𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

🖤🖤

ومتنسوش عمي وكل أموات المسلمين من دعائكم ربنا يرحمهم ويغفرلهم ويسكنهم فسيح جناته.

{ مناظرة عَ الضيق }

مازن: سلام عليكم إزيك يا شيخ الشيخ حامد: عليكم السلام إزبك يااااااا؟؟! مازن: مازن إسمي مازن الشيخ حامد: عاشت الأسامي يا مازن مازن: تسلم يا شيخ، كان عندي شوية اسئلة شاغله تفكيري دائماً ناحية القرآن وعايز إجابات مقنعه موافق؟ الشيخ حامد: اه طبعا وثانيه هجيبلك واحد من تلاميذي برضو يمكن هو يوصل لدماغك أسرع مازن: تمام مفيش مشكلة الشيخ حامد: عبدالله يا عبده عبدالله: نعم يا شيخ الشيخ حامد: تعالي مازن عنده اسئلة في شوية حاجات بما يخص القرآن وعايز يقتنع مازن: طب بقول اي ما نخليها مناظرة ع الضيق كدا 😂✊🏻 عبدالله: ومالهه يلا نبدأ

مازن: طب خلينا نبدأ.. إيه هو القرآن أساسًا؟ عبدالله: القرآن كلام ربنا اللي نزّله على سيدنا محمد ﷺ، عشان يهدينا ويعلّمنا الصح من الغلط، ونفهم منه ديننا ونتعلم من قصص اللي قبلنا. مازن: طب ما أنا ممكن أسمع شيوخ يشرحوا الدين، إيه لازمة إني أقرأ القرآن بنفسي؟ عبدالله: ما هو الشيوخ بيشرحوا القرآن والدين، بس ده مش معناه إننا نستغنى عن القرآن نفسه.. إنت محتاج تسمع الشرح، ومحتاج تقرأ كلام ربنا وتفهمه برضو. الشيخ حامد: وربنا قال: ﴿إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ﴾. يعني القرآن بيرشدنا للطريق الصح، مش بس في عبادتنا، لكن كمان في حياتنا وتصرّفاتنا. مازن: طب ما في ناس بتقرأ قرآن وبتكدب وبتظلم غيرها! إيه الفايدة بقى لو القراءة مش بتغيّرهم؟ عبدالله: هو لما الدكتور يقولك إن التدخين مضر، إنت كده خلاص بطّلت؟ مازن: لا طبعًا، بس إيه علاقة ده بده؟ 😂 عبدالله: أهو إنت عرفت الصح، بس لسه محتاج تطبّقه. نفس الكلام مع القرآن، مش مجرد إنك تقرأه تبقى عملت كل اللي فيه، لازم تفهمه وتحاول تعمل بيه. مازن: طب ساعات بقرأ قرآن ومبحسش بأي تأثير، كأني بقرأ كلام عادي! عبدالله: طب إنت وإنت بتقرأ، بتقف تفهم معنى الآيات؟ ولا كل همك تخلّص الورد وخلاص؟ مازن: بصراحة ساعات ببقى عايز أخلّص وخلاص. عبدالله: جرّب تقرأ على مهلك وتفهم المعنى، مش لازم تقرأ كتير.. المهم تدي الكلام فرصة يوصل لقلبك وعقلك.  مازن: طب والقرآن فعلًا بيهوّن على الواحد زعله؟ ولا إحنا بنقول كده وخلاص؟ عبدالله: يا سيدي، لما تبقى مضغوط وتقرأ آية تفكّرك برحمة ربنا، أو تصبّرك على حاجة إنت بتمر بيها، مش ده ممكن يهوّن عليك؟ مش شرط مشكلتك تتحل في ساعتها، بس نظرتك ليها ممكن تتغيّر. الشيخ حامد: وربنا قال: ﴿أَلَا بِذِكْرِ اللَّهِ تَطْمَئِنُّ الْقُلُوبُ﴾. يعني ذكر ربنا سبب لطمأنينة القلب، والقرآن من أعظم الذكر. مازن: طب أنا ساعات لما بسمع القرآن بتأثر أكتر ما بقرأه بنفسي، كده السماع أحسن؟ عبدالله: مش لازم نقارن بينهم يا مازن، اسمع واقرأ، الاتنين خير.. بس متخليش سماعك يمنعك إنك تفتح المصحف وتفهم بنفسك. مازن: طب لو حفظت قرآن وبعدين نسيت اللي حفظته، يبقى أنا تعبت على الفاضي؟ عبدالله: يعني إنت لو نسيت معلومة اتعلمتها، هتقول مش هتتعلم تاني؟ 😂 راجع اللي حفظته وحاول تفهم معناه، والنسيان مش معناه إنك تستسلم. مازن: طب واللي بيغلط كتير وهو بيقرأ، أو القراءة بتبقى صعبة عليه؟ عبدالله: يكمل ويتعلم واحدة واحدة، مش لازم يبقى ممتاز من أول يوم. الشيخ حامد: والنبي ﷺ قال: «والذي يقرأ القرآن ويتتعتع فيه وهو عليه شاق له أجران» رواه مسلم. يعني اللي بيجاهد نفسه في القراءة رغم صعوبتها ليه أجر عظيم. مازن: طيب يا عبدالله، أبدأ بإيه بقى؟ أحفظ ولا أقرأ ولا أسمع؟ عبدالله: يا عم إنت هتقعد تشتت فيييي نفسككك لييي ابدأ بحاجة بسيطة تقدر تستمر عليها؛ اقرأ كل يوم ولو صفحة، اسمع قرآن، وافهم معنى اللي بتقرأه، ولو بتحفظ راجع اللي حفظته. مازن: طب معنديش وقت في يومي عبدالله: يعني مثلاً لو بصيت في يومك مش هتلاقي اكتر من 5 ساعات مش بتعمل حاجه دا الصفحه مش بتأخد دقيقه ولو قعدت تفهم وتقرأ تفسير كلها خمس دقايق مازن عندك حق بحب استني ظروف مثاليه عبدالله: متستناش الظروف تبقى مثالية، ابدأ باللي تقدر عليه وزوّد واحدة واحدة. الشيخ حامد: المهم يا مازن إن القرآن يبقى ليه نصيب في يومك، مش مجرد كتاب على الرف، ولا صوت بنسمعه وخلاص.

مازن: خلاص يا عم عبدالله، اقتنعت.. بس متفتكرش إنك كسبت المناظرة بسهولة،هاتلي رقمك بقا نعمل مناظرات ع الضيق ✊🏻 عبدالله: بلاش عشان هكسر الخط لو رنيت😂 الشيخ حامد: عيب يا عبدالله اديله رقمك بدل ما يطلب رقمي انا😂 مازن اللي تشوفه يا شيخنا الشيخ حامد : بهزر معاك لو حبيت تسأل في اي حاجه تعلالي بين الصلوات او اقعد مع عبدالله

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

🤍