417
订阅者
-224 小时
+37 天
+4330 天
帖子存档
416
أهلًا ..
انا عارف اني المفروض قفلت التشانل فترة وكده
ودي حقيقة ولسه مستمر كمان
بس انا هطلع من عند الكل علشان التشانلز بتاعتكوا حلوة وانا بضيع وقتي فيها الحقيقة
وفي نفس الوقت ليكم حرية تخرجوا من هنا وصدقوني انا مش هزعل من حد
هفضل في تشانلز صحابي بس علشان دمهم تقيل ومش بقعد في التشانلز بتاعتهم اصلًا
انتوا ممكن تنسوني عادي .. بس متنسوش تدعولي بالله ❤️
416
من كام يوم كنت قاعد في المترو ..
وببص على الناس وهُما مجرد ناس عابِرة لاقيت ان انا مش المَين كاراكتر .. وفي لحظة ادراك ﻻقيت ان كل واحد عنده حياته وذكرياته وناسه وهمه وحزنه .. وانا كمان كنت في قمة حُزني بسبب ضغوطات كتير عندي .. بصيت عليهم وعلى ملامح كل حد فيهم .. لاقيت اللي حزين واللي فرحان واللي تعبان .. كل واحد عنده مشاعر تخصه محدش يعرف عنها حاجة لاقيت اللي خسر فلوسه واللي خسر عياله واللي فقد اطرافه واللي ساب شغله واللي طلق مراته .. في الحقيقة عرفت ان همومي صغيرة بجد .. عرفت انها مش هموم اصلًا وفي الأوحش والأسوء بكتير مني .. ودايمًا تكون حاطط في بالك أن أي مُشكلة تقدر تحلها متبقاش مُشكلة بجد أسعى وحاول تِحلها .. وأعرف ان همك اقل من هموم ناس كتير .. وان انت بجد في نِعم كتير جدًا وعظيمة جدًا فأحمد ربنا عليها .. وما الحزن إلا شعور نابع من وَساوِس الشيطان فاستعيذ ربنا منه .. ودايمًا ترضى وتدعي ربنا يهديك ويُيَسر أمرك ويُصلح حالك ..الحمدُ لله حتى يبلُغ الحَمد مُنتهاه
