့် နိမ့်ကျခဲ့ပါသည်။ လက်ရှိတွင် မမြရေလှောင်တမံ တမံရေပြင်၏ နိမ့်မြင့်အမှတ် ၃၁၅ပေအား သိုလှောင်ထိန်းသိမ်းထားရှိကာရေလွှတ်မှု၊သိုလှောင်ရေပြင်အမှတ် ၃၁၅ ပေမှ ၃၀၅ ပေအထိ လျှော့ချနိုင်ရန် အရေးပေါ်ရေပိုလွှမှ ရေထုတ်လွှတ်ရေး ဆောင်ရွက်လျက်ရှိသည်။ ဆည်ရေဝင်ရောက်နိုင်သည့် စမ်းရွာကြီး၊ ဥယျာဉ်ကွင်း၊ မရွေးကုန်း၊ ရွာသစ်ကုန်း၊ ငါးဘတ်ကျနှင့် ရေနံချက်ဖိုကုန်းကျေးရွာများမှ လူဦးရေ ၉၀၀ ခန့်ကို ရေလွတ်ရာ ကုန်းမြင့်ဒေသများသို ကြိုတင်ရွှေ့ပြောင်းနိုင်ရေး ဆောင်ရွက်လျက်ရှိသည်။ ကာကွယ်ရေးလုပ်ငန်းများအနေဖြင့် တမံအခြေထောက်ခြင်းနှင့် အရေးပေါ်ရေထုတ်လွှတ်ရေးလုပ်ငန်းများကို သက်ဆိုင်ရာတာဝန်ရှိသူများက ဆောင်ရွက်လျက်ရှိသည်။ PPIB Links Youtube |Tiktok |Telegram|Website|  X(Twiter)