𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

الحلفان ليه أنواع، ومش كلهم زي بعض: 1️⃣ اليمين المنعقدة: تحلف على حاجة هتعملها، وبعدها متعملهاش. ➡️ عليها كفارة: إطعام 10 مساكين، أو كسوتهم، فإن لم تجد فصيام 3 أيام. 2️⃣ اليمين الغموس: تحلف كذب وإنت عارف إنك كذاب. ➡️ من الكبائر، والواجب التوبة والاستغفار ورد الحقوق لو ترتب عليها حق. 3️⃣ يمين اللغو: حلفان بيطلع من غير قصد، أو تحلف وإنت فاكر إن كلامك صح وطلع غلط. ➡️ مفيهوش إثم ولا كفارة. 4️⃣ الحلفان بغير الله: زي «والنبي، وأبويا، والكعبة». ➡️ مينفعش الحلف بغير الله، والحلف يكون بالله وحده.(يعتبر شرك)

﴿وَلَا تَجْعَلُوا اللَّهَ عُرْضَةً لِّأَيْمَانِكُمْ﴾

زَلّـــة....🖤

عبدالله: إيــــه يا حماضهه 🙄😂 حمادة: چلب حماضههه، عاش من شافك يا عم. عبدالله: يا عم أنا لسه سايبك في الشغل من ساعة، إحنا هنهزر؟ حمادة: أيوه يا عم، ساعة كتير. 😂 عبدالله: إنت لحقت تتعلم الشغل الحمصي ده؟ 😂😂 حمادة: عيب عليك. 😂 عبدالله: أمال الواد شريف فين؟ حمادة: مش عارف، فص ملح وداب... رن عليه كده. ــــــــــــــــــــــــــــ عبدالله: بيرن... علي: تليفونك بيرن يااض. شريف: كمل بس الهجمة دي. علي: مين بيرن عليك؟ شريف: ده عبدالله وحمادة، أكيد عايزين حاجة. علي: طب ما ترد عليهم؟ شريف: لا يا عم، هخلص لعب معاك وأروح لهم. علي: ماشي يلا. ــــــــــــــــــــــــــــ عبدالله: مش بيرد، زمانه نايم. حمادة: تعالى نشرب حاجة ع ما الماتش يبدأ. عبدالله: ماشي يلا، أنا جوافة. حمادة: بقولك يا ريس، واحد مانجا وواحد جوافة. الويتر: حاضر، خمس دقايق ويكون جاهز. حمادة: ماشي، يكون الماتش بدأ. عبدالله: لسه ساعة ع الماتش يا ابني، الماتش الساعة تسعة. حمادة: الماتش 8 والله، أنا شايفها امبارح. عبدالله: متحلفش بس. حمادة: طب استنى الويتر ييجي ويجيب القناة. الويتر: العصير يا شبااب. حمادة: بقولك يا صاحبي، ما تجيبلنا الماتش؟ الويتر: لسه مبدأش، بس هجيبهالكوا. عبدالله: متبقاش تحلف تاني بقا. 😒🔪 حمادة: طب استنى أكلم الواد علي، عشان كان بيقولي أما تيجي تسمع الماتش رن عليا. عبدالله: ماشي، هدخل الحمام وأجي. حمادة: ماشي.

حمادة: إيه يا علوه، فينك كده؟ علي: موجود أهو، كنا بنلعب بلايستيشن. حمادة: إنت ومين؟ علي: أنا وشريف. حمادة: أمال هو فين؟ علي: سابني، قالي هيروح مشوار ويجيلكوا. حمادة: ماشي، ابقى تعالى بقا وأنا هكلمه. عبدالله: علي قالك إيه؟ حمادة: شوية وهيجي، استنى أكلم شريف يجبلي الساعة. حمادة: إيه يا شريف، إنت فين؟ شريف: في مشوار وجاي أهو. حمادة: طب متنساش الساعة عشان محتاجها ضروري. شريف: هجيبهالك والله، خلاص. حمادة: ماشي، يلا سلام. عبدالله: هو كان فين ومبيردش علينا؟ حمادة: كان بيلعب بلايستيشن. 🙄

شريف: يا هلا بأخواتي المحترمين. 😇 عبدالله: يا أهلا. 😏 شريف: ماله ده؟ مش طايقني كده ليه؟ حمادة: عشان كارف ومبتردش. شريف: عيب عليك، كنت نايم والله. حمادة: متحلفش بس، إحنا عرفنا اللي فيها. عبدالله: وبتحلف كمان؟ 🙄 شريف: خوفت تزعلوا والله. حمادة: طب فين الساعة؟ شريف: مجبتهاش، هجيبهالك في الشغل. حمادة: يبني إنت حلفتت... صوم 3 أيام بقا. 😂 عبدالله: إنت عايز قعدة بقا؟ حمادة: هتتنفخ يا شيفو. 😁 شريف: أنااااا عملت إييييييه؟! 😭

عبدالله: إنت ما شاء الله جمعت بين حلفانين حرام... هتجلطنيييي. 🫩 شريف: بجد؟ 🙂🙂 حمادة: مش فاهم حاجة، بس ربّيه الواد ده. 😂 عبدالله: بصوا بقا، الحلفان ليه أنواع، عندنا اليمين المنعقدة، واليمين الغموس، واليمين اللغو، والحلفان بغير الله. ــــــــــــــــــــــــــــ شريف: أنا عملت أنهي بقا؟ 🤔🙂 عبدالله: الغموس والمنعقدة. حمادة: الغموس ده الحلفان الكذب، صح؟ عبدالله: صح. حمادة: عيب عليك بقا. 😎 شريف: معلش اشرحلي، عشان دماغي بقت تخينة. عبدالله: من كتر القعدة مع حمادة. 😂 حمادة: طب أنا مالي دلوقتي 🫪 عبدالله: بص يعم، الحلفان الغموس ده إنك تحلف على حاجة حصلت وإنت عارف إنها كدب، زي حلفانك دلوقتي إنك كنت نايم وإنت كنت بتلعب. شريف: دي كفرتها الصيام صح؟ 😭 عبدالله: لا، دي ملهاش كفارة زي اليمين المنعقدة، دي ذنب كبير، وتوب لربنا واستغفره. شريف: فهمت. 😭😭 حمادة: أنا عارف المنعقدة دي، اللي هو تحلف على حاجة هتحصل ومتحصلش، وكفارتها الصيام. عبدالله: مش بالظبط، الكفارة ليها ترتيب: يا إما تطعم 10 مساكين، أو تكسو 10 مساكين، وفي تحرير رقبة... وده مش موجود دلوقتي، ولو مش قادر على كل ده تصوم 3 أيام. شريف: ده حلفان الساعة بقا. 😢 إن شاء الله هطعم 10 مساكين. حمادة: طب فين باقي الحلفانات؟ عبدالله: في اللغو، وده مش حرام، زي حلفان يطلع منك من غير ما تقصد، أو تحلف على حاجة وإنت فاكرها صح وطلعت غلط، زي حلفانك يا حمادة على معاد الماتش. شريف: أنا منيي لله. 😭😭 عبدالله: المهم تكونوا اتعلمتوا. وآخر حاجة، الحلفان بغير الله، زي إنك تقول: والنبي، والكعبة، وأبويا... والحلفان يكون بالله بس. شريف: فهمت خلاص، إن شاء الله مش هتتكرر. حمادة: وحياة أمك دوقني الجوافة كده. عبدالله: يا بنيييييي، قولتلك متحلفش بحاجة غير ربنا! 🤦🏻🤦🏻 شريف: خد السكينة أهي. 🙂😂 عبدالله: يلا انت وهو قبل ما اقتل حد 😒 حمادة: اطيرررر انا بقا🏃🏻

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

ولو حد حابب يشوف القصص القديمة هيلاقيها في البوت ده

مضى عامُ عُمري، واستهلَّ جديدُهُ فالحمدُ للهِ على ما كانَ وما سيكونُ

«وما نَدِمَ الإنسانُ على ما فاتَهُ ولكنْ على خطبٍ أعادَ وقوعَهُ»

«هو معقول أعمل كل ده ومَيقدّرنيش في الآخر؟»

ومش شرط عشان تعمل حاجة حلوة تتقدّر، الشرط إن اللي بتعمل معاه يكون ابن أصول.

صلوا عليه وسلموا تسليماً..... ﷺ

🫰🏻🤍

واللي بيتباهى إنه بيعرف يوجع الناس بكلامه أو يكسرهم بتصرفاته، محتاج يراجع نفسه، لأن الرحمة والإنسانية مش ضعف. قبل ما تأذي حد، أو تساعد غيرك في أذيته، فكّر في أثر اللي بتعمله، ومتفتكرش إن الأذى هيروح من غير حساب.

خلّونا نقتدي برسول الله ﷺ، ونحسّن أخلاقنا ومعاملتنا للناس.

جيبوا 5 نفرات ينوروا القناه👈👉

🤍🤍