بْرمش

پہ مھر ءِ شوھاز ءَ وتی گار کت۔

آزمانک ۔بیگْواہ سال 1960 اِنت۔ زمستان اِنت۔ جاگہ کوچو اِنت۔ ورنائیں جنین روتاپ ءَ نشتگ۔ برے دریگ ءَ چار اِیت، برے دروازگ ءَ، ءُ برے چَمّاں کاپر ءَ سَکّ دنت۔ پاد اَتک، دروازگ ءِ دپ ءَ اوشتات، کبلہ ءَ راہ ءَ چارگ ءَ لگ اِت، پد ءَ دروازگ ءَ کُبلے جت ئِے۔ دریگ ءِ نیمگ ءَ اَتک، ارس ئِے پھک کت اَنت، دوبر روتاپ ءَ نشت ءُ گد دوچگ ءَ لگ اِت۔ الکاپیں ساھتے گْوست۔ جنین ءَ آزمان چار اِت۔ سْیاھیں چادر ئِے مانپوشت۔ گْونڈو لیب ءَ اِت اَنت، یکّے کَش ءَ نشت ئِے، گوں گْونڈو ءِ چارگ ءَ دست ئِے پندول ءَ بُرت، بُتُکّے دَر ئِے کت۔ ”گلیوگ ءَ ئے؟“ گْونڈو ءَ کند اِت۔ دست ئِے گْونڈو ءِ سر ءَ مَرز اِت۔ بُتُکّے چُک اِت ءُ پندول ءَ ئِے کت۔ پد ءَ چَہ پندول ءَ چابی یے دَر ئِے کت۔ ”دروازگ ءَ گِندئے. ایشی واھُند، داں شپیگ ءَ کیت، رند ءَ نہ گْریواں۔“ سال 1980 اِنت۔ گرماگی سُھبے۔ جاگہ پِٹّوک اِنت۔ چِل سالی بُرز ءُ پْراہ پیشانیگیں جنینے، گْونڈواں وانینگ ءَ اِنت۔ گْونڈوے شیتانی ءَ لگ اِت، نام ئِے توار جت۔ گْونڈو اَتک۔ ”کولیگ باتوں۔ شیتانی شَرّیں کارے نہ اِنت۔“ اَرس ئِے رِتک اَنت۔ دیم ءَ نشتگیں جِنکّویے پاد اَتک۔ ”باجی تو چو کسان دل ئے؟“ شیتانیں گْونڈو ءِ پیشانیگ ئِے چُک اِت۔ ”تئی نام جہانگول چوں شوک اِنت۔ ھمیشی ءَ گْریوائینت۔“ سْیاھیں چادر ئِے مانپوشت۔ دست ئِے پندول ءَ بُرت۔ چابی دَر ئِے کت، چارگ ءَ ئِے لگ اِت۔ ”آئی ءِ گْور ءَ ھم چابی یے اَست۔ اگاں پیسر ءَ دانکہ شپیگ ءَ لوگ ءَ روت۔“ سال 1990 اِنت۔ جاگہ کوئٹہ سول نادْراہجاہ اِنت۔ پنجاہ سالی لاگریں نرسے، چَمّانی کوس ئِے سْیاہ تَر اِتگ اَنت۔ سْیاھیں چادرے سر ءَ ئِے۔ نوک آؤرتگیں نادْراھے پریات ءَ اَت۔ ”من مِراں، داکتر کُج اِنت؟“ نرس ءَ نادْراہ ءِ ھال گِپت۔ گوں دگہ نرسے ءِ کَمَک ءَ تھتے ءَ واپینت ئِے۔ ڈرپے جَت ئِے، رند ءَ گوں نادْراہ ءَ گْوشت ئِے۔ ”اوپار کُرت کن ئے، آ دانکہ شپیگ ءَ کیت۔“ سال 2022 اِنت۔ شہر گْوادر اِنت۔ جَنّت بازار اِنت۔ بَلّکے دکانے ءَ نشتگ۔ سْیاھیں چادرے سر ءَ اِنت ئِے۔ چیز بہا گِروکے اَتک، ماسکے جَتگ اِتگ ئِے، روک روک ءَ چارگ ءَ لگ اِت۔ ”بَلُّک بَے ماسک ءَ اِد ءَ چے کن ئے، کرونا ءِ وَیل شنگ اِنت۔ تو اے اُمر ءَ لوگ ءَ بہ نند۔“ ”دُکّان منیگ اِنت، تو چے زُورئے؟“ گِراک ءَ چیز زُرت۔ ھزاریگی دات ئِے۔ بَلّک ءَ پہ پَچیں زَرّاں دست پندول ءَ بُرت۔ پندول ءِ دْرائیں چیز ئِے دَر کت اَنت۔ زَرّاں ھساب ءَ لگ اِت۔ دست ئِے دْرھگ ءَ اِت اَنت۔ ”بَلّک آ دگہ زَر تئیگ اَنت۔“ گِراک ءَ بچکند اِت۔ ”چابی وَ دکان ئیگ اِنت، بلے اے بُتُک چی ءَ پندول ءَ اَت؟ بِگِندئے شِرک ءُ پال کن ئے؟“ بُتُک ئِے دل سر ءَ داشت۔ ”اِنّاں۔ چابی دو اَنت۔ من ءَ رَوَگ ءَ دیر بیت۔ آ دانکہ شپیگ ءَ کیت، لوگ ءِ چابی یے گون اِنت ئِے۔“ 21 اگست 2026، روچ آدینگ اِنت۔ جاگہ تربت سنٹرل جیل اِنت۔ مردم کیزیانی چارگ ءَ آیگ ءُ روان اَنت۔ شکستیں بَلُّکے، جیل ءِ مزنیں دروازگ ءِ کَش ءَ دیوال ءِ بُن ءَ لَٹّ ءِ کُمَک ءَ نشتگ۔ چَمّ ئِے پِچّ ءَ پُر اَنت، دیم ئِے کْرچک اِنت۔ دنتان ئِے مان نیست۔ شَست سالی کماشے ءِ اناگہ چَم ئِے کپت اَنت، روک روک ءَ چار اِت ئِے۔ ”نرس تو پرے واری ءَ؟“ سنگت ئِے توار جت، آ گوں جیل دروازگ ءِ گاٹی پولیس ءَ وژگَپّی ءَ اَت۔ ھما اتک ءُ ھیران بوت۔ ”باجی تو؟“ دگہ ورناھے ءَ جیلی سْیاد چار اِتگ اَت۔ گاڑی ءِ نیمگ ءَ روان اَت، پد ءَ ھمیشانی نیمگ ءَ اَتک، پہ بَلُّک ءِ کُمَک ءَ دستے کیسّگ ءَ بُرت، جیڑگے ءَ کپت۔ ”بَلّک تو ھما دکان ءِ واھُند نہ ئے؟“ جیل دپ ءِ گاٹ اَتک۔ ”بَلّک مرچی ھم تئی مردم نہ یَتک؟“ بَلّک ءَ بُتُک کَش اِت، کَلَھے بچکند اِت ئِے۔ ”پرواہ نیست۔ چابی یے گون ئِے، انشپی کیت۔“ گاٹی سپاھیگ ءَ گوں ھمے اوشتاتگیناں گپ جت۔ ”پیسر ءَ اِد ءَ منی پت گاٹ بوتگ، ھمائی ءَ من ءَ گْوشتگ؛ جنین چَہ 1960 ءَ ھَمُک آدینگ اِد ءَ کَیت.“ گاٹ دمانکے ھاموش بوت۔ ”پِت ءَ رند، من دارگ بوتگاں، چا کہ من ءَ یات کنت، ھَمُک آدینگ ھمداں اِنت۔“ بَلّک لَٹّ ءِ کُمَک ءَ پاد اَتک، سْرین ئِے دوتل اَت، دست ئِے دْرھگ ءَ اِت اَنت۔ سْیاھیں چادر ئِے شر کت۔ "جہانگول گار ءُ بیگْواہ اِنت۔ چَہ لوگ ءَ سپاھیگاں بُرت؛ لھتے ءَ گْوشت؛ ”مُرتگ۔“ سْیاداں سکین دات؛ ”سانگے بہ کن۔“ من دائم گْوشت۔ ”بے وپایے نیاں۔“ لنککے گاٹی پولیس ءِ نیمگ ءَ شھار ئِے دات۔ ” ایشی ءِ پت زانت کہ جہانگول کجا بُرتگ اِش۔“ چابی چُک اِت ئِے۔ ”اے مئے لوگ ءِ چابی اِنت۔ من گُد دوتک ءُ ونت، باجی یے بوتاں، گیشتر ونت، نادْراجاہ ءَ نرس ءِ کارے رَس اِت۔ نوکری ءَ رند، دکانے پَچ کت۔“ ساھتے ءَ رند آھے کَش اِت ئِے۔ ”بلے ودار انگت ورناہ اِنت. آ دانکہ شپیگ ءَ کیت، آئی ءِ گْور ءَ ھم چابی ہے اَست۔“ لُنٹ ئِے دْرہ اِت اَنت، بُتُکّے چُک اِت ءُ کپت! ✍۔نثار احمد https://t.me/Bramsh_baloch

وھد انسان ءَ بدل نہ کنت انسان ءِ راستی ءَ پیشدار ایت۔ https://t.me/Bramsh_baloch

ترا مدام زندگی نہ پروش ایت برے برے تئی ھیال ھم ترا پروش اَنت۔ https://t.me/Bramsh_baloch

آتکگاں مــرچی مــن تئی درگاہ ءَ یک اَجب تاھیرے رس اِت ساہ ءَ ✍۔آبد آسکانی https://t.me/Bramsh_baloch

سوبین: پہ ھما کساں اھترام ایر کنت کہ پہ وتی مول ءُ مراد ءَ وپادار بہ بنت. برے وھد ءَ زلورت نہ اِنت کہ تو مرچی چہ زیکیں روچ ءَ گیشتر جُھد بکن ئے.تھنا ھمے بس اِنت کہ تو مرچی دلپروش مہ بئے ءُ وتی اندازہ ءَ جُھد بکن ئے. ✍۔باسد شوھاز https://t.me/Bramsh_baloch

سید وشاں کہ دل اندوہ ءُ رنجانی دوار جاہ اِنت۔ ھَمُک شپ یک گمے نوکیں منی کُل ءِ سر ءَ گرند اِیت۔ ✍۔سید ھاشمی https://t.me/Bramsh_baloch

۔سھب ءِ بندات من ھمک سھب چہ واب ءَ پاد کایاں گوں یک نوکیں امیتے ءَ بگندئے کہ زیکیں روچ ءَ چہ مرچیگیں روچ وشتر بہ بیت بلے ناوشّیاں من ءَ شمشتگ ءُ ھمک روچ ءِ بندات گوں دْروگیں بچکندگاں بیت۔ نزاناں کدی په من وشی کیت بلے اے گم ءُ سکی من ءَ پروش دات نہ کن اَنت۔ من چش کوہ ءَ مھکم آں من ءَ وتی سر ءَ بیسہ اِنت کہ من ھرچ وڑ بباں بلے وتی بچکندگاں گار بوگ ءَ نیلاں۔ ✍۔دروشم بلوچ https://t.me/Bramsh_baloch

منی کر ءَ اَنچیں دلے ھست کہ کس ءَ درد ءُ رنج نہ دنت،بلے من ءَ سک باز دردیگ کنت۔🥲🥀 https://t.me/Bramsh_baloch

وتی زبان ءَ پھریز، چی ءَ کہ تئی یک گپے ترا برز ءَ ھم برت کنت ءُ جھل ءَ ھم دور دات کنت۔ #رجانک https://t.me/Bramsh_baloch

گوشت ئے تئی ارمان گڈ سری گوشتوں گور امبازے دو گپ

نز اِتگ پراھیں جوھان گوات ءِ ودار ءَ نشتگاں ھچ اد ءَ برمشے نئیت کہ بے توار ءَ نشتگاں کے من ءَ دستاں گوں دنتیں کوپگے نام ء ھُدا بْرھنگیں ڈن ءِ سر ءَ تبْدیں لوار ءَ نشتگاں کس نہ منتگ اے دیار ءَ ھرکسے په وت شتگ من دنیگہ منتگاں من چو ھُشار ءَ نشتگاں ترسے کپتگ مئے جبین ءَ تھنُکائی ساز نہ بیت چم کہ سک اَنت کلکشان ءِ پہ کتار ءَ نشتگاں نشتگاں من مرچی راہ ءَ تئی اگاں واتر کن ئے تیر ءُ توپک بمب ءُ ٹوپاں بیا ھسار ءَ نشتگاں کوراں چماں من شوھاز پہ دلجمی باور کن ئے پہ من دنیا شپ تھار انت تئی کرار ءَ نشتگاں ✍۔اکرم شوھاز https://t.me/Bramsh_baloch

من با نام @‌‎ya3in_b4looch.76‌‏ در Instagram هستم. برای دنبال کردن عکس‌ها و ویدیوهای من این برنامه را نصب کنید. ‌‎https://www.instagram.com/ya3in_b4looch.76?igsi=MTc3bHE3OG9qeXp1aA==&utm_source=ig_contact_invite‌‏

زبان گپ ءَ درستیں دنیا سھیگ بیت، دل ئیگ ءَ بس ھدا۔ https://t.me/Bramsh_baloch

سنگت توری ستر ھراب بہ بیت. بلے گوں آئی ءَ وتی سنگتی ءَ مہ سِند، چی ءَ کہ آپ ستر لرد ءُ ھراب بہ بیت. بلے آس ءِ کُشگ ءِ کار ءَ کیت۔ ✍ھزرت الی(ع) #رجانک https://t.me/Bramsh_baloch

مرچیگیں سْیہ مار باندات ءَ پِلِکّان اَنت منی باجوئیں بچّاں زمین ءِ ھاک جنت باریں نہ جنت کس منی کبر ءَ پہ سالونکیں کپن لیلو نہ دنت ہیسکگے بانوریں تئی پوشاک جنت باریں نہ جنت ✍.مجید آجز https://t.me/Bramsh_baloch

ملا مئے بھت اِنت یا مئے شومّی کہ مئے مَیَد تئی دست ءَ سواب بیت من نہ زانت آبد پمّن ءَ امروز دُرگل ءِ دردانی کتاب بیت ✍۔آبد آسکانی https://t.me/Bramsh_baloch