Read Me

ကိုယ်တိုင်က Leader တစ်ယောက်ဖြစ်ဖို့ ဘာတွေလိုအပ်သလဲ?" ဒီနေ့ခေတ်မှာ လူငယ်တွေဟာ အောင်မြင်မှုနောက်ကို အပြေးအလွှား လိုက်နေကြရပါတယ်။ ဒါပေမဲ့ တကယ့်အောင်မြင်မှုဆိုတာ ကိုယ်တစ်ယောက်တည်း တော်နေရုံနဲ့ မရဘဲ ကိုယ့်ပတ်ဝန်းကျင်ကလူတွေကိုပါ ဘယ်လို Motivation ပေးပြီး အတူတူလက်တွဲခေါ်မလဲဆိုတဲ့ "Leadership Skill" ပေါ်မှာ အများကြီး မူတည်နေပါတယ်။ Steve Chandler နဲ့ Scott Richardson တို့ရဲ့ နည်းလမ်းတွေထဲက ခုခေတ်လူငယ်တွေအတွက် အထိရောက်ဆုံးဖြစ်မယ့် အချက် (၅) ချက်ကို မျှဝေပေးချင်ပါတယ်။ ၁။ "အကြောင်းပြချက်" ထက် "ရလဒ်" ကိုပဲ ကြည့်ပါ (Focus on Results, Not Excuses) အလုပ်တစ်ခုလုပ်တဲ့အခါ "ဘာလို့ မပြီးတာလဲ" ဆိုတဲ့ အကြောင်းပြချက်တွေထက် "ပြီးမြောက်အောင် ဘယ်လိုလုပ်မလဲ" ဆိုတဲ့ ရလဒ်ကိုပဲ အာရုံစိုက်ဖို့ လိုပါတယ်။ အကြောင်းပြချက်တွေက သင့်ကို နောက်တွန့်စေပေမဲ့ ရလဒ်အပေါ် အာရုံစိုက်ခြင်းကသာ ရှေ့ကိုတွန်းပို့ပေးမှာပါ။ ၂။ စကားပြောတာထက် နားထောင်ပေးတာက ပိုထိရောက်တယ် (Stop Talking and Listen) Leader ကောင်းတစ်ယောက်ဖြစ်ဖို့ဆိုရင် ကိုယ်ပြောချင်တာတွေပဲ တရစပ်ပြောနေတာထက် တဖက်လူရဲ့ အခက်အခဲနဲ့ အကြံဉာဏ်တွေကို သေချာနားထောင်ပေးဖို့ လိုပါတယ်။ ဒါမှသာ သူတို့ရဲ့ လိုအပ်ချက်ကို သိရှိပြီး မှန်ကန်တဲ့ တွန်းအား (Motivation) ကို ပေးနိုင်မှာပါ။ ၃။ အဆိုးဆုံးအရာကို အရင်ဆုံးလုပ်လိုက်ပါ (Do the Worst Thing First) ငါဒါကြီးလုပ်ရဦးမယ်ဆိုပြီး စိတ်ထဲမှာ လေးလံနေစေမယ့် အခက်ခဲဆုံး အလုပ်တစ်ခုကို မနက်ခင်းမှာ အရင်ဆုံး ပြီးအောင်လုပ်လိုက်ပါ။ အဲဒီလိုလုပ်ခြင်းက ကျန်တဲ့တစ်နေ့တာလုံးကို ပေါ့ပါးသွားစေပြီး စွမ်းဆောင်ရည်ကို မြှင့်တင်ပေးနိုင်ပါတယ်။ ၄။ ၁၀ မိနစ်ရဲ့ တန်ဖိုးကို သိပါ (Master the 10-Minute Rule) "အချိန်မရှိဘူး" လို့ ညည်းတွားနေမယ့်အစား ရရှိထားတဲ့ ၁၀ မိနစ်လေးကိုတောင် ထိထိရောက်ရောက် အသုံးချတတ်ဖို့ သင်ယူပါ။ စုပြုံနေတဲ့ အလုပ်ကြီးတွေကို ၁၀ မိနစ်စာစီ ခွဲထုတ်ပြီး စလုပ်လိုက်တာက အလုပ်ပြီးမြောက်ဖို့ အကောင်းဆုံး နည်းလမ်းပါ။ ၅။ စိတ်ဖိစီးမှုနဲ့ ဂရုစိုက်မှုကို မရောထွေးပါနဲ့ (Don't Confuse Stress with Caring) လူငယ်တွေမှာ ဖြစ်တတ်တာက တစ်ခုခုကို အရမ်းဂရုစိုက်တယ်ဆိုရင် စိတ်ဖိစီးမှုတွေ များလာတတ်တာပါ။ တကယ်တော့ စိတ်ဖိစီးနေခြင်းဟာ အလုပ်ကို မကူညီနိုင်ပါဘူး။ အေးအေးဆေးဆေးနဲ့ တည်တည်ငြိမ်ငြိမ် ဆုံးဖြတ်ချက်ချနိုင်မှသာ ကိုယ်ရော တဖက်လူပါ အလုပ်တွေကို တက်ကြွစွာ လုပ်ဆောင်နိုင်မှာပါ။ နိဂုံးချုပ်အနေနဲ့ - စစ်မှန်တဲ့ Leader ဆိုတာ မန်းမှုတ်ပြီး လူတွေကို ပြောင်းလဲပစ်တာ မဟုတ်ဘဲ ပြတ်သားတဲ့ "ဆုံးဖြတ်ချက်" နဲ့ ကိုယ်တိုင်က စံပြဖြစ်အောင် အရင်လုပ်ပြသူတွေ ဖြစ်ပါတယ်။ ဒီနေ့ကစပြီး ကိုယ့်ကိုယ်ကိုယ်ရော သူများကိုပါ Motivation ပေးနိုင်တဲ့ လူငယ်တစ်ယောက် ဖြစ်အောင် ကြိုးစားကြည့်ရအောင်။ အခြားသူများအား တွန်းအားပေးရန် နည်းလမ်း ၁၀၀" (ရဲညွန့် - မဟာဝိဇ္ဇာ၊ နိုင်-ဆက်

​ဒီနေ့ခေတ်မှာ လူငယ်တွေဟာ အောင်မြင်မှုနောက်ကို အပြေးအလွှား လိုက်နေကြရပါတယ်။ ဒါပေမဲ့ တကယ့်အောင်မြင်မှုဆိုတာ ကိုယ်တစ်ယောက်တည်း တော်နေရုံနဲ့ မရဘဲ ကိုယ့်ပတ်ဝန်းကျင်ကလူတွေကိုပါ ဘယ်လို Motivation ပေးပြီး အတူတူလက်တွဲခေါ်မလဲဆိုတဲ့ "Leadership Skill" ပေါ်မှာ အများကြီး မူတည်နေပါတယ်။ အခြားသူများအား တွန်းအားပေးရန် နည်းလမ်း၁၀၀ Author:ရဲညွှန့်(မဟာဝိဇ္စာ) #freebooklibrary #viarlbook #shinemyatthu

လူတိုင်း လူတိုင်း ကြီးပြင်းလာရတဲ့ဘ၀တွေ မတူဘူး ဖြတ်သန်းရတဲ့ဘ၀တွေ မတူဘူး အဲ့လိုမတူညီတဲ့အတွက် အတွေးအခေါ် နဲ့ လုပ်ဆောင်ချက်တွေ စိတ်ကူးစိတ်သန်းတွေ ဘာတစ်ခုမှ မတူညီကြဘူး .....🫴 မတူညီကြတဲ့ဘ၀တွေမှာ ကိုယ်ဖြတ်သန်းလာခဲ့တဲ့အတွေ့အကြုံတွေကို အခြေခံပြီး ကိုယ့်စိတ် ကိုယ့်တစ်ဦးထဲခံယူထားတဲ့ အတွေးတွေနဲ့ သူတစ်ပါးဘ၀ကို ဝေဖန်ကြတယ် (ငါသာ သူ့နေရာမှာဆို ဒီလိုမလုပ်ဘူးဆိုတာမျိူးပေါ့) သူလဲ သူ့ဘ၀နဲ့တွေ့ကြုံခဲ့ရတာတွေအခြေခံပြီး သူမှန်ကန်တဲ့ဆုံးဖြတ်ချက်ကို ချခဲ့တာပဲလေ... လူတိုင်းက ဘ၀မျိူးစုံ အတွေ့အကြုံမျိူးစုံ ခံယူချက်မျိူးစုံနဲ့ပါ ဘယ်သူ့ဘ၀ ကိုမှ က်ိုယ့် တစ်ဦးထဲ သတ်မှတ်ထားတဲ့ ယုံကြည်တဲ့ ခံယူချက် တွေနဲ့ မဆုံးဖြတ်လိုက်ပါနဲ့....🧠 #shinemyatthu

"အရင်ခေတ်က အလုပ်တစ်ခုထဲမှာ အနားယူတဲ့အထိ လုပ်လို့ရပေမဲ့... ခုခေတ်မှာတော့ Career ဆိုတာ မင်းကိုယ်တိုင် ပုံဖော်ရမယ့် အရာဖြစ်သွားပြီ။ ကုမ္ပဏီက မင်းကို ဘာလုပ်ပေးမလဲ စောင့်နေမယ့်အစား... မင်းကော မင်းကိုယ်မင်း စီမံခန့်ခွဲတတ်ပြီလား? ကိုယ့်ကိုကိုယ်စီမံခန့်ခွဲမှုပညာ

တူရကီစကားပုံတခုရှိတယ်။ “လူတယောက်ကိုတကယ်ချစ်ရင် သူ့ကို ၂ ကြိမ်ချစ်တယ်”တဲ့။ ပထမအကြိမ်ချစ်မိတာကသူ့ရဲ့ အပြုံး၊ သူ့မျက်လုံး၊ လက်ချောင်းလေးတွေအစ လှုပ်ရှားမှုအားလုံးအဆုံး ရင်ခုန်ချင်စရာကောင်းအောင်ဆွဲညှို့စေတဲ့အချစ်မျိုးပေါ့။ လူတော်တော်များများ “ဟာ…ငါ တော့ချစ်မိသွားပြီ” လို့ ခံစားရတဲ့ အခြေအနေ အချစ်မျိုး။ ဒုတိယအကြိမ်ချစ်သူတွေကျတော့ ဒီလူရဲ့အမှောင်ခြမ်း၊ လူတကာကိုမပြတဲ့ အကျည်းတန်တဲ့အခြမ်း သူ့ရဲ့ဇီဇာကြောင်တာတွေကိုသိပြီးရင်တောင် လက်ခံပြီးချစ်သွားတဲ့အချစ်။ You need to fall in love again and again but with the same person အတိုင်း ဒီလူတယောက်ကိုပဲ အခါခါကြွေမိတယ်ဆိုတာမျိုးပေါ့။ ပထမအကြိမ်ချစ်တဲ့အချစ်မျိုးကိုလူတိုင်းနီးပါးချစ်ဖူးကြမှာပဲ ဒီလူရဲ့ dark side မြင်ပြီးချိန်ထပ်ချစ်မိနေတုန်းဆိုရင်တော့ အချစ်စစ်လို့ပြောလို့ရပြီ။ ချစ်မိကြပြီလား ဒုတိယအချစ်မျိုးနဲ့? အဲဒီအချစ်နဲ့တွေ့ပြီး ကိုယ့်ကိုလဲ အကြိမ်ကြိမ်ချစ်တဲ့အချစ်မျိုးနဲ့တွေ့ကြပါစေ #crd

တွေးမိတာကတော့ အလုပ်တွေ ဖိလုပ်ဖို့ပါပဲ ပိုကောင်းတဲ့ နေရာဆီကို ကိုယ့်ကြိုးစားအားထုတ်မှုနဲ့ သွားချင်တယ် ပိုကောင်းတဲ့ လူတွေနဲ့ ဆုံတွေ့ချင်တယ် ပိုကောင်းတဲ့ စိတ်ဓာတ်မျိုးကို ပိုင်ဆိုင်ချင်တယ် ပိုကောင်းတဲ့ အနာဂတ်ကို ဖန်တီးချင်တယ် ။ လက်ရှိမှာ အခက်အခဲတွေ ရှိတယ် ၊ စိတ်ပျော်ရာနောက်ကို လိုက်နေလို့ လစ်ဟင်းနေတာတွေလည်း ရှိတယ် ၊ ကြုံတွေ့နေရတဲ့ ပြဿနာလေးတွေလည်း ရှိနေပြန်တယ် ။ မဖြူပြောသလိုပေါ့ " အခက်အခဲဆိုတာ အလုပ်လုပ်တဲ့လူတိုင်းမှာ ရှိတယ် " တဲ့ ဒါပေမယ့်လည်း ဒါတွေကို ဟန်ချက်မပျက်ဘဲ ကိုယ့်နည်းကိုယ့်ဟန်နဲ့ Handle လုပ်နိုင်လို့လည်း ကိုယ့်ကိုယ်ကိုယ် ကျေးဇူးတင်တယ် ... နောင်လာမယ့် အနာဂတ်မှာ ကိုယ်မျှော်မှန်းထားသလို ဖြစ်လာဖို့အတွက် အခုချိန်ကစပြီး အရာအားလုံးကို အရင်ထက်ပိုပြီး ၊ အခုထက်ပိုပြီး တစိုက်မတ်မတ် ပိုကြိုးစားရမယ် ... ပိုကောင်းတဲ့ အနာဂတ်မှာ ပိုကောင်းတဲ့ နေရာတစ်ခုဆီ ရောက်ကို ရောက်စေရမယ်။ #crd

စိတ်သေတွင်း (၂) မှောက်လျှက်လဲပြီး နမ်းမိတဲ့ကြမ်းကို တစ်သက်လုံးမေ့မရတဲ့ နာကျင်မှုမျိုးနဲ့မမရယ် ချစ်ခဲ့ပါတယ် ချစ်ခြင်းမေတ္တာကို တိတ်တိတ်လေးခိုးပြီး မမဆံနွယ်လေးနဲ့မိုးထားလို့ ရကြေးလားကွယ် ဒီလိုဆိုရင်... ကျွန်တော် ကောင်းကင်တစ်ခုလုံးကို ကျောခိုင်းလိုက်ပါတော့မယ်။ - ဝဏ္ဏ

လွန်ခဲ့တဲ့ နှစ်ပေါင်း ၄၀၀၀ ကျော်က ဘေဘီလုံသူဌေးကြီးတွေ သုံးခဲ့တဲ့ လျှို့ဝှက်ချက် (၃) ခု ၁။ ကိုယ့်ကိုယ်ကိုယ် အရင်ပေးပါ (Pay Yourself First): "မင်းရတဲ့ ဝင်ငွေထဲက ဆယ်ပုံတစ်ပုံ (၁၀ ရာခိုင်နှုန်း) ကို မသုံးဘဲ အရင်ဖယ်ထားပါ။ အဲဒီငွေဟာ မင်းရဲ့ အနာဂတ်အတွက် 'မျိုးစေ့' ပဲ။ ကျန်တဲ့ ၉၀ ရာခိုင်နှုန်းနဲ့ပဲ လောက်အောင်သုံးပါ။ ဆယ်ပုံတစ်ပုံ မစုနိုင်ရင် မင်းဟာ ချမ်းသာဖို့ လမ်းစမရှိသေးဘူးလို့သာ မှတ်လိုက်တော့။" ၂။ ရင်းနှီးမြှုပ်နှံမှုမှာ 'ဆရာ' ကျပါစေ (Invest Wisely): "မင်းစုထားတဲ့ ငွေတွေကို အိပ်ပျော်မနေစေနဲ့။ အဲဒီငွေတွေကို အကျိုးအမြတ်ရမယ့်နေရာမှာ ပြန်ရင်းနှီးမြှုပ်နှံပါ။ ဒါပေမဲ့ သတိထားရမှာက... ပန်းထိမ်အလုပ်အကြောင်းကို အုတ်ဖုတ်သမားဆီမှာ သွားမမေးပါနဲ့။ ရင်းနှီးမြှုပ်နှံတော့မယ်ဆိုရင် အဲဒီနယ်ပယ်မှာ တကယ်ကျွမ်းကျင်တဲ့ 'ဆရာ' တွေဆီမှာပဲ အကြံဉာဏ်တောင်းပါ။" ၃။ ငွေကို မင်းအတွက် အလုပ်လုပ်ခိုင်းပါ (Make Your Gold Multiply): "မင်းစုထားတဲ့ငွေကနေ ရလာတဲ့ အတိုး (သို့မဟုတ်) အမြတ်တွေကို ထုတ်မသုံးပါနဲ့။ အဲဒီအမြတ်တွေကိုပါ ထပ်ပြီး ရင်းနှီးမြှုပ်နှံပါ။ အဲဒီအခါမှာ မင်းရဲ့ ပိုက်ဆံတွေက ကလေးတွေ၊ မြေးတွေ ပွားလာသလိုမျိုး တိုးပွားလာပြီး မင်းအိပ်နေချိန်မှာတောင် မင်းအတွက် ပိုက်ဆံရှာပေးတဲ့ 'စနစ်' ဖြစ်လာလိမ့်မယ်။" ငွေကြေးချမ်းသာမှုဆိုတာ ကံကောင်းတာမဟုတ်ဘူး၊ စည်းကမ်းရှိတာ။ မင်းမှာ ဝင်ငွေ ဘယ်လောက်နည်းနည်း အခုချက်ချင်း စုလို့ရတယ်။ အခုကစပြီး မင်းရဲ့ ပိုက်ဆံတွေကို မင်းအတွက် အလုပ်လုပ်ပေးမယ့် 'ကျေးကျွန်' တွေအဖြစ် ပြောင်းလဲလိုက်ပါ။" မင်းကော... လကုန်ရင် ဝင်ငွေရဲ့ ဘယ်နှစ်ရာခိုင်နှုန်းကို စုမိလဲ? ငွေကြေးအသိပညာတွေ ထပ်သိချင်ရင် အသည်း ❤️‍🔥 ပေးထားပါ #viarlbook #freebooklibrary #shinemyatthu

George S. Clason ရေးသားပြီး ဆရာဖေမြင့် ဘာသာပြန်ထားတဲ့ "ဘေဘီလုံမှာ အချမ်းသာဆုံးပုဂ္ဂိုလ်" (The Richest Man in Babylon) ဟာ ငွေကြေးစီမံခန့်ခွဲမှုနဲ့ ပတ်သက်ရင် "The Bible of Personal Finance" လို့ တင်စားရလောက်အောင် ကမ္ဘာကျော်တဲ့ စာအုပ်ဖြစ်ပါတယ်။ ဘေဘီလုံမှာ အချမ်းသာဆုံးပုဂ္ဂိုလ် Author: ဖေမြင့် #viarlbook #shinemyatthu #freebooklibrary #smt

လူတိုင်းထက် မြန်နေမှ အောင်မြင်တာ မဟုတ်ဘူးနော်

ဖြည်းဖြည်းလျှောက်သူတို့၏ လမ်းမ' ထဲက မင်းဘဝကို ပြန်လည်ရှင်သန်စေမယ့် အချက် ၃ ချက် ၁။ Productivity Anxiety (အမြဲတမ်း အလုပ်လုပ်နေရမှ ကျေနပ်တာကို လွှတ်ချပါ) "ဘာမှမလုပ်ဘဲ အနားယူနေတဲ့အချိန်မှာ 'ငါ အချိန်ဖြုန်းနေမိပြီ' ဆိုပြီး ကိုယ့်ကိုယ်ကိုယ် အပြစ်တင်တာမျိုး ရပ်လိုက်ပါ။ အနားယူခြင်းဟာ အလုပ်မလုပ်တာမဟုတ်ဘဲ နောက်ထပ်ခရီးတစ်ခုအတွက် အင်အားဖြည့်တာပါ။ အမြဲတမ်း အကျိုးရှိနေစရာ မလိုပါဘူး၊ တစ်ခါတလေ 'ပျော်နေဖို့' ပဲ လိုပါတယ်။ ၂။ Slow Living (ကိုယ့်ရဲ့ အရှိန်အဟုန်နဲ့ကိုယ် သွားပါ) "ပန်းပွင့်တိုင်းဟာ တစ်ချိန်တည်း မပွင့်ကြသလို၊ လူတိုင်းဟာလည်း တစ်ချိန်တည်း အောင်မြင်စရာမလိုဘူး။ သူများတွေရဲ့ အရှိန်နောက်ကို လိုက်နေမယ့်အစား ကိုယ့်ရဲ့ ခြေလှမ်းလေးတွေကို သတိထားကြည့်ပါ။ လမ်းဘေးက ပန်းလေးတွေကို ငေးကြည့်ဖို့၊ လေကောင်းလေသန့်ရှူဖို့ ကိုယ့်ကိုယ်ကိုယ် အချိန်ပေးပါ။ ၃။ Digital Detox (Social Media ထဲက ကမ္ဘာကြီးကို ခဏပိတ်ထားပါ) "သူများတွေရဲ့ အကောင်းဆုံး Moment တွေကို ကြည့်ပြီး ကိုယ့်ရဲ့ အဆိုးဆုံး Moment နဲ့ သွားမနှိုင်းပါနဲ့။ Notification တွေကြားမှာ လမ်းပျောက်နေမယ့်အစား လက်ရှိ ပစ္စုပ္ပန်တည့်တည့်မှာ ရှင်သန်တတ်ဖို့ စာအုပ်က လမ်းညွှန်ပေးထားပါတယ်။ "ဒီစာအုပ်ဟာ 'ပိုမြန်အောင်' တွန်းအားပေးမယ့် စာအုပ်မဟုတ်ပါဘူး။ မင်းကို မင်း 'ပြန်ချစ်ဖို့' နဲ့ 'အသက်ရှူဖို့' သတိပေးမယ့် စာအုပ်ပါ။ အဆုံးသတ် (Deadline) တွေဆီကိုပဲ အတင်းမောင်းနှင်နေတာထက် လမ်းခုလတ်က အလှတရားတွေကို ခံစားတတ်ဖို့က ပိုအရေးကြီးပါတယ်။" #freebooklibrary #shinemyatthu #viarlbook #ဖြေးဖြေးလျှောက်သူတို့၏လမ်းမ

ထက်မြတ်ဧကရီ (ထက်) ရေးသားထားတဲ့ "ဖြည်းဖြည်းလျှောက်သူတို့၏ လမ်းမ" စာအုပ်ဟာ အရာရာမြန်ဆန်လွန်းပြီး အောင်မြင်မှုနောက်ကို အမောတကောလိုက်နေရတဲ့ ခုခေတ်လူငယ်တွေအတွက် "အသက်ရှူပေါက်" တစ်ခုလို စာအုပ်မျိုးဖြစ်ပါတယ်။

အံ့ဖွယ်စိတ်ပညာ စာအုပ်ထဲက လူငယ်တွေအတွက် အထိရောက်ဆုံးအချက် ၃ ချက် ၁။ Pratfall Effect (အမှားတစ်ခုရဲ့ ဆွဲဆောင်မှု) "လူတွေက အရာရာ Perfect ဖြစ်နေတဲ့သူထက်... အရည်အချင်းရှိပြီး တစ်ခါတလေ 'ကိုးရိုးကားယား' အမှားလေးတွေ လုပ်တတ်တဲ့သူကို ပိုသဘောကျတတ်ကြပါတယ်။ မင်းရဲ့ အားနည်းချက်ကို ဝှက်မထားပါနဲ့။ အမှားလေးတွေကို ရိုးရိုးသားသား ဝန်ခံတာက မင်းကို ပိုပြီး လူချစ်လူခင် ပေါများစေပါတယ်။" ၂။ The Pygmalion Effect (ယုံကြည်မှုရဲ့ စွမ်းအား) "တစ်ဖက်လူက မင်းအပေါ် ထားတဲ့ 'မျှော်လင့်ချက်' က မင်းရဲ့ စွမ်းဆောင်ရည်ကို ပြောင်းလဲစေနိုင်သလို၊ မင်းကိုယ်တိုင်က မင်းကိုယ်မင်း 'ငါလုပ်နိုင်တယ်' လို့ မြင့်မြင့်မားမား မျှော်လင့်ထားရင် တကယ်လည်း ပိုတော်လာတတ်ပါတယ်။ ကိုယ့်ပတ်ဝန်းကျင်မှာ ကိုယ့်ကို ယုံကြည်ပေးတဲ့သူတွေကိုပဲ ထားရှိပါ။" ၃။ The Bystander Effect (ဘာလို့ ဘယ်သူမှ မကူညီကြတာလဲ?) "လူအများကြီးရှိနေတဲ့နေရာမှာ တစ်ခုခုဖြစ်ရင် 'တစ်ယောက်ယောက်တော့ ကူညီလိမ့်မယ်' ဆိုပြီး အားလုံးက ဘေးထွက်ကြည့်နေတတ်ကြပါတယ်။ အရေးပေါ်အခြေအနေ ကြုံလာရင် အားလုံးကို အကူအညီတောင်းမယ့်အစား တစ်ယောက်ချင်းစီကို တိတိကျကျ ညွှန်ကြားပြီး အကူအညီတောင်းတာက ပိုထိရောက်ပါတယ်။" "စိတ်ပညာဆိုတာ သူတစ်ပါးကို လွှမ်းမိုးဖို့ထက်... ကိုယ့်ကိုယ်ကိုယ် ပိုနားလည်လာဖို့နဲ့ ပတ်ဝန်းကျင်နဲ့ အဆင်ပြေပြေ ရှင်သန်တတ်ဖို့ပါ။ ဒီလေ့လာမှု ၉ ခုကို သိထားရင် မင်းရဲ့ ဆုံးဖြတ်ချက်တွေဟာ အရင်ကထက် ပိုပြီး မှန်ကန်လာပါလိမ့်မယ်။" "မင်းရဲ့ လုပ်ငန်းခွင်နဲ့ ဘဝမှာ အသာစီးရစေမယ့် စိတ်ပညာဗဟုသုတတွေ ထပ်သိချင်ရင် channel လေးကို join လုပ်ထားဖို့ မမေ့နဲ့နော်။" #freebooklibrary #shinemyatthu #viarlbook

အံ့ဖွယ်စိတ်ပညာလေ့လာမှု ၉ ခု" စာအုပ်ဟာ လူ့စရိုက်နဲ့ အတွေးအခေါ်တွေနောက်ကွယ်က သိပ္ပံနည်းကျ အမှန်တရားတွေကို စုစည်းထားတာဖြစ်လို့ လုပ်ငန်းခွင်နဲ့ လူမှုဆက်ဆံရေးနယ်ပယ်ထဲ ရောက်နေတဲ့ အသက် ၁၈-၃၅ လူငယ်တွေအတွက် "Game Changer" ဖြစ်စေမယ့် စာအုပ်ပါ။ #အံ့ဖွယ်စိတ်ပညာလေ့လာမှု၉ခု #freebooklibrary #shinemyatthu

2026 ကို ပြောင်းလဲပေးမယ့် အချက် 3 ချက် စိတ်ကောင်းရှိသူထက် စိတ်ကောင်းဖြစ်အောင် ကြိုးစားသူဖြစ်ပါ " 'ငါက စိတ်ကောင်းရှိပြီးသားပဲ' ဆိုပြီး ပေါ့ပေါ့မနေပါနဲ့။ လောကမှာ အမြဲတမ်း စိတ်ကောင်းရှိနေတဲ့သူဆိုတာ မရှိဘူး၊ စိတ်ကောင်းခဏခဏဖြစ်အောင် သတိနဲ့ ကြိုးစားနေတဲ့သူပဲ ရှိတာပါ။ မကောင်းတဲ့စိတ်ဝင်လာရင် ချက်ချင်းသိပြီး ကောင်းတဲ့ဘက် ပြန်လှည့်တတ်ဖို့က ပိုအရေးကြီးပါတယ်။" ၂။ သတိဆိုတာ "မေ့လျော့ခြင်း" ရဲ့ ဆန့်ကျင်ဘက် "အလုပ်တွေ အရမ်းရှုပ်နေတဲ့အခါ ငါတို့တွေဟာ အသိစိတ် (Conscious) မပါဘဲ စက်ရုပ်လို အလုပ်လုပ်နေတတ်ကြတယ်။ 'မမေ့မလျော့' ဆိုတာ လက်ရှိလုပ်နေတဲ့ အလုပ်ပေါ်မှာ စိတ်ရောက်နေတာပါ။ စားရင်စားနေမှန်းသိ၊ လမ်းလျှောက်ရင် လျှောက်နေမှန်းသိတဲ့ 'သတိ' ကသာ မင်းရဲ့ စိတ်ဖိစီးမှုတွေကို လျှော့ချပေးနိုင်မှာပါ။" ၃။ လောကဓံကို ခံနိုင်ရည်ရှိအောင် တည်ဆောက်ပါ "အောင်မြင်မှုနဲ့ ကျဆုံးမှု၊ ချီးမွမ်းမှုနဲ့ ကဲ့ရဲ့မှုဆိုတာ အလှည့်ကျလာမှာပဲ။ လူငယ်ဘဝမှာ ဒီအရာတွေကို ရင်ဆိုင်ရတဲ့အခါ စိတ်ဓာတ်မကျသွားဖို့ဆိုရင် ဗုဒ္ဓရဲ့ အဆုံးအမတွေက မင်းအတွက် အကောင်းဆုံး ဒိုင်းလွှားတစ်ခု ဖြစ်လာပါလိမ့်မယ်။" - အသိပညာပေး ကောက်ချက်) "စာရေးသူ ဒေါက်တာဖြိုးသီဟက 'စာရေးတယ်ဆိုတာ အသိပညာလှူဒါန်းခြင်း' လို့ ခံယူထားတဲ့အတိုင်း၊ ဒီစာအုပ်ဟာ မင်းရဲ့ နေ့စဉ်ဘဝမှာ တကယ်အသုံးချလို့ရမယ့် ဓမ္မလက်ဆောင်တစ်ခုပါ။ ဘဝမှာ အရာရာကို မေ့ချင်မေ့ပါ... ကိုယ့်ကိုယ်ကိုယ် သတိရှိဖို့တော့ 'မမေ့မလျော့' ပါနဲ့။" #shinemyatthu #freebooklibrary