N. Objectif Mention (BAC 2027)

سلام ليوم نهدرو على موضوع التغييرات الجديدة و وجهة نضري فيها او موضوع المكتسبات للاحرار و نضاميين ❤️‍🔥

نفتح قوس برك بش نشكر المشتركين الجدد مرحبا بيكم في القنات انشاء الله تستفادو معايا او تتفاعلو معايا راني كاتبة فيما يخص القنات تسمي شوفو اول المشورات او ربي ينجحكم او يفرحكم او يكتبلكم الخير او يجازيكم بباك avec mention 🥰💖

سلام عليكم ❤️‍🔥❤️‍🔥 حنعاود نكتبلكم واش هدرت في الرسائل الصوتية فيما يخص الأساتذة والكتب لي ننصحكم بيهم، بلاك يجيكم ساهل لكتيبة المهم كلهم تلقاوهم في يوتوب ولاكن لي نلقاه في تيليغرام نبعتهولكم لانو تيليغرام هايل يفيدكم يمدو معلومات او كاين لي تقدرو تسجلو عندهم عبر الزوم يفهموكم كلش ا 📚 نبداو أولاً بالمنصات: لي حابين يديرو دروس خصوصية في المنزل ولا عبر الإنترنت، خاصة عبر Zoom، كاين زوج منصات ننصحكم بيهم: 1️⃣ منصة ألفا التعليمي و منصة نون التعليمية و منصة doresk academy https://t.me/nooneduc 🧬 ثانيًا: أساتذة العلوم 👨‍🏫 كتفي شريف https://t.me/profketficherif 👨‍🏫 أستاذ العلوم https://t.me/cournourddinescience 👨‍🏫 أستاذ أيوب https://t.me/ayoub_science_bac_2026 أستاذ كحول هشام للملخصات https://t.me/kehoul منصة Doresk Academy الأستاذة كتفي شريف تخدم في هاد المنصة. بالنسبة للآخرين، كي تدخلو للـTelegram تاعهم، تلقاو واش هي المنصة لي يخدمو فيها إذا كانو يديرو زوم : تانيا أساتذة رياضيات 👨‍🏫 الأستاذ نور الدين https://t.me/profnoureddine1 👨‍🏫 الأستاذ عبد الباسط https://t.me/bassetprof ⚡ ثالثًا: الفيزياء 👨‍🏫 الأستاذ عبد اللطيف يدير في منصة ألفا، وكان عندو حساب Telegram قديم، هذا هو: https://t.me/phys_3as بصح تلقاوه ثانى في يوتوب ستاذ زدون https://t.me/amine_zeddoun 📖 اللغة العربية 👨‍🏫 الأستاذ بو بكر مبروك تلقاوه في YouTube. 👨‍🏫 الأستاذ حيقون تلقاوه في YouTube ومنصة ألفا. 👨‍🏫 الأستاذ حماش https://t.me/hammachekhaled_bac2024. خامسا الإنجليزية 👩‍🏫 الأستاذة ليديا https://t.me/lydiachg 👩‍🏫 الأستاذة أميرة تلقاوها في YouTube. 👨‍🏫 الأستاذ منصوري تلقاوه في YouTube.: سادسا التاريخ 👨‍🏫 الأستاذ برنان https://t.me/ammarbourenane 👩‍🏫 الأستاذة هند تلقاوها في YouTube. 👨‍🏫 الأستاذ قندوزي تلقاوه في YouTube. 🕌 الشريعة مادة غنية عن التعريف. 🤍 👩‍🏫 الأستاذة بوسعادي تلقاوها في YouTube. الفلسفة بالنسبة للفلسفة، أنا كنت ندير عند الأستاذة ضيف، هايلة بزاف. وزدت شوية مع الأستاذ عفيف، مع كتاب الفلسفة تاع مجموعة عكاشة للمتفوقة هبة. 📚 وأخيرًا: الكتب لي نصحتكم بيها 📕 كتب كتفي شريف 📕 كتب نور الدين هاذو ضروري يغنيوكم عن بزاف مصادر، وفيهم حتى الباكالوريات السابقة. 📕 كتاب الشريعة للأستاذة بوسعادي 📕 كتاب برنان للتاريخ والجغرافيا بلاك هاد العام كي نحاو الجغرافيا يخرج إصدار جديد، المهم نعلمكم في حالة تغيير. ⚡ بالنسبة للفيزياء: كتب تأشيرة النجاح ننصحكم بيهم وبقوة. ولكن لي قدرو يسجلو في منصة الأستاذ عبد اللطيف، يجيهم كتب وسام التفوق، روعة ثاني. بصح خيرو مصدر واحد، خاطر تقريبًا نفس المعلومات موجودة في كلا الكتب. 📖 بالنسبة للعربية: أنا ما شريتش حتى كتاب، خدمت بالملخصات لي درتهم من الأساتذة لي قلتلكم عليهم. وإذا حبيتو كتاب للعربية، كاين كتاب روعة تاع الأستاذ بو بكر اسمو الجوهرة، وكاين للآدبيين وللعلميين. 📲 قناة Telegram لازم تتبعوها عقبة بن نافع جيبو منهم المواضيع الصعاب ذات مستوى، طبعًا ما تحلوهمش حتى تكونوا متفوقين بزاف. https://t.me/nafi3_bac_dz_1954 . و قنات مليحة هي https://t.me/ayoubac26 في الأخير، قدّرو مجهودي من فضلكم، خاطر تعبت باش نحوس على كل قنات و كل أستاذ و هادو كامل لي قلتهم أساتذة ومنصات معروفين، وعندهم كفاءة وثقة، وإن شاء الله تستافدو منهم نتمنى تتبعو نصائحي، وتتفاعلو مع المنشورات وتبارطاجيو باش تعم الفائدة. ومشكورين بزاف على وقتكم. 🤍 وإن شاء الله... 🎓 BAC AVEC MENTION 🎓 ربي يكتب الخير لكل واحد ❤️‍🔥😘🩷 — Nouha | N • Objectif Mention

🔴 تغييرات في برنامج السنوات النهائية

بصحتكم زيدو ريحو شوي والمكتسبات في نظري 10 سبتمبر أحسن وقت ✅✅✅

🥳

أستاذة ليديا هايلة ننصحكم بيها او بملخصاتها تفهم روعا خاصة لي ناقصين بزاف يضمنوا علامة ممتازة في انجليزية أيضا تحفزز او تهدر الحقيقة يعني تقدر تقلك حوايج يوجعوك ولاكن عندها الحق او هي أيضا مختصة في التنضيم الوقت او انا شخصيا كنت نتبعها تسمى تعلمت منها LES ASTUCE

📚 المكتسبات القبلية لي لازم تكوني مراجعتهُم قبل ما تبداي العام الدراسي (باك 2027) السلام عليكم البنات 🌸 قبل ما ندخلو في برنامج الباك، كاين شوية دروس لازم تكونو راجعتوهم، خاطر راح تحتاجوهم طول العام. إذا لقيتي روحك ناقصة في وحدة منهم، حاولي راجعيها من الآن. 💪

🧮 الرياضيات

✅ المتطابقات الشهيرة. ✅ التحليل. ✅ النشر. ✅ توحيد المقامات. ✅ حل المعادلات (درجة أولى، ثانية وثالثة). ✅ الحصر، المجالات والقيمة المطلقة. ✅ الدوال المرجعية ورسمها. ✅ تركيب الدوال. ✅ مجموعة تعريف الدالة. ✅ القراءة البيانية. ✅ الاشتقاق وقوانينو. ✅ النهايات والتفسير الهندسي تاعها. ✅ دراسة الإشارة. ✅ دراسة تغيرات الدالة. ✅ جميع حالات معادلة المماس. ✅ كيفاه ترسمي منحنى انطلاقًا من منحنى آخر. ✅ المناقشة البيانية. ✅ المتتاليات (العددية والهندسية). ✅ الوسط الحسابي والهندسي. ✅ قوانين المتتاليات والمجاميع. ✅ الاحتمالات. ✅ المتغير العشوائي. ✅ الأمل الرياضي. ✅ التباين والانحراف المعياري.

⚛️ الفيزياء

✅ كميات المادة وقوانينها. ✅ قانون الغاز المثالي. ✅ التركيز الكتلي والمولي والعلاقة بينهم. ✅ الكتلة الحجمية، الكثافة، النقاوة وتركيز المحلول التجاري. ✅ جدول التقدم، المتفاعل المحدد و Xmax. ✅ الأكسدة والإرجاع. ✅ حركة الأقمار الصناعية (أولى ثانوي). ✅ تمثيل القوى (الثقل، الاحتكاك، رد الفعل...). ✅ الحصيلة الطاقوية وانحفاظ الطاقة. ✅ حركة القذيفة. ✅ الأحماض والأسس. ✅ بنية الذرة، العدد الكتلي والعدد الشحني. ✅ الكيمياء العضوية (الإسترات، الكحولات والأحماض الكربوكسيلية).

🧬 العلوم الطبيعية

✅ الخلية الحيوانية. ✅ النمط الظاهري والنمط الوراثي. ✅ العلاقة بين النمط الظاهري والنمط الوراثي. ✅ الطفرات. ✅ ADN. ✅ آلية البلعمة. ✅ الزمر الدموية. ✅ الاستجابة المناعية الخلطية. ✅ الاستجابة المناعية الخلوية. ✅ بنية العصبون. ✅ كمون الراحة. ✅ كمون العمل. ✅ النقل المشبكي. ✅ المشبك المنبه والمثبط. ✅ الإدماج العصبي. ✅ الخلية النباتية. ✅ معادلات التركيب الضوئي. 🌷 إذا راجعتي هاذ المكتسبات مليح، راح تدخلي للسنة الدراسية وأنتِ مرتاحة وما تتعبيش مع الدروس الجديدة. بالتوفيق لبنات الباك 2027، وإن شاء الله كامل نجيبو المعدلات لي نحوسو عليها. 💙

ما تستعجلوش، خذو وقتكم واقراو كامل الرسائل لي بعثتهم، خاطر ممكن تلقاو بعض الحوايج وتقولوا: "واش هادي؟ هادي حاجة نعرفوها أصلاً" ولا تحسو بلي بعض النصائح بسيطة بزاف. بصح صدقوني، كاين حوايج تبان بسيطة في البداية، ومن بعد مع الوقت والتجربة راح تعرفو قيمتها. أنا ثاني كنت في بلاصتكم، وكنت ندير حوايج ونحسب روحي ندير الصح، ومن بعد كي كبرت وعشت التجربة فهمت بلي كاين بزاف حوايج كنت نقدر نديرهم بطريقة أحسن. لهذا لي حاب يستفاد بجد من هاد القناة، يتبع معايا مليح ويحاول يطبق النصائح لي نعطيهالو، حتى الحوايج لي تبانلو بسيطة. اليوم ما هدرناش على كلش. حكيتلكم على بعض الأساتذة لي ننصح بيهم، بعض الكتب والمراجع، وكيفاش تختارو، وهدرنا ثاني شوية على موضوع القراية في الدار والليسي، وعلى بعض الحوايج لي كنت نشوفها من تجربتي. وباقي كاين بزاف حوايج مازال ما هدرناش عليهم، وإن شاء الله في الأيام الجاية راح نكمل معاكم ونفصللكم أكثر في كل حاجة مهمة، وكل موضوع في وقتو. 📌 درك نخلّيكم مع الرسائل لي بعثتهم، وخذو وقتكم باش تسمعوهم كامل. وإذا قريتوهم وسمعتوهم، ديرولي 🤍 ولا أي رياكسيون باش نعرف بلي راكم معايا وشفتوهم. ومن بعد نبعثلكم ثاني قنوات التليغرام تاع الأساتذة لي ننصح بيهم، ونحاول نحطلكم الروابط كامل باش تلقاوهم بسهولة. 🤍 اقراو مليح، وخذو من كل حاجة لي تقدر تفيدكم، وإن شاء الله الجاي يكون فيه أكثر.😘❤️‍🔥

سلام لبنات جيتكم ليوم بش نهدرو على موضوع الأساتذة