𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

🤍

12-10-2025

في ليلة، انهمرت دموعي دون أي سابق إنذار، ولم يكن وجعي لمجرد خبر وفاته فقط، بل كان ذلك بعد فرحة إيقاف الحرب، وبعد ما ظنّينا إن الوجع أخيرًا ممكن يهدأ، وإن أهل غزة يقدروا يلتقطوا أنفاسهم من جديد.. ولكن.......... كانت الفرحة ناقصة، والسلام لم يكن كما تمنّيناه. لا عهد ولا ذمّة، ولا تزال الأرواح تُزهق، وصالح واحد من آلافٍ فقدناهم في حربٍ لم تنتهِ مآسيها. وما زال عدّاد الضحايا في ازدياد، ونحن لا نملك سوى المشاهدة، حتى اعتدنا المشهد، وكأن تكرار الألم يجعل منه أمرًا عاديًا! لكن كيف نعتاد مشهدًا تُزهق فيه الأرواح، وتُهدم فيه الأحلام، وتُترك فيه القلوب معلّقة بين الخوف والرجاء؟

خذلانكم أصعب من الحرب. --صالح الجعفوري رحمه الله

ربنا يرحمه هو وكل اموات المسلمين ♥️

وهنا أقدر أقول إني قدرت أوصّل جزء بسيط من قصة واحد من أعظم القادة في التاريخ. عمر المختار كان واحد من كتير عاشوا نفس الظروف دي، وشافوا الاحتلال في بلدهم، فقاوموا ودافعوا عن أرضهم لآخر نفس.

والكلام ده بيحصل حاليًا فعلًا مع إخواتنا في فلسطين؛ يمكن قصة عمر المختار وصلت لنا، لكن فيه قصص كتير بتحصل دلوقتي، وأبطالها لسه مش معروفين لينا، وإحنا بنتفرج من بعيد ومش قادرين نتخيّل حجم المعاناة اللي بيعيشوها. كل اللي عايز أقولهولك إنك تحمد ربنا على نعمة الأمان، ومتنساش إخواتنا في غزة وكل مكان بيعاني من الحرب والاحتلال. متنساش الدعاء، والمقاطعة، والتبرع من خلال الجهات الموثوقة، وكل واحد على قدر استطاعته. ✊🏻♥️

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

01 | أسد الصحراء 🦁

حماده: يا ابن اللعيبه يا جدي 😂 شريف: جدك بقى اتقبض عليه سنة 1931. عبدالله: بالظبط، وده بالنسبة للإيطاليين معناه إنهم مسكوا أهم واحد في المقاومة الليبية. حماده: كان عنده كام سنة وقتها بقى؟ شريف: 73 سنةةة. حماده: يبووووي، ده أنا عندي 23 سنة بطلع السلم بكون موت 🫠 عبدالله: وإنت هتقارن نفسك بأسد الصحراء ياااض؟ 🤨😂 شريف: خلونا نكمل، ونحكي عن يوم إعدام عمر المختار. عبدالله: وييجي يوم 16 سبتمبر 1931، عشان يكون واحد من أكتر الأيام الحزينة في تاريخ المقاومة الليبية، وهو يوم إعدام الشهيد عمر المختار. حماده: كان محبوب كده؟ شريف: أكيد، ده واحد ضحّى بحاجات كتير عشان بلده، وفضل يقاوم الاحتلال لآخر لحظة، وللأسف دي كانت نهايته.

«نحن لا نستسلم، ننتصر أو نموت، وهذه ليست النهاية، بل سيكون عليكم أن تحاربوا الجيل القادم والأجيال التي تليه، أما أنا فإن عمري سيكون أطول من عمر شانقي».

حماده: ما شاء الله بجد، حبيت شخصيته جدًااا. عبدالله: عارفين يا رجالة، اللي عجبني في عمر المختار مش بس شجاعته، لكن إنه فضل متمسك بمبادئه رغم كل الصعوبات. حماده: طب يا عم عبدالله، ماشي اتعلمنا إنه بطل.. بس هو إحنا نطلع من القصة دي بإيه غير إننا نعرف مين أسد الصحراء؟ 😂🙄 عبدالله: إنك متتنازلش عن مبادئك لمجرد إن الطريق صعب، وإن قيمة الإنسان مش في عمره قد ما هي في الأثر اللي بيسيبُه وراه. شريف: وعلشان كده لحد النهارده لسه فاكرينه، رغم مرور السنين. عبدالله: بالظبط، ومش لازم تكون مشهور عشان يبقى ليك أثر، المهم تعمل حاجة تستحق إنها تتفتكر. شريف: بجد شخصية تستحق كل التقدير، ويستحق لقبه أسد الصحراء. ❤️ حماده: السؤال الأهم بقى، إزاي الجمل مش أسد الصحراء؟! ده أنا حافظها من الحضانة 😂🙄 شريف: سفينة الصحراء يا جاااهل! 😂 عبدالله: بقولك يا شيفو، خد الواد ده واطلعوا بره! 🙂😂

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

01 | أسد الصحراء 🦁

حماده: بصوا بقى، قعدة كل يوم دي مش جاية معايا. شريف: ليهه يا حبيبي؟ 🤨😂 حماده: ملل، نروح نقعد نشرب حاجة ونمشي. عبدالله: طب بقولكوا إيه، تعالوا نقعد عندي، محدش في البيت ومعايا ألعاب نلعبها. حماده: هو ده 😎 شريف: يلا بينا. .....................؛ وصلوااا البيت 🏠 عبدالله: بصوا، معايا ألقاب أشخاص، هقول اللقب وانتوا تخمنوا، والصح ياخد نقطة، والجولة من 10، واللي هيكسب يحكم ع التاني. حمادة: موضوع إن دماغي تخينة دا طلع بجد، مش فاهم حاجة 🙂 شريف: نفسي تشغل البطاطساية دي. عبدالله: يلا نبدأ وهتفهم. عبدالله: مين هو أبو الكيمياء؟ حماده: خالد صقر 🤔 عبدالله: هموت مجلووووط 🙂😂😂 حماده: إيه، مش هو؟ 🤨 شريف: قول اختيارات وسيبك من الواد ده. عبدالله: ابن سينا، جابر بن حيان، ابن الهيثم. شريف: بن حيان. عبدالله: صح. 1-0 لشيفو. حماده: إيه دهه، انتوا بتلعبوا في التاريخ 🙄 عبدالله: أصلًا 🙂😂 2- مين هو سيف الله المسلول؟ حماده: خالد بن الوليد. عبدالله: أوعاااااا 🎉 شريف: طلع بيدح من ورانا 😂 عبدالله: اللي بعده، مين هو أسد الصحراء؟ حماده: الجمل 😏 شريف: يحزززني 🙂😂😂 عبدالله: أنا ماشي 🤒😂 حماده: مش هو 🙃

شريف: عمر المختار. حماده: بيبيع إيه ده 🙄 عبدالله: مش عارف عمر المختار بجد 🤦🏻 شريف: يعم ده نايم في مية المخلل. حماده: هتشقطوني لبعض؟ قولولي مين ده! عبدالله: عمر المختار ده كان مزهّق الاحتلال الإيطالي وهو عنده 73 سنة. حماده: ده طلع حجوج خطر 💪🏻😂 شريف: طب بقولكوا إيه، تعالوا نتكلم عنه، واللي عارف معلومة يقولها ونسلي نفسنا. حماده: أنا معرفش حاجة ☝🏻 عبدالله: إنت تخرس خالص 😂 حماده: إنتوا الخسرانين 😏 شريف: شكلي هسكت زيك، أنا عارف شوية حاجات بسيطة 🤦🏻 عبدالله: طب هقول، واللي عنده حاجة يبقى يضيفها. عبدالله: عمر المختار كان رجل ليبي مسلم ومتدين كمان، ما شاء الله. حماده: الشيخ عمر ☝🏻 حماده: كان شغال إيه بقى؟ شريف: اللي أعرفه إنه كان شيخ بيعلّم الناس، وكان حتة تقيلة في البلد، أي خناقة أو كده كان هو اللي بيحلها دايمًا. عبدالله: بالظبط. حماده: كان شيخ البلد 😂 عبدالله: ولااااا، روح بيتكوا 😒😂 حماده: خلاااص يا عم، متزقش 🤨 حماده: المهم هو دخل الجيش وبقى بيحارب ولا إيه؟ عبدالله: لا، عمر المختار كان رجل وطني وبيحب بلده، ولما شاف الاحتلال الإيطالي وإن فيه ناس بتموت، شارك في مقاومة الاحتلال، وبقى من أبرز قادة المقاومة الليبية. شريف: لسه وأنا ببحث عنه اكتشفت إن الاحتلال كان سنة 1911، أنا أما كنت بسمع عمر المختار بحسه أيام صلاح الدين الأيوبي والناس دي. حماده: أوعا تاريخ إنشاء الزمالك 😂 شريف: نفسي أدخل العالم الموازي اللي إنت فيه ده 😂😂 عبدالله: نكمل ونبطل عبث 😂 عبدالله: عمر المختار كان شخص ذكي وقيادي، قدر يقف في وش الإيطاليين لفترات طويلة. شريف: طب ليه الإيطاليين ممسكهوش؟ حماده: إنت عايز تبوظ القصة طيب 😒 عبدالله: يا ابني ما هو ده اللي كان مجنّنهم! عمر المختار كان عارف طبيعة الأرض كويس، وكان بيعتمد على حرب العصابات والهجمات السريعة، فكان صعب على الإيطاليين يسيطروا على المقاومة بسهولة. شريف: كان ماشي بمبدأ انتش واجري 😂 عبدالله: وفضلوا على الحال ده سنين كتير، وعمر المختار وقتها كان عدى الخمسين بكتير. حماده: يا ابن اللعيبة يا جدي 😂

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

{ خَارِجَ الإِطَار }

هنا هنبص على مجموعة من الشخصيات السياسية والتاريخية، مسلمين وغير مسلمين، لكن من منظور مختلف؛ نحاول نشوف جوانب من حكاياتهم يمكن مكنّاش نعرفها، ونفهم مواقفهم وتجاربهم، ونتعلم من رحلاتهم. مش مجرد حكايات عن شخصيات عاشت وصنعت تاريخ، لكن مساحة نكتشف فيها أفكار مختلفة، ونعرف معلومات جديدة، ونشوف الصورة من زاوية تانية. إن شاء الله تكون سلسلة ممتعة ومليانة بالمعرفة، وتستحق إننا نقف عند كل حكاية فيها.

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓